18
Babiloone Kundethaa
1 Yaatidi, gita maati de7iya hara kiitanchoy salope wodhishin ta be7as. He kiitanchuwa bonchoy sa7a poo7isis. 2 He kiitanchoy ba qaala dhoqu oothidi,
“Iya kundasu! Gita Babilooney kundasu!
Babilooney tuna ayyaanati aqiya bessi gidasu.
Dumma dumma iitabatas keethe gidasu;
tuna kafotinne do7ati shempiya bessi gidasu.Isa 21:9; Ermi 51:8; Qon 14:8; Isa 13:21; Ermi 50:39.
3 Asa koche ubbaa ba laymatetha woyniya ushshasu.
Sa7aa kawoti iira laymatidosona.
I miikotethaafe dendoysan
biittan de7iya zal7anchoti duretidosona”
yaagis.Isa 23:17; Ermi 51:7.
4 Hessafe guye, ta salope haysada giya hara qaala si7as.
“I nagaraa iira koxonna melanne,
iya ekanaw de7iya seera hinte ekonna mela,
ta deriyaw iipe keyite.Isa 23:17; Ermi 51:7.
5 Hiza, I nagaray salo gakanaw dooretis.
Xoossay I naaquwa akeekis.Medhe 18:20.
6 Iya immidaysa mela zaaridi iw immite.
Iya oothida oosuwas nam7u kushe iw zaarite.
Iya giigisida ushsha bolla hinte nam7u kushe mathoyiya ushsha I xuu7an kunthite.Maz 137:8; Ermi 50:29.
7 Iya baw bonchetidaysadanne iw injetidaysa mela,
iyo metoothitenne kayoyite.
Iya ba wozanan,
‘Taani kaweeda uttas; ta azini bayna maccas gidike;
taani ubbaka kayotike’ yaagasu.
8 Hessa gisho, bosha ubbay,
hargey, kayoynne koshi iyo issi gallas oykana.
Qassi iya taman xuugetana;
ayis giiko, I bolla pirdiya Xoossay wolqaama”
yaagis.Isa 47:7-9.
9 “Iira laymatidaysatinne I miikotethan de7ida, alamiya kawoti he katamiya xuugetin keyiya cuyaa be7ida wode iw waassidi yeekana.Hiz 26:16-17. 10 Enti he katame waayiya be7idi yayyida gisho, haaki eqidi,
“ ‘Ha gita katame! Wolqaama katame!
Babiloone, nena ayye!
Neeni issi saate giddon ne pirda ekadasa’ yaagana.
11 “Enta markabiya caana hizape shammiya asi bayna gisho, sa7an de7iya zal7anchoti he katamaas waassananne kayotana.Hiz 27:31. 12 Enta worqa, bira, boncho shuchu, al7o shucha, kaalose ma7o, liino ma7o, haare ma7o, zo7o ma7o, dumma dumma sawo mithi, dangarsa zaale, al7o mithi, naase birata, goole shuchu,Hiz 27:12-13, 22. 13 qarafa, qimame, ixaane, karbe, shitto, woyne, zayte, lo77o dhiille, giste, mehe, dorse, para, para gaare, aylletanne hara asata shammiya oonika baawa.
14 “Zal7anchoti maccaseeko, ‘Neeni amotida lo77oba ubbay neepe dhayis. Ne aqoynne alleeqetidaba ubbay neepe haakis. Neeni zaarada enta ubbaa demmaka’ yaagidosona. 15 He kataman zal7idi duretida zal7anchoti I metuwa babidi iipe haakidi eqana. Enti yeekananne kayotana.Hiz 27:31. 16 Qassi,
“ ‘Liino, kaalose ma7onne zo7o ma7o ma7ada,
worqan, boncho shuchaninne inqo geetetiya al7o shuchan alleeqetida,
he gita katamees ayye! 17 Haysa mela gita shalo ubbay issi saate giddon dhayis’ yaagidosona.
“Markabiya laagiya ubbay, markabiyan biya ubbay, markabiya bolla oothiya ubbaynne abban zal7iya ubbay haaki eqidosona.Isa 23:14; Hiz 27:26. 18 He katamiya xuugetin keyiya cuyaa be7ida wode, ‘Ha gita katamiw daaniya hara katami de7ishsha?’ yaagidosona.Hiz 27:32. 19 Enti banta huuphen baana qolidi, waassidosonanne kayotidosona.
“ ‘Abbaa bolla markabeti de7iya ubbay,
I shaluwan duretida ubbay,
he katamiya issi saaten dhayida gisho,
ayye! Ayye!
20 Saluwaw, I dhayuwan ufayta!
Geeshshato, hawaareto, nabeto,
Xoossay hinte gisho I bolla pirdida gisho ufaytite’ yaagidosona.”Hiz 27:30; Zaare 32:43; Ermi 51:48.
21 Yaatin, mino kiitanchoy woxa daaniya gita shuchu denthidi abban holishe, “Gita katamiya Babilooney wolqan holettada haysada kundana; iya hachife guye ubbaka bentuku.Ermi 51:63. 22 Diithi diixeysatinne yexeysati, suusul7enne moyze punneysati, hizape guye ne giddon ubbaka si7etokona. Ay kocha zal7e zal7iya asika ne giddon bentenna. Woxa girsi hizape guye ne giddon si7etenna.Isa 24:8; Hiz 26:13.Ermi 7:34; 25:10. 23 Xompe poo7oy zaaridi ne giddon poo7enna. Macho ekeysinne azina geliyari qaali hizape guye ne giddon si7etenna. Ne zal7anchoti biitta ubban eretida wolqaamata. Ne bitan kawotethata ubbaa cimmadasa” yaagis.
24 Nabeta suuthay, geeshshata suuthaynne biitta bolla hayqida asa ubbaa suuthay I giddon bentida gisho Babilooney pirdetasu.Ermi 51:49.
18:2 Isa 21:9; Ermi 51:8; Qon 14:8; Isa 13:21; Ermi 50:39.
18:3 Isa 23:17; Ermi 51:7.
18:4 Isa 23:17; Ermi 51:7.
18:5 Medhe 18:20.
18:6 Maz 137:8; Ermi 50:29.
18:8 Isa 47:7-9.
18:9 Hiz 26:16-17.
18:11 Hiz 27:31.
18:12 Hiz 27:12-13, 22.
18:15 Hiz 27:31.
18:17 Isa 23:14; Hiz 27:26.
18:18 Hiz 27:32.
18:20 Hiz 27:30; Zaare 32:43; Ermi 51:48.
18:21 Ermi 51:63.
18:22 Isa 24:8; Hiz 26:13.
18:22 Ermi 7:34; 25:10.
18:24 Ermi 51:49.