1 ದೇವಾಚಿ ಸಾಕ್ಷಿ ಥಿವುನ್ ಆನಿ ಕ್ರಿಸ್ತ್ ಯೇಸುಲಾ ಮಾಜಿ ಸಾಕ್ಷಿ ಕರುನ್ ತ್ಯೊ ಜೀತ್ತಿ ಆಸ್ನಾರ‍್ಯಾನಾ ಆನಿ ಮೆಲ್ಯಾಲ್ಯಾನಾ ನ್ಯಾಯಿ ನಿವಡ್ನಾರ್ ಕಾ ಮಂಜೆ ತ್ಯೊ ದಿಸಾಚ಼ ಆನಿ ತ್ಯಚ಼ ರಾಜೆ ಜ಼ವಳ್ ಹಾ, ಮಿ ತುಲಾ ಶೆಪ್ಪತ್ ದಿವುನ್ ಆಜ್ಞಾ ದೆತೊ. 2 ಬರಿ ಖಬರ್ ಲೊಕಾನಾ ಸಾಂಗ್. ಚಾ಼ಂಗಲ್ಯಾ ಯಳಾತ್ಬಿ ಆನಿ ಬುರ್ಶಾ ಯಳಾತ್ಬಿ ಸಿಕ್ವಿತ್ ರ‍್ಹಾ. ಲೊಕಾಂಚಾನಿ ಕರಾಯಾ ವ್ಹಯಿ ಜಾ಼ಲ್ಯಾಲ ತ್ಯನಾ ಸಾಂಗ್. ತ್ಯಂಚಾನಿ ಚು಼ಕ್ ಕಿಲಿಕಿ ತೀ ತ್ಯನಾ ದಾವುನ್ ದೇ. ತ್ಯನಾ ದಪ್‌ಕ್ಯಾವ್, ತ್ಯನಾ ಉಮೇದ್ ದೇ, ಹ್ಯ ಸಗ್ಳ ಖುಬ್ ಥಂಡ್ ಫನಾನಿ ಹುಶಾರಿನಿ ಕರ್.

3 ಲೊಕಾಂಚಾನಿ ಖರ ಸಿಕಿವ್ನ ಐಕು ನಾಹಿ ಅಸ್ಲ ಕಾಲ್ ಯಯಾಚ಼ ಹಾತ್ತ. ಲೊಕ ಆಪ್‌ಲ್ಯಾಲಾ ಬರಾ ಮಂ‌ಥ್ಯಾಲ್ಯಾ ಸಿಕಿವ್‌ನ್ಯಾರ‍್ಯಾನಾ ಆನಿ ಆಪ್‌ಲ್ಯಾಲಾ ಐಕಾಯಾ ಚಾ಼ಂಗ್ಲ ಸಿಕಿವ್ನಾರ‍್ಯಾಲಾ ಬಗ್ನಾರ್. 4 ಲೊಕ ಖರ‍್ಯಾಲಾ ಧ್ಯಾನ್ ದಿಯಾಚೆ ಆಂದಿ ಸ್ವತಾಚಾ ಮನಾತ್ ಘಡಿವಲ್ಯಾಲ್ಯಾ ಕ್ಯಾಯ್‌ನ್ಯಾಂಚಿವ ಧ್ಯಾನ್ ಥೆವ್‍ತ್ಯಾತ. 5 ಫನ್‌ ಸಗ್ಳೆ ಪರಸ್ಥಿತಿತ್ ತುಜಾ ತಾಬ್ಯಾತ್ ತು ರ‍್ಹಾ. ತರಾಸ್ ಆಲಾಕಿ ಸುಸ್ವುನ್ ಘೇ. ಬರಿ ಖಬರ್ ಪಗಳ್. ತುಜಿ ಪರತೇಕ್ ಕಾಮ ತುಸ್ ದೇವಾಚಾ಼ ಸೇವಕ್ ಮನ್ಹುನ್ ಕರ್.

6 ಮಾಜೆ ಗುಶ್ಟಿತ್ ಸಾಂಗಾಚ಼ ಜಾ಼ಲ್ಯಾವ ಆತಾ ಮಾಜಾ಼ ಮೀಸ್ ಬಲಿ ದಿಯಾಚಾ಼ ಯೊಳ್ ಆಲ್ಯಾ, ಆನಿ ಮೀ ಹ್ಯೊ ಜೀವ್ನಾ ಸುಡುನ್ ಜಾ಼ಯಾಚಾ಼ ಯೊಳ್ ಆಲ್ಯಾ. 7 ಮಿ ಚಾ಼ಂಗ್ಲಿ ಲಡಾಯಿ ಕಿಲಿ. ಮೀ ಮಾಜ಼ ಪಳ್ನ ಪಳುನ್ ಸುಪಿವ್‍ಲ್ಯಾ; ಆನಿ ಮಾಜಾ಼ ಇಸ್ವಾಸ್ ಮಿ ದರ‍್ಹುನ್ ಹಾ. 8 ನೀಯತಿಂಚಾನಾ ಗಾವ್ನಾರ ಭಕ್ಷಸಿಸ್ ಆತಾ ಮನಾ ರ‍್ಯಾಕ್‍ತ್ಯಾ. ನೀಯತಿಚಾ಼ ನ್ಯಾಯಿ ಕರ್ನಾರಾ ಪ್ರಭು ಮನಾ ತ್ಯ ತ್ಯಾ ದಿಸಾತ್ ದೆನಾರ್. ಮನಾ ತ್ಯವ್ಡಸ್ ನವ್ಹ ತ್ಯಚಾ ದಿಸನ್ಯಾಚಿ ವಾಟ್ ಬಕ್‍ತ್ಯಾಲ್ಯಾನಾಬಿ ಮಾಯೆನಿ ದೇನಾರ್.

9 ತುಲಾ ವ್ಹಯಿಲ್ ತ್ಯವ್ಡ ಬಿಗಿನಿ ಮಾಜಿಪ ಯೇ. 10 ದೇಮಾನಿ ಹೇ ದುನೆಚಿ ಖುಬ್ ಮಾಯಾಕಿಲಿ. ಮನ್ಹುನ್ ತ್ಯೊ ಮನಾ ಸುಡುನ್ ಥೆಸಲೊನಿಕಾತ್ ಗೆಲಾ. ಕ್ರೆಸ್ಕಾ ಗಲಾತ್ಯಾತ್ ಗೆಲಾ. ತೀತ್ನಿ ದಲ್ಮಾತ್ಯಾತ್ ಗೇಲಾ. 11 ಲುಕ್ ತ್ಯವ್ಡಾಸ್ ಮಾಜಿ ಸಂಗ ಹಾ. ತು ಯತಾನಾ ಮಾರ್ಕಾಲಾಬಿ ತುಜಿ ಸಂಗ ಗಿಹುನ್ ಯೇ. ಕಾ ಮಂಜೆ ತ್ಯೊ ಮಾಜೆ ಸೇವೆಲಾ ಮಜ಼ತ್ ಕರ್ನಾರ್. 12 ತುಖಿಕಾಲಾ ಮೀ ಪುರಾ ಹುಕುಮ್ ದಿವುನ್ ಎಫೆಸಾತ್ ಲಾವುನ್ ದಿಲ್ಯಾ.

13 ಮೀ ತ್ರೊವಾತ್ ಆಸ್ಥಾನಾ ಕರ್ಪಾಪ ಸುಡುನ್ ಆಲ್ಯಾಲಿ ವೈಲಿ ಆಂಗಿ ಆನಿ ಮಾಜಿ ಪುಸ್ತಕ ಚ಼ಮಡ್ಯಾಚಾ ಇಡ್ಯಾ ಮುದಮ್ ಗಿಹುನ್ ಯೇ.

14 ಪಿತ್ಳಚ಼ ಕಾಮ್ ಕರ್ತ್ಯಾಲ್ಯಾ ಅಲೆಗ್ಸಾಂಡೆರಾನಿ ಮನಾ ಖುಬ್ ತರಾಸ್ ಕೇಲಾ. ತ್ಯನಿ ಕೇಲ್ಯಾಲ್ಯಾ ಕಾಮಾಲಾ ಪ್ರಭು ತ್ಯಲಾ ಪ್ರತಿ ಫಳ್ ದೇನಾರ್. 15 ತ್ಯನಿ ತುಲಾಬಿ ತರಾಸ್ ದಿವು ನಾಹಿ ತಸ ಜಾ಼ಗ್ರುತಿನಿ ರ‍್ಹಾ. ತ್ಯನಿ ಆಮ್ಚಾ ಸಿಕಿವ್‌ನ್ಯಾಲಾ ಖುಬ್ ಅಡ್ಯಾವ್ಲ.

16 ಪೈಲೆಪಾವ್ಟಿ ಮೀ ಮನಾ ವಪ್ಸುನ್ ದಿಲಾ ತವಾ ಮನಾ ಕುನಿ ಮಜ಼ತ್ ಕೀಲಿ ನಾಹಿ ಸಗ್ಳಿ ಮನಾ ಸುಡುನ್ ಗಿಲಿತ ಮನ್ಹುನ್ ತ್ಯಂಚಿ ಕಾಮ ದೇವಾನಿ ಆಪ್‌ಲ್ಯಾ ಲೆಖ್ಯಾತ್ ದರ‍್ಹುನಾಹಿತ. 17 ಫನ್ ಪ್ರಭುನಿ ಮಾಜಿಪಸ್ ರಾಹುನ್ ಮನಾ ಬಳ್ ದಿಲ. ತಿ ಬರಿ ಖಬರ್ ಯೆಹುದಿ ನಸ್‌ಲ್ಯಾಲ್ಯಾ ಲೊಕಾಂಚಾನಿ ಐಕಾಯಾ ಪ್ರಭುಚ಼ ಮನ್ ಹುತ್ತ. ತ್ಯನಿ ಮನಾ ಮರ್ನಾಚಾ ತೊಂಡಾತ್ನಿ ಚು಼ಕಿವ್ಲ. 18 ಸಗ್‌ಳ್ಯಾ ಬುರ್ಶಾ ಬೊಲ್ಯಾತ್ನಿ ಪ್ರಭು ಮನಾ ರ‍್ಯಾಕ್ನಾರ್ ಆನಿ ಆಪ್‌ಲ್ಯಾ ಸ್ವರ್ಗಾಚಾ ರಾಜಾತ್ ಜ಼ಪುನ್ ನೆನಾರ್. ತ್ಯಚಿ ಮೈಮಾ ಖಾಯಿಮ್ ರಾಹುನಿ. ತಸಸ್ ವ್ಹವುನಿ.

19 ಪ್ರಿಸ್ಕಿಲಲಾ, ಅಕ್ವಿಲನಾಲಾ ಆನಿ ಒನೇಸಿಪೊರಾಚಾ ಗರ‍್ಹಾತಲ್ಯಾನಾ ನಮಸ್ಕಾರ್ ಮನ್ಹುನ್ ಸಾಂಗ್. 20 ಎರಸ್ತ ಕೊರಿಂಥ್ಯಾತ್ ಹುತ್ತಾ. ತ್ರೊಫಿಮನ್ ಸೀಕ್ ಹುತ್ತಾ ತವಾ ತ್ಯಲಾ ಮಿಲೇತಾತ್ ಥೆವಾಯಾ ಹ್ವಯಿ ಜಾ಼ಲಾ. 21 ಥಂಡಿಚಾ ದೀಸಾಚೆ ಆಂದಿಸ್ ಮಾಜಿಪ ಯಯ್ಯಾಲಾ ತುಜಿಪ್ನಿ ವ್ಹಯಿಲ್ ತ್ಯವ್ಡಿ ಯತ್ನ ಕರ್.

ಯುಬುಲ್, ಪೊದೇಯ್, ಲೀನ್, ಕ್ಲೌದ್ಯ, ಹೇ ಆನಿ ದುಸ್ರ ಬನ್ಹಿ ಬಾಹು ಸಗ್ಳ ತುಲಾ ನಮಸ್ಕಾರ್ ಸಾಂಗ್‌ತ್ಯಾತ.

22 ಪ್ರಭು ತುಜಾ ಆತ್ಮಾ ಸಂಗ ರಾಹುನಿ. ತ್ಯಚಿ ಕ್ರಪಾ ತುಮ್ಚಿ ಸಂಗ ರಾಹುನಿ.