1 ಪೇತ್ರಾ ಆನಿ ಯೊಹಾನ್ ಲೊಕಾಂಚೆ ಸಂಗ ಬೊಲ್‌ತ್ಯಾಲ ಆಸ್ಥಾನಾ ಥುಡಿ ಲೊಕ ತ್ಯಂಚಿಪ ಆಲಿತ ತಿಥ ಥೊಡ ಯಹುದಿ ಯಾಜಕ್ ಹುತ್ತ. ಥೊಡ ಸಧುಕಾಯ್ ಹುತ್ತ. ಆನಿ ದಿವುಳ್ ರಾಕ್‌ತ್ಯಾಲ್ಯಾ ಸಿಪಾಯಿಂಚ಼ ದಳಪತಿ ಹುತ್ತ. 2 ಹೇ ದೊಗ ಅಪೊಸ್ತಲ್ ಲೊಕಾನಾ ಸಿಕಿವ್‌ತ್ಯಾಲ ಬಗುನ್ ತ್ಯಂಚಾನಿ ರಾಗ್ ಕೇಲಾ ಯೇಸುಚಾ ಬಳಾನಿ ಲೊಕ ಪುನರುಥಾನ್ ವ್ಹತ್ಯಾತ ಮನ್ಹುನ್ ಪೇತ್ರಾ ಆನಿ ಯೊಹಾನ್ ಶಿಕ್ವಿತ. 3 ಯೆಹುದಿ ಜಾಂತ್ಯಾಂಚಾನಿ ತ್ಯನಾ ದೊಗಾನಾ ದರುನ್ ತುರುಂಗಾತ್ ಗ್ಯಾತ್ಲ ತವಾ ಕಾಳೊಕ್ ಜಾ಼ಲ್ಹಾ ಮನ್ಹುನ್ ತ್ಯಂಚಾನಿ ತ್ಯನಾ ದಿಸರ‍್ಯಾ ದಿಸಾ ಪರ‍್ಯಾತ್ ತುರುಂಗಾತುಸ್ ಥೆವ್ಲ. 4 ಫನ್ ಪೇತ್ರಾ ಆನಿ ಯೊಹಾನಾಚ಼ ಶಿಕ್ಷೆನ್ ಐಕುನ್ ಖುಬ್ ಲೊಕಾಂಚಾನಿ ಇಸ್ವಾಸ್ ಥೆವ್ಲಾ. ತವಾ ಲೊಕಾಂಚೆ ಮದ್ದಿ ಬಾಪಯಿ ಇಸ್ವಾಸಿಂಚಾ಼ ಸಂಖೆ ಜ಼ವಜ಼ವಳ್ ಪಾಚ಼್ ಹಾಜಾ಼ರ್ ಚ಼ಡ್ಲಿ.

5 ದಿಸ್ರೆ ದಿಸಿ ಯೆಹುದಿ ಫುಡಾರಿ ಆನಿ ಜಾಂತ ಧರ್ಮಶಾಸ್ತಾರ್ ಸಾಂಗ್‌ತ್ಯಾಲ್ಯಾಂಚಿ ಯೆರುಸಲೆಮಿತ್ ಸಬೆ ಜ಼ಮ್ಲಿ. 6 ತಿಥ ಹನ್ನಾ ಮುಖ್ಯ ಯಾಜಕ್ ಕಾಯಫ್ ಯೊಹಾನ್ ಆನಿ ಅಲೆಕ್ಸಾಂಡರ್ ಹುತ್ತ. ಮುಖ್ಯಾ ಯಾಜಕಾಂಚಾ ಕುಟ್ಮಾಚಾ ನಾತ್ಯಾತ್ಲ ಪರತೇಕ್‌ಜಾ಼ನ್ ತಿಥ ಹುತ್ತ. 7 ತ್ಯಂಚಾನಿ ಪೇತ್ರ ಯೊಹಾನಾಲಾ ತಿಥ ಆಸ್‌ಲ್ಯಾಲ್ಯಾ ಸಗ್‌ಳ್ಯಾ ಲೊಕಾಂಚೆ ಮೊರ‍್ಹ ಉಬಕೇಲ. ಯೆಹುದಿ ಜಾಂತ್ಯಾಂಚಾನಿ ತ್ಯನಾ ತುಮಿ ಹ್ಯಾ ಲಂಗ್‌ಡ್ಯಾಲಾ ಕಸಾ ಬರಾ ಕೆಲಾಸಾ? ತುಮಿ ಕಚ಼ ಬಳ್ ವಾಫರ್ಲ್ಯಾಸಾ? ಹ್ಯ ಕುನಾಚಾ ಅಧಿಕಾರಾನಿ ಕೆಲ್ಯಾಸಾ ಮನ್ಹುನ್ ಖುಬ್ ಪಾವ್ಟಿ ಇಚಾರ್ಲ.

8 ತವಾ ಪೇತ್ರಾ ಪವಿತ್ರಾತ್ಮಾನಿ ಬರ‍್ಹುನ್, ತ್ಯನಾ ಲೊಕಾಂಚಾ ಜಾಂತ್ಯಾನು ಆನಿ ಫುಡಾರ‍್ಯಾನು, 9 ತ್ಯಾ ಲಂಗ್‌ಡ್ಯಾಲಾ ಜಾ಼ಲ್ಯಾಲ ಚಾ಼ಂಗಲ್ಯಾಚೆ ಗುಶ್ಟಿತ್ ತುಮಿ ಆಮಾನಾ ಪಶ್ನೆ ಇಚಾರ್ಲಸಾತ. 10 ತುಮಿ ಶಿಲ್ಬೆವ ಗ್ಯಾತ್‌ಲ್ಯಾಲ್ಯಾ ಆನಿ ದೇವಾನಿ ತ್ಯಲಾ ಮರ್ನಾತ್ನಿ ಉಠಿವಲ್ಯಾಲ್ಯಾ ನಾವಾನಿಸ್ ಹ್ಯೊ ಮಾನುಸ್ ಬಾರಾ ವ್ಹವುನ್ ತುಮ್ಚೆ ಮೊರ‍್ಹ ಉಬಾ ಹಾ ಮನ್ಹುನ್ ತುಮಾನಾ ಆನಿ ಇಸ್ರಾಯಲ್ ಲೊಕಾನಾಬಿ ಹೀ ಗ್ಯೊಸ್ಟ್ ಸಮಜು಼ನಿ!

11 , “ಘರ್ ಬ್ಯಾಂತ್ಯಾಲ ತುಮಿ ನಕೊ ಮನ್ಹುನ್ ಶೊಡ್‌ಲ್ಯಾಲಾ ದೊಂಢಾ ತ್ಯೊ ತ್ಯೊ ದೊಂಢಾಸ್ ಕೊನ್ಯಾಲಾ ಮುದಮ್ ವ್ಹಯಿ ಜಾ಼ಲ್ಯಾ”. ಕಿರ್ತನ್ 118:22 12 ಸುಟ್ನುಕ್ ಯೇಸುಪ್ನಿ ಸುಡುನ್ ದುಸ್‌ರ‍್ಯಾ ಕುನಾಪ್ನಿಸ್ ಗಾವತ್ ನಾಹಿ ತ್ಯಚಾ ನಾವಾನಿ ಸುಡುನ್ ಆಬ್ಳಾಚೆ ಖಾಲ್ ದರ್ಥಿಚೆ ವರ್ ಮಾನ್ಸಾನಾ ದಿಲ್ಯಾಲ್ಯಾ ದಿಸರ‍್ಯಾ ಕಚಾಸ್ ನಾವಾನಿ ಆಮಾನಾ ಸುಟ್ನುಕ್ ವ್ಹನಾರ್ ನಾಹಿ ಮನ್ಹುನ್ ಸಾಂಗ್ಲ.

13 ಹ್ಯನಾ ಕಸ್ಲ ಸಿಕ್ಷನ್ ನವ್ಥ ಮನ್ಹುನ್ ಯೆಹುದಿ ಅಧಿಕಾರ‍್ಯಾನಾ ಠಾವಹುತ್ತ. ಆನಿ ತೇ ಬಿಹ್ಯಾಚೆ ಆಂದಿ ಬೊಲ್‌ತ್ಯಾಲ ಯೆಹುದಿ ಅಧಿಕಾರ‍್ಯಾಂಚಾನಿ ಬಗುನ್ ಖುಬ್ ಆಜಾಬ್ ಜಾ಼ಲ್ಹ ಆನಿ ತೇ ಯೇಸು ಸಂಗ ಹುತ್ತ ಮನ್ಹುನ್ ತ್ಯನಾ ಮಂಗ್ ಸಮಾಜ್ಲ. 14 ಹ್ಯಾ ದೊಗಾ ಅಪೊಸ್ತಲಾಂಚೆ ಕಡಸ್ ಉಬಾ ರಾಯ್‌ಲ್ಯಾಲ್ಯಾ ತ್ಯಾ ಲಂಗ್‌ಡ್ಯಾಲಾ ಬಗ್ಲಾ. ತ್ಯಲಾ ಬರ ಜಾ಼ಲ್ಯಾಲ ತ್ಯಂಚಾನಿ ಬಗ್ಲ ಮನ್ಹುನ್ ಅಪೊಸ್ತಲಾಂಚೆ ಬುಲಿಲಾ ಅಡ್ವ ತ್ಯನಾ ಕಾಯ್ ಬೊಲಾಯಾ ವ್ಹಯಿನಾ. 15 ಯೆಹುದಿ ಅಧಿಕಾರಿಂಚಾನಿ ಅಪೊಸ್ತಲಾನಾ ಸಭೆತ್ನಿ ಬಾಹಿರ್ ಲಾವುನ್ ದಿವುನ್, ಆಪ್‌ಲ್ಯಾ ಆಪ್‌ಲ್ಯಾತ್ ಬುಲುನ್ 16 ತೆ, “ಹ್ಯನಾ ಆಮಿ ಕ್ಯಾ ಕರುಯಾ? ಹ್ಯಂಚಾನಿ ಮುಟಿ ಚಮತ್ಕಾರಾಚಿ ಕಾಮ ಕೆಲ್ಯಾಲಿ ಯೆರುಸಲೆಮಿತ್‌ಲ್ಯಾ ಸಗ್‌ಳ್ಯಾನಾ ಠಾವಿ ಹಾತ್ತ. ಹಿ ಕಾಮ ಖರಿ ಹಾತ್ತ ತೀ ಲಬಾಡ್ ಮನ್ಹುನ್ ಸಾಂಗಾಯಾ ವ್ಹಯಿತ್ ನಾಹಿತ. 17 ಫನ್ ಹ್ಯಾ ಮಾನ್ಸಾಚೆ ಗುಶ್ಟಿತ್ ಲೊಕಾನಾ ಸಾಂಗುನಾಹಿ ಆಸ ಆಮಿ ತ್ಯನಾ ಭೆ ಗಾಲಾಯಾ ವ್ಹಯಿ. ತವಾ ಹೀ ಖಬರ್ ಲೊಕಾಂಚೆ ಮದ್ದಿ ಪಗ್ಳತ್ನಾಹಿ” ಮನ್ಹುನ್ ತೇ ಬೊಲ್ಲ

18 ಆನಿ ತ್ಯಂಚಾನಿ ತ್ಯನಾ ಆನಿಕ್ ಆತ್ ಹಾಕ್ಟುನ್, ಯೇಸುಚಾ ನಾವಾನಿ ಕಾಯ್ ಸಾಂಗಾಚ಼ ನಾಹಿ, ಕಾಯ್ ಸಿಕ್ವಾಚ಼ ನಾಹಿ, ಮನ್ಹುನ್ ಖಡ್ಯಾವ್ಲ. 19 ತವಾ ತೇ ತ್ಯನಾ, “ತುಮಚ಼ ಐಕಾಚ಼ ಕ್ಯಾ ದೇವಾಚ಼ ಐಕಾಚ಼? ಹ್ಯಾತ್ ದೇವಾಲಾ ವ್ಹಯಿ ಜಾ಼ಲ್ಯಾಲ ಕಚ಼? ತುಮಿಸ್ ಆಮಾನಾ ಸಾಂಗಾ 20 ಆಮಿ ತರಿ ಗಪ್ ರಾನ್ಹಾರ‍್ನಾಹಿ. ಆಮಿ ಬಗ್‌ಲ್ಯಾಲ್ಯಾ ಆನಿ ಐಕ್‌ಲ್ಯಾಲ್ಯಾ ಗುಶ್ಟಿ ಲೊಕಾನಾ ಸಾಂಗಾಚೆಆಂದಿ ರಾನ್ಹಾರ್ನಾಹಿ” ಮನ್ಲ 21 ಯೆಹುದಿ ಅಧಿಕಾರ‍್ಯಾನಾ ಆನಿ ಫುಡಾರ‍್ಯಾನಾ ಜಾಂತ್ಯಾನಾ ಅಪೊಸ್ತಲಾನಾ ದಂಡ್ವಾಯಾ ಕಚಿಸ್ ವಾಟ್ ಸಮಜ಼ನಾ ತವಾ ತ್ಯಂಚಾನಿ ದಪ್‌ಕ್ಯಾವುನ್ ಸುಡುನ್ದಿಲ, ಕಾ ಮಂಜೆ ಜಾ಼ಲ್ಯಾಲೆ ಖನ್ಕತಿಲಾ ಲೊಕ ಸಗ್ಳಿ ದೆವಾಲಾ ವವ್ಯಾಳಿತಿತ 22 ಹ್ಯಾ ಚಮತ್ಕಾರಾಚಾ ಕಾಮಾನಿ ಬರಾ ಜಾ಼ಲ್ಯಾಲ್ಯಾ ಮಾನ್ಸಾಲಾ ಚಾಳ್ಸಾವ್ನಿ ವರ್ ವಯಾ ಜಾ಼ಲ್ಥಿ.

23 ತೇ ಯೆಹುದಿ ಅಧಿಕಾರ‍್ಯಾಂಚೆ ಸಭೆತ್ನಿ ಆಪ್‌ಲ್ಯಾ ಲೊಕಾಂಚಿಪ ಗೆಲ. ಆನಿ ತ್ಯಂಚಾನಿ ಆಪ್‌ಲ್ಯಾನಾ ಸಾಂಗ್‌ಲ್ಯಾಲ ಸಗ್ಳ ಆಪ್‌ಲ್ಯಾ ಸಮುದಾಯಾತ್‌ಲ್ಯಾನಾ ಸಾಂಗ್ಲ. 24 ಹ್ಯ ಐಕ್‌ಲ್ಯಾಲ್ಯಾ ಇಸ್ವಾಸಿಂಚಾನಿ ಯಕಾ ಮನಾನಿ ಮೊಟ್ಯಾನಿ ದೇವಾಪ ಮಾಗ್ನ ಕೆಲ: ತ್ಯಾ ಸಗ್‌ಳ್ಯಾಂಚಿಪ ಯಾಕುಸ್ ಮನ್ ಹುತ್ತ. “ದನ್ಯಾ ಅಬಾಳ್ ಧರ್ಥಿ ಸಮಿಂದೊರ್ ದುನೆತ್ ಆಸ್‌ಲ್ಯಾಲ ಸಗ್ಳ ಬನಿವ್‌ಲ್ಯಾಲ ತುಸ್. 25 ಆಮಚಾ಼ ವಡಿಲ್ ಜಾ಼ಲ್ಯಾಲಾ ದಾವಿದ್ ತುಜಾ಼ ಸೇವಕ್ ಜಾ಼ಲ್ಥಾ. ತ್ಯನಿ ಪವಿತ್ರಾತ್ಮಾಚೆ ಮಜ಼ತಿನಿ ಹೆ ಸಬಾತ್ ಲಿವ್ಲ:

27 ಖರ‍್ಯಾನಿ ತಸಸ್ ಹೆರೊದ್ ರಾಜಾ಼ ಪೊಂತಿಪಿಲಾತ್, ಯೆಹುದಿ ನಸ್‌ಲ್ಯಾಲಿ ಲೊಕ ಆನಿ ಇಸ್ರಾಯಲಾತ್ಲಿ ಹೇ ಪೆಠತ್ ಯೆಕ್ ವ್ಹವುನ್ ಯೇಸುಲಾ ಇರೊದ್ ಕೆಲಾ. ತುಜಾ಼ ಪವಿತ್ರ ಸೇವಕ್ ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಲಾ ತು ಅಭಿಶೇಕ್ ಕೆಲ್ಯಾಸ್. 28 ಯೇಸುಲಾ ಅಡ್ವಿ ಯೆಕ್ ವ್ಹವುನ್ ಆಲ್ಯಾಲ್ಯಾ ಹ್ಯಾ ಲೊಕಾಂಚಾನಿ ತುಜಿ ಯವಜ್ನಾ ಪುರಿ ಕಿಲಿ. ತುಜಾ ಬಳಾನಿ ತುಜಾ ಮನಾನಿ ಹ್ಯ ಜಾ಼ಲ್ಹ. 29 ಪ್ರಭು, ತೇ ಭೆ ಗ್ಯಾಲತ್ಯಾಲ್ಯಾವ್ನಿ ತುಸ್ ಧ್ಯಾನ್ ದೆ. ತಿ ಆಮಾನಾ ಭೆ ಗಾಲಾಯಾ ಖಟ್ಪಟ್ ಕರ್ತ್ಯಾತ! ಪ್ರಭು ಆಮಿ ತುಜ಼ ಸೇವಕ್. ತುಜಿ ವಚ಼ನ ಭೆ ನಸ್ಥಾನಾ ಸಾಂಗಾಯಾ ಆಮಾನಾ ಮಜ಼ತ್ ಕರ್. 30 ತುಜ಼ ಹಾತ್ ಪಗಳುನ್ ಪವಿತ್ರ ಯೇಸುಚಾ ನಾವಾನಿ ರೊಗಿನಾ ಬರ ಕರ್; ಚಮತ್ಕಾರಾಚಿ ಕಾಮ ಅದ್ಬುತಾಚಿ ಕಾಮ ಕರ್” ಮನ್ಹುನ್ ತ್ಯಂಚಾನಿ ಮಾಗ್ನ ಕೇಲ.

31 ತವಾಸ್, ಮಂಡಳಿ ಜ಼ಮಲ್ಯಾಲಾ ಜಾ಼ಗಾ ಹಲ್ಲಾ, ತ್ಯಂಚಿವ ಸಗ್‌ಳ್ಯಾಂಚಿವ ಪವಿತ್ರಾತ್ಮ ಆಲ ಆನಿ ದೇವಾಚ಼ ಸಬ್ದ ಭೆ ನಸ್ಥಾನಾ ಸಾಂಗ್ಲ.

32 ಸಗ್‌ಳ್ಯಾ ಇಸ್ವಾಸಿಂಚ಼ ಮನ್ ಆನಿ ಜೀವ್ ಯೆಕುಸ್ ಜಾ಼ಲ್ಥಾ. ಸಮುದಾಯಾತ್ಲಾ ಕೊನುಸ್ ಆಪಲ್ಯಾ ಮ್ಹಾಲ್ಮಾತ್ಯಾತ್ಲ ಆಪ್ಲ ಮನ್ಹಿತ್ ನವ್ಥ. ತ್ಯ ಸಗ್ಳಿಜ಼ನ ವಾಟುನ್ ಗಿಹಿತಿತ. 33 ಪ್ರಭು ಜಾ಼ಲ್ಯಾಲಾ ಯೇಸು ಖರ‍್ಯಾನಿ ಮೇಲ್ಯಾಲ್ಯಾತ್ನಿ ಜಿತ್ತಾ ವ್ಹವುನ್ ಉಠುನ್ ಆಲ್ಯಾ ಮನ್ಹುನ್ ಅಪೊಸ್ತಲ್ ಖಾಯಿಮ್ ಖುಬ್ ಧಿರಾನಿ ಲೊಕಾನಾ ಸಾಕ್ಷಿ ಸಾಂಗಿತ. ದೇವಾಚೆ ಕ್ರಪೆನಿ ತ್ಯಂಚಿಪ ಮೊಟ ಕಾಮ್ ಕೇಲ. 34 ತ್ಯಾತಲ್ಯಾ ಕುನಾಲಾ ಕಾಯ್ ಕಮ್ಮಿ ನವ್ತ ಕಾ ಮಂಜೆ ಘರ ಜಿಮಿನ್ ಆಸ್‌ಲ್ಯಾಲ್ಯಾ ಪರತೇಕಾನಿ ತೀ ಇಕುನ್, ಪೈಸ ಆನಿತ 35 ತೇ ಅಪೊಸ್ತಲಾಂಚಿಪ ದಿಯಿತಿತ ಮಂಗ್ ತೇ ಸಗ್ಳ ಗರಜ಼್ ಆಸ್‌ಲ್ಯಾನಾ ವಾಟುನ್ ದಿಯಿತಿತ.

36 ತ್ಯಾ ಇಸ್ವಾಸಿತ್ನಿ ಯೊಸೆಪ್ ಮಂಥ್ಯಾಲಾ ಹುತ್ತಾ. ಅಪೊಸ್ತಲ್ ತ್ಯಲಾ ಬಾರ್ನಬಾ ಮನ್ಹುನ್ ಹಾಕ್ಟಿತ ಬಾರ್ನಬಾ ಮಂಜೆ “ಉಮೇದಿಚಾ಼ ಲ್ಯೊಕ್’. ಕ್ರುಪ್ ದ್ವಿಪಾತ್ ಜ಼ಲಾಮ್‌ಲ್ಯಾಲಾ ಹ್ಯೊ ಲೇವಿ ಜಾ಼ಲ್ಥಾ. 37 ಯೊಸೆಫಾಲಾ ಯಾಕ್ ಶಾತ್ ಹುತ್ತ. ತ್ಯನಿ ತ್ಯ ಈಕುನ್ ಆಲ್ಯಾಲ ಪೈಸ ಅಪೊಸ್ತಲಾಂಚಿಪ ಆನುನ್ ದಿಲ.