13
Deriya Ayseysatas Kiitetethi
1 Xoossaa shene gidonashin maati imetonna gishonne ha77i de7iya shuumatika Xoossaa shenen shuumetida gisho asi ubbay deriya ayseysatas kiitetanaw bessees. 2 Hessa gisho, maatara de7eysatas kiitetonna ixiya oonika Xoossaa kiitaa ixees. Kiitetonna ixiya oonika ba bolla pirdaa ehees. 3 Ayseysati iita ootheysatape attishin, lo77o ootheyisata yashshokona. Ayseysatas yayyonna agganaw koyay? Yaako lo77o ootha; enti nena galatana. 4 Enti new lo77oba oothanaw shuumetida Xoossaa aylle. Shin neeni iitabaa oothiko, enti iitabaa oothidaysa seeriya gisho iyaw yayya. Enti iita ootheyisata seeridi, Xoossaa hanquwa qoncisiya Xoossaa aylle. 5 Hessa gisho, Xoossaa hanquwa xalaalas gidonashin, hinte kahay markatiya gisho deriya ayseysatas kiitetanaw bessees.
6 Hinte giira giireyka hessasa. Deriya ayseysati he oosuwa oothey, enti Xoossaa aylleta gidida gishosa.Maato 22:21; Mar 12:17; Luqa 20:25. 7 Issuwas issuwas besseysa immite. Giira giiranaw besseysas giirite; qaraxa qanxanaw besseysas qaraxa qanxite; yayyanaw besseysas yayyite; bonchoy besseysa bonchite.
Issoy Issuwara Dosetite
8 Issoy issuwara siiqetite. Siiqo acope attishin, hinte bolla hara acoy doopo. Ase siiqiya oonika higgey geysa polis. 9 “Laammofa; wodhopa; kaysotopa; amottofa” giya kiitaynne hara kiita ubbay, “Ase ne huupheda dosa” giya kiitan qashetis.Kessa 20:13-17; Zaare 5:17-19; Leewe 19:18. 10 Ase siiqiya oonika iya bolla iitabaa oothenna. Hessa gisho, ase siiqeysi higge kiitaa polis.
11 Dhiskofe hinte barkiya wodey ha77i gideysa akeekidi hessa oothite. Nu attana wodey koyro nu ammanida wodiyape ha77i nuuko matis. 12 Dhuma wodey aadhanaw hanees; wontay matis. Hiza, nuuni dhuma ooso aggidi poo7o ola miishe oykoos. 13 Ane gallas poo7on de7iya asada maaran de7oos. Mathoninne laymatethara gahetiya dumma dumma tuna oosotan,*Laymatethara gahetiya dumma dumma tuna oosotan: Woyko yethan, mathon, laymaton, qayxen gidopo gidi billanaw danda7etees. Laymatethara gahetiya dumma dumma tuna oosoti asi Xoossaa haarope kare keyidi do7a kando ekidi poliya ooso guussu. palamaninne qanaaten gidopo. 14 Godaa Yesuus Kiristoosa kanduwa ma7ite; hinte nagarancho asatethay ba amuwa polana mela iyaw qopofite.
13:6 Maato 22:21; Mar 12:17; Luqa 20:25.
13:9 Kessa 20:13-17; Zaare 5:17-19; Leewe 19:18.
*13:13 Laymatethara gahetiya dumma dumma tuna oosotan: Woyko yethan, mathon, laymaton, qayxen gidopo gidi billanaw danda7etees. Laymatethara gahetiya dumma dumma tuna oosoti asi Xoossaa haarope kare keyidi do7a kando ekidi poliya ooso guussu.