1 येका लिये मी पौलुस परमेश्वर से प्रार्थना करुस हय,तुम गैरयहूदिहोन, लिये मसीह यीशु को बन्दी हुये. 2 अगर तुम ने परमेश्वर को अनुग्रह को प्रबन्ध का बारे मे सुन्यो हइ, जो तुमारा लिये प्रदान कऱ्यो गयो 3 अगर वो भेद, जो मरा पर प्रकाशन का वजेसे प्रकट कऱ्यो गयो, जेको संक्षेप मे वर्णन मी पैयले करी चुक्यो हुये. 4 जेखे तुम पडतो समजी सकस हुये की मी मसीह मे व्हा को भेद का बारे मे खा समझ सकस हय, 5 जो मानवजात पर अन्य पीडीहोन मे या प्रकार प्रकट नी कऱ्यो गयो थो, जो प्रकार आत्मा अब प्रभु को पवित्र प्रेरितहोन तथा भविष्यव्दक्ताहोन पर पवित्राआत्मा प्रकट कऱ्यो गयो हइ 6 मंनजे ह्या की यीशु मसीह भि सुसमाचार का वजेसे गैरयहूदीहोन मसीह यीशु मे मीरास, साझो, ही शरीर को अरु प्रतीज्ञा को हिस्सेदार हइ.

7 मी परमेश्वर खे अनुग्रह को उ दान मे ओकी सक्रिया जो ओकि सामर्थ्य को प्रभाव का जसो जो मेखे दियो गयो, उ खुसखबर को सेवक बन्यो. 8 मेखे जो पवित्र दुन्या मे छोटा से भी छोटो हय, गैरयहूदिहोन मे मसीह को अगम्य धन को सुसमाचार का लिये यो अनुग्रह प्रदान कऱ्यो गयो 9 अरु सब पर ह्या बात सब, सामे कर्‍हयु कि उ भेद को प्रबन्ध को हइ सब को सृजनहार परमेश्वर मे जामानासे मील्यो थो 10 ताकी अब बय मंडली का वजेसे परमेश्वर को अलग प्रकार को ज्ञान आकाशमण्डल को बडो अरु अधिकारीहोन पर प्रकट कऱ्यो जाये. 11 यो उ सनातन उध्देश्य को जसो हुयो, जो परमेश्वर ने मसीह यीशु हमारो प्रभु मे पुरो कऱ्यो थो, 12 प्रभु मे हम विश्वास, वजेसे आना का लिये हमखे साहस तथा भरोसो मीलस हुयो हइ 13 येका लिये तुमारा से मरी यो प्रार्थना हइ कि तुम उ सतान कारन, जो मी तुमारा लिये रोस हुये खे घुस्सा नी होनु. क्युकी वे तुमारी महिमा हुये.

14 मी यो कारन हइ की मी बाप का सामने टोगर्‍या टेकुस हुये खे 15 जेमे स्वर्ग अरु पृथ्वी पर हर एक कुल को नाम रख्यो जास हइ 16 की वो अपनी महिमा ओकी आत्मा से अपनी महीमा को धन का जसो तुमखे यो दान दी कि तुम ओकि आत्मा से अपना अन्दर इन्सान मे सामर्थ्य मीलीखे शक्तिहुय जाव, 17 कि विश्वास का वजेसे मसीह तुमारो दिल मे वास कर कि प्रेम मे करिखे व्हा पय्या डाली खे, 18 तुम सब पवित्र मसीह को प्रेमकि लम्बाइ, चौडाइ, उचाइ व गहराइ को भली-भाति समझ सक्यो 19 अरु मसीह को उ प्रेम को जान सक्यो, जो ज्ञान से परे हइ की परमेश्वर कि सब भरपुरी तुमने स्थापित हुये जाये

20 अब जो असो सामर्थ्यी हइ कि हमारी प्रार्थना अरु समज से कोय जादा काम करी सकस हइ, उ सामर्थ्य का जसो जो हम मे काम करस हइ, 21 हमारा मे यो टेम सक्रिय सामर्थ्य का वजेसे मंडली अरु मसीह यीशु मे ओकी महिमा बडी से बडी हमेशा-सर्वदा होस ऱ्हेस. आमीन.