2 तीमुथियुस खे नाम पौलुस प्रेरित कि चिठ्ठी
2 तीमुथियुस का नाम पौलुस प्रेरित कि चिठ्ठी
परछान
तीमुथियुस का नाम पौलुस प्रेरित कि दूसरी चिठ्ठी 2 तीमुथियुस कि किताब प्रेरित पौलुस का दुसरो शिष्य ती तीमुथियुस का लिये दुसरी चिठ्ठी हइ. 2 तीमुथियुस पौलुस को जिवन को आखरी मे लिख्यो गयो थो. या टेम्म रोम ओका बंदी कर्यो गयो थो 1:16. पौलुस ने ती तीमुथियुस का सात घन्यो रितो रख्यो अरु अक्षर उनखे एक बेटा का रुप मे संदर्भित कऱ्यो फिलीपियो 2:221 तिमोथी 1:2; 1:18
यो पौलुस का चार बेटाहोन मे से एक हइ जेकी मंडली का बजाय कोय इन्सान खे संबोधित कऱ्यो जास हइ. दुसरी तीन असी चिठ्ठी 1 तीमुथियुस, तितुस, अरु फिलेमोन हइ. उ टेम का दौरान 2 तीमुथियुस लिखी गइ थी, रोमन सांराज्य मे मसीहोन खे सतायो जैय रो थो. शायद यो करण थी कि पौलुस ठाना मे थो अरु ती तीमुथियुस को दुख को सामनो करण को नीर्देश दि रो थो. 1 तीमुथियुस, मे पौलुस ने ती तीमुथियुस झुठो मास्तरहोन का बारे मे कोय चेतावनी दी 1 तिमोथी 1:16-18. व्हा ती तीमुथियुस खे बतास हइ कि आगे अच्छो टेम्म हुये 3:1
रुप रेखा
1. पौलुस तीमुथियुस 1:1-2 अभिवादन से सुरु होस हइ अरु फिर ओखे प्रोत्साहित करस हइ 1:3-18
2. तब व्हा तीमुथियुस खे सहन करण का लिये चुनौतीहोन देस हइ 2:14-26
3. हर टेम्म व्हा ओखे कुछ बराबरी मे नीर्देश देस हइ 3:1-2-8
4. पौलुस ती तीमुथियुस, लिये कुछ खुद, टिप्पणी, साथ खतम हुयोस हइ 4:9
1
अभिवादन
1 पौलुस का तरप से जो उ जिवन कि प्रतीज्ञा का जसो जो मसीह यीशु मे हइ, परमेश्वर कि इच्छा से प्रेरित हइ, 2 प्रिय बेटो तीमुथियुस का नाम परमेश्वर बाप अरु हमारो प्रभु मसीह यीशु का तरप से तोखे अनुग्रह अरु दया अरु शांती मीलती ऱ्हीहे.✡प्रेरित 16:1
धन्यावाद अरु प्रोत्साहन
3 जो परमेश्वर की सेवा मी अपना बापदादाहोन कि रीति पर अच्छा विवेक से करुस हइ, ओको धन्यवाद हुये की अपनी प्रार्थनाहोन मे रात दिन तोखे लगातार याद करस हुये. 4 अरु तरा आसुहोन की याद करीखे तरा से मीलन की आस रखुस हइ, कि आनन्द से भरी जायु. 5 अरु मी तरा उ नीष्कपट विश्वास कि याद आस हइ, जो पैयले तरी आजी लोइस, अरु तरी माय यूनीखे मे थी, अरु मेखे नीश्चय हुयो हइ, कि तरा मे भी हइ.✡प्रेरित 16:1 6 येका करण मी तोखे याद दिलास हुये खे कि तु परमेश्वर को उ वरदान खे जो मरा हात रखना का वजेसे तोखे मील्यो हइ प्रज्वलित कर. 7 क्युकी परमेश्वर ने हमखे भय की नी पर सामर्थ्य, अरु प्रेम, अरु संयम की आत्मा दी हइ.
खुसखबर का लिये इज्जित नी हुनु
8 येका लिये हमारा प्रभु कि गवाही देना से अरु मरा से जो ओको कैदी हुये खे इज्जित नी हुइ, पर उ परमेश्वर कि सामर्थ्य का जसो सुसमाचार का लिये मरा साथ दुख उठा.
9 जेने हमारो उध्दार कऱ्यो अरु पवित्र बुलाहट से बुलायो अरु यो हमारा काम जसो नी. पर अपनी मनसा अरु यो अनुग्रह का जसो हइ. यो यीशु मसीह मे अनादि काल से हम पर हुयो हइ, 10 पर अब हमारो उद्धारकर्ता मसीह यीशु को प्रगट होन, वजेसे प्रकाशन हुयो हइ. ओने मरन खे खत्म कऱ्यो कि अरु जिवन अरु अमरता को उ सुसमाचार का वजेसे प्रकाशन मान करी दियो. 11 जेका लिये मी प्रचारक का अरु प्रेरित, अरु मास्तर भी रुख्यो.✡1 तिमोथी 2:7 12 येका करण मी ये दुख खे भी उठास हइ, पर सरमे नी, क्युकी जेका पर मे ने विश्वास रख्यो हइ कि जानस हुइ. अरु मेखे नीश्चय हइ की उ मरी धरोहर की उ दिन तक रखवाली करी सकस हइ.
13 जो अच्छी बात तोने मरासे सुनी हइ उनका उ विश्वास अरु प्रेम का साथ जो मसीह यीशु मे हइ, अपनो आदर्श बनी खे रख. 14 अरु पवित्र आत्मा का वजेसे जो हम मे बट्यो हुयो हइ का या अच्छी धरोहर की रखवाली कर. 15 तू जानस हइ की आसिया आला सब मरा से फिरी गया हइ, जेमे फूगिलुस अरु हिरमेगिनेस हइ. 16 उनेसिफुरुस का घराना पर प्रभु दया करी कि क्युकी ओने भोत बार मरा जी प्रोत्साहित कऱ्यो कि अरु मरी साकल से लज्जित नी हुनु. 17 पर जब उ रोम शहर मे आयो का ते बडा यत्न से ढुडि कि मरा से मीलायो 18 प्रभु कर की उ दिन ओका पर प्रभु की दया हुये. अरु जो-जो सेवा ओने इफिसुस मे कि हइ उनका भी तू अच्छा से जानस हइ.