1 ಆಮಾನಾ ಸಮಾಜ಼ಲ್ಯಾ ಶಾರ್ಕ ದರ್ತಿವ ಆಮಚ಼ ಹ್ಯ ಶರೀರ್ ಮಂಥ್ಯಾಲ ಘರ್ ಪುಸುನ್ ಗೆಲತರಿ, ಸ್ವರ್ಗಾತ್ ದೇವಾನಿ ಘಡಿವಲ್ಯಾಲ ಯಾಕ್ ಘರ್ ಆಮಾನಾ ಹಾ; ತ್ಯ ಮಾನ್ಸಾಚಾ ಹಾತಾನಿ ಬ್ಯಾಂದ್‌ಲ್ಯಾಲ ಘರ್ ನವ್ಹ ತ್ಯಚೆ ಬದ್ಲಿಸ್ ಸ್ವರ್ಗಾತ್ ಯಾಕ್ ಶಾಸ್ವತ್ ಘರ್ ಆಮಾನಾ ಹಾ ಮನ್ಹುನ್ ಠಾವ ಹಾ. 2 ಆಮೀ ಹ್ಯಾ ಶರೀರಾತ್ ಆಸ ಪರತ್ ತಳ್ಮಳತ್; ಸ್ವರ್ಗಾತ್ ಗಾವ್ನಾರ‍್ಯಾ ಗರ‍್ಹಾಚಾ಼ ಪೊಶೆಕ್ ಗಾಲ್ಹಾಯಾ ಆಮೀ ಮನ್ ಕರ್ತಾವ್. 3 ತ್ಯ ಗ್ಯಾತ್ಲಕಿ ಆಮೀ ನಾಗ್ಡಿ ರಾಹಿತ್ನಾಹಿ. 4 ಕಾ ಮಂಜೆ, ಗರ‍್ಹಾತ್ ಆಸಲ್ಯಾಲಿ ಆಮಿ ಆಮ್ಚಿವ ವಜ಼ ಪಡಲ್ಯಾಲ್ಯಾನಿ ತಳ್ಮಳ್ತಾವ ಫನ್ ಆಮಚ಼ ಕಪ್ಡ ಕಾಡಾಚ಼ ಮನ್ ನಾಹಿ ಆಮಚ಼ ಸ್ವರ್ಗಾತ್ಲ ಪೊಶೆಕ್ ಗ್ಯಾತಲ್ಯಾವ ಮರ‍್ನಾಲಾ ಶಾಸ್ವತ್ ಜಿವ್ ಬದಲ್ನಾರ್. 5 ಹ್ಯ ಆಮ್ಚಿ ಸಾಟಿ ತಯಾರ್ ಕೆಲ್ಯಾಲ ದೇವಾನಿಸ್; ತ್ಯಚಿ ಸಾಟಿ ತ್ಯನಿ ಪವಿತ್ರಾತ್ಮಚಿ ಖಾತ್ರಿ ಆಮಾನಾ ದಿಲೆ.

6 ಆಸ ಆಸ್ತಾನಾ ಆಮೀ ಕವಾಬಿ ಇಸ್ವಾಸಾನಿ ರಾಹ್ಯಾವ್ಹಯಿ; ಹ್ಯಾ ಶರೀರ್ ಮಂಥ್ಯಾಲ್ಯಾ ಗರ‍್ಹಾತ್ ಜೀವ್ನಾಕರಿ ಪರತ್ ಪ್ರಭುಪ್ನಿ ದುರ್ ಹಾವ್ 7 ಆಮಿ ಡೊಳ್ಯಾನಿ ದಿಸತ್ಯಾಶಾರ್ಕ ಚಾ಼ಲಾಚೆ಼ ಆಂದಿ, ಇಸ್ವಾಸಾನಿ ಚಾ಼ಲ್ತಾವ್. 8 ಹ್ಯಸ್ ಯವಜು಼ನ್ ಆಮೀ ದಿರ‍್ಹಾನಿ ರಾಥಾವ್ ಆನಿ ಶರೀರ್ ಮಂಥ್ಯಾಲ ಘರ್ ಸುಡುನ್ ಪ್ರಭುಪ ರಾಹ್ಯಾ ಆಮಿ ತಯಾರ್ ಹಾವ್. 9 ಮನ್ಹುನ್ ಆಮೀ ಜ಼ಠತ್ ಹಾವ್, ಮಂಜೆ ಆಮಿ ಹಿತ ಕಿವಾ ತಿಥ ಆಸ್ಲಾವ್ ತರಿ , ಪ್ರಭುಲಾ ಆನಂದ್ ದೆನಾರ್ ಆಸ ರಾವ್ಹಾವ. 10 ಕಾ ಮಂಜೆ ಪರ್ತೆಕಾನಿ ಆಪ್‌ಲ್ಯಾ ಶರೀರಾನಿ ಕೆಲ್ಯಾಲ್ಯಾ ಚಾ಼ಂಗ್ಲ ನಾಹಿತ ಬುರ್ಶಾ ಕಾಮಾ ಶಾರ್ಕ ಪ್ರತಿಫಳ್ ಗಿಹ್ಯಾ ಸಾಟಿ ಪ್ರಭುಚಾ ನ್ಯಾಯಾಸನಾಚೆ ಮೊರ‍್ಹ ಹಾ ತಸ ದಿಸಾಯಾ ವ್ಹಯಿ.

11 ಮನ್ಹುನ್, ಪ್ರಭುಲಾ ಬಿಹ್ವುನ್ ರಾಹ್ಯಾವ್ಹಯಿ ಮನ್ಹುನ್ ಆಮೀ, ಮಾನ್ಸಾನಾ ವಳಿವತಾವ್. ಆಮೀ ಕಸ್ಲಿ ಮನ್ಹುನ್ ದೇವಾಲಾ ಸಮಾಜ಼ಲ್ಯಾವ್. ತ್ಯ ತುಮಚಾ ಮನಾಲಾ ಸಾಹಿತ್ ಠಾವ ಹಾ ಮನ್ಹುನ್ ಇಸ್ವಾಸ್ ಕೆಲ್ಯಾ. 12 ಆಮೀ ಆಮಾನಾ ಪರ ಪರತ್ ತುಮ್ಚೆ ಮೊರ್ಹ ವವ್ಯಾಳುನ್ ಗಿಹಿತ್ನಾಹಿ; ಆತ್ಲಮನ್ ಬಗಾಚೆ಼ ಆಂದಿ ತ್ಯಂಚಾ಼ ಬಾಹಿರ್ಲಾ ಸಬಾವ್ ಬಗುನ್ ಮಿರಾವತ್ಯಾಲ್ಯಾನಾ ಶಾರ್ಕಾ ಮಾಗಾರ ಪರ್ತುನ್ ಸಾಂಗಾಯಾ ತುಮಾನಾ ವ್ಹನಾರ್. 13 ಕಾ ಮಂಜೆ ಆಮಿ ಖುಳ ಆಸ್ಲಾವ್ತ ತೀ ದೇವಾಚೆ಼ ಮೈಮಾ ಸಾಟಿಸ್; ಸಮಾಜ಼ಲ್ಯಾಲ್ಯಾ ಮನಾಚ಼ ಆಸ್ಲಾವ್ತ ತುಮ್ಚಾ ಪ್ಯಾಯ್‌ದ್ಯಾಸಾಟಿಸ್. 14 ಕಾ ಮಂಜೆ ಕ್ರಿಸ್ತಾಚಿ ಮಾಯಾ ಆಮಾನಾ ಬಳ್ ಜುರಿ ಕರ್ತಿ; ಸಗ್‌ಳ್ಯಾಂಚೆಸಾಟಿ ಯೊಕ್ ಮೆಲ್ಯಾ ನಂತರ್ ಸಗ್ಳಿ ಮಿಲಿತ ಮನ್ಹುನ್ ಖಾತ್ರಿ ಕರ್ತಾವ್. 15 ಕ್ರಿಸ್ತ ಸಗ್‌ಳ್ಯಾಂಚೆ ಸಾಟಿ ಮೆಲ್ಯಾ ಮನ್ಹುನ್ ಜೀವ್ನಾ ಕರ್ನಾರಿ ಹಿತ್ನಿ ಮೊರ್ಹ ಆಪ್ಲಿ ಸಾಟಿ ಜೀವ್ನಾ ಕರಾಚಾ಼ ಸುಡುನ್ ಆಪ್ಲಿ ಸಾಟಿ ಮರುನ್ ಉಠುನ್ ಆಲ್ಯಾಲ್ಯಾ ಸಾಟಿ ಜೀವ್ನಾ ಕರಾಯಾವ್ಹಯಿ. ತ್ಯೊ ಸಗ್‌ಳ್ಯಾಂಚೆ ಸಾಟಿ ಮೆಲಾ.

16 ಆಸ ಆಸ್ತಾನಾ ಆಚಾನ್ ಆಮೀ ಕುನಾಲಾಸ್ ರಕ್ತಾ ಮಾಸಾನಿ ವಳಕ್ ಕರಿತ್ನಾಹಿ. ಯಂಗ್ದಾ ಕ್ರಿಸ್ತಾಲಾ ಸಾಯಿತ್ ಆಮೀ ಆಸಾಸ್ ಸಮಜು಼ನ್ ಗೆತ್ಲಾ. ಫನ್ ಹಿತ್ನಿ ಮೊರ್ಹ ತಸಾ ಸಮಜು಼ನ್ ಗಿಹಿತ್ನಾಹಿ. 17 ಮನ್ಹುನ್ ಕೊನ್ತರಿ ಕ್ರಿಸ್ತಾಪ ಆಸ್‌ಲ್ಯಾವ ತ್ಯೊ ನವಿನಿ ಜ಼ಲಾಮಲ್ಯಾಲಾ. ಬಗಾ, ಪೈಲ ಸಗ್ಳ ಜಾ಼ವುನ್ ಸಗ್ಳ ನವ ಜಾ಼ಲ. 18 ಹ್ಯ ಸಗ್ಳ ದೇವಾಪ್ನಿಸ್ ಜಾ಼ಲ್ಯಾಲ. ದೇವಾನಿ ಕ್ರಿಸ್ತಾಸ್ ಲಾಗುನ್ ಆಮಾನಾ ಆಪ್ಲಿ ಸಂಗ ಎಕ್ ಕರುನ್ ಎಕಿಕರಾಚಿ ಸೇವೆ ಆಮಾನಾದಿಲೆ; 19 ಕಸ ಮಂಜೆ, ಕ್ರಿಸ್ತಾಪ ದೇವ್ ದುನ್ಯಾ ಆಪ್ಲಿ ಸಂಗ ಯೆಕ್ ಕರ್ತ್ಯೊ; ಮಾನ್ಸಾಚಾ ಚು಼ಕಿ ತ್ಯಂಚಾ ಲೆಕ್ಯಾತ್ ಗಾಲಾಚೆ ಆಂದಿ, ಹ್ಯೊ ಯಕಿಚಾ಼ ಸಂದೇಸ್ ಸಗ್‌ಳ್ಯಾನಾ ಸಾಂಗಾಯಾ ತ್ಯೊ ಆಮ್ಚಿವ ದಿಲ್ಯಾ.

20 ಮನ್ಹುನ್ ಆಮೀ ಕ್ರಿಸ್ತ ಯೇಸುಚೆ ತರಪಿನಿ ವಕಿಲ್ ಹಾವ್. ದೇವುಸ್ ಆಮ್ಚಾಸ್ ತೊಂಡಾನಿ ಹಾಕಟ್ಯೊ. ದೇವಾ ಸಂಗ ತುಮೀ ಯಕ್ ವ್ಹವಾ ಮನ್ಹುನ್ ಕ್ರಿಸ್ತ ಯೇಸುಚಾ ನಾವಾನಿ ಆಮೀ ತುಮಾನಾ ಇನಂತಿ ಕರ್ತಾವ್. 21 ಪಾಪುಸ್ ಠಾವ ನಸ್‌ಲ್ಯಾಲ್ಯಾ ಕ್ರಿಸ್ತ ಯೇಸುಲಾ ದೇವಾನಿ ಆಮ್ಚಿ ಸಾಟಿ ಪಾಪಿ ಕರ್ತೊ. ಕ್ರಿಸ್ತ ಯೇಸುಪ ಆಮೀ ನೀಯೆತಿಚ಼ ವ್ಹಯಾವ್ಹಯಿ ಮನ್ಹುನ್ ದೇವಾನಿ ಆಸ ಕೆಲ್ಯಾ.