1 ತ್ಯಾ ನಂತರ್ ತ್ಯೊ ದೆರ್ಬೆಲಾ, ಲುಸ್ತ್ರಾತ್ ಆಲಾ. ಲುಸ್ತ್ರಾತ್ ತಿಮೊತಿ ಮಂತ್ಯಾಲಾ ಯೊಕ್ ಶಿಶಾ ಹುತಾ. ತ್ಯೊ ಕ್ರಿಸ್ತಾವ ಇಸ್ವಾಸ್ ಥೆವ್‌ಲ್ಯಾಲಾ ತ್ಯೊ ಯಕ ಯೆಹುದ್ಯಿ ಬ್ಯಾಯ್ಕಾಮಾನ್ಸಾಚಾ಼ ಲ್ಯೊಕ್ ತಿಬಿ ಇಸ್ವಾಸಿ ಜಾ಼ಲ್ಥಿ. ತ್ಯಚಾ಼ ಬಾ ಗ್ರೀಕ್. 2 ತ್ಯೊ ಲುಸ್ತ್ರಾತ್, ಇಕೊನ್ಯಾತ್ ಹುತ ತ್ಯಾ ಇಸ್ವಾಸಿಂಚಿಪ್ನಿ ಚಾಂಗ್ಲಿ ವಳಕ್ ಗೆತಲ್ಯಾಲಾ. 3 ತ್ಯೊ ಆಪ್ಲಿ ಸಂಗ ಯಯಾ ವ್ಹಯಿ ಮನ್ಹುನ್ ಪೌಲಾನಿ ಮನ್ ಕರುನ್ ತಿತಲ್ಯಾ ಯಹುದ್ಯಾಂಚಿಸ್ಲಾಗುನ್ ತ್ಯಲಾ ಮುಂಜಿ಼ ಕರ್ತೊ, ಕಾ ಮಂಜೆ ತ್ಯಂಚಾ಼ ಬಾ ಗ್ರೀಕ್ ಮನ್ಹುನ್ ಸಗ್‌ಳ್ಯಾನಾ ಠಾವ ಹುತ. 4 ನಂತರ್ ತೇ ಗಾವಾ ಗಾವಾತ್ನಿ ಜಾ಼ತಾನಾ ತಿಥ ಆಸ್‌ಲ್ಯಾಲ್ಯಾ ಇಸ್ವಾಸಿನಾ ಯೆರುಸಲೇಮಿತ್ ಆಸ್‍ಲ್ಯಾಲ ಅಪೊಸ್ತಲ್, ಸಬೆಚಾ ಜಾಂತ್ಯಾಂಚಾನಿ ತಿರ್ಮಾನ್ ಕೆಲ್ಯಾಲಾ ನೆಮ್ ತ್ಯನಾ ಸಾಂಗುನ್ ತೇ ತುಮಿ ಪಾಳಾಯಾ ವ್ಹಯಿಸಾ ಮನ್ಹುನ್ ಸಿಕಿವ್‌ತ್ಯಾತ. 5 ಸಬೆ ಕ್ರಿಸ್ತಾಚಾ ಇಸ್ವಾಸಾತ್ ಘಟ್ ವ್ಹಯಿತ್ ಲೆಕ್ಯಾತ್ ದಿಸುನ್ ದಿಸ್ ವಾಡತ್ ಆಲಿ.

6 ಆಶಾ ಸೀಮತ್ ವಾಕ್ಯಾ ಸಾಂಗು ನಾಹಿ ಮನ್ಹುನ್ ಪವಿತ್ರಾತ್ಮಾನಿ ಥಾಂಬಿವ್ಲ ಮನ್ಹುನ್ ತ್ಯೆ ಪ್ರುಗ್ಯ, ಗಲಾತ್ಯಾ ಸೀಮಾ ವಲ್ಯಾಡುನ್ ಜಾ಼ವುನ್, 7 ಮುಶಾಪ ಜ಼ವಳ್ ಆಲ ತವಾ, ಬಿಥುನ್ಯಾತ್ ಜಾ಼ಯಾ ಯತ್ನ ಕರ್ತ್ಯಾತ. ತಿಥಬಿ ಯೇಸುಚಾ ಆತ್‌ಮ್ಯಾನಿ ತ್ಯನಾ ಜಾ಼ವು ದಿಲ ನಾಹಿತ. 8 ತವಾ ತ್ಯೆ ಮುಶಾವ್ನಿ ತ್ರೊವಾತ್ ಆಲ. 9 ತ್ಯೆ ರಾತಿ ಪೌಲಾಲಾ ಯಾಕ್ ಸಪಾನ್ ಪಡ್ಲ, ಕ್ಯಾ ಮಂಜೆ, ಮಕೆದೊನ್ಯಾ ದೇಶಾತ್ಲಾ ಯೊಕ್ ಮಾನುಸ್ ಉಬಾ ರಾಹುನ್; “ತು ಸಮಿಂದೊರ್ ವಲ್ಯಾಂಡುನ್ ಮಕೆದೊನ್ಯಾತ್ ಯವುನ್ ಆಮಾನಾ ಗಾಹುನ್ ಜಾ಼ಯಾವ್ಹಯಿಸ್ ಮನ್ಹುನ್” ಇನಂತಿ ಕಿಲಿ. 10 ಪೌಲಾಲಾ ತ್ಯ ದರ್ಶನ್ ದಿಸಲ್ಯಾ ನಂತರ್, ತ್ಯೆ ಸೀಮತ್‌ಲ್ಯಾನಾ ಬರಿ ಖಬರ್ ಸಾಂಗಾಯಾ ದೇವಾನಿ ಆಮಾನಾ ಹಾಕಟ್‌ಲ್ಯಾತ ಮನ್ಹುನ್ ಆಮಿ ಖಾತ್ರಿ ಕರುನ್, ತವಾಸ್ ಮಕೆದೊನ್ಯಾತ್ ನಿಗುನ್ ಜಾ಼ಯಾ ಬಳ್ ಕೆಲ.

11 ಆಮಿ ತ್ರೊವಾತ್ನಿ ಸಮಿಂದೊರಾವ್ನಿ ನಿಟ್ ಸಮೊಥ್ರಾಕೆತ್ ಯವುನ್ ದುಸ್ರೆ ದಿಸಿ ನೆಯಾಪೊಲಿತ್ ಗೆಲಾವ್ ತಿಥ್ನಿ ಫಿಲಿಪಿತ್ ಪೊಚ಼್ಲಾವ್

12 ತೀ ಮಕೆದೊನ್ಯಾಚಿ಼ ಮೊಟ್ಟಿ ಪ್ಯಾಟ್ ರೊಮಾಪುರಾತ್ಲ ಯಾಕ್ ಗಾವ್ ಜಾ಼ಲ್ಥ. ಹೇ ಪೆಠತ್ ಆಮಿ ಥೊಡ ದಿಸ್ ಹುತಾವ್. 13 ಯಕಾ ಸಬ್ಬತ್ ದಿಸಾತ್ ನ್ಹಚೆ ಕಡಸ್ ದೇವಾಚ಼ ಮಾಗ್ನ ಕರ್ತ್ಯಾಲಾ ಜಾ಼ಗಾ ಹಾ ಮನ್ಹುನ್ ಸಮ್‍ಜು಼ನ್ ಗಾವಾಚಾ ದಾರಾಚೆ಼ ಬಾಹಿರ್ ಜಾ಼ವುನ್ ತಿಥ ಮಿಳುನ್ ಆಲ್ಯಾಲ್ಯಾ ಬ್ಯಾಯ್ಕಾ ಮಾನ್ಸಾ ಸಂಗ್ನಿ ಬಸುನ್ ಬೊಲಾವ್. 14 ಆಮ್ಚಾ ಬೊಲ್ಯಾ ಐಕ್‍ಲ್ಯಾಲ್ಯಾತ್ ಲುದ್ಯಾ ಮಂಥ್ಯಾಲಿ ಯೆಕ್ ಬ್ಯಾಯ್ಕಾ ಮಾನುಸ್ ಹುತಿ. ತೀ ಜಾ಼ಂಬ್ಳ ಕಪ್ಡ ಇಕ್‌ತ್ಯಾಲಿ ಜಾ಼ಲ್ಥಿ, ಥುವತೈರ ಮಂತ್ಯಾಲ್ಯಾ ಗಾವಾತ್ಲಿ, ದೇವಾಲಾ ವವ್ಯಾಳ್‌ತ್ಯಾಲಿ ಜಾ಼ಲ್ಥಿ. ಪೌಲ್ ಸಾಂಗ್‍ತ್ಯಾಲ್ಯಾ ಬೊಲ್ಯಾವ್ನಿ ಲಕ್ಷಾ ದಿಯಾ ಸಾಟಿ ಪ್ರಭುನಿ ತಿಚ಼ ಮನ್ ಉಗಡ್ಲ. 15 ತಿನಿ, ತಿಚಾ ಗರಾತಲ್ಯಾಂಚಾನಿ ಬಾಪ್ತಿಸ್ಮಾ ಗೆತಲ್ಯಾ ನಂತರ್, ತೀ; “ಪ್ರಭುವ ಇಸ್ವಾಸ್ ಥೆವ್‍ಲ್ಯಾಲಿ ಮನ್ಹುನ್ ತುಮಿ ಮಾಜೆ ಗುಸ್ಟಿತ್ ಖಾತ್ರಿ ಕೆಲಿ ಆಸ್ಲಿತ ಮಾಜಾ ಗರ‍್ಹಾತ್ ಯವುನ್ ರಾಹ್ಯಾ ವ್ಹಯಿಸಾ ಮನ್ಹುನ್” ಆಮಾನಾ ಬಳ್ ಜು಼ರಿ ಕಿಲಿ.

16 ನಂತರ್ ಪ್ರಭು ಮಾಗ್ನ ಕರತ್ಯಾಲ್ಯಾ ತ್ಯಾ ಜಾ಼ಗ್ಯಾವ ಆಮಿ ಜಾ಼ತಾನಾ ಘಾಡ್ಪನ್ ಕರತ್ಯಾಲಿ ಯೆಕ್ ಬ್ಯಾಯ್ಕಾಮಾನುಸ್ ಆಮ್ಚಿಪ ಆಲಿ. ತ್ಯಿ ಭವಿಶಾ ಸಾಂಗಿತಿ ಮನ್ಹುನ್ ತಿಚಾ ನವರ‍್ಯಾಲಾ ಖುಬ್ ಪ್ಯಾಯ್ದಾವ್ಹಯಿ. 17 ಪೌಲಾನಿ, ಆಮಿ ಜಾ಼ತಾನಾ ತೀ ಆಮ್ಚೆ ಮಾಗ್ನಿ ಯವುನ್; “ಹ್ಯೆ ಮಾನುಸ್ ಮಹೊನ್ನತ ದೇವಾಚ಼ ಸೇವಕ್; ತುಮಾನಾ ರಕ್ಷನೆಚಾ ವಾಟಾ ಸಾಂಗ್‌ತ್ಯಾತ” ಮನ್ಹುನ್ ವರ್ಡುನ್ ಸಾಂಗಿತಿ. 18 ಖುಬ್ ದಿಸ್ ತೀ ಆಸಿ ಕರಿ ಮನ್ಹುನ್ ಪೌಲಾಲಾ ಖುಬ್ ಬೆಜಾರ್ ವ್ಹವುನ್ ಮಾಗಾರಾ ಪರ್ತುನ್ ತಿಚೆ ಆತ್ ಆಸ್‌ಲ್ಯಾಲ್ಯಾ ಬುರ್ಶಾ ಆತ್‌ಮ್ಯಾಲಾ ಮನ್ಲಾ; “ತಿಲಾ ಸುಡುನ್ ಜಾ಼ ಮನ್ಹುನ್ ಯೇಸು ಕ್ರಿಸ್ತಾಚಾ ನಾವಾನಿ ತುಲಾ ಆಜ್ಞಾ ಕರ್ತೊ” ಮನ್ಲಾ. ತವಾಸ್ ತ್ಯ ಸುಡುನ್ ಗೆಲ. 19 ತ್ಯಿಚಾ ದನ್ಯಾಂಚಾನಿ ಆಪ್ಲಾ ಫ್ಯಾಯ್ದಾ ಚು಼ಕ್ಲಾ ಮನ್ಹುನ್ ಸಮ್‍ಜು಼ನ್ ಪೌಲಾಲಾ ಆನಿ ಸೀಲಾಲಾ ದರುನ್ ಬಾಜಾ಼ರಾಚಾ ಜಾ಼ಗ್ಯಾತ್ ಅಧಿಕಾರಿಪ ವಡುನ್ ನೆಲ. 20 ತ್ಯನಾ ಅಧಿಕಾರಿಪ ಆನುನ್; “ಹ್ಯೆ ಮಾನುಸ್ ಯೆಹುದಿ ಹೆ ಆಮ್ಚೆ ಪೆಠತ್ ಖುಬ್ ಗೊಂದೊಳ್ ಉಠಿವತ್ಯಾತ; 21 ತೇ ಆಮ್ಚೆ ಪದ್ದತಿಚಾ ನೆಮಾಚೆ ಆಡ್ವ ಸಿಕಿವ್‌ತ್ಯಾತ ಆಮಿ ರೊಮಾತ್ಲ ಆಸ್ಲಿ ಪದ್ದತ್ ಸ್ವಿಕಾರ್ ಕರುನ್ ಗಿಹ್ಯಾ ವ್ಹಯಿತ್ ನಾಹಿ” ಮನ್ಲ. 22 ತವಾ ಲೊಕ ಸಗ್ಳಿ ಮಿಳುನ್, ತ್ಯಂಚೆ ಆಡ್ವಿ ಉಟ್ಲಿತ. ಆನಿ ಅಧಿಕಾರ‍್ಯಾಚಾಂನಿ; ತ್ಯಂಚ಼ ಕಪ್ಡ ಪಾಟುನ್, ಕಾಡುನ್, ಚಡಿನಿ ಮಾರಾಯಾ ವ್ಹಯಿ ಮನ್ಹುನ್ ಪರ್ವಾನ್ಕಿ ದೆತ್ಯಾತ. 23 ತ್ಯನಾ ಖುಬ್ ತಡಾಕ ಮ್ಯಾರ್ಲ್ಯಾ ನಂತರ್ ತುರುಂಗಾತ್ ಗಾಲುನ್, ಹ್ಯನಾ ಶಾರ್ಕ ರಾಕಾಯಾ ವ್ಹಯಿ ಮನ್ಹುನ್ ತುರುಂಗಾಚಾ ಜಾಂತ್ಯಾಲಾ ಆಜ್ಞಾಕಿಲಿ. 24 ಹ್ಯೊ ಆಸ್ಲಿ ಪರ್ವಾನ್ಕಿ ಗಿಹುನ್ ತ್ಯನಾ ತುರುಂಗಾಚಾ ಆತ್‌ಲ್ಯಾ ಸೊಪ್ಯಾತ್ ಗಾಲ್ಹುನ್ ತ್ಯಂಚಾ ಪಾಯಾನಾ ಲಾಕ್ಡಾಂಚಾ ಫಳ್ಯಾಂಚೆ ಮದ್ದಿ ಗಾಲ್ಹುನ್ ಆವ್ಳುನ್ ಬ್ಯಾಂತ್ಯಾತ.

25 ಭರ್ ರ‍್ಯಾಚ಼ ಪೌಲ್ ಆನಿ ಸೀಲ್ ಮಾಗ್ನ ಕರಿತ್ ದೇವಾಲಾ ಸ್ತುತಿ ಗೀತ ಮನ್ಹಿತ; ತುರುಂಗಾತ್ ಆಸ್‌ಲ್ಯಾಲಿ ಸಗ್ಳಿ ಕಾನ್ ದಿವುನ್ ಐಕಿತಿತ. 26 ಆಪ್ಚಿತ್ ಮೊಟ್ಟ ಭುಕಂಪ್ ಜಾ಼ಲ್ಹಾ. ತುರುಂಗಾಚಾ಼ ಪಾಯಾ ಸಗ್ಳ ಹಾಲ್ಲಾ. ತವಾಸ್ ದಾರ ಸಗ್ಳಿ ನಿಗ್ಲಿತ, ಸಗ್‌ಳ್ಯಾಂಚಾ ಪಾಯಾಚಾ ಫಳ್ಯಾ ನಿಕ್ಳುನ್ ಪಡ್‍ಲ್ಯಾ. 27 ಆತ್ಮಹತ್ಯೆ ಮನ್ಹುನ್ ಸಾಂಗ್ತೊ. 28 ಫನ್ ಪೌಲ್ ಮೊಟ್ಯಾನಿ ತ್ಯಲಾ; ತು ಕಾಯ್ ಘಾತ್ ಕರುನ್ ಗಿಹುನಕೊಸ್, ಆಮಿ ಸಗ್ಳಿ ಹಿತ್ತಸ್ ಹಾವ್ ಮನ್ಲಾ.

29 ತವಾ ತ್ಯೊ; ದಿವ್ವಾ ಆನಾಯಾ ವ್ಹಯಿ ಮನ್ಹುನ್ ವರ್ಡುನ್ ಆತ್ ಬಿಹುನ್ ವಾಡತ್ ಪೌಲಾಚೆ಼ ಆನಿ ಸೀಲಾಚೆ಼ ಮೊರ್ಹ ಆಡ್ವಾ ಪಡ್ಲಾ. 30 ಆನಿ ತ್ಯನಾ ಬಾಹಿರ್ ಹಾಕ್ಟುನ್ ಆನುನ್; “ಸ್ವಾಮಿ, ಮೀ ರಕ್ಶನ್ ಗಿಹ್ಯಾ ಕ್ಯಾ ಕರಾಯಾವ್ಹಯಿ? ಮನ್ಹುನ್ ಇಚಾರ್ಲ,

31 ತ್ಯಂಚಾನಿ; ಪ್ರಭು ಜಾ಼ಲ್ಯಾಲ್ಯಾ ಯೇಸುವ ಇಸ್ವಾಸ್ ಥೆವ್, ತವಾ ತು ರಕ್ಷನ್ ಗೆನಾರ್, ಆನಿ ತುಜಾ ಗರಾತ್ಲಿಬಿ ರಕ್ಶನ್ ವ್ಹನಾರ್” ಮನ್ಹುನ್ ಸಾಂಗುನ್, 32 ತ್ಯಲಾಬಿ ತ್ಯಂಚಾ ಗರಾತಲ್ಯಾ ಸಗ್‌ಳ್ಯಾನಾ ದೇವಾಚಾ಼ ಸಂದೇಶ್ ಸಾಂಗ್ಲಾ 33 ತ್ಯಾ ನಂತರ್ ತ್ಯೊ ಭರ್ ರ‍್ಯಾಚಾ಼ ತ್ಯಾಸ್ ಯಳಾಲಾ ತ್ಯನಾ ಹಾಕ್ಟುನ್ ನಿಹುನ್ ತ್ಯಂಚ಼ ಘಾವ್ ದುಹುನ್ ತವಾಸ್ ಆಪ್ನುಬಿ ಆನಿ ಗರ‍್ಹಾತಲ್ಯಾಂಚಾನಿಬಿ ಬಾಪ್ತಿಸ್ಮಾ ಗೆತ್ಲಿ. 34 ನಂತರ್ ತ್ಯನಾ ಆಪ್‌ಲ್ಯಾ ಗರ‍್ಹಾತ್ ಹಾಕ್ಟುನ್ ನಿಹುನ್ ಜೆವಾನ್ದಿಲ. ತ್ಯನಿ ಆಪ್‍ಲ್ಯಾ ಗರಾತಲ್ಯಾಂಚೆ ಸಂಗ ದೇವಾವ ಇಸ್ವಾಸ್ ಥಿವುನ್ ಸಂತೊಶ್ ಜಾ಼ಲಿತ.

35 ಪಾಂಡ್ರಜಾ಼ಲ ತವಾ ರೊಮಾಚಾ ಥೊಡ್ಯಾ ಅಧಿಕಾರಿಂಚಾನಿ; “ತ್ಯಾ ಮಾನ್ಸಾನಾ ಸುಡುನ್ದೆವಾ” ಮನ್ಹುನ್ ಸಿಪಾಯಿಂಚಿಪ ಸಾಂಗುನ್ ಲಾವುನ್ ದಿಲ.

36 ತುರುಂಗಾಚಾ಼ ಜಾಂತ್ಯಾನಿ ಹೀ ಬುಲಿ ಪೌಲಾಲಾ; “ತುಮಾನಾ ಸೊಡಾಯಾ ವ್ಹಯಿ ಮನ್ಹುನ್ ಆಮ್ಚಾ ಅಧಿಕಾರಿಂಚಾನಿ ಸಾಂಗಲ್ಯಾ, ಆತಾ ತುಮಿ ಸಮಾಧಾನಾನಿ ಜಾ಼ವಾ” ಮನ್ಹುನ್ ಸಾಂಗ್ಲ.

37 ತ್ಯಲಾ ಪೌಲ್; “ತೆಂಚಾನಿ ಇಚಾರ್ ಕರಾಚೆ಼ ಆಂದಿ ರೊಮಾಪುರಾಚಾ಼ ಹುಕುಮ್ ಆಸಲ್ಯಾಲ್ಯಾ ಆಮಾನಾ ಸಗ್‌ಳ್ಯಾಂಚೆ ಮೊರ‍್ಹ ಮಾರುನ್ ತುರುಂಗಾತ್ ಗ್ಯಾತ್ಲ; ಆತಾ ಆಮಾನಾ ಗಪ್ ಬಾಹಿರ್ ಲಾವುನ್ ದೆತ್ಯಾತ ಕ್ಯಾ? ತಸ ಕವಾಸ್ ವ್ಹನಾರ್ನಾಹಿ; ತ್ಯಂಚಾನಿಸ್ ಯವುನ್ ಆಮಾನಾ ಬಾಹಿರ್ ನೆಲ್ಹತ ಬರ” ಮನ್ಹುನ್ ಸಾಂಗ್ತೊ.

38 ಸಿಪಾಯಿಂಚಾನಿ ಹ್ಯ ಅಧಿಕಾರಿಂಚಿಪ ಸಾಂಗ್ಲ ತವಾ ರೊಮಾಪುರಾಚಾ಼ ಹುಕುಮ್ ಆಸಲ್ಯಾಲ ಮನ್ಹುನ್ ಐಕ್ಲ ತವಾ ತೇ ಬಿಹ್ಯಾಲ. 39 ಆನಿ ಪೌಲ್ ಸೀಲಾಚಿಂಪ ಜಾ಼ವುನ್ ಮಾಯೆನಿ ಬುಲುನ್ ತ್ಯನಾ ಬಾಹಿರ್ ಹಾಕ್ಟುನ್ ಆನುನ್; ತುಮಿ ಗಾವ್ ಸುಡುನ್ ಜಾ಼ಯಾವ್ಹಯಿಸಾ ಮನ್ಹುನ್ ಇನಂತಿ ಕರತ್ಯಾತ. 40 ತವಾ ತ್ಯೆ ತುರುಂಗಾತ್ನಿ ನಿಗುನ್ ಲುದ್ಯಳಾಚಾ ಗರ‍್ಹಾತ್ ಯವುನ್ ಇಸ್ವಾಸಿನಾ ಬಗುನ್ ತ್ಯನಾ ಧೀರ್ ದಿವುನ್ ತಿಥ್ನಿ ನಿಗುನ್ ಗೆಲ.