3
Meto Be7iya Ura Woosa
Dawiti ba na7a Abeseloomepe baqatida wode xaafida mazmure
1 Abeeti Godaw, ta morketi ay mela daridona!
Ta bolla dendeysati aapune!
2 Daroti, “Xoossay iya ashshena” yaagidi,
tabaa haasayoosona.
Salah
*Mazmurey yexetiya wode azmaachesinne paydos giddon Godaa bonchoos kaa7etiya muuzuqa kaasse. Shin qaala birshethay eretenna. 3 Shin abeeti Godaw, ne taw gondalle;
ta bonchoynne tana dhoqu oothey nena.
4 Ta qaala dhoqu oothada Godaako waassayis.
I ba geeshsha zumaape taw zaarees.
Salah
5 Goday tana naagiya gisho,
ta zin7asinne dhiskas
hirgi bayna barkas.
6 Ubba bessara ta bolla dendida,
daro mukulu asaas yayyike.
7 Abeeti Godaw, denda!
Abeeti ta Xoossaw tana ashsha!
Ta morketa gacuwa shoca;
iitata acha mentha.
8 Xoonoy Godaasa;
Godaw, neeni ne asaa anja.
Salah
*3:2 Mazmurey yexetiya wode azmaachesinne paydos giddon Godaa bonchoos kaa7etiya muuzuqa kaasse. Shin qaala birshethay eretenna.