1 ಆಮ್ಮಿ ಇಟಲಿಯಾಲಾ ವ್ಹಡಿತ್ನಿ ಜಾ಼ಯಾ ವ್ಹಯಿ ಮನ್ಹುನ್ ಥರ್ಲ ತವಾ ಪೌಲಾಲಾ ಆನಿ ಥೊಡ್ಯಾ ಖೈದಿನಾ ಜುಲಿಸ್ ಮಂತ್ಯಲಾ ಶತಾದಿಪತಿ ರಾಖಿತಾ. ಜುಲಿಸ್ ಅಗಸ್ತಸ್ ಸೈನ್ಯಾಚಾ಼ ಯೊಕ್ ಆದಿಕಾರಿ ಜಾ಼ಲ್ಥಾ. 2 ಅಮ್ಮಿ ವ್ಹಡಿತ್ ಚ಼ಡುನ್ ತಿತನಿ ಗೆಲಾವ್. ತಿ ವ್ಹಡಿ ಅದ್ರಮಿತ್ತಿತ್ನಿ ಅಲ್ತಿ ಅನಿ ಆಶಾಚಾ ದುಸರ‍್ಯಾ ದುಸರ‍್ಯಾ ಗಾವಾತ್ನಿ ಜಾ಼ಯಾಲಾ ತಯಾರ ಜಾ಼ಲ. ಅರಿಸ್ತಾರ್ಕ ಅಮ್ಚಿ ಸಂಗ ಹುತ್ತಾ. ತ್ಯೊ ಮಕೆದೊನಿಯಾತ್ ಆಸ್‌ಲ್ಯಾಲ್ಯಾ ಥೆಸೆಲೋನಿಕಾತ್ಲಾ. 3 ದುಸ್ರೆ ದಿಸಿ ಆಮಿ ಸಿದೊನ್ ಪೆಠತ್ ಆಲಾವ್. ಜುಲಿಯಸ್ ಪೌಲಾಚೆ ಗುಶ್ಟಿತ್ ದಯಾ ಆಸ್‌ಲ್ಯಾಲಾ ಜಾ಼ಲ್ಥಾ. ಸೊಪ್‌ತ್ಯಾಂಚಿಪ ಜಾ಼ವುನ್ ತ್ಯಂಚಿ ಭೆಟ್ ಗಿಯಾ ತ್ಯನಿ ಪೌಲಾಲಾ ಸ್ವತಂತ್ರ ದಿಲ. 4 ಆಮಿ ಸಿದೊನ್ ಪೆಠತ್ನಿ ಗೆಲಾವ್. ಮೊರ‍್ಹ ವಾರ ಸುಟ್‍ಲ್ಯಾಲ್ಯಾ ಕಾರ್ನಾನಿ ಆಮಿ ಸೈಪ್ರಸ್ ದ್ವಿಪಾಚೆ ದರ ದರನಿ ವ್ಹಡಿತ್ನಿ ಗೆಲಾವ್. 5 ಸಿಲಿಸಿಯಾತ್ಬಿ ಪಾಂಪಿಲಿಯಾತ್ಬಿ ಗಾವಲ್ಯಾಲಾ ಸಮಿಂದೊರಾವ್ನಿ. ಲುಸಿಯಾತ್‍ಲ್ಯಾ ಮುರ ಮಂಥ್ಯಾಲ್ಯಾ ಜಾ಼ಗ್ಯಾವ ಪೊಚ಼್ಲಾವ್. 6 ಅಲೆಕ್ಸಾಂದ್ರಿಯಾತ್ನಿ ಆಲ್ಯಾಲಿ ವ್ಹಡಿ ಮುರಾತ್ ಆಸ್‌ಲ್ಯಾಲ್ಯಾ ಶತಾದಿಪತಿನಿ ಬಗ್ಲಿ. ಆತಾ ವ್ಹಡಿ ಇಟಲಿತ್ ಜಾ಼ತೆ. ಮನ್ಹುನ್ ತ್ಯನಿ ಆಮಾನಾ ತ್ಯಾತ್ ಬಸಿವ್ಲ.

7 ಆಮಿ ಖುಬ್ ದಿಸ್ ಸಾವ್ಕಾಸ್ ಗೆಲಾವ್. ಜಾ಼ತಾ ಜಾ಼ತಾ ಮೊರ‍್ಹ ವಾರ ಸುಟ್ಲ ಮನ್ಹುನ್ ಆಮಿ ಸ್ನಿಡಾತ್ ಜಾ಼ಯಾಚ಼ ಕಶ್ಟ ಜಾ಼ಲ್ಹ. ಮೊರ‍್ಹ ಜಾ಼ಯಾ ಜಾ಼ಲ್ಹ ನಾಹಿ. ಮನ್ಹುನ್ ಆಮಿ ಕ್ರೆತ ದ್ವಿಪಾಚೆ ಕಡಸ್ನಿ ಸಲಮೊನ್ ಖಡೊಕ್ ವಲ್ಯಾಂಡುನ್ ಮೊರ‍್ಹ ಗೆಲಾವ್. 8 ಹಿತ್ನಿ ಮೊರ‍್ಹ ಆಮ್ಚಿ ವ್ಹಡಿ ಕ್ರೆತ್ ಗುಢ್ಯಾಚೆ ದರನಿ ಮೊಟೆ ಆಡಚ಼ನಿತ್ನಿ ಸುರಕ್ಷಿತ್ ಬಾಂದರಾತ್ ಪೊಚ಼ಲಾವ್. ಲುಸಿಯಾ ಪ್ಯಾಟ್ ತ್ಯಚೆ ಜ಼ವಳುಸ್ ಹುತ್ತಿ.

9 ಫನ್ ಆಮ್‍ಚಾ಼ ಖುಬ್ ಯೊಳ್ ವ್ಹಯಾ ಗೆಲಾ. ಆತಾ ಮೊರ‍್ಹ ಜಾ಼ಯಾಚ಼ ಖುಬ್ ಆವ್ಗಡ್ ಜಾ಼ಲ್ತ. ಕಾಮಂಜೆ ಯೆಹುದ್ಯಾಂಚಾ಼ ಉಪಾಸಾಚ಼ ದಿಸ್ ತವಾಸ್ ಸೊಪ್ಲಾಹುತ್ತ. 10 ಮನ್ಹುನ್ ಪೌಲಾನಿ ತ್ಯನಾ, “ಲೊಕಾನು, ಆಮಿ ಜಾ಼ತಾನಾ ಖುಬ್ ತರಾಸ್ ಹಾ ಆಸ ಮನಾ ದಿಸತ್ಯಾ. ವ್ಹಡಿ ಆನಿ ತ್ಯಾತ್ ಆಸ್‌ಲ್ಯಾಲಾ ಮ್ಹಾಲ್ ನಾಸ್ ವ್ಹನಾರ್. ಆಮಚಾ಼ ಜಿವ್ ಸಾಹಿತ್ ನಾಸ್ ವ್ಹನಾರ್!” ಮನ್ಹುನ್ ಶಾನತ್ ದಿಲಿ. 11 ಪೌಲಾಚಾ ಸಬ್ದಾನಾ ಕಾನ್ ದಿಲಾ ನಾಹಿ ಫನ್ ವ್ಹಡಿ ಚಾ಼ಲಿವತ್ಯಾಲ್ಯಾಚಾ ಆನಿ ವ್ಹಡಿಚಾ ದನ್ಯಾಚಾ ಸಬ್ದಾಂಚಿವ ಧ್ಯಾನ್ ದಿಲ. 12 ಫನ್ ಸುರಕ್ಷಿತ್ ಬಂದರ್ ಥಂಡಿಚಾ ದಿಸಾತ್ ವ್ಹಡಿ ಉಬಿ ರಾಹ್ಯಾ ಚಾ಼ಂಗ್ಲಾ ಜಾ಼ಗಾ ಜಾ಼ಲ್ಹಾ ನವ್ಥಾ. ಮನ್ಹುನ್ ವ್ಹಡಿ ತಿತ್ನಿ ಜಾ಼ಯಾಲಾಸ್ ವ್ಹಯಿ ಮನ್ಹುನ್ ಖುಬ್ ಜ಼ನಾಂಚಾನಿ. ಥಂಡಿಚ಼ ದಿಸ್ ಗಾಲ್ವಾಯಾ ಪೆನಿಕ್ಸಾತ್ ಪೊಚಾ಼ಯಾ ಬಗಿತಿತ. ಹ್ಯ ಬಂದರ್ ಕ್ರೆತಾ ದ್ವಿಪಾತ್ ಹುತ ಹ್ಯಚ಼ ತ್ವಾಂಡ್ ವ್ಹಡಿ ಚಾ಼ಲವಾಯಾ ಚ಼ಾಂಗ್ಲ ವಾರ ಸುಟ್ಯಾಲ್ಯಾ ದಿಕಾಕ್ಡ ಹುತ್ತ.

13 ಮಂಗ್ ಲೊಕ ಜಾ಼ಯಾ ವ್ಹಯಿ ಮನ್ಹಿತಿತ ತ್ಯಾ ದಿಕಾನಿ ಚಾ಼ಂಗ್ಲ ವಾರ ಸುಟಾಯಾ ಲಾಗ್ಲ. ವ್ಹಡಿತ್ ಆಸ್‌ಲ್ಯಾಲಿ ಲೊಕ, “ಆಮಾನಾ ವ್ಹಯಿ ಆಸ್‍ಲ್ಯಾಲ ವಾರ ಹ್ಯಸ್!” ಮನ್ಹುನ್ ತ್ಯಂಚಾನಿ ವ್ಹಡಿ ಬ್ಯಾಂದ್‍ಲ್ಯಾಲಿ ಗುಕಿ ಸುಡುನ್ ಉಚ಼್ಲುನ್ ಗಿತ್ಲಿ. ಆನಿ ಕ್ರೇತ್ ದ್ವಿಪಾಚೆ ಜ಼ವ ಜ಼ವಳ್ನಿ ಗಿಲಿತ. 14 ಫನ್ ದಿಸ್ ಉಗಾವ್‍ತ್ಯಾಲೆ ಡಾವ್ಯಾಂಗ್ಚೆ ಬಾಜೊ಼ಕ್ನಿ ಮುಟಿ ವಾರಮ್ಯೊಡ್ ಆಲಿ. 15 ಆನಿ ತಿ ಆಮ್ಚೆ ವ್ಹಡಿಲಾ ಆದಾಳ್ಳಿ. ತವಾ ವ್ಹಡಿಲಾ ಮೊರ‍್ಹ ಜಾ಼ಯಾ ಜಾ಼ಲ್ಹ ನಾಹಿ. ಮನ್ಹುನ್ ವಾರ ಸುಟಲ್ ತಿಕ್ಡ ಜಾ಼ಯಾ ಸುಡುನ್ದಿಲಿ. 16 ಆಮಿ ‘ಕಾವ್ದ’ ಮಂಥ್ಯಾಲ ಬಾರಿಕ್ ದ್ವಿಪಾಚೆ ಕಡಸ್ನಿ ಗೆಲಾವ್. ತವಾ ಆಮಿ ವ್ಹಡಿತ್ ಆಸ್‌ಲ್ಯಾಲಿ ಬಾರಿಕ್ ವ್ಹಡಿ ಆತ್ ಗಿಹ್ಯಾಲಾ ಜಾ಼ಲ್ಹ. ಫನ್ ತ್ಯ ಕಾಮ್ ಖುಬ್ ತರಾಸಾಚ಼ ಹುತ್ತ. 17 ನಂತರ್ ವ್ಹಡಿ ಫುಟು ನಾಹಿ ಆಸ ವ್ಹಡಿಲಾ ಸರ್ಬೌರಿ ದೊರ‍್ಯಾಂಚಾನಿ ಬ್ಯಾಂದ್ಲಿ. ಮಂಗ್ ‘ಸುರ್ತಿಸ್’ ಮಂಥ್ಯಾಲ್ಯಾ ರಿತಿಚಾ ಸಪೈ ಜಾ಼ಗ್ಯಾತ್ ಗಾವಲ್ ಮನ್ಹುನ್ ಬಿಹುನ್. ತ್ಯಂಚಾನಿ ಹಾಯಿ ಉತರುನ್ ವ್ಹಡಿ ವಾರ‍್ಯಾನಿ ಮೊರ‍್ಹ ಜಾ಼ಯಾ ಅವ್ಕಾಸ್ ಕೆಲಾ. 18 ದುಸ್ರೆ ದಿಸಿ ವಾರಮ್ಯೊಡ್ ಜೊ಼ರಾನಿ ಸುಟ್ಲಿ ಮನ್ಹುನ್ ಲೊಕಾಂಚಾನಿ ವ್ಹಡಿತ್ ಆಸ್‌ಲ್ಯಾಲಿ ಥುಡಿ ಸಾಮ್ನ ಬಾಹಿರ್ ಟ್ಯಾಕ್ಲಿತ. 19 ತ್ಯಚೆ ದಿಸ್ರೆದಿಸಿ ವ್ಹಡಿಚಿ ಥುಡಿ ಸಾಮ್ನ ಆಪ್‌ಲ್ಯಾ ಹಾತಾನಿ ವ್ಹಲ್ಪಟುನ್ ದಿಲಿತ. 20 ಖುಬ್ ದಿಸಾ ಪರ‍್ಯಾತ್ ಆಮಿ ದಿಸ್ ಆನಿ ಚಾನ್ಯಾನಾ ಬಗ್ಲ ನಾಹಿ. ವಾರ ಜೊ಼ರ್ ಜ಼ಾಲ್ಥ. ಆಮಿ ಜಿತ್ತಿ ರಾಥ್ಯಾವ್ ಮನ್ಯಾಚಿ ಆಶಾ ತ್ಯನಾ ನವ್ಥಿ.

26 ಫನ್ ಆಮಿ ಯಕಾ ದ್ವಿಪಾಚೆ ದರವ ಜಾ಼ವುನ್ ಪೊಚಾ಼ಯಾ ವ್ಹಯಿ ಮನ್ಹುನ್ ಸಾಂಗ್ಲ.

27 ಚೌ಼ದಾವ್ಯಾ ದಿಸಾಚೆ ರಾತಿಲಾ ಜಿಮ್ನಿಚೆ ಮದ್ದಿ ಆಸ್‌ಲ್ಯಾಲ್ಯಾ ಸಮಿಂದೊರಾತ್ನಿ ಮೊರ‍್ಹ ಜಾ಼ತಾನಾ. ಆಮಿ ದರಚೆ ಜ಼ವಳ್ ಆಲ್ಯಾವ್ ಮನ್ಹುನ್ ವ್ಹಡಿ ಚಾ಼ಲಿವತ್ಯಾಲ್ಯಾನಾ ಸಮಾಜ಼್ಲ. 28 ತ್ಯಚಾಂನಿ ಮ್ಯಾಪ್‍ತ್ಯಾಲಾ ವಳಂಬಾ ದುರಿಲಾ ಬಾಂದುನ್ ಪಾನ್ಯಾತ್ ಶೊಡ್ಲಾ. ಪಾನಿ ಖಾಲ್ ಚಾಳಿಸ್ ಮಿಟರ್ ಖೊಲ್ ಹುತ್ತ. ತ್ಯಂಚಾನಿ ಅನಿ ಥೊಡ ಮೊರ‍್ಹ ಜಾ಼ವುನ್ ವಳಂಬಾ ಪಾನ್ಯಾತ್ ಶೊಡ್ಲಾ. ತಿತ್ತ ಪಾನಿ ತಿಸ್ ಮಿಟರ್ ಹುತ್ತ. 29 ವ್ಹಡಿ ದುಂಢಿಂಚಿವ ಆದ್ಳಲ್ ಮನ್ಹುನ್ ವ್ಹಡಿ ಚಾ಼ಲಿವತ್ಯಾಲ ಬಿಹುನ್ ಚಾರ್ ಗುಕಿ ವ್ಹಡಿಚೆ ಮಾಗ್ನಿ ಟಾಕುನ್. ದಿಸ್ ಉಗ್ವಾಯಾ ಹಾತ್ ಜು಼ಡಿತ್ ಹುತ್ತಿತ. 30 ಯಂಗ್ದಾ ತೆ ವ್ಹಡಿತ್ನಿ ಚು಼ಕ್ವುನ್ ಜಾ಼ಯಾ ಸಾಟಿ ಚಾ಼ಲಿವತ್ಯಾಲ್ಯಾಂಚಾನಿ ಯತ್ನ ಕಿಲಿತ ತ್ಯಂಚಾನಿ ಹ್ಯಾ ಬಾರಿಕ್ ವ್ಹಡ್ಯಾ ಗಿಹುನ್ ವ್ಹಡಿ ಮೊರ‍್ಹ ಗುಕಿ ಟ್ಯಾಕ್‍ತ್ಯಾಸಾರಿ ಕರುನ್ ದ್ಯಾವ್ಲಿತ. 31 ಫನ್ ಪೌಲಾಲಾನಿ ಸೇನಾಧಿಕಾರಿಲಾ ಆನಿ ಸೈನಿಕಾನಾ, ಹೆ ವ್ಹಡಿ ಚ಼ಾಲಿವತ್ಯಾಲ ನಸ್ತಾನಾ ತುಮ್‍ಚಾ಼ ಜಿವ್ ತುಮಾನಾ ರಾಖಾಯಾ ವ್ಹಯಿತ್ನಾಹಿ ಮನ್ಲಾ. 32 ಮನ್ಹುನ್ ತ್ಯಚೆಸಾಟಿ ಸೈನಿಕಾನಿ ದುರಿ ಕಾಪುನ್ ವ್ಹಡಿಲಾ ಪಾನ್ಯಾತ್ ಶುಡ್ಲಿ.

33 ಆನಿ ದಿಸ್ ಉಗಾವ್ತಾನಾ ಕಾಯತರಿ ಖಾಯಾ ವ್ಹಯಿಸಾ ಮನ್ಹುನ್ ಪೌಲಾನಿ ತ್ಯನಾ ಬಳ್ ಕೆಲ, ಗೆಲ್ಯಾಲ್ಯಾ ಚೌ಼ದಾ ದಿಸಾದರ‍್ನಿ ತುಮಿ ಕಾಯ್ ಖಾಲನಾಹಿಸಾ. 34 ಆತಾ ತುಮಿ ಥೊಡ ತರಿ ಖಾಯಾ ವ್ಹಯಿಸಾ ಮನ್ಹುನ್ ಮಿ ತುಮಾನಾ ಸಾಂಗ್ತೊ. ತುಮಿ ಜಿತ್ತಿ ರಾಯಾ ತುಮಾನಾ ಜೇವ್ನಾಚಿ ಗರಜ಼್ ಹಾ. ತುಮ್ಚಿಪ ಆಸ್‍ಲ್ಯಾಲ್ಯಾ ಕುನಾಚೆ ಡುಯಿಚಾ಼ ಯೊಕ್ ಕ್ಯೊಸ್ ಸಾಹಿತ್ ಸಾಂಡನಾರ್ ನಾಹಿ. 35 ಆಸ ಸಾಂಗ್‍ಲ್ಯಾ ನಂತರ್, ಪೌಲಾನಿ ನಖಾಡಿ ಬಾಕರಿ ಗಿವುನ್ ತ್ಯಚಿಸಾಟಿ ಸಂಗ್‍ಳ್ಯಾಂಚೆ ಮೊರ‍್ಹ ದೇವಾಲಾ ದನ್ಯವಾದ್ ಸಾಂಗುನ್. ತ್ಯನಿ ಯೊಕ್ ತುಕಡಾ ಮುಡುನ್ ಖಾಲಾ. 36 ತವಾ ಸಗ್‍ಳ್ಯಾಂಚಾನಿ ಧಿರ್ ಕರುನ್ ಜೆವಾನ್ ಖಾಲ. 37 ತೆ ವ್ಹಡಿತ್ ದೊನ್ಸೆ ಸತರಾವ ಸಾ ಲೊಕ ಹುತಾವ್. 38 ಆಮಿ ಪ್ವಾಟ್ ಬರಸ್ಪರತ್ ಖಾಲ. ಆನಿ ಉರ್‌ಲ್ಯಾಲಿ ಪ್ಯಡ್ಗಿ ಸಮಿಂದೊರಾತ್ ಟಾಕುನ್ ವ್ಹಡಿಲಾ ವಜ಼ ಕಮಿ ಕೆಲ.

39 ಉಜಾ಼ಡ್ಲ ತವಾ ವ್ಹಡಿ ಚಾ಼ಲಿವತ್ಯಾಲ್ಯಾನಾ ದೆಶೆಚಾ಼ ಜಾ಼ಗಾ ದಿಸ್ಲಾ. ಖರ ತ್ಯೊ ಕಸ್ಲಾ ಜಾ಼ಗಾ ಮನ್ಹುನ್ ವಳಾಕ್ಲಾ ನಾಹಿ. ತ್ಯಂಚಾನಿ ಬಗ್‌ಲ್ಯಾಲಿ ರಿತಿಚಿ ದರ್ ಆಸ್‌ಲ್ಯಾಲಿ ಯಾಕ್ ತಳ ಜಾ಼ಲ್ತ. ವ್ಹಡಿ ತಿಥ ನಿಹ್ಯಾ ವ್ಹಯಿ ಮನ್ಹುನ್ ತ್ಯಂಚಾನಿ ಯವಜ಼್ಲ. 40 ಮನ್ಹುನ್ ತ್ಯಂಚಾನಿ ಗುಕಿ ತುಡುನ್ ಸಮಿಂದೊರಾತ್ ಟ್ಯಾಕ್ಲಿತ ಆನಿ ತವಾಸ್ ದಿಕ್ ಚು಼ಕಿವತ್ಯಾಲ್ಯಾ ದೊರ‍್ಯಾ ಶೊಡ್‍ಲ್ಯಾ. ವ್ಹಡಿ ಮೊರ‍್ಹ ಜಾ಼ಯಾ ಕಪಡ್ಯಾಚಾ಼ ಪಟಾ ಬ್ಯಾಂದ್‍ತ್ಯಾತ. ಆನಿ ಆಮಿ ದರಕ್ಡ ಯಯಾ ಲಾಗ್ಲಾವ್. 41 ಫನ್ ವ್ಹಡಿ ರಿತಿಚಾ ಟೆಂಬ್ಯಾವ ಅಪಾಟ್ಲಿ. ವ್ಹಡಿಚಾ಼ ಮೊರ್ಲಾ ಭಾಗ್ ತ್ಯಾತ್ ಆಡಾಕ್ಲಾ ಹುತ್ತಾ. ವ್ಹಡಿ ಚಾ಼ಲ್ವಾಯಾ ಜಾ಼ಲ್ಹಿ ನಾಹಿ. ನಂತರ್ ಮೊಟ್ಯಾ ಲಾಟಾ ವ್ಹಡಿಚೆ ಮಾಗ ಅಪ್ಟುನ್ ತುಕ್ಡ ತುಕ್ಡ ಕರಾಯಾ ಲಾಗ್‌ಲ್ಯಾ.

42 ಚ಼್ವಾರ್ ಪವುನ್ ಜಾ಼ವುನ್ ಚು಼ಕುನಾಹಿತ ಮನ್ಹುನ್ ಸೈನಿಕಾಂಚಾನಿ ಚೊ಼ರಾನಾ ಮಾರುನ್ ಟಾಕಾಯಾ ನಿರ್ದಾರ್ ಕೆಲಾ. 43 ಫನ್ ಸೇನಾಧಿಕಾರಿನಿ ಪೌಲಾಲಾ ಉರ್ವಾಯಾಸಾಟಿ ಚೊ಼ರಾನಾ ಮಾರುನ್ಟಾಕಾಯಾ ಸೈನಿಕಾನಾ ಹುಕುಮ್ ದಿಲಾ ನಾಹಿ, ಖರ ಆಸಾ ಹುಕುಮ್ ದಿಲಾ, ಪವಾಯಾ ಯತ್ಯಾಲ ಪವುನ್ ದರವ ಜಾ಼ವುಂತ, 44 ಬಾಕಿಚಿ ಫಳ್ಯಾ ನಾಹಿತ ವ್ಹಡಿಚಾ ಲಾಕಡಾಂಚಾ ತುಕ್‍ಡ್ಯಾಂಚಾ ಆದಾರಾನಿ ಜಾ಼ವಾ ಮನ್ಹುನ್ ಸಾಂಗ್ಲ. ಆಸಿ ಆಮಿ ಸಗಳ್ಯಾಂಚಾನಿ ಜಿಮಿನ್ ಗ್ಯಾಟ್ಲಿ ತ್ಯಾತ್ಲ ಯಾಕ್ಬಿ ಮೆಲನಾಹಿ.