1 ಸಗ್‌ಳ್ಯಾಂಚೆ ಆಂದಿ ಮಿ ತುಮಾನಾ ಸಾಂಗಾಚ಼ ಕ್ಯಾ ಮಂಜೆ ಸಗ್‌ಳ್ಯಾ ಲೊಕಾಂಚಿಸಾಟಿ ದೇವಾಪ ಮಾಗ್ನ ಕರಾ ವಿನಂತಿಕರಾ ತ್ಯನಾ ಉಪ್ಕಾರಾಚಾ಼ ಧನ್ಯಾವಾದ್ ಸಾಂಗಾ. 2 ಆಮಾನಾ ಸುಕ ಸಮಾದಾನ ಗಾಹುನ್ ಆಮಿ ಪುರಾ ಬಖ್ತಿನಿ, ಮರೆದಿನಿ ಜಿವ್ನಾ ಕರಾಯಾ, ರಾಜಾಂಚೆಸಾಟಿ ಸಗಳ್ಯಾ ಅಧಿಕಾರಿಂಚೆಸಾಟಿ ಮಾಗ್ನ ಕರಾಯಾ ವ್ಹಯಿ. 3 ಹ್ಯ ಚಾ಼ಂಗ್ಲ ಹಾ ಆನಿ ಆಮ್ಚಾ ರಾಖಂದಾರ್ ಜಾ಼ಲ್ಯಾಲ್ಯಾ ದೇವಾಲಾ ಆವಾಡತ್ಯಾಲ ಜಾ಼ಲ್ಯಾ.

4 ಸಗ್‌ಳ್ಯಾಂಚ಼ ರಕ್ಷನ್ ವ್ಹಯಾವ್ಹಯಿ ಆನಿ ಸಗಳ್ಯಾಂಚಾನಿ ಖರ ಗಿನ್ಯಾನ್ ಸಮಜು಼ನ್ ಗಿಹ್ಯಾ ವ್ಹಯಿ ಮನ್ಹುನ್ ತ್ಯಚ಼ ಮನ್. 5 ದೇವ್ ಯೊಕುಸ್, ದೇವಾಚೆ ಆನಿ ಮಾನ್ಸಾಚೆ ಮದ್ಲಾ ಯೊಕುಸ್. ತ್ಯೊಸ್ ಮಾನುಸ್ ಜಾ಼ಲ್ಯಾಲಾ ಕ್ರಿಸ್ತ ಯೇಸುಸ್. 6 ತ್ಯನಿ ಸಗ್‌ಳ್ಯಾ ಲೊಕಾಂಚೆ ಜಾ಼ತಿಲಾ ರಾಖಾಯಾ ಆಪ್‌ಲ್ಯಾಲಾ ಆಪ್ನುಸ್ ಜಾ಼ಮಿನ್ ದಿಲಾ. ದೇವ್ ಸಗ್‌ಳ್ಯಾನಾ ರಾಖಾಯಾ ಮನ್ ಕರ್ತೊ ಹ್ಯ ಶಾರ್ಕ್ಯಾ ಯಳಾಲಾ ಸಾಬಿತ್ ಜಾ಼ಲ್ಹ.

7 ಆನಿ ಹೆಸ್ ಸಾಬಿತ್ ಜಾ಼ಲ್ಯಾಲೆ ಗುಶ್ಟಿತ್ ಸಾಂಗಾಯಾ ಮನಾ ಯೊಕ್ ಸಾಂಗ್ನಾರಾ ಆನಿ ಅಪೊಸ್ತಲ್ ಕರುನ್ ನಿವಡ್ಲಾ ಮಿ ಹ್ಯ ಖರ ಸಾಂಗ್ತೊ ಲಬಾಡ್ ಸಾಂಗಿತ್ನಾಹಿ. ಮನಾ ಯೆಹುದ್ಯ ನಸ್‌ಲ್ಯಾಲ್ಯಾ ಲೊಕಾಂಚೆಸಾಟಿ ಇಸ್ವಾಸಾನಿ ಆನಿ ಖರ‍್ಯಾನಿ ಸಿಕವಾಯಾ ಥರಿವ್‌ಲ್ಯಾ.

8 ಹ್ಯಚಿಸಾಟಿ ಮಾಜಿ ಆಶಾ ಜಾ಼ಲೆ ಸಗ್‍ಳ್ಯಾ ಜಾ಼ಗ್ಯಾವ್ನಿ ಗಡ್ಯಾಂಚಾನಿ ಮಾಗ್ನ ಕರಾಯಾ ವ್ಹಯಿ ಆನಿ ದೇವಾಪ್ನಿ ನಿವಡ್‌ಲ್ಯಾಲ ಆಪ್ಲ ಪವಿತ್ರ ಹಾತ್ ಉಚ್ಲು಼ನ್ ರಾಗ್ ನಸ್ಥಾನಾ ಆನಿ ವಾದ್ ನಸ್ಥಾನಾ ಮಾಗ್ನ ಕರಾಯಾ ವ್ಹಯಿ.

9 ತಸಸ್ ಬ್ಯಾಯ್ಕಾ ಮಾನ್ಸಾಪ್ನಿ ಮೀ ಮನ್ ಕರ್ತೊ ತೀ ಸಾಜ಼ಸೊಬಸಾರ ಆನಿ ಚಾ಼ಂಗ್ಲ ಮರೆದಿಚ಼ ಕಪ್ಡ ಗಾಲ್ಹಾಯಾ ವ್ಹಯಿತ ಆನಿ ಕೆಸ ಶಾದ್ರಿ ಕರಾಯಾ ಸಾಟಿ ಖುಬ್ ಅಲಂಕಾರ್ ಕರುನ್ಗಿಹುನಾಹಿ ಸೊನ ಆನಿ ಮುತ್ತು ಆನಿ ಖುಬ್ ಕಿಮ್ತಿಚ಼ ಕಪ್ಡ ಗಾಲ್ಹುನಾಹಿತ. 10 ಫನ್ ಆಸ್‌ಲ್ಯಾ ಬ್ಯಾಯ್ಕಾಮಾನ್ಸಾನಾ ಆಪ್‌ಲ್ಯಾಲಾಸ್ ಆಪ್ನು ದೇವಾಚಿ ಭಕ್ತಿನ್ ಮನ್ಹುನ್ ಗೆಥಿ ಮನ್ಹುನ್ ತ್ಯಚಿಸಾಟಿ ಹ್ಯ ಚಾ಼ಂಗ್ಲ ಹಾ. ತೀ ಆಪ್‌ಲ್ಯಾಲಾ ಸಗ್‌ಳ್ಯಾ ಕಾಮಾನಾ ಚಾ಼ಂಗ್ಲಿ ದಿಸತ್ಯಾತ. 11 ಬ್ಯಾಯ್ಕಾಮಾನ್ಸ ಶಾಂತ್ಫನಾನಿ ಸಿಕಾಯಾ ವ್ಹಯಿ ಆನಿ ಸಗ್ಳೆ ತರನಿ ಆಪ್‌ಲ್ಯಾಲಾ ಆಪ್ನುಸ್ ವಪ್ಸುನ್ ದಿಯಾವ್ಹಯಿ. 12 ತ್ಯಂಚಾನಿ ಗಡ್ಯಾನಾ ಸಿಕ್ವಾಯಾ ತ್ಯಂಚಿವ ಹಾಕ್ ಚಾ಼ಲ್ವಾಯಾ ಮೀ ವಪ್ಕಿ ದಿಯಿತ್ ನಾಹಿ ತ್ಯಂಚಾನಿ ಗಪ್ ರಾಹ್ಯಾವ್ಹಯಿ. 13 ಕಾ ಮಂಜೆ ಆಂದಿ ಜಾ಼ಲ್ಯಾಲಾ ಆದಾಮ್. ನಂತರ್ ಹವ್ವಾ ಜಾ಼ಲಿ. 14 ಆನಿ ಸೈತಾನಾಪ್ನಿ ಫಸ್‌ಲ್ಯಾಲಾ ಆದಾಮ್ ನವ್ಹ. ಬ್ಯಾಯ್ಕಾಮಾನುಸ್ ಫಸುನ್ ಆನಿ ತಿನಿ ದೇವಾಚಾ಼ ನೆಮ್ ಮುಡುನ್ ಪಾಪಿ ಜಾ಼ಲಿ. 15 ಫನ್ ಬ್ಯಾಯ್ಕಾಮಾನ್ಸ ಇಸ್ವಾಸಾನಿ ಮಾಯೆನಿ ಪವಿತ್ರಾನಿ ಆನಿ ನಮ್ರತೆತ್ ರಾಯ್‌ಲ್ಯಾವ ಪ್ಯೋರ್ಗ್ಯಾನಾ ಜ಼ಲ್ಮ ದೇತಾನಾ ತ್ಯನಾ ರ‍್ಯಾಕ್ನಾರ್.