146
Kawotan Ammanetofite
1 Godaa galatite!
Ta shempe Godaa galata!
2 Ta de7o laytha ubban Godaa galatana;
ta de7ida wode ubban ta Xoossaa sabbana.
3 Halaqatan ammanetofite;
ashshanaw danda7onna asa na7an ceeqetofite.
4 Enta shempoy keyiya wode biittako simmoosona;
enta halchoy ubbay he gallas aadhees.
5 Yayqooba Xoossay maaddiya asinne
Godaa, ba Xoossan ufaysi oothiya asi anjetidaysa.
6 Goday salonne sa7aa,
abbanne iya giddon de7iya ubbaa medhis;
Xoossay merinaw ammanetees.
7 Goday un7etidaysatas pirdees;
koshatidaysatas kathi immees;
Goday qashetidaysata birshees;
8 Goday qooqeta xeelisees.
Goday kundidaysata denthees;
Goday xillota dosees.
9 Goday bete asata naagees;
Am7etanne yi7o nayta maaddees;
shin iitata ogiya dhaysees.
10 Goday merinaw kawotana;
Xiyoone, ne Xoossay,
yeletethafe yeletethi gakanaw kawotana.
Godaa galatite!