1 Museynne Aaroni kaalethin, Isra7eele asay, banta cugan cugan Gibxefe keyidi siiratida gutata odiya taarikey haysa. 2 Goday Kiittidaysa mela Musey enti siiratida bessata sunthaa ubbaa kaali kaali xaafis.

3 Isra7eele asay koyro ageenan, tammanne ichashantho gallasan, Paasika bonchiya nam7antho gallas dendidi, Gibxe asa ubbay be7ishin, yayyonna Ramisepe keyidosona. 4 He wode Gibxe asay Godaa gadon hayqida banta bayra nayta moogosona. Hessada oothidi, Goday enta xoossata bolla pirda ehis.

5 Isra7eele asay Ramisepe dendidi Sukota geetetiya bessan dunkaanidosona.

6 Sukotape dendidi mela biitta gaxan de7iya Etaaman dunkaanidosona.

7 Etaamape dendidi Ba7ali-Xafoonape doloha baggan de7iya Pihahiroota simmidi Migdoola matan dunkaanidosona.

8 Pihahirootape dendidi, Zo7o Abbaa pinnidi, Suuza mela biitta bidosona. Etaama mela biittan heedzu gallas hemetidi Maaran dunkaanidosona.

9 Maarape dendidi tammanne nam7u pultotinne laapun tammu zambati de7iya Eliman dunkaanidosona.

10 Elimape dendidi Zo7o Abbaa matan dunkaanidosona.

11 Zo7o Abbaa matape dendidi Siina mela biittan dunkaanidosona.

12 Siina mela biittafe dendidi Rafaqan dunkaanidosona.

13 Rafaqape dendidi Elusan dunkaanidosona.

14 Elusape dendidi haathi bayna bessan Rafidiman dunkaanidosona.

15 Rafidimape dendidi Siina mela biittan dunkaanidosona.

16 Siina mela biittafe dendidi Kibirooti Hati7awan*Kibirooti Hati7awan: Amo duufo geetetiya bessi. dunkaanidosona.

17 Kibirooti Hati7awape dendidi Haxerootan dunkaanidosona.

18 Haxerootape dendidi Irtiman dunkaanidosona.

19 Irtimape dendidi Irmoon-Pareezan dunkaanidosona.

20 Irmoon-Pareezape dendidi Libinan dunkaanidosona.

21 Libinape dendidi Irisan dunkaanidosona.

22 Irisape dendidi Qahelatan dunkaanidosona.

23 Qahelatape dendidi Shefara zuman dunkaanidosona.

24 Shefara zumaape dendidi Haraadan dunkaanidosona.

25 Haradape dendidi Maqhelotan dunkaanidosona.

26 Maqhelotape dendidi Tahatan dunkaanidosona.

27 Tahatape dendidi Taaran dunkaanidosona.

28 Taarape dendidi Mitiqan dunkaanidosona.

29 Mitiqape dendidi Hashimoonan dunkaanidosona.

30 Hashimoonape dendidi Moserootan dunkaanidosona.

31 Moserootape dendidi Ben-Ya7iqanan dunkaanidosona.

32 Ben-Ya7iqanape dendidi Hoor-Hagidigaadan dunkaanidosona.

33 Hoor-Hagidigadape dendidi Yoxibaatan dunkaanidosona.

34 Yoxibaatape dendidi Abroonan dunkaanidosona.

35 Abroonape dendidi Exiyoon-Gabiran dunkaanidosona.

36 Exiyooni-Gabirape dendidi Siina mela biittan Qaadesan dunkaanidosona.

37 Qaadesape dendidi Edoome biitta zawan de7iya Hoora zuman dunkaanidosona. 38 Kahiney Aaroni Godaa kiitan Hoora zuma bolla keyidi, Isra7eele asay Gibxe biittafe keyida oytamantho laythan, ichashantho ageenan, koyro gallasan yan hayqis. 39 Aaroni Hoora zuma bolla hayqiya wode iyaw laythi xeetanne laatamanne heedza.

40 Negebe mela biittan Kanaanen de7iya Arada Kawoy Isra7eele asaa yuussaa si7is.

41 Isra7eele asay Hoora zumaape dendidi Xalmoonan dunkaanidosona.

42 Xalmoonape dendidi Punoonan dunkaanidosona.

43 Punoonape dendidi Obotan dunkaanidosona.

44 Obotape dendidi Moo7abe biitta zawan de7iya Abariiman dunkaanidosona.

45 Abariimape dendidi Diboon-Gaadan dunkaanidosona.

46 Dibon-Gaadape dendidi Almoon-Dibilatayman dunkaanidosona.

47 Almoon-Dibilataymape dendidi Nabo zuma sinthan Abariima zumata bolla dunkaanidosona.

48 Abariima zumatape dendidi Iyaarkofe hefinthan, Yordaanose shaafa matan de7iya Moo7abe denban dunkaanidosona. 49 Yordaanose shaafa matan de7iya Moo7abe denban, Beet-Yashimootapenne Abeel-Saxima Zangaarape giddon dunkaanidosona.

50 Iyaarkofe hefinthan, Yordaanose shaafa matan de7iya Moo7abe demban Goday Museko, 51 “Isra7eele asaas yaagada oda; Yordaanose shaafa pinnidi, Kanaane biitta hinte geliya wode 52 he biittan de7iya asa ubbaa hinte sinthafe yedethite. Shuchafe masetidi oosetida misiletanne sheeshidi medhida eeqata dhaysite. Dhoqa goyinno bessata ubbaa laallite. 53 He biitta ta hintew immida gisho iya laattidi yan de7ite. 54 Hinte kochan kochan saama kessidi biitta shaaketite. Taybon dariya kochatas dalga laata immite; taybon guuxiya kochatas guutha laata immite. Saaman enta gakida biittay entaba gidana. Biittaa hinte mayzata kochan kochan shaakidi ekite. 55 Shin he biittan de7iya asaa hinte yedethonna ixiko, hinte ashshidaysati hinte ayfiyas pinco, hinte miyiyas agunthu gidana; hinte daana biittan ubba wode ola denthidi hintena waaysana. 56 Hinte enta yedethonna ixiko, ta enta bolla oothanaw halchidaba hinte bolla oothana gada oda” yaagis.