1 ಮಾಯಾಚಾ ಬನ್ಹಿ ಬಾವ್ಹಾನು, ಮಕೆದೊನ್ಯಾತ್ಲೆ ಸಭೆನಾ ದಿಲ್ಯಾಲಿ ದೇವಾಚೆ ಕ್ರುಪೆಚೆ ಗುಸ್ಟಿತ್ ತುಮಾನಾ ಸಾಂಗಾಯಾ ವ್ಹಯಿ ಮನ್ಹುನ್ ಮನ್ ಕರ್ತಾವ್, 2 ತೆ ಸಭೆತಲ್ಯಾನಾ ಖುಬ್ ಕಷ್ಟ ಆಲಾತರಿ ಖುಬ್ ಗರಿಬ್ತಿತಿತ್ ಆಸ್ಲತರಿ ಖುಬ್ ಸಂತೊಶಾನಿ ಬರುನ್ ಖುಬ್ ಉಧಾರ್ ಜಾ಼ಲಿತ. 3 ತ್ಯನಾ ಕಿತ್ಕ ದಿಯಾವ್ಹತ ತ್ಯವ್ಡಸ್ ನವ್ಹ ತ್ಯಚಿವ್ನಿ ಆಗಾವ್ ಉಮೆದಿನಿ ದಾನ್ ಕೆಲ ಹ್ಯಲಾ ಮಿಸ್ ವಳಕ್. 4 ಯುದಾಯಾತ್‌ಲ್ಯಾ ದೇವಾಚಾ ಲೊಕಾನಾ ಮಜ಼ತ್‍ ಕರ್ತ್ಯಾಲ್ಯಾ ಕಾಮಾತ್ ಆಪ್ನು ವಾಟ್ನಿಗಿಹ್ಯಾ ಹುಕುಮ್ ಗಿಹ್ಯಾ ಆಮ್ಚಿಪ ಖುಬ್ ಮಾಗ್ಲ. 5 ಆಮಿ ಹ್ಯಚಿ ಆಶಾ ಥೆವಲ್ಯಾಚೆಗತ್ ತ್ಯಂಚಾನಿ ದಿಯಾಚೆಆಂದಿ, ಆಪ್‌ಲ್ಯಾನಾ ಆಪ್ನು ಪ್ರಭುಚಾ ಹಾತಾತ್ ದೆತ್ಯಾತ; ನಂತರ್ ದೇವಾಚಾ ಮನಾಚೆ಼ಗತ್ ಆಮಾನಾ ಆಪ್‌ಲ್ಯಾನಾಸ್ ದೆತ್ಯಾತ. 6 ತೀತಾನಿ ಸುರುಕೆಲ್ಯಾ ಶಾರ್ಕ ಧರ್ಮಾಚಿ಼ ಕಾಮ ಕರಾಯಾವ್ಹಯಿ ಮನ್ಹುನ್ ಆಮಿ ತ್ಯಚಿಪ ಮಾಗ್ಲ. 7 ತುಮಿ ದೇವಾವಲ್ಯಾ ಇಸ್ವಾಸಾನಿ, ಬುಲಿತ್ ಶಾನ, ಗಿನ್ಯಾನ್ಯಾತ್, ಸಗ್ಳೆ ತರಚೆ ಉಮೇದಿತ್ ಆನಿ ಆಮ್ಚಾ ಹುಕ್ಮಾನಿ ತುಮ್ಚಿಪ ಉತ್ಪನ್ ಜಾ಼ಲ್ಯಾಲೆ ಮಾಯೆತ್ ಕಸ ವಾಲ್ಯಾಂಡ್‍ಲ್ಯಾಸಾ ತಸಸ್ ಹ್ಯಾ ಧರ್ಮಾಚಾ ಕಾಮಾತ್ಬಿ ವಾಡತ್ ಜಾ಼ವಾ.

8 ಹೆ ಅಜ್ಞಾನಿ ಸಾಂಗಿತ್ನಾಹಿ ಫನ್ ದುಸ್‍ರ‍್ಯಾಚೆ ಆಶಾಲಾ ಮಿಳ್ವುನ್ ತುಮ್ಚಿ ಮಾಯಾ ಕ್ಯವ್ಡಿ ಖರಿ ಮನ್ಹುನ್ ಸಾಬೀತ್ ಕರಾಯಾ ವ್ಹಯಿ ಮನ್ಹುನ್ ಸಾಂಗ್ತೊ. 9 ಆಮ್ಚಾ ಪ್ರಭು ಯೇಸು ಕ್ರಿಸ್ತಾಚಿ ಕ್ರಪಾ ತುಮಾನಾ ಠಾವಿ ಹಾ ನವ್ಹ; ತ್ಯೊ ಸಾವ್ಕೊರ್ ಆಸ್ಲಾತರಿ ಗರಿಬ್ತೀತಿತ್ನಿ ತುಮಿ ಸಾವ್ಕಾರ್ ವ್ಹಯಾ ವ್ಹಯಿಸಾ ಮನ್ಹುನ್ ತುಮ್ಚಿಸಾಟಿ ತ್ಯೊ ಗರಿಬ್ ಜಾ಼ಲಾ.

10 ಹ್ಯಾ ಧರ್ಮಾಚಾ ಕಾಮಾಚೆ ಗುಸ್ಟಿತ್ ಮಾಜಿ ಪಾರಕ್ ಸಾಂಗ್ತೊ, ಹ್ಯ ತುಮ್ಚೆ ಮಜ಼ತಿಸಾಟಿ; ಹ್ಯ ಕಾಮ್ ಯಕಾ ವರ್ಸಾಚೆ ಮಾಗ ಕರಾಯಾ ತುಮಿ ಮನ್ ಕೆಲ್ಯಾಲ ಚಾಂಗ್ಲವಾಟ್ಲ. ಮೊರ್ಹಜಾ಼ಯಾ ಮನ್ಕೆಲ್ಯಾ ಶಾರ್ಕ ತ್ಯ ಹಾತಾತ್ ಯಯಾ ಯತ್ನಕರಾ. 11 ಹ್ಯ ಕಾಮ್ ಸುರು ಕರಾಯಾ ತುಮ್ಚಿಪ ಶಾರ್ಕ ಮನ್ ಹಾ, ತಸಸ್ ತುಮಿ ಬೊಲ್ಯಾ ಶಾರ್ಕ ತುಮ್ಚ಼ ಕಾಮ್ ಪುರಾ ಕರಾ. 12 ಯಕ್‍ಟ್ಯಾನಿ ದಿಯಾಲಾ ಮನ್ ಕೆಲತ ತ್ಯನಿ ಉದಾರ್ ಮಾನಾನಿ ದಿಲತ ತ್ಯ ಮಾನ್ಯಾ ವ್ಹನಾರ್; ತ್ಯಲಾ ದೇವಾಪ್ನಿ ಮರ‍್ಯಾದ್ ಗಾವ್ನಾರ್.

13 ದುಸ್‍ರ್ಯಾಚಾ಼ ಕಸ್ಟಜಾ಼ಯಾ, ಆನಿ ತುಮಾನಾ ಕಸ್ಟಯಯಾ ಮಾಜ಼ ಮನ್ ನವ್ಹ; ದೊಗಬಿ ಸಮಾ ವ್ಹಯಾ ವ್ಹಯಿಸಾ ಮನ್ಯಾಚ಼ಸ್ ಮಾಜ಼ಮನ್. 14 ಕವಾ ತುಮಿ ತರಾಸಾತ್ ಹಾಸಾ ತವಾ ತ್ಯಂಚಿಪ ಖುಬ್ ಆಸ್ಥಾನಾ ತೀ ತುಮಾನಾ ಮಜ಼ತ್ ಕರ್ನಾರ್. ಆಸಸ್ ಯಕಾ ಮಕಾಲಾ ತುಮಿ ಮಜ಼ತ್ ಕರ್ತ್ಯಾಲ ವ್ಹನಾರ್. 15 ಧರ್ಮಶಾಸ್ತಾರಾತ್ ಲಿವ್‍ಲ್ಯಾಚೆ಼ಗತ್ ಖುಬ್ ಮಿಳಿವ್‌ಲ್ಯಾಲ್ಯಾಲಾ ಖುಬ್ ಜಾ಼ಲನಾಹಿ ಥೊಡ ಮಿಳಿವ್‍ಲ್ಯಾಲ್ಯಾಲಾ ಕಾಯ್ ಕಮಿ ಜಾ಼ಲನಾಹಿ. ಇಮೊಚನ್ 16:18

16 ತುಮ್ಚೆ ಗುಸ್ಟಿತ್ ಆಮಾನಾ ಆಸ್‌ಲ್ಯಾಲಿ ಕ್ಯಾಳ್ಜಿ ದೇವಾನಿ ತೀತಾಚಾ ಮನಾತ್ಬಿ ಪಿಕಿವ್‌ಲ್ಯಾಲೆಸಾಟಿ ತ್ಯಲಾ ಸ್ತೊತ್ರ ವ್ಹವುನಿ. 17 ತ್ಯೊ ತುಮ್ಚಿಪ ಜಾ಼ಯಾವ್ಹಯಿ ಮನ್ಹುನ್ ಆಮಿ ಮಾಗ್ಲ ತವಾ ತ್ಯೊ ಹು ಮನ್ಹುನ್ ಉಮೆದಿನಿ, ಆಪ್‌ಲ್ಯಾ ಮನಾನಿ ತುಮ್ಚಿಪ ಆಲಾ. 18 ತ್ಯಚಿ ಸಂಗ ಆನಿ ಯಕಾ ಬಾವ್ಹಾಲಾಬಿ ಲಾವುನ್‌ದಿಲ್ಯಾ. ಹ್ಯಾ ಬಾವ್ಹಾಚ಼ ಬಾವ್ಹು ಬರೆ ಖಬ್ರಿಚೆ಼ ಸೇವೆತ್ ಸಗ್ಳೆ ಸಭೆತ್ನಿ ನಾವ್‌ ವಾಜ಼ಲ್ಯಾ. 19 ಯವ್ಡಸ್‌ನವ್ಹ, ಪ್ರಭುಚೆ ಮೈಮೆಸಾಟಿ ಆನಿ ಆಮಚ಼ ಶಾರ್ಕ ಮನ್ ದಾವಾಯಾಸಾಟಿ ಆಮಿ ಚಾ಼ಲಿವತ್ಯಾಲ ಧರ್ಮಾಚಾ ಕಾಮಾಶಾರ್ಕ ಆಮ್ಚಿ ಸಂಗ ಯಯಾ ಸಭೆತ್ನಿ ಹ್ಯಲಾ ನಿವಡ್‍ಲ್ಯಾ. 20 ಆಮಿ ಗೊಳಾ ಕರ್ತ್ಯಾಲೆ ಹೆ ಉಮೆದಿನಿ ದಿಲ್ಯಾಲೆ ದಿನ್ಗಿಚೆ ಗುಸ್ಟಿತ್ ಯಕಾಲಾಬಿ ಆಮ್ಚಿವ ಚು಼ಕ್‌ ವಾವಾಯಾ ಆವ್ಕಾಸ್ ದಿವುನಾಹಿ. 21 ಕಾ ಮಂಜೆ ದೇವಾಚೆ ನದ್ರತ್ ತ್ಯವ್ಡಸ್‌ ನವ್ಹ ಮಾನ್ಸಾಚೆ ನದ್ರತ್ಬಿ ಚಾ಼ಂಗ್ಲತ್ಯ ಕರಾಚ಼ ಆಮಚ಼ ಮನ್ಹ.

22 ಹ್ಯಂಚೆ ದೊಗಾಂಚೆ ಸಂಗ ಆಮ್ಚಾ ಬಾವ್ಹಾತ್‌ಲ್ಯಾ ಆನಿ ಯಕಾಲಾ ಲಾವುನ್‌ದಿಲ್ಯಾ; ಆಮಿ ಖುಬ್ ಯಳಾ, ಖುಬ್ ಕಾಮಾತ್ನಿ ತ್ಯಚಿ಼ ಪಾರಕ್ ಕರುನ್ ಮನ್‌ ಆಸ್‍ಲ್ಯಾಲಾ ಮನ್ಹುನ್ ಸಮಜು಼ನ್‌ ಗೆತಲ್ಯಾ; ಆತ್ತಾ ತ್ಯನಿ ತುಮ್ಚಿವ ಥೆವ್‌ಲ್ಯಾಲಾ ವ್ಹಯಿತ್ಯೊ ಇಸ್ವಾಸಾನಿ ಆಜು಼ನ್ ಖುಬ್ ಮಜ಼ತ್ ಕರಾಯಾ ಆಸ್ನಾರಾಜಾ಼ಲ್ಯಾ. 23 ತೀತಾಚೆ಼ ಗುಸ್ಟಿತ್ ಸಾಂಗಾಚ಼ ಜಾ಼ಲ್ಯಾವ, ತ್ಯೊ ಮಾಜಾ಼ ವಾಟದಾರ್ ತುಮ್ಚಾ ಫ್ಯಾಯದ್ಯಾಸಾಟಿ ಮನಾ ಮಜ಼ತ್ ಕರ್ನಾರಾ ಜಾ಼ಲ್ಯಾ; ತ್ಯಾ ಬಾವ್ಹಾಚ಼ ಸಾಂಗಾಚ಼ ಜಾ಼ಲ್ಯಾವ, ತೆ ಸಭೆತ್ನಿ ಲಾವುನ್ ದಿಲ್ಯಾಲ ಆನಿ ಕ್ರಿಸ್ತಾಚಿ ಮೈಮಾ ದಾವುನ್‌ದೆನಾರ ಜಾ಼ಲ್ಯಾತ. 24 ತ್ಯಂಚಿಸಾಟಿ ಹ್ಯನಾ ಮಾಯೆನಿ ಬಗಾ. ಆಮಿ ತುಮಾನಾ ವವ್ಯಾಳ್ಯಾ ಶಾರ್ಕ ಚಾ಼ಲುನ್ ಸಭೆನಾ ತುಮ್ಚಿ ಮರ್ಯಾದ್ ದಾವುನ್‌ದೆವಾ.