1 ಯೆಹುದಿ ನಸ್‌ಲ್ಯಾಲಿ ಸಾಹಿತ್ ದೇವಾಚಾ ವಾಕ್ಯಾ ಗೆಥ್ಯಾತ ಮನ್ಹುನ್ ಅಪೊಸ್ತಲಾನಾಬಿ ಯುದಾಯಾತ್‍ಲ್ಯಾ ಇಸ್ವಾಸಿನಾ ಸಮಾಜ಼್ಲ. 2 ಪೇತ್ರಾ ಯೆರುಸಲೆಮಿತ್ ಆಲಾ ತವಾ ಮುಂಜಿ ಕೆಲ್ಯಾಲ್ಯಾ ಯೆಹುದಿ ಇಸ್ವಾಸಿಂಚಾನಿ ತ್ಯಚಿವ ವಾದ್ ಕೆಲಾ; 3 ತು ಮುಂಜಿ ನಸಲ್ಯಾಲ್ಯಾಂಚಾ ಗರ‍್ಹಾತ್ ಜಾ಼ವುನ್ ಖಾಲಸ್ ನವ್ಹ. 4 ಮನ್ಹುನ್ ಪೇತ್ರಾನಿ ಚಾ಼ಲ್ಯಾಲ್ಯಾ ಸಗ್‌ಳ್ಯಾ ಗುಶ್ಟಿ ತ್ಯನಾ ಆಂದಿಸ್ಟಾವ್ನಿ ಶಾರ್ಕ ಫುಡುನ್ ಸಾಂಗ್ಲ,

5 ತ್ಯ ಕ್ಯಾ ಮಂಜೆ, “ಮಿ ಯೊಪ್ಪ ಪೆಠತ್ ಹುತ್ತೊ. ಮಿ ಮಾಗ್ನ ಕರ್ತಾನಾ ಮನಾ ಯಾಕ್ ದರ್ಶಾನ್ ಜಾ಼ಲ್ಹ. ತ್ಯಾ ದರ್ಶಾನಾತ್ ಆಬ್ಳಾತ್ನಿ ಉತ್ರುನ್ ಆಲ್ಯಾಲ ಯೊಕ್ ಜಿನೊಸ್ ಬಗ್ಲಾ. ತ್ಯ ಯಕಾ ಪಾಂಡರ‍್ಯಾ ಕಪ್‌ಡ್ಯಾಚೆಗತ್ ಹುತ್ತ. ತ್ಯಚ಼ ಚಾರಿ ಕೊನ ಬಾಂದುನ್ ಉತ್ರಾಯಾ ದರ್ಥಿವ ಶೊಡ್ಲಹುತ್ತ. ತ್ಯ ಉತ್ರುನ್ ಯವುನ್ ಮಾಜಿಪ ಆಲ. 6 ಮಿ ಬಗ್ಲತವಾ ತ್ಯಾತ್ ಚಾ಼ರ್ ಪಾಯಾಚಿ ಜ಼ನಾವಾರ ಕ್ರುರಿ ಭ್ಯಾಚಿ ಜ಼ನಾವಾರ ಫುರ್ಕ್ಯಾಗೆಥ್ಯಾಲಿ ಜ಼ನಾವರ ಆನಿ ಪಾಖ್ರ ಹುತ್ತಿತ. 7 ತವಾ ಮನಾ ಯೊಕ್ ಸಬ್ದ ಐಕು ಆಲಾ, ತ್ಯೊ “ಪೇತ್ರಾ ಉಟ್! ಹ್ಯಾತ್ಲ ಕಚ಼ ವ್ಹಯಿತ್ಯ ಕಾಪುನ್ ಖಾ!’ ಮನ್ಹುನ್. 8 “ಫನ್, “ಪ್ರಭು, ಮಿ ತಸ ಕರೀತ್ನಾಹಿ! ಬಾಟ್‌ಲ್ಯಾಲ ಆನಿ ಶುದ್ದ ನಸ್‌ಲ್ಯಾಲ ಕಾಯ್ತರಿ ವ್ಹವುನಿ ಮಿ ಕಂದಿಸ್ ಖಾಲ ನಾಹಿ’ ಮನ್ಹುನ್ ಸಾಂಗ್ಲ. 9 “ಫನ್, ‘ದೇವಾನಿ ಹ್ಯ ಸಗ್ಳ ಚಾ಼ಂಗ್ಲ ಕೆಲ್ಯಾ ಬುರ್ಸ ಮನ್ಹುನ್ ಸಾಂಗುನಕೊಸ್! ಮನ್ಹುನ್ ತ್ಯಾ ಸಬ್ದಾನಿ ಮನಾ ಉತ್ತರ್ ದಿಲಾ. 10 “ಆಸ ತೀನ್ ಖೆಪಾ ಜಾ಼ಲ್ಹ. ನಂತರ್ ತೀ ಸಗ್ಳಿ ಸಾಮ್ನ ಅಬ್ಳಾಕ್ಡ ಮಾಗಾರಿ ಗಿತ್ಲಿತ. 11 ತ್ಯಾಸ್ ಯಳಾತ್ ಮಿ ಆಸ್‌ಲ್ಯಾಲ್ಯಾ ಗರ‍್ಹಾತ್ ತಿಗ ಜಾ಼ನ್ ಆಲ. ತ್ಯಾ ತಿಗಾನಾಬಿ ಸೆಜ಼ರೆಯಾ ಪೆಠತ್ನಿ ಲಾವುನ್ ದಿಲ್ಯಾಲ. 12 ಅನ್ಮಾನ್ ಕರಾಚೆ ಆಂದಿ ತ್ಯಂಚೆ ಸಂಗ ಜಾ಼ಯಾ ವ್ಹಯಿ ಮನ್ಹುನ್ ಪವಿತ್ರಾತ್ಮಾನಿ ಮನಾ ಸಾಂಗ್ಲ. ಹಿತ್ತ ಆಸ್‌ಲ್ಯಾಲ ಹೆ ಸಾ ಜಾ಼ನ್ ಬಾಹು ಆಮ್ಚಿ ಸಂಗ ಆಲ. ಆಮಿ ಕೊರ್ನೆಲಿಯಾಚಾ ಗರ‍್ಹಾತ್ ಗೆಲಾವ್. 13 ಮಾಜಾ ಗರ‍್ಹಾತ್ ದೇವ್ದುತ್ ಯೊಕ್ ಉಬಾರಾಯ್‌ಲ್ಯಾಲಾ ಆಪ್ನು ಬಗ್‌ಲ್ಯಾಲೆ ಗುಶ್ಟಿತ್ ಕೊರ್ನೆಲಾನಿ ಮನಾ ಸಾಂಗ್ಲ. ತ್ಯೊ ದೇವ್ ದುತ್ ಕೊರ್ನೆಲಾಲಾ, ‘ಥೊಡ್ಯಾ ಲೊಕಾನಾ ಯೊಪ್ಪಾತ್ ಲಾವುನ್ ದೆ. ಸಿಮೊನ್ ಪೆತ್ರಾಲಾ ತುಜಿಪ ಹಾಕ್ಟುನ್ ಗೇ. 14 ತ್ಯೊ ತುಮ್ಚಿ ಸಂಗ ಬೊಲ್ನಾರ್. ತ್ಯೊ ಸಾಂಗ್‌ತ್ಯಾಲಾ ಗುಶ್ಟಿ ತುಲಾಬಿ ತುಜಾ ಕುಟ್ಮಾಲಾಬಿ ರಕ್ಶನ್ ವ್ಹನಾರ್’ ಮನ್ಹುನ್ ಸಾಂಗ್ಲ. 15 ಮಿ ಮಾಜ಼ ಸಿಕಿವ್ನ ಸುರ್ವಾತ್ ಕೆಲ್ಯಾವ, ಆಂದಿಸ್ಠಾವ್ನಿ ಪವಿತ್ರಾತ್ಮ ಆಮ್ಚಿವ ಆಲ್ಯಾಚೆಗತ್ ತ್ಯಂಚಿವಬಿ ಆಲಾ. 16 ತವಾ ಪ್ರಭುನಿ ಸಾಂಗ್‌ಲ್ಯಾಲ ಮಾಜೆ ಯದತ್ ಆಲ. ‘ಫನ್ ತುಮಿ ಪವಿತ್ರಾತ್ಮಾನಿ ಬಾಪ್ತಿಸ್ಮಾ ಗೆನಾರ್ ಮನ್ಹುನ್ ಯೊಹಾನಾನಿ ಲೊಕಾನಾ ಪಾನ್ಯಾನಿ ಬಾಪ್ತಿಸ್ಮಾ ದೀಲಾ’ ಮನ್ಹುನ್ ಪ್ರಭುನಿ ಸಾಂಗ್ಲ. 17 ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾವ ಇಸ್ವಾಸ್ ಥೆವ್‌ಲ್ಯಾಲ್ಯಾ ಆಮಾನಾ ದಿಲ್ಯಾಲ ವರುಸ್ ದೇವಾನಿ ಹ್ಯಾ ಲೊಕಾನಾ ದಿಲ. ಆಸ ಆಸ್ಥಾನಾ ದೇವಾಚ಼ ಕಾಮ್ ಥಾಂಬ್ವಾಯಾ ಮಿ ಕೊನ್? ಮನ್ಹುನ್ ಸಾಂಗ್ಲ.

18 ಯೆಹುದಿ ಇಸ್ವಾಸಿ ಹ್ಯಾ ಗುಶ್ಟಿ ಐಕ್‌ಲ್ಯಾವ ವಾದ್ ಥಾಂಬ್ವುನ್, ದೇವಾಲಾ ವವ್ಯಾಳಿತ್, “ತಸ ಜಾ಼ಲ್ಯಾವ ಆಮ್ಚಿಗತ್ ಆಪ್ಲಿ ಮನಬಿ ಪರ್ತುನ್ ಗಿಹುನ್ ಜಿವ್ನಾ ಗಿಹ್ಯಾ ದೇವಾನಿ ಯೆಹುದಿ ನಸ್‌ಲ್ಯಾಲ್ಯಾನಾಬಿ ಅವ್ಕಾಸ್ ದಿಲಾ” ಮನ್ಹುನ್ ಸಾಂಗ್ಲ.

19 ಸ್ತೆಫನಾಚಾ಼ ಘಾತ್ ಕೆಲ್ಯಾ ನಂತರ್ ಜಾ಼ಲ್ಯಾಲ್ಯಾ ಜಾ಼ಚಾ಼ನಿ ಇಸ್ವಾಸಿ ಪಗ್ಳುನ್ ಗೆಲಿತ. ಇಸ್ವಾಸಿತ್ಲ ಥೊಡ ಖುಬ್ ದುರ್ಚಾ ಜಾ಼ಗ್ಯಾವ ಪೊಯಿನಿಕೆ ಸಿಮತ್, ಕ್ರುಪ ಆನಿ ಅಂತಿಯೊಕ್ಯಾತ್ ಗೆಲ. ಇಸ್ವಾಸಿಂಚಾನಿ ಹ್ಯಾ ಜಾ಼ಗ್ಯಾವ್ನಿ ಬರಿ ಖಬರ್ ಸಾಂಗ್ಲಿ. ಫನ್ ತ್ಯಂಚಾನಿ ಯೆಹುದ್ಯಾಂಚೆ ಮದ್ದಿ ತ್ಯವ್ಡಿಸ್ ಸಾಂಗ್ಲಿ. 20 ಹ್ಯಾ ಇಸ್ವಾಸಿತ್ಲ ಥೊಡ ಕ್ರುಪಾತ್ಲ ಆನಿ ಕುರೇನ್ ಜಾ಼ಗ್ಯಾವ್ಲ ಜಾ಼ಲ್ತ. ಹಿ ಲೊಕ ಅಂತಿಯೊಕ್ಯಾತ್ ಆಲಿತ ತವಾ ತ್ಯಂಚಾನಿ, ಪ್ರಭು ಜಾ಼ಲ್ಯಾಲ್ಯಾ ಯೇಸುಚೆ ಗುಶ್ಟಿತ್ ಬರಿ ಖಬರ್ ತಿತಲ್ಯಾ ಗ್ರೀಕ್ ಲೊಕಾನಾಬಿ ಸಾಂಗ್ಲಿ. 21 ಪ್ರಭು ಇಸ್ವಾಸಿ ಲೊಕಾನಾ ಮಜ಼ತ್ ಕರಿತಾ. ಪ್ರಭುಚ಼ ಬಳ್ ತ್ಯಂಚಿ ಸಂಗ ಹುತ್ತ ಆನಿ ಖುಬ್ ಲೊಕಾಂಚಾನಿ ಇಸ್ವಾಸ್ ಥೆವ್ಲಾ. 22 ಹಿ ಖಬರ್ ಯೆರುಸಲೇಮಿಚೆ ಸಬೆಲಾ ಪುಚ್ಲಿ ಹುತ್ತಿ. ಮನ್ಹುನ್ ತ್ಯಂಚಾನಿ ಬಾರ್ನಬಾಲಾ ಅಂತಿಯೊಕ್ಯಾತ್ ಲಾವುನ್ ದಿಲಾ. 23 ಬಾರ್ನಬಾ ತಿಥ ಯವುನ್ ಪೊಚ್ಲಾ಼ ತವಾ ದೇವಾಚೆ ಕ್ರಪೆನಿ ಕಸ್ಲ ಕಾಮ ಕೆಲ್ಯಾ ಮನ್ಹುನ್ ಬಗುನ್ ಆನಿ ತ್ಯೊ ಸಂತೊಶ್ ಜಾ಼ಲ್ಹಾ ಆನಿ ತ್ಯನಾ ಸಗ್‌ಳ್ಯಾನಾ ಪ್ರಭುನಿ ಪುರ‍್ಯಾ ಮನಾನಿ ಪ್ರಭುಪ ರಾಹ್ಯಾಲಾ ಉಮೇದ್ ದಿಲಿ. 24 ಬಾರ್ನಬಾ ಯೊಕ್ ಚಾ಼ಂಗ್ಲಾ ಮಾನುಸ್ ಜಾ಼ಲ್ಥಾ ತ್ಯೊ ಪವಿತ್ರಾತ್ಮಾನಿ ಇಸ್ವಾಸಾನಿ ಬರ್‌ಲ್ಯಾಲಾ ಜಾ಼ಲ್ಥಾ ಆನಿ ಖುಬ್ ಲೊಕಾನಾ ಪ್ರಭುಕ್ಡ ಹಾಕ್ಟುನ್ ಆನ್‌ಲ್ಯಾಲಾ ಜಾ಼ಲ್ಥಾ.

25 ನಂತರ್ ಬಾರ್ನಬ್ ಸೌಲಾಲಾ ಸುದಿತ್ ತಾರ್ಸಸ್ ಪೆಠತ್ ಗೆಲಾ. 26 ಬಾರ್ನಬಾನಿ ತಿಥ ಸೌಲಾಲಾ ಸುದುನ್ ತ್ಯಲಾ ಅಂತಿಯೊಕ್ಯಾತ್ ಗಿಹುನ್ ಆಲಾ. ಸೌಲ್ ಆನಿ ಬಾರ್ನಬ್ ಅಂತಿಯೊಕ್ಯಾತ್ ಯಾಕ್ ವರಿಸ್ ಪುರ ಸಭೆಚೆ ಯಕಿತ್ ರಾಹುನ್ ಖುಬ್ ಲೊಕಾನಾ ಸಿಕಿವ್ಲ. ಮನ್ಹುನ್ ಆಂದಿ ಯೆಸುಚೆ ಮಾಗ್ನಿ ಜಾ಼ತ್ಯಾಲ್ಯಾನಾ ‘ಕ್ರಿಸ್ಚೆನ’ ಮನ್ಹುನ್ ನಾವ್ ಆಲ್ಯಾಲ ಅಂತಿಯೊಕ್ಯಾತುಸ್.

27 ತ್ಯಾ ಕಾಲಾತ್ ಥೊಡ ಪ್ರವಾದಿ ಯೆರುಸಲೆಮಿತ್ನಿ ಅಂತಿಯೊಕ್ಯಾತ್ ಗೇಲ. 28 ತ್ಯಾತ್ನಿ ‘ಅಗಬ’ ಮಂಥ್ಯಾಲಾ ಯೊಕ್ ಹುತ್ತಾ. ತ್ಯೊ ಅಂತಿಯೊಕ್ಯಾತ್ ಪವಿತ್ರಾತಮ್ಯಾಚಾ ಸಾಂಗ್‍ನ್ಯಾನಿ, “ಸಗ್‍ಳ್ಯಾ ಪ್ರಪಂಚಾಲಾಸ್ ಖುಬ್ ಬರಗಾಲ್ ಯಯಾಚ಼ ಹಾ” ಮನ್ಹುನ್ ಸಾಂಗ್ಲ. ಹ್ಯ ಬರ್ಗಾಲ್ ಕ್ಲವದ್ಯ ರಾಜಾಚಾ ಕಾಲಾತ್ ಆಲ್ತ. 29 ಶಿಶಾಂಚಾನಿ ಯುದಾಯಾತ್‌ಲ್ಯಾ ಬನ್ಹಿ ಬಾವ್ಹಾನಾ ಮಜ಼ತ್ ಕರಾಯಾ ಇಸ್ವಾಸಿಂಚಾನಿ ನಿರ್ದಾರ್ ಕೆಲಾ. ಇಸ್ವಾಸಿತಲ್ಯಾ ಪರತೆಕ್ ಯಕಾನಿ ಆಪ್ಲಿಪ್ನಿ ವ್ಹಯಿಲ್ ತ್ಯವ್ಡ ತ್ಯನಾ ಲಾವುನ್ ದಿಯಾ ಯವಜ್ನಾ಼ ಕಿಲಿ. 30 ತ್ಯಂಚಾನಿ ಪೈಸ ಗೊಳಾ ಕರುನ್ ಬಾರ್ನಬಾಲಾ ಆನಿ ಸೌಲಾಲಾ ದಿಲ. ನಂತರ್ ಬಾರ್ನಬ್ ಆನಿ ಸೌಲ್ ತ್ಯ ಆನುನ್ ಯುದಾಯಾತ್ ಸಭೆಚಾ ಜಾಂತ್ಯನಾ ಲಾವುನ್ ದಿಲ.