ಪೌಲನು ತಿಮೊತಿಯನಿಗೆ ಬರೆದ ಮೊದಲನೆಯ ಪತ್ರಿಕೆ
ಪೌಲಾನಿ ತಿಮೊಥಿಲಾ ಲಿವ್ಲ್ಯಾಲ ದೊನ್ವ ಪತ್ರ
ವಳಕ್
ದೊನ್ವ ತಿಮೊತ್ಯಾಚ಼ ಪತ್ರ ಅಪೊಸ್ತಲ್ ಜಾ಼ಲ್ಯಾಲ್ಯಾ ಪೌಲಾನಿ ಆಪ್ಲಾ ಶಿಶಾ ಜಾ಼ಲ್ಯಾಲ್ಯಾ ತಿಮೊತ್ಯಾಲಾ ಲಿವ್ಲ್ಯಾಲ. ದೊನ್ವ ಪುಸ್ತಕ್ ಪೌಲಾಚಾ ಜಿವ್ನಾಚಾ ಸರ್ತ್ಯಾ ಯಳಾಲಾ ಲಿವಲ್ಯಾಲ. ಪೌಲ್ ತವಾ ರೊಮಾಚಾ ತುರುಂಗಾತ್ ಹುತ್ತಾ1:16 ಪೌಲಾಲಾ ತಿಮೊತ್ಯಾ ಸಂಗ ಚಾ಼ಂಗ್ಲಾ ಸಮಂದ್ ಹುತ್ತ. ಖುಬ್ ಖೆಪಾ ತಿಮೊತ್ಯಾಲಾ ಲೆಕಾ ಮನ್ಹುನ್ ಹಾಕ್ಟಿತಾ. ಪಿಲಿಪ್ಪಿ 2:22,1 ತಿಮೊಥಿ 1:2ಪೌಲಾನಿ ಸಬೆಲಾ ಲಿವಾಚೆ ಆಂದಿ ಯಕಾ ಮಾನ್ಸಾಲಾ ಲಿವ್ಲ್ಯಾಲ ಚಾರ್ ಪತ್‍ರ‍್ಯಾತ್ನಿ ಹ್ಯ ಪತ್ರ ಯಾಕ್ ಜಾ಼ಲ್ಯಾ. ಆನಿ ತಿನ್ ಪತ್ರಿ 1 ತಿಮೊಥಿ ತೀಥ ಆನಿ ಪಿಲೊಮಿನಾಲಾ. 2 ತಿಮೊಥಿ ಪತ್ರ ಲಿವ್ತಾನಾ ರೊಮಾಪುರಾಚಾ ಸಾಮ್ರಾಜಾತ್ ರಾತ್ಯಾಲ್ಯಾ ಕ್ರಿಸ್ತಾವಾನಾ ಹಿಂಸೆದೆತ್ಯಾಲಾ ಟಾಯಿಮ್ ಜಾ಼ಲ್ತಾ. ಮನ್ಹುನ್ ಹ್ಯಾಸ್ ಲಾಗುನ್ ಪೌಲ್ ತುರಂಗಾತ್ ಹುತ್ತಾ ಆನಿ ತಿಮೊತ್ಯಾಲಾ ತರಾಸ್ ಸುಸುವುನ್ ಗಿಹ್ಯಾಲಾ ಧೀರ್ ದಿಲಾ. ಯಕ್‍ವ್ಯಾ ತಿಮೊತ್ಯಾಚಾ ಪತರ‍್ಯಾತ್ ಆಸಲ್ಯಾಚೆಗತ್ ಪೌಲಾನಿ ತಿಮೋತ್ಯಾಲಾ ಲಬಾಡ್ ಸಿಕಿವನ್ಯಾರ‍್ಯಾಂಚೆ ಗುಸ್ಟಿತ್ ಹುಶಾರ್ಕಿ ದಿಲೆ. 1 ತಿಮೊಥಿ 1:16-18 ಆನಿ ಮೊರ‍್ಹ ಯತ್ಯಾಲ್ಯಾ ತರಾಸಾಂಚಾ ದಿಸಾಂಚ಼ ಸಾಂಗಲ್ಯಾ 3:1
ಭಾಗ್
1. ಪೌಲ್ ತಿಮೊತ್ಯಾಲಾ ಕುಶಾಲ್ಬಾತ್ನಿ ಇಚಾರಿತ್ ಹ್ಯ ಪತ್ರ ಸುರು ಕರ್ತೊ. 1:1-2ತ್ಯಾ ನಂತರ್ ತ್ಯನಿ ಉಮೆದ್ದಿಲೆ 1:3-18
2. ತ್ಯಾ ನಂತರ್ ಆಲ್ಯಾಲಾ ತರಾಸ್ ಸಮಾದಾನಾನಿ ಸುಸ್ವುನ್ ಗಿಹ್ಯಾಲಾ ಸಾಂಗಲ್ಯಾ. 2:1-13
3. ತ್ಯಾ ನಂತರ್ ಸಾದ್ಯಾ ಪಾರ್ಕಿ ದಿಲ್ಯಾತಾ2:14-26
4. ಆನಿ ಮೊರ‍್ಹ ಯತ್ಯಾಲ್ಯಾ ಖನ್ಕತಿನಾ ಶಾರ್ಕ ಉತ್ತರ್ ದಿಯಾವ್ಹಯಿ ಮನ್ಹುನ್ ಖಡ್ಯಾವಲ್ಯಾಲ.3:1—4:8
5. ತಿಮೊತ್ಯಾಲಾ ಥೊಡ್ಯಾ ಆಪಲ್ಯಾ ಪಾರ್ಖಿ ಸಾಂಗಿತ್ ಪೌಲಾನಿ ಪತ್ರ ಸಪಿವ್‍ಲ್ಯಾ.4:9-21
1
1 ಪೌಲಾಪ್ನಿ ತ್ಯೊ ದೇವಾಚಾ ಮನಾನಿ ಯೇಸು ಕ್ರಿಸ್ತಾಚಾ಼ ಅಪೊಸ್ತಲ್ ಜಾ಼ಲ್ಯಾ ಆನಿ ತ್ಯಲಾ ಕ್ರಿಸ್ತ್ ಯೇಸುಪ್ನಿ ಜೀವ್ನಾ ಗಿಹ್ಯಾ ವಾಗ್ದಾನ್ ಸಾಂಗಾಯಾ ಸಿಕಿವ್‌ಲ್ಯಾ
2 ಮಾಜಾ ಮಾಯೆಚಾ ಲೇಕಾ ತಿಮೊಥ್ಯಾ,
ಬಾ ದೇವಾಪ್ನಿ ಆನಿ ಆಮ್‍ಚ಼ಾ ಪ್ರಭು ಜಾ಼ಲ್ಯಾಲ್ಯಾ ಕ್ರಿಸ್ತ ಯೇಸುಚಿ ಕ್ರಪೆಬಿ ಕರ್ನಾಬಿ ಸಮಾದಾನ್ ಗಾಹುನಿ.
ಉಪ್ಕಾರಾಚ಼ ಗೀತ್ ಆನಿ ಉಮೇದ್ ದಿಯಾಚಿ
3 ಮೀ ಕವಾಬಿ ರ‍್ಯಾತ್ ದೀಸ್ ಮಾಜಾ ಮಾಗ್‌ನ್ಯಾತ್ ಯಾದ್ ಕರೀತ್ ದೇವಾಲಾ ದನ್ಯಾವಾದ್ ದೆತೊ. ಆನಿ ತ್ಯಚಿ ಸೆವಾ ಆಮ್ಚಾ ವಡ್ಲಾಂಚಿ ಸೆವಾ ಪುರ‍್ಯಾ ಮನಾನಿ ಕರ್ತೊ. 4 ತು ಮಾಜಿ ಸಾಟಿ ರಡ್‌ಲ್ಯಾಲಾ ಮಾಜೆ ಯದತ್ ಹಾ. ತುಲಾ ಬಗಾಯಾ ವ್ಹಯಿ ಮನ್ಹುನ್ ಮನಾ ಖುಬ್ ಮನ್ ಜಾ಼ಲ್ಯಾ. ತುಲಾ ಬಗ್ಲಾಕಿಸ್ ಮನಾ ಆನಂದ್ ವ್ಹನಾರ್. 5 ತುಜಾ಼ ಖರಾ ಇಸ್ವಾಸ್ ಮಾಜೆ ಯದತ್ ಹಾ. ತೇ ತರಚಾ಼ ಇಸ್ವಾಸ್ ತುಜಿ ಮಾತ್ರಾಯಿ ಲೊವಿಪ ಆಯಿ ಯುನಿಕೆಯಪಬೀ ಹುತ್ತಾ. ಆತಾ ತ್ಯೊಸ್ ಇಸ್ವಾಸ್ ತುಜಿಪಬೀ ಹಾ ಮನ್ಹುನ್ ಮನಾ ಸಮಾಜ಼ಲ್ಯಾ. 6 ಹ್ಯಚಿಸಾಟಿ ಮಿ ತುಲಾ ಯಾದ್ ಕರ್ತೊ ದೇವಾನಿ ತುಲಾ ದಿಲ್ಯಾಲ ಕ್ರುಪೆಚೆ ವರ್ದಾನ್ ಪೆಟತುಸ್ ರಾಹುನಿ ಮಿ ತುಜಿವ ಮಾಜಾ಼ ಹಾತ್ ಥೆವ್ಲಾ ತವಾ ತ್ಯ ತುಲಾ ಗಾವ್ಲ. 7 ದೇವಾನಿ ಆಮಾನಾ ದಿಲ್ಯಾಲ ಆತ್ಮ ಬಿಥ್ರ ನವ್ಹ ದಿರ‍್ಹಾಚ಼. ಆಮಾನಾ ಬಳಾನಿ ಮಾಯೆನಿ ಆನಿ ಆಪ್‌ಲ್ಯಾ ತಾಬ್ಯಾತ್ ಥೆವ್‍ತ್ಯಾಲ ಆತ್ಮ ತ್ಯನಿ ದಿಲ.
8 ಮನ್ಹುನ್ ತು ಆಮ್ಚಾ ಪ್ರಭು ಆನಿ ತ್ಯಚಿಸಾಟಿ ಕ್ಯೊಂಡ್‌ಲ್ಯಾಲಾ ಮಾಜಿಸಾಟಿ ವಳಕ್ ದಿಯಾ ಲಾಜು಼ನಕೊಸ್ ದೇವಾನಿ ತುಲಾ ದಿಲ್ಯಾಲೆ ಬರೆ ಖಬರಿಸಾಟಿ ತರಾಸ್ ಕಾಡಾಯಾ ಮಾಜಿ ಸಂಗ ರ‍್ಹಾ.
9 ದೇವಾನಿ ಆಮಾನ ರಾಖುನ್, ಆಪ್ಲಿ ಸ್ವತಾಚಿ ಲೊಕ ವ್ಹಯಾ ಸಾಟಿ ಹಾಕಟ್‌ಲ್ಯಾ. ಆಮಿ ಕೇಲ್ಯಾಲ್ಯಾ ಚಾ಼ಂಗಲ್ಯಾ ಕಾಮಾಸ್ ಲಾಗುನ್ ಆಸ ಜಾ಼ಲ್ಹ ಮನ್ಹುನ್ ನವ್ಹ. ತ್ಯೊ ಆಪ್ಲೆ ಪಾರ್ಕಿ ಶಾರ್ಕ ಆನಿ ಕ್ರಪೆ ಶಾರ್ಕ ಆಮಾನಾ ರಾಖುನ್ ಆಪ್ಲಿ ಕಿಲಿತ. ಪೈಲ್ಯಾ ಕಾಲಾತುಸ್ ಹಿ ಕ್ರಪಾ ಕ್ರಿಸ್ತ್ ಯೇಸುಪ್ನಿಸ್ ಆಮಾನಾ ಮಿಳಾಲೆ. 10 ಫನ್ ಆತಾ ಆಮಚಾ಼ ರಾಖನ್ದಾರ್ ಜಾ಼ಲ್ಯಾಲಾ ಕ್ರಿಸ್ತ ಯೇಸು ದಿಸತ್ಯಾಲ್ಯಾಸ್ ಲಾಗುನ್ ತ್ಯನಿ ಮರಾನ್ ನಾಸ್ಕೇಲಾ ಆನಿ ಜೀವ್ ಆನಿ ಮರ್ನಾತ್ನಿ ಜಿತ್‌ಲ್ಯಾಲಾ ಬರೆ ಖಬರಿಸ್ನಿ ಮನ್ಹುನ್ ದ್ಯಾವ್‌ಲ್ಯಾ.
11 ತೇ ಬರೆ ಖಬ್ರಿ ಸಾಟಿ ಅಪೊಸ್ತಲ್ ಕರುನ್ ಮಾಸ್ಥರ್ ಮನ್ಹುನ್ ನಿವಡ್ಲಾ. 12 ಬರಿ ಖಬರ್ ಸಾಂಗ್ಲಿ ಮನ್ಹುನುಸ್ ಮೀ ಆತಾ ತರಾಸ್ ಖಾಯಾಲಾಗಲ್ಯೊ. ಕಾ ಮಂಜೆ ಮೀ ಇಸ್ವಾಸ್ ಥೆವ್‌ಲ್ಯಾಲಾ ಮನಾ ಠಾವಾ ಹಾ. ತ್ಯನಿ ಮಾಜಾ ತಾಬ್ಯಾತ್ ದಿಲ್ಯಾಲಾ ತ್ಯೊ ದಿಸ್ ಯಯಿ ಪರ್‍ಯಾತ್ ರಾಖಾಯಾ ತ್ಯೊಸ್ ಆಮಾನಾ ರ್‍ಯಾಕ್‌ತ್ಯಾಲಾ ಮನ್ಹುನ್ ಖರ್‍ಯಾನಿ ಮನಾ ಠಾವ ಹಾ.
13 ಕಸ್‌ಲ್ಯಾ ಗುಶ್ಟಿ ಮಾಜಿಪ್ನಿ ತು ಸಿಕ್‌ಲ್ಯಾಸ್ ತ್ಯ ಇಸ್ವಾಸಾನಿ ಆನಿ ಕ್ರಿಸ್ತ ಯೇಸುಚೆ ಮಾಯೆನಿ ತ್ಯ ಚಾ಼ಂಗಲ್ಯಾ ಸಿಕ್ಷೆನಾಸಾಟಿ ಉದಾರನ್ ಥೆವ್. 14 ತುಜಾ ತಾಬ್ಯಾತ್ ದಿಲ್ಯಾಲ್ಯಾ ಚಾ಼ಂಗಲ್ಯಾ ಗುಶ್ಟಿ ಪವಿತ್ರಾತ್ಮಾಚಾ ಬಳಾನಿ ಸಂಬಾಳಾ. ತ್ಯೊ ಆತ್ಮ ಆಮ್ಚಿ ಸಂಗ ರಾಥೊ.
15 ಆಶಾ ಸಿಮಚಾ ಸಗ್‌ಳ್ಯಾಂಚಾನಿ ಮನಾ ಶೊಡ್ಲ್ಯಾ ಮನ್ಹುನ್ ತುಲಾ ಠಾವ ಹಾ. ಪುಗೇಲಾನಿ, ಹೆರ್ಮೊಗೇನಾನಿ ಮನಾ ಶೊಡ್ಲ್ಯಾ. 16 ಪ್ರಭು ಒನೇಸಿಪ್ರೊರಾಚಾ ಕುಟ್ಮಾವ ದಯಾ ದಾವುನಿ. ಕಾ ಮಂಜೆ ತ್ಯನಿ ಮನಾ ಖುಬ್ ಖೆಪಾ ಮಜ಼ತ್ ಕಿಲಿ ಮೀ ತುರುಂಗಾತ್ ಆಸ್ಥಾನಾ ತ್ಯೊ ಲಾಜ್ಲಾ಼ ನಾಹಿ. 17 ತ್ಯೊ ರೊಮಾತ್ ಆಲಾ ತವಾ ಮೀ ತ್ಯಲಾ ಗಾವ್ಹಸ್ ಪರತ್ ಮನಾ ಸುದಿತ್ ರಾಯ್ಲಾ. 18 ಪ್ರಭು ತ್ಯಲಾ ತ್ಯಾ ದಿಸಾತ್ ಪ್ರಭುಪ್ನಿ ತ್ಯಲಾ ದಯಾ ಗಾಹುನಿ. ಎಫೆಸಾತ್ ತ್ಯನಿ ಮನಾ ಕಿತಿತರನಿ ಮಜ಼ತ್ ಕೆಲೆ ಮನ್ಹುನ್ ತುಲಾ ಚಾ಼ಂಗ್ಲ ಠಾವ ಹಾ.