1 ಮೀ ಮನಾ ವವ್ಯಾಳುನ್ ಗೆನಾರ ಖುಳಫನ್ ತುಮಿ ಜ಼ರಾ ಸುಸ್ವುನ್ ಗಿಹಿತಾಸಾತ ಬರ ವ್ಹಯಿತ. ತುಮಿ ಮನಾ ಸುಸ್ವುನ್‌ ಗೆವಾ. 2 ಕಾ ಮಂಜೆ ದೇವಾಪ ಆಸ್‍ಲ್ಯಾಲೆ ಕ್ಯಾಳ್ಜಿನಿಸ್ ಮೀ ತುಮ್ಚೆ ಗುಸ್ಟಿತ್ ಕ್ಯಾಳ್ಜಿ ಕರ್ತೊ. ತುಮಾನಾ ಕ್ರಿಸ್ತ ಮಂತ್ಯಾಲ್ಯಾ ಯಕ್‌ಲ್ಯಾಸ್ ಗಡ್ಯಾಲಾ ಚಾ಼ಂಗ್ಲಿ ಕನ್ಯಾ ಕರುನ್ ದಿಯಾವ್ಹಯಿ ಮನ್ಹುನ್ ತುಮಾನಾ ತ್ಯಲಾ ಥರಿವ್‍ಲ್ಯಾ ನವ್ಹ. 3 ಫನ್ ಕಸಿ ಹವ್ವಾ ಸಾಪಾಚೆ಼ ಯವಜ್ನಾ಼ತ್ ಗಾಹುನ್ ಫಸ್ಲಿ ತಸಿ ತುಮಚ಼ ಮನ್ ಕ್ರಿಸ್ತಾಚೆ ಗುಸ್ಟಿತ್ ವ್ಹಯಿಜಾ಼ಲ್ಯಾಲಿ ಶುದ್ ಬಕ್ತಿ ಆನಿ ಸರಳ್ಪನ್ ಸುಡುನ್ ಬಾದ್ ವ್ಹಸಿಲಾ ಮನ್ಹುನ್ ಮನಾ ಭ್ಯಾವಾಟ್ಯಾ. 4 ಕಾ ಮಂಜೆ ಕೊನ್ತರಿ ಯವುನ್ ಆಮಿ ಶಿಕಿವ್‌ಲ್ಯಾಲ್ಯಾ ಯೇಸುಲಾ ಸುಡುನ್ ಆನಿ ಯಕಾ ಯೇಸುಲಾ ತುಮಾನಾ ವಳಕ್ ಕರ್ತಾನಾ ನಾಹಿತ ತುಮಿ ಗೆತಲ್ಯಾ ನಸ್‌ಲ್ಯಾಲ ದುಸ್ರೆ ತರಚಾ ಆತಮ್ಯಾಚಾ಼ ಹುಕುಮ್ ಗೆತಾನಾ, ತುಮಿ ಗಿಹ್ಯಾಚೆ ಆಂದಿ ಆಸ್‌ಲ್ಯಾಲ ಆನಿಯೆಕ್ ಚಾ಼ಂಗ್ಲಿ ಖಬರ್ ಐಕ್ತಾನಾಬಿ ತುಮಿ ಸುಸ್ವುನ್ ಗೆತ್ಯಾಲ ಖುಬ್ ವಿಚಿತ್ರ.

5 ಖುಬ್ ಬರ ಅಪೊಸ್ತಲ್ ಮನ್ಹುನ್ ಗೆತ್ಯಾಲ್ಯಾಂಚಿವ್ನಿ ಮೀ ಕಶಾತ್ ಕಮ್ಮಿನಾಹಿ ಆಸ ಮನಾ ವಾಟ 6 ಮೀ ಬೊಲಾಯಾ ಶಾನಾ ನಸ್ಲೊತರಿ ಗಿನ್ಯಾನಾತ್ ಕಮ್ಮಿನಾಹಿ. ಹ್ಯ ಸಗ್ಳೆ ತರನಿ ಯಳಾನಿ ದಾವುನ್‌ ದಿಲ್ಯಾ.

7 ತುಮಿ ವರ್‌ ಯಯಾ ವ್ಹಯಿಸಾ ಮನ್ಹುನ್ ಮನಾಸ್ ಮೀ ಖಾಲ್ ವ್ಹವುನ್ ದೇವಾಚಿ ಬರಿ ಖಬರ್ ತುಮಾನಾ ಪುಕಟ್ ಸಾಂಗ್‌ಲ್ಯಾಲ್ಯಾತ್ ಪಾಪ್ ಕೆಲ ಕ್ಯಾ? 8 ತುಮ್ಚಿ ಸೇವಾ ಕರಾಯಾ ಸಾಟಿ ಮೀ ದುಸ್ರೆ ಸಭೆತ್ನಿ ಮಜ಼ತ್ ಗೆತ್ಲೆ, ತುಮ್ಚಿಸಾಟಿ ದುಸ್ರೆ ಸಭೆತ್ನಿ ಮಜ಼ುರಿ ಗೆತ್ಲೆಕ್ಯಾ. 9 ಮೀ ತುಮ್ಚಿಪ ಆಸ್ತಾನಾ ಖರ್ಚಾ಼ಲಾ ಕಾಯ್ ನಸ್‌ಲ್ಯಾಲ್ಯಾ ಯಳಾಲಾ ಕುನಾಲಾ ವಜ಼ ಜಾ಼ಲೊನಾಹಿ. ಮಕೆದೊನ್ಯಾತ್ನಿ ಆಲ್ಯಾಲ ಬನ್ಹಿ ಬಾವ್ಹಾಂಚಾ಼ನಿ ಮನಾ ಪಾಯ್ಜೆತ್ಯದಿಲ. ಮೀ ತುಮಾನಾ ಕಶಾತುಸ್ ವಜ಼ವ್ಹವುನಾಹಿ ಮನ್ಹುನ್ ಹುತೊ. ಹಿತ್ನಿ ಮೊರ್ಹಬಿ ರಾತೊ. 10 ಹ್ಯ ಮಾಜ಼ ವವ್ಯಾಳ್ನ ಅಖಾಯಾತಲ್ಯಾ ಗಾವಾತ್ನಿ ಯೊಕ್ಬಿ ಥಾಂಬಿವ್ನಾರ್ನಾಹಿ ಮನ್ಹುನ್ ಕ್ರಿಸ್ತಾಚೆ ಮೊರ್ಹ ಖರ‍್ಯಾನಿ ಸಾಂಗ್ತೊ. 11 ತುಮ್ಚಿಪ್ನಿ ಮೀ ಕಾಯೆಕ್ ಗಿಹಿತ್ನಾಹಿ ಕಾ? ತುಮ್ಚಿವ ಮಾಯಾ ನಾಹಿ ಮನ್ಹುನ್ ಕ್ಯಾ? ನಾಹಿ, ತುಮ್ಚಿವ ಮನಾ ಆಸ್‌ಲ್ಯಾಲಿ ಮಾಯಾ ಕ್ಯವ್ಡಿ ಮನ್ಹುನ್ ದೇವಾಲಾಸ್ ಠಾವಿಹಾ.

12 ಥೊಡ್ಯಾಂಚಾನಿ ಆಪ್ನು ಕರ್ತ್ಯಾಲಿ ಕಾಮ, ಆಮಿ ಅಪೊಸ್ತಲ್ ವ್ಹವುನ್ ಕರ್ತ್ಯಾಲ್ಯಾ ಕಾಮಾಲಾ ಶಾರ್ಕ ಮನ್ಹುನ್ ವಾದ್ ಕರಾಯಾ ಅವ್ಕಾಸ್ ಗಾವ್ತೊಕ್ಯಾ ಬಗ್‌ತ್ಯಾತ. ಶೊತ್ಯಾಲ್ಯಾನಾ ಕಸ್ಲಾಸ್ ಅವ್ಕಾಸ್ ಗಾಹುನಾಹಿ ಆಸಾ ಮೀ ಆತಾ ಕರ್ತ್ಯಾಲಸ್ ಚಾ಼ಲ್ವಿತ್ ಜಾ಼ತೊ. 13 ಫನ್ ತಸ್ಲ ಲಬಾಡ್ ಅಪೊಸ್ತಲ್, ಗಾತ್ ಕರ್ತ್ಯಾಲ್ಯಾ ಕಾಮಾಚ಼, ಕ್ರಿಸ್ತಾಚ಼ ಅಪೊಸ್ತಲ್ ವ್ಹವುನ್ ದಿಸಾಯಾ ರುಪ್ ಜಾ಼ಲ್ಯಾತ. 14 ಹ್ಯ ಕಾಯ್ ಚಮತ್ಕಾರ್ನವ್ಹ. ಸೈತಾನ್ ಆಪ್ನುಸ್ ಉಜೀಡಾಚಾ ದೇವ್‌ ದುತಾಚ಼ ರುಪ್ ಗ್ಯಾಲ್ತಾನಾ, 15 ತ್ಯಚ಼ ಸೇವಕ್ ಸಾಯಿತ್ ನೀಯತಿಲಾ ಸೇವಕ್ ವ್ಹವುನ್ ದಿಸಾಯಾ ರುಪ್ ಗಾಲಾಚ಼ ಚಮತ್ಕಾರ್ ಕಾಯ್ ನವ್ಹ. ತ್ಯಚಿ ಶೆವಟ್ ತ್ಯಚಾ ಕಾಮಾ ಶಾರ್ಕಿಸ್ ಹಾ.

16 ಕುನಿ ಮನಾ ಖುಳಾ ಮನ್ಹುನ್ ಸಮಜು಼ನಾಹಿ ಮನ್ಹುನ್ ಪರ್ತುನ್ ಸಾಂಗ್ತೊ. ತಸ ಸಮಜು಼ನ್‌ ಗೆತ್ಲತರಿ ಚಿಂತಾನಾಹಿ. ಮನಾ ಖುಳಾ ಮನ್ಹುನುಸ್ ಸಮಜು಼ನ್ ಗೆವ್ಹಾ. ತವಾ ಮನಾ ಥುಡಿ ಮರ‍್ಯಾದ್ ಗಾವ್ಹಲ್. 17 ಮೀ ಹ್ಯ ಬೊಲತ್ಯಾಲ ಪ್ರಭುಚಾ ಹುಕ್ಮಾಚೆಗತ್ ಬೊಲತ್ನಾಹಿ ಇಸ್ವಾಸಾನಿ ಆಪ್‌ಲ್ಯಾಲಾ ವವ್ಯಾಳುನ್ ಗೆತ್ಯಾಲ್ಯಾ ಖುಳ್ಯಾಚೆಗತ್ ಬೊಲ್ತೊ. 18 ಖುಬ್ ಜ಼ನ ದುನೆತಲ್ಯಾ ಕಾಮಾತ್ ವವ್ಯಾಳುನ್ ಗೆತ್ಯಾತ ಮನ್ಹುನ್ ಮೀ ವವ್ಯಾಳುನ್ ಗೆಥೊ. 19 ತುಮಿ ಶಾನಿ ವ್ಹವುನ್ ಖುಳ್ಯಾನಾ ಸಂತೊಶಾನಿ ಸುಸ್ವುನ್ ಗೆತಾಸಾನವ್ಹ 20 ಯಕಾನಿ ತುಮಾನಾ ಆಪ್‌ಲ್ಯಾಲಾ ತಾಬ್ಯಾತ್‌ ಗೆತ್ಲತ, ಯಕ್‌ಲ್ಯಾನಿ ತುಮಾನಾ ಆಡ್‍ಕ್ಯಾವ್ಲಾತ, ಯಕಾನಿ ತುಮಾನಾ ಪಸ್ವುನ್ ದರ್ಲತ, ಯಕಾನಿ ಆಪ್ಲ ಥೊರ್ಲಫನ್ ಸಾಂಗ್ಲತ, ಯಕಾನಿ ತುಮ್ಚಾ ತೊಂಡಾವ ಮ್ಯಾರ್ಲಾತರಿ ಸುಸ್ವುನ್ ಗೆತಾಸಾ ನವ್ಹ.

21 ಆಮಿ ಬಳ್ ನಸಲ್ಯಾಲಿ ಹಾವ್ ಮನ್ಹುನ್ ಹಿನವುನ್ ಸಾಂಗ್ತೊ. ಕಸ್‌ಲ್ಯಾಸ್ ಆಧಾರಾನಿ ಕೊನ್ ತರಿ ಬಡಾಯಿ ಮನ್ಹುನ್ ಗೆತೊ ತ್ಯನಿಸ್ ಮೀ ವವ್ಯಾಳಾಯಾಸಾಟಿ ಖುಳ್ಯಾಚೆಗತ್ ಬೊಲ್ತೊ. 22 ತೀ ಇಬ್ರಿಯ ಕ್ಯಾ? ಮೀ ಇಬ್ರಿಯಾ. ತೀ ಇಸ್ರಾಯೇಲ್ ಕ್ಯಾ? ಮೀ ಇಸ್ರಾಯೇಲ್. ತೀ ಅಬ್ರಹಾಮಾಚಾ ವಂಶಾತ್ಲಿ ಕ್ಯಾ? ಮೀ ತ್ಯಾಸ್ ವಂಶಾತ್ಲಾ. 23 ತೆ ಕ್ರಿಸ್ತಾಚ಼ ಸೇವಕ್ ಕ್ಯಾ? ತ್ಯಂಚಿವ್ನಿ ಮೀ ಖುಬ್ ಸೇವಾ ಕರ್ನಾರಾಜಾ಼ಲ್ಯೊ. ಮೀ ಖುಳ ದರ್ಲ್ಯಾಚೆ಼ಗತ್ ಬೊಲ್ತೊ ಕ್ರಿಸ್ತಾಚಿ ಸೇವೆ ತ್ಯಂಚಿವ್ನಿ ಖುಬ್ ಕೆಲೆ, ಖುಬ್ ಖೆಪಾ ತುರುಂಗಾತ್ನಿರಾಯ್ಲೊ, ಖುಬ್ ತಡಾಕ ಖಾಲ. ಖುಬ್ ಖೆಪಾ ಮರ್ನಾತ್ ಗಾವ್ಲೊ ಹುತೊ. 24 ಪಾಚ಼್ ಕೆಪ್ಪಾ ಯೆಹುದ್ಯಾಂಚಾ಼ಪ್ನಿ ಮನಾ ಎಕ್ ಕಮ್ಮಿ ಚಾಳಿಸ್ ತಡಾಕ ಬಸ್ಲ. 25 ತಿಂದಾ ಟೊನ್ಯಾನಿ ಮನಾ ಮ್ಯಾರ್ಲಾ. ಯಂಗ್ದಾ ಮಾಜಿವ ದೊಂಢ ಮ್ಯಾರ್ಲ. ತಿಂದಾ ಮೀ ಆಸ್‌ಲ್ಯಾಲಿ ವ್ಹಡಿ ಪುಠುನ್‌ಗೆಲಿ. ಎಕ್ ರ‍್ಯಾತ್ ಎಕ್ ದಿಸ್ ಸಮೀಂದೊರಾತ್ ಪಾನ್ಯಾತ್‍ ಕ್ಯಾಡ್ಲ. 26 ಕ್ರಿಸ್ತಾಚೆ಼ ಸೇವೆತ್ ಕಿತಿಕಿ ಪ್ರಯಾನ್ ಕೆಲ. ನ್ಹಚ಼ ದೊಖ, ದುಸ್‌ರ‍್ಯಾ ಚೊ಼ರಾಂಚ಼ ದೊಖ, ಆಪ್‍ಲ್ಯಾ ಯೆಹುದಿ ಲೊಕಾಂಚ಼ ದೊಖ, ಯೆಹುದಿ ನಸ್‌ಲ್ಯಾಲ್ಯಾ ಲೊಕಾಂಚ಼ ದೊಖ ಪೆಠತ್ನಿ ದೊಖ, ಲೊಕ ನಸಲ್ಯಾಲ್ಯಾ ಜಾ಼ಗ್ಯಾವ ದೊಖ, ಸಮಿಂದೊರಾತ್ ದೊಖ, ಲಬ್‌ಡ್ಯಾ ಬನ್ಹಿ ಬಾವ್ಹಾತ್ನಿ ದೊಖ ಮನಾ ಆಲ. 27 ಘಾಮ್ ಗಳ್ವುನ್ ರಾಬ್ಲೊ, ಕ್ಯವ್ಡಿ ಕೆಪ್ಪಾ ಜಾ಼ಗ್ರಾನ್ ಕಿಲಿ; ಬುಖತಾನಚಾ಼ ರಾಯ್ಲೊ; ಖುಬ್ ಖೆಪಾ ಆಸ್ರಾ ನಸ್ಥಾನಾ ಜೇವಾನ್ ನಸ್ಥಾನಾ, ಕಪ್ಡ ನಸ್ತಾನಾ ಪಿರ್ಲೊ; ಥಂಡಿ ವಾರ‍್ಯಾತ್ ಉಗ್ಡಾ ರಾಯ್ಲೊ. 28 ಆಸ್‌ಲ್ಯಾ ಆನಿ ಇತ್‌ಕ್ಯಾ ದುಸ್‌ರ‍್ಯಾ ಗುಸ್ಟಿ ನಾಹಿತ, ಸಗ್ಳೆ ಸಭೆಚಿ಼ ಕ್ಯಾಳ್ಜಿ ದಿಸುನ್ ದಿಸ್ ಮನಾ ಜಾ಼ಚ಼ವಿ. 29 ಕೊನ್‌ ತರಿ ಬಳ್‌ ನಸ್‌ಲ್ಯಾಲಾ ಜಾ಼ಲಾತ ಮೀ ತ್ಯಚಿ ಸಂಗ ಬಳ್ ನಸ್‌ಲ್ಯಾಲಾ ಜಾ಼ಲೊ ನಾಹಿ ಕ್ಯಾ? ಕೊನ್‌ ತರಿ ಚು಼ಕುನ್ ಗೆಲಾತ ಮನಾ ದುಖ್ ನಾಹಿ ಕ್ಯಾ?

30 ಮೀ ವವ್ಯಾಳುನ್ ಗಿಹ್ಯಾಚ ಜಾ಼ಲತ ಮಾನಾ ಬಳ್ ನಸ್‌ಲ್ಯಾಲ್ಯಾಲಾಸ್ ವವ್ಯಾಳ್ತೊ. 31 ಮಾಜಾ ಬೊಲ್ಯಾ ಲಬಾಡ್ ನವ್ಹತಾ ಮನ್ಹುನ್ ಆಮ್ಚಾ ಪ್ರಭು ಯೇಸು ಕ್ರಿಸ್ತಾಚಾ಼ ದೇವ್, ಬಾ ಜಾ಼ಲ್ಯಾಲಾ ಖಾಯಿಮ್ ಸ್ತುತಿ ಗೆನಾರಾ ದೇವ್ ಮನ್ಹುನ್ ಠಾವಾ ಹಾ. 32 ದಮಸ್ಕಾತ್ ರಾಜಾ಼ ಜಾ಼ಲ್ಯಾಲ್ಯಾ ಅರೇತಾಚಾ ತಾಬ್ಯಾತ್ ಆಸ್‌ಲ್ಯಾಲಾ ಅಧಿಪತಿ ಮನಾ ದರಾಯಾವ್ಹಯಿ ಮನ್ಹುನ್ ದಮಸ್ಕಾಚಿ಼ ಪ್ಯಾಟ್ ರ‍್ಯಾಖತಾ ಆಸ್ತಾನಾ 33 ಮನಾ ಎಕ ಬುಟ್ಟಿತ್ ಬಸ್ವುನ್ ಬಿಥಿಚೆ ಕಿಡಕಿತ್ನಿ ಖಾಲ್ ಉತರ್ಲಾ ಹುತ್ತಾ. ಆಸ ತ್ಯಚಾ ಹಾತಾತ್ನಿ ನಿಸ್ಟುನ್ ಪಳುನ್ ಗೆಲೊ.