तीतुस खे नाम पौलुस प्रेरित की चिठ्ठी
तीतुस का नाम पौलुस प्रेरित की चिठ्ठी
पैछान
तीतुस की चिठ्ठी खे हइ? 1:1 शैली साहित्यक प्रकार 1 तिमेथियूस अरु 2 तिमेथियूस की तरह तीतुस खे लिखी चिठ्ठी एक आश्चर्यजनक दस्तावेज हइ मेय लक्ष्य समेदाय खे येका अंदर का विभिन्न गटहोन अरु येका नेताहोन खे प्रोत्साहित करस हइ व्यवहार का कुछ तरी का होन अपनानो या जारी रखनो अरु बाकी होन से बचनो आगे का लिये जानकारी 1 तिमेथीयूस अरु 2 तितीमुथियुस कि फाइल खे देख.
पौलुस ने टाइटस खे क्रेते व्दिप पर मौजूद चर्चहोन का नेतृत्व करण को नीर्देश दियो थो. पौलुस ने या चिठ्ठी लिखी चर्च का नेताहोन को चयन अरु प्रशिक्षण पर टाइटस खे नीर्देश देन को आदेश दियो गयो. उनने अपना मे असो ही नीर्देश दियो तीमुथियूस की चिठ्ठी उनकी चिठ्ठि बतास हइ कि कसी चर्च का नेताहोन का उच्चा मानक पर रख्यो जानो चास. चर्चहोन अरु चर्च का नेताहोन का आज नेतृत्व करण का लिये आकुल्यक मानकहोन पर सावधानी पूर्वक ध्यान देनो चास.
रुप रेखा
1 पौलुस ने मसीह अगुवा की नीव्वड करण का लिये तीतुस को नीर्दोश दियो 1:1-16
2. फिर वे दुन्या खे मसीह जिवन जिन का लिये तैयार करण का लिये भी नीर्दोश देस हइ 2:1—3:11
3 आखरी मेखे पौलुस अपनी कुछ योझनाहोन खे साझा करीखे अरु अभिवादन भेझना से खत्म होस हइ 3:12-15
1
1 पौलुस जो परमेश्वर को सेवक का तरप अरु यीशु मसीह प्रेरित हइ. मेखे येका लिये चुन्यो गयो अरु भेज्यो गयो की
मी परमेश्वर का चुन्यो हुया दुन्याहोन खे उनका विश्वास मे मदद करी अरु सत्य कि पहचान तक ली जाये जो हमारो शास्त्र सिखास हइ. 2 उ अनन्त जिवन की आस पर खडो हइ, अरु जो झुठ नी बोले उ परमेश्वर ने टेम कि सुरवात का पैयले से यो जिवन का बारे मे वचन दियो हइ, 3 अरु सही टेम पर ओने यो जिवन ओका संदेश मे प्रगट कऱ्यो हइ, यो संदेश मेखे सोप्यो गयो हइ अरु हमारो उद्धारकर्ता परमेश्वर ओकी आज्ञा का जसो मी ओको प्रचार करुस हइ.
4 तीतुस का नाम, जो विश्वास को सहभागिता का बिचार से मरो सच्चो बेटो हइ परमेश्वर बाप अरु हमारो उद्धारकर्ता मसीह यीशु का तरप से तोखे अनुग्रह अरु शांती मीलती र्हिये.✡2 कुरिन्थिहोन 8:23; गलतिया 2:3; 2 तिमोथी 4:10
क्रेते मे तीतुस को कार्य
5 मी येका लिये तोखे क्रेते मे छोडी आयो थो कि तू कुछ बातहोन खे सुधरनु कि अरु मरी आज्ञा का जसो नगर नगर मंडली बापदादा खे चुन्नु. 6 जो नीर्दोष अरु एक ही लुगइ को अदमी हुये जेखे बच्चा विश्वासी हुये अरु अनुशासन हिनता को दोष उन पर नी लगायो जय सक्ये तथा वे कानुन तोडन आला नी हुये.✡1 तिमोथी 3:1-7 7 क्युकी मंडली का मुखियो के परमेश्वर को कार्य को नीरक्षक होन का कारण उ नीर्दोष होन खे हुनु ओका नी हेटवादी नी जल्दी घुस्सा, नी करनाआलो पियक्कड नी मारपीट करण आला, अरु पैसाहोन को लोभी नी होनु, 8 पर अतिथि सत्कार करण आला को भलाइ को चाहस आलो, संयमी, न्यायी, पवित्र अरु अनुशासीत होनु. 9 ओखे उ जो दी हुइ शिक्षा का विश्वासयोग्य वचन पर धुढ्ड ऱ्हेनवालो यो तरीका से उ सच्ची शिक्षा से दुसरा को पोस्तहन दी सखे अरु विरोधी हइ ओको खंडन करी सक्ये.
10 क्युकी भोत सा दुन्या कानुन खे नी मानन आला, बकवास करण आला अरु धोखो देन आला हइ. विशेष करीखे यहूदीया मे से आयो हुयो हइ. 11 यो जरुरी हइ कि इनको मुडो बन्द करण खे हुनु. क्युकि ये दुन्या नीच कमाइ का लिये अनुचित बात सिखे घर का घर मे बिगाडी देस हइ. 12 उन मे से एक क्रेते, ही भविष्यव्दक्ता ने अपना दुन्या का बारे मे खुद बोल्यो हइ, क्रेते खे र्हेन आला सदा झूट बोलस हइ, दुष्ट जनवर, अरु आलसी पेटु होस हइ. 13 या गवइ सच्ची हइ, येका लिये उनका कठोरता से चेतावनी दिये की वे विश्वास मे पक्को हुइ जाये. 14 अरु यहूदीयाहोन की कथा खे नासहोन अरु वे इन्सान की आज्ञाहोन पर मन नी लगास जो सच्चाई खे इन्कार करस हइ. 15 शुध्द दुन्या का लिये सब चिजहोन शुध्द हइ, पर भष्टचरी अरु अविश्वासीहोन का लिये कुछ भी शुध्द नी, क्युकी ओकी बुध्दि अरु विवेक दो भष्टचारीस हइ. 16 वे बोलस हइ कि हम परमेश्वर का जानस हइ. पर अपना काम से ओको इन्कार करस हइ. क्युकि वे घृणित अरु आज्ञा नी मानन आला हइ, अरु कोय अच्छो काम करन का योग्य नी.