1 यहून्ना की चिट्ठी
1 यहून्ना की चिट्ठी
पैछान
1 यहून्ना की चिट्ठी प्रेरित यहून्ना द्वारा मसीह को जन्म का बाद 50 अरु 100 साल का बीच लिखी थी यहून्ना खुद लेखक रुप मे पैछान नी हइ लेकिन अरु यीशु को जी उठन का लिये एक गवाह हइ 1:1-3 यहून्ना की लिखक शैली यहून्ना रचित सुसमाचार जसो लेखन शैली जसो दिखस हइ असो मान्यो जास हइ कि यहून्ना जसो लिख्यो थो यहून्ना अरु चिठ्ठी 1 यहून्ना 2 यहून्ना का अरु 3 यहून्ना जबकी इफिस मे र्हेस हुये तीन चिठ्ठी हइ
यहून्ना एक टेम मे सभी मसीह होन खे या चिठ्ठी लिखी थी जब चर्च दुन्याहोन को समेत से परेशानी हूइ र्हि थी बुलायो ज्ञान मान आला ये दुन्या खे मानतो थो कि यीशु पूरी रीति से भगवान थो लेकिन उ वास्तव मे मास अरु खुन को एक आंग का सात एक इन्सान नी थो, जबकी धरती पर यो करण का लिये यहून्ना यीशु का जिवन का लिये एक गवाह मान्यो जास हइ अरु उ अपना ही हात यीशु 1:1-3 खे छिन का बारे मे लिखस हइ अपनी खुशी✡1 यूहन्ना 1:4 पुरो करण का लिये पाप✡1 यूहन्ना 2:26 से विश्वासीहोन की रक्षा करण का लिये कर्यो गयो थो,अरु विश्वासीहोन कि वे बची र्हिया हइ विश्वास दिलायु हइ 5:13.
रुप रेखा
1. यहून्ना अपनी चिठ्ठी कि पैछान देस हइ अरु येखे लिखन को एक उद्देश्य बतास हइ 1:1-4
2. फिर उ बतास हइ कि कसो परमेश्वर को उजालो हइ अरु हमखे यीशु का जसो जीवन जीनो चास 1:5—3:10
3. येका बाद उ हमखे एक दूसरा से प्रेम करण कि आज्ञा कि याद दिलास हइ 3:11—5:12
4. उ अपनी चिठ्ठी मे खतम करस हइ 5:13-21
1
जिवन को वचन
1 उ जिवन को वचन का बारे मे हम लिखस हइ जो पइइले से थो, जेखे हम ने सुन्यो अरु जेखे अपना आख से देख्यो, जेखे हम ने ध्यान से देख्यो अरु हात से छियो✡1 यूहन्ना 1:1. 2 यो जिवन प्रगट हुयो अरु हम ने ओका देख्यो अरु ओकी गवइ देस हइ अरु तुमखे अनन्त जिवन को समाचार देस हइ जो बाप का साथ थो अरु हम पर प्रगट हुयो✡यहून्ना 1:14. 3 जो कुछ हम ने देख्यो अरु सुन्यो हइ ओको समाचार तुम खे भी देस हइ येका लिये कि तुम भी हमारा साथ हिस्सेदार हो अरु हमारो यो मीलन बाप का साथ अरु ओको बेटो यीशु मसीह का साथ हइ. 4 अरु या बातहोन हम येका लिये लिखस हइ कि हमारो आनंद पुरो हुइ जाये.
परमेश्वर उजालो हइ
5 जो समाचार हमने ओकासे सुन्यो अरु तुमखे सुनास हइ उ यो हइ कि परमेश्वर उजालो हइ अरु ओमे कुछ भी अन्धारो नी. 6 अगर हम बोल्ये कि ओका साथ हमारो हिस्सेदार हइ अरु फिर अंधारा मे चलीये ते हम झुठा हइ अरु सच्ची पर नी चलीये. 7 पर अगर जसो उ ज्योति मे हइ असो हम भी ज्योति मे चलिये ते हम एक दुसरा का साथ हिस्सेदार रखस हइ अरु ओको बेटो यीशु मसीह को खुन हम खे सब पाप से अच्छो करस हइ.
8 अगर हम बोल्ये कि हमारा मे पाप नी हइ ते हम अपना आप खे धोको देस हइ अरु हमारा मे सच्चाइ नी हइ. 9 अगर हम अपना पापहोन खे मानी ले ते उ हमारा पापहोन खे माफ करस अरु हम खे सब अधर्म से अच्छो करणा मे विश्वास योग्य अरु न्यायी हइ. 10 अगर हम बोल्ये कि हम ने पाप नी करीयो ते ओखे झुठो ठैरास हइ, अरु ओको वचन हम मे नी हइ.