मत्ती रचित यीशु मसीह का सुसमाचार
मत्ती रचित यीशु मसीह को सुसमाचार
पैछान
मत्ती रचित सुसमाचार यो उ नवो नीयम की चार किताब मे से एक हइ जो यीशु मसीह की जिवन को वर्णन करस हइ. या चार किताब मे से हर एक किताब को सुसमाचार बोल्यो गयो हइ जोको मतलब होस हइ सुसमाचार. यीशु को स्वर्ग मे जाना का बाद या किताब मत्ती, मरकुस, लूका अरु यहून्ना ने लिखी. मत्ती रचित सुसमाचार अच्छी कब लिखी गय येकी जानकारी विद्वानहोन खे नी हइ लेकीन हम असो मानी सकस हइ की यीशु का जन्म का लकभग 60 साल बाद लिखी गय हुये. येका लिये वा खा लिखी गय येकी जानकारी हमखे नी हइ फिर भी भोतजन को माननो हइ की या किताब तकलीप मे या यरुशलेम गाव मे लिखी गय हुइ.
या किताब को लेखक मत्ती हइ जो यीशु को चेलो होन से पैयले एक चुंगी लेनवालो थो अरु ओखे लेवी नाम से भी जानो जातो थो. मत्ती बारा सेवक मे से एक थो अरु ओने यहूदीया पढानआला का लिये लिखी. येका कारण हम देखस हइ कि या किताब मे 60 से जादा संदर्भ पुराना नीयम को हइ जोका बारे मे भविष्यवाणी हुइ उ मेतिदातो यीशु मसीह मे हइ यो मत्ती बतानो चातो थो. मत्ती ने परमेश्वर का राज्य का बारे मे भी भोत कुछ लिख्यो यहूदीयाहोन की या आस थी कि मसीह राज नैतिक राज्य को राजो हुये. मत्ती या बिचार खे छोडिखे परमेश्वर की अन्नत राज्य को वर्णन करस हइ.
मत्ती रचित सुसमाचार या एक अच्छी किताब हइ जोका से नवा नीयम कि सुरुवात हुइ, या किताब पुराना नीयम का तरप से बार बार हमारो ध्यान अपना तरप करस हइ या किताब पुरानो अरु नवो नीयम या दो किताबहोन खे जोडी देस हइ. विद्वानहोन को माननो हइ कि या किताब मे मत्ती मूसा का वजेसे लिखी हइ नीयम शास्त्र जो पुराना नीयम कि पहली पाच किताब हइ, येको ढाचो को अनुकरण करस हइ. यीशु ने जो टेकडी पर शिक्षा दि 5 से 7 येकी तुलना हम जो नीयम शास्त्र परमेश्वर ने मूसा खे दियो ओकासे करी सकस हइ. व्यवस्था विवरन 19:3—23:25
रुप रेखा
1. यीशु को जन्म अरु ओकी सेवा की सुरुवात से मत्ती अपना सुसमाचार की सुरुवात करस हइ. 1—4
2. मत्ती यीशु कि सेवा का बारे मे अरु जो हर बात की ओने शिक्षा दी ओका बारे मे बतास हइ. 5—25
3. मत्ती रचित सुसमाचार को अन्नत भाग हइ सौ यीशु की सेवा की चरन सीमा का बारे मे मनजो ओखे भी ओका बारेमे बतानो हइ. 26—28
1
यीशु मसीह की वंशावली
(लूका 3:23-28)
1 अब्राहम को बेटो दाउद, को बेटो यीशु मसीह की वंशावली असी हइ.
2 अब्राहम से इसहाक पैयदा हुयो. इसहाक से याकूब पैयदा हुयो. अरु याकूब से यहूदा अरु ओको भैइ पैयदा हुयो. 3 यहूदा अरु तामार से पेरेस व जोरह, पेरेस से हिस्रोन अरु हिस्रोन से एराम, पैयदा हूयो. 4 अरु एराम से अम्मीनादाब. अरु अम्मीनादाब से नहशोन अरु नहशोन से सलमोन पैयदा हूयो. 5 सलमोन अरु राहब से बोआज, अरु बोआज अरु रुत से ओबेद. अरु ओबेद से यिशय पैयदा हुयो. 6 अरु यिशय से दाउद राजो अरु उरियाह दाउद से सुलैमान उ बय से पैयदा हुयो जो उरीय्याह की लुगेन थी. 7 सुलैमान से रहबाम, अरु रहबाम से अबिय्याह, अरु अबिय्याह से आसा पैयदा हुयो. 8 आसाफ से यहोशाफात, अरु यहोशाफात से योराम, अरु योराम से उज्जियाह पैयदा हुयो. 9 उज्जियाह से योताम से आहाज अरु आहाज से हिजकिय्याह पैयदा हुयो. 10 हिजकिय्याह से मनश्शे से पैयदा हुयो, मनश्शे से पैयदा हुयो आमोन, अरु आमोन योशिय्याह पैयदा हुयो,
11 अरु गिरपतार हुइखे बाबेल जान का टेम मे योशिय्याह से यकुन्याह, अरु ओको भैइ पैयदा हुयो.
12 गिरपतार हुइखे बाबेल पोचान जान का बाद यकुन्याह, से शालतीएल. अरु शालतीएल से जरुब्बाबेल पैयदा हुयो. 13 जरुब्बाबेल से अबिहुद. अबिहुद से एलयाकिम अरु एलयाकीम से अजोर पैयदा हुयो. 14 अजोर से सादोक, सादोक से अखीम. अरु अखीम से इलीहूद पैयदा हुयो. 15 इलीहूद से एलियाजार. एलियाजार से मत्तान. अरु मत्तान से याकूब पैयदा हुयो. 16 याकूब से यूसुफ. जो मरियम को अदमी थो, अरु मरियम से यीशु पैयदा हुयो, जो मसीह बोलस हइ.
17 यो प्रकार अब्राहम से दाउद तक सब चौदा पिडी हुइ अरु दाउद का टेम से बाबेल को गिरपतार हुइ खे पोचान जाना तक, चौदा पिडी अरु गिरपतार हुइ खे बेबीलोन खे पहुची जाना का टेम से लिखे मसीह तक चौदा पिडी हुय.
यीशु को जन्म
(लूका 2:1-7)
18 यीशु मसीह को जन्म या रीती से हुय, की जब ओकी माय मरियम की मगनी यूसुफ का साथ हुय गइ, ते उनको भ्याव होना से पैयले वा पवित्र आत्मा का तरप से दिन से हुय गय. 19 येकालिये ओका अदमी यूसुफ ने जो धर्मी होन का कारण ओखे बदनाम करणो नी चाहतो थो, या इच्छा से चुपचाप छोडी देन को मन कर्यो. 20 जब उ या बात का सोच मे थो ते प्रभु को एक स्वर्गदूत ओखे दृष्टान्त मे दिखानो अरु बोलन लग्यो. हे यूसुफ! दाउद की सन्तान खे तू मरियम खे अपनी बायको बनाना से डरे मत. क्युकी जो ओका पेट मे हइ, उ पवित्र आत्मा का तरप से हइ. 21 उ बेटो पैयदा कर्हे अरु तोने ओको नाम यीशु रखनु. क्युकी वु अपना दुन्याहोन को उनका पाप से उध्दार कर्हे.
22 यो सब कुछ येका लिये हुयो की जो वचन प्रभु ने भविष्यव्दक्ता का वजेसे बोल्यो थो. वु पुरो हुये. 23 “देख एक कुव्वारी दिन से हुये अरु एक बेटो पैयदा, अरु ओको नाम इम्मानुएल रख्यो जाह्ये,” जेको मतलब यो हइ की परमेश्वर हमारा साथ.
24 तब यूसुफ नीद से जागीखे प्रभु का दूत की बात कि आज्ञा का जसो ओने अपनी बायको बनान खे अपना घर मे लयली. 25 अरु जब तक मरियम का पास नी गयो जब तक ओने बेटा खे जन्म नी दियो अरु यूसुफ ने ओको नाम यीशु रख्यो.