फिलेमोन खे नाम पौलुस प्रेरित कि चिठ्ठी
फिलेमोन का नाम पौलुस प्रेरित कि चिठ्ठी
पैछान
अनुवाद होन का लिये अवलोक अरु दिशा नीर्देश फिलेमोन कि चिठ्ठी हइ? फिलेमोन पौलुस 1:1, अब चिठ्ठीहोन मे सबसे छोटो अरु सबसे व्यक्तिगत हइ. पौलुस ओखे लिखस हइ प्रिय दोस्त फिलेमोन एक महत्वपूर्ण मामला का बारे मे उनेसिमुस को गुलाम हइ फिलेमोन, पौलुस से मील्यो हइ, जो रोमन गिरफ्तार को अधीन हइ अरु ओने उनेसिमुस को धर्म परी वर्तन कऱ्यो हइ 10. रोमी व्यवस्था का जसो पौलुस उनेसिमुस खे ओका स्वामी फिलेमोन का पास वापस भेजी रोस हइ. रोमन कानुन ने दासहोन खे कडी सजा दी. पौलुस ने फिलेमोन को प्रोत्साहित कऱ्यो उनेसिमुस वापस भैइ का रुप मे स्वीकार करनु 61 साल अरु फिलेमोन खे सुझाव देन खे उ भेजस हइ उनेसिमुस वापस पौलुस का पास गयो अरु शायद ओखे छोडी दियो.
पौलुस पिच्छे हुयकालो नी लिखस हइ लेकिन तीमुथियूस से जुडा हुयो हइ. अरु चिठ्ठी संबोधित हइ फक्त फिलेमोन बल्कि अप्फीया अरु अर्किप्पुस कि भी चिठ्ठी येका लिये हइ साधारण चिठ्ठी अरु बडो दर्शकहोन का लिये सार्वजनीक चिठ्ठी बीच पडस हइ किताब कि संरचना फिलेमोन कि चिठ्ठी सामान्य पौलुस अक्षर संरचना को अनुसरन करस हइ एक उद्घाटन का सात, एक घन्यवाद एक नियम, अरु एक समापन. पैछान मे पौलुस खुद का रुप मे मसीह यीशु खे कैदी रुप मे पहचानस हइ तीमुथियुस का सात, “हमारो भैइ.” चिठ्ठी फिलेमोन का संबोधित हइ, सात मे अप्फीया जो फिलेमोन कि लुगेन हुइ सकस हइ, अरु अखिप्पुस की चिठ्ठी को मुख्य भाग मे चार खंड होस हइ मरो बेटा उनेसिमुस का लिये फिलेमोन से अपील की दुसरो खंड का पौलुस समझस हइ कि उ उनेसिमुस खे वापस भेजी रोस हइ 1:13-14.
रुप रेखा
1. पौलुस मे फिलेमोन को स्वागत करस हइ. 1:1-3
2. तब पौलुस ने उनेसिमुस का तरप से प्रार्थना करी फिलेमोन ओखे एक यीशु भइ का रुप मे स्वीकार कऱ्यो. 1:4-21
3. पौलुस ने जत्रा करण का अपना इरादा कि घोषणा करी अरु शुभकामना भेजिखे अपनी बाट खतम करी. 1:22-25 .
1
अभिवादन
1 हमारो भैइ तीमुथियुस अरु मी पौलुस का तरप से जो प्रभु यीशु मसीह का लिये बन्दी बन्यो, हमारो प्रिय दोस्त सहकर्मी फिलेमोन, 2 अरु भैइन अफफिया, अरु हमारो साथ योध्दो अरखिप्पुस अरु फिलेमोन का घर मे जमा होन आली मंडली खे ✡कुलुस्सियो 4:17
3 हमारो बाप परमेश्वर अरु प्रभु यीशु मसीह का तरप से अनुग्रह अरु शांती तुम खे मील्हे.
फिलेमोन को प्रेम अरु विश्वास
4 भैइ फिलेमोन, कभी भी परमेश्वर को धन्यवाद करस हइ. अरु अपनी प्रार्थनाहोन मे भी तोखे याद करस हइ. 5 क्युकी मी परमेश्वर का प्रती तुम्हारो प्रेम अरु प्रभु यीशु मसीह मे तुम्हारो विश्वास का विषय मे सुनस हइ, 6 मी प्रार्थना करुस हइ कि तुम खे विश्वास का बाटना मे तत्पर बन्यो रीहे जेका से यीशु मसीह मे हमारी एकता का वजेसे सब अच्छी बात कि तुम खे पुरी रिती से ज्ञान हुये. 7 क्युकी हे भैइ काम से तरा प्यार से भोत खुशी अरु प्रोत्साहन मीलस येका लिये की तरा से पमेश्वर कि दुन्या को मन आनन्दित हुइ गयो हइ.
उनेसिमुस का लिये बिनती
8 येका लिये की मेखे मसीह मे भैइ होन को नातो जो तुम खे करणु चाहिये उ बतान कि हिम्मत से बतान को अधिकार मरा मे हइ. 9 फिर भी यीशु प्रेम करना मे अगर पौलुस का लिये जो अब मसीह का लिये कैदी हय यो ठिक जानी पड्यो की अरु तरा से प्रार्थना कर. 10 ते मी उनेसिमुस का तरप से तरासे प्रार्थना करस हुये खे जो मसीह मे मरो बेटो हइ अरु जब मी जेलखाना का टेम मे मी ओको आत्मीक बाप बन्यो.✡कुलुस्सियो 4:9 11 उ ते पैयले तरो कुछ काम को नी थो, पर अब तरो अरु मरो दोय को खुप मदत करणु हइ.
12 ओखे जब जो मरो दिल को टुकडो हइ मेने ओखे तरा पास लोटय दियो हइ. 13 ओखे मी अपना हि पास रखनू चातो थो कि तरा तरप से उ बन्धन मे जो सुसमाचार करस हइ, तरा जगत पर मरी सेवा कर. 14 पर मेने तरी इच्छा का बिना कुछ भी करणु नी चायु, कि तरी या कृपा दबाव से नी पर इच्छा से हुये.
15 शायद वा तरा से कुछ दिन तक का लिये यो कारण अलग हुयो कि सदा तरा पास ऱ्हेस. 16 पन अब से गुलाम जसो नी, जब गुलाम से भी अच्छो काम अत्यन्त प्रिय भैइ का समान ऱ्हेस, जो आंग मे भी अरु अधिक तरा प्रभु मे भी मरो हुये.
17 येका लिये अगर तु मेखे हिस्सेदार समझस हइ, ते ओखे यो प्रकार ग्रहण कर जसो मेखे. 18 अरु अगर ओने तरो कुछ हानी कऱ्यो हइ यो ओका उपर तरी कुछ आस हइ ते मरा नाम पर लिखी ले. 19 मी पौलुस अपना हात से लिखस हुये कि मी खुद भरी दियु. अरु मेखे यो कुछ बतान की आकुल्यकता नी कि तु तो मरो जिवन भर का लिये मरो कर्जदार हइ. 20 हे भैइ काम खे तरा से यीशु मसीह मे यो लाभ मील्यो हुये की मरा दिल खे ताजगी मीलस.
21 मी नीश्चित हुइ ये तो लिखस हुये जो मेने तोखे करण का लिये बोल्यो उ तु कर. अरु यो जानस हुये कि जो कुछ मी बोलुस हुये ते तू मरा से कही बडीके कर. 22 अरु यो भी मरा लिये रखन की जगा तैयार रख. मेखे आस हइ की तुमारी प्रार्थानाहोन का वजेसे मी तुमखे दी दियो जास.
आखरी अभिवादन
23 इपफ्रास खे जो मसीह यीशु मे मरा साथ कैदी हइ✡कुलुस्सियो 1:7; 4:12, 24 अरु मरकुस अरु अरिस्तर्खुस अरु देमास अरु लुका जो मरो सहकर्मी हइ येखे तो नमस्कार.✡प्रेरित 12:12-25; 13:13; 15:37-39; कुलुस्सियो 4:10-14; प्रेरित 19:29; 27:2; कुलुस्सियो 4:10-14; 2 तिमोथी 4:10
25 हमारो प्रभु यीशु मसीह को अनुग्रह तुम आत्मा पर बन्यो ऱ्हेस.