ಪೌಲನು ಎಪೆಸದವರಿಗೆ ಬರೆದ ಪತ್ರಿಕೆ
ಪೌಲಾನಿ ಎಫೆಸಾತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ
ವಳಕ್
ಎಫೆಸಾತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ ಕ್ರಿಸ್ತ ಜ಼ಲಾಮ್‌ಲ್ಯಾ ನಂತರ್ ಲ ಕರುನ್ 60 ವರ್ಸಾತ್ ಲಿವ್‌ಲ್ಯಾ ಕೊಲೊಸ್ಸೆತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ ಹ್ಯಾಸ್ ಯಳಾತ್ ಲಿವ್‌ಲ್ಯಾ ಮಂಥ್ಯಾತ. ಲಿವ್‌ತ್ಯಾಲಾ ಆಪ್ನುಸ್ ಅಪೊಸ್ತಲ್ ಪೌಲ್ ಮನ್ಹುನ್ ಗೆತೊ 1:1ಕೊಲೊಸ್ಸೆತ್ ಆಸ್‌ಲ್ಯಾಚೆಗತ್ ಸ್ವತಾಚ಼ ನಮಸ್ಕಾರ್ ಎಫೆಸಾತ್‌ಲ್ಯಾನಾ ಲಿವ್‌ಲ್ಯಾಲ್ಯಾ ಪತ್‌ರ‍್ಯಾತ್ ದಿಸುನ್ ಆಲ ದ್ಯಾನ್ ಕರ್ತ್ಯಾಲ ಹ್ಯ ಪತ್ರ ಪೌಲಾನಿಸ್ ಲಿವ್‌ಲ್ಯಾ ಮಂಥ್ಯಾತ. ಹ್ಯಾ ಕಾರ್ನಾನಿ ಹ್ಯ ಪತ್ರ ತ್ಯಾ ಪ್ರಾಂತ್ಯಾತ್ ಖುಬ್ ಸಬೆನಾ ಪಗಳ. ಪೌಲ್ ಹ್ಯ ಪತ್ರ ಲಿವ್ತಾನಾ ಆಪ್ನು ತುರುಂಗಾತ್ ಹಾ ಮನ್ಹುನ್ ಸಾಂಗ್ತೊ 3:14:16:20ಪೌಲಾನಿ ಹ್ಯ ಪತ್ರ ಎಫೆಸಾತಲ್ಯಾ ಸಭೆನಾ ಬೆಠಾಯಾ ಜಾ಼ತ್ಯಾಲ್ಯಾ ತುಖಿಕಾಪ ದಿವುನ್ ಲಾವುನ್ ದಿಲ 6:21-22
ಎಫೆಸಾ ಪ್ಯಾಟ್ ಯೆಕ್ ಮುಟಿ ಪ್ಯಾಟ್ ವ್ಹವುನ್ ರೊಮ್ ಸಾಮ್ರಾಜಾಚಾ ಆಶಾಮೈನರ್ ಪ್ರಾಂತ್ಯಾಚಿ ರಾಜ್ದಾನಿ ಜಾ಼ಲ್ಥಿ. ಎಫೆಸಾ ಪ್ಯಾಟ್ ಗ್ರೀಕ್ ದೇವೆತೆ ಜಾ಼ಲ್ಯಾಲಿ ಆರ್ತೆಮಿಚಾ ದೇವ್ಳಾನಿ ಪ್ರಸಿದ್ದ ಜಾ಼ಲ್ಥಿ ಅಪೊಸ್ತಲ್ 19:23-31ಎಫೆಸಾ ಪೆಠತ್ಲಿ ಸಭಾ ಸುರ್ವಾತಾತ್ ಬಳಾನಿ ರಾಹುನ್ ನಂತರ್ ಸರ್ತ್ಯಾಲಾ ಜ಼ಾಖಾಚಾ ಲೆಖ್ಯಾತ್ ಆಲ್ತಿ ದರ್ಶಾನ್ 2:1-7
ಪೌಲ್ ಅರ್ದ್ಯಾನ್ ಅರ್ದ್ಯಾ ಪತರ‍್ಯಾತ್ ದೇವಾನಿ ಆಪ್‌ಲ್ಯಾ ಲೊಕಾನಾ ಕಸಿ ನಿವಡ್ಲಿತ ಆನಿ ಯೇಸು ಕ್ರಿಸ್ತಾಸ್ ಲಾಗುನ್ ತ್ಯಂಚಾ ಪಾಪಾತ್ನಿ ಕಸಿ ರ‍್ಯಾಕ್ಲಿತ ಮನ್ಹುನ್ ವಿವರನಾ ಕರ್ತೊ. ತ್ಯೊ ಸಬೆ ಕ್ರಿಸ್ತಾಚ಼ ಶರೀರ್ ಆನಿ ಕ್ರಿಸ್ತ್ ತ್ಯಚಿ ಡುಯಿ ಜಾ಼ಲ್ಯಾ ಆನಿ ಕ್ರಿಸ್ತ್ ಕೊನ್ಯಾವ್ಲಾ ಧೊಂಡಾ ಜಾ಼ಲ್ಯಾಲ್ಯಾ ಬಾಂದ್ನಾಲಾ ಮಿಳಿವ್ತೊ. ಹ್ಯಾ ಪತ್‌ರ‍್ಯಾಚಾ ದೊನವ್ಯಾ ಅರದ್ಯಾ ಭಾಗಾತ್ ಪೌಲ್ ಕ್ರಿಸ್ತಾಚಾ಼ ಜೀವ್ನಾ ಕಸಾ ಕರಾಚಾ಼ ಮನ್ಹುನ್ ಪಾರಕ್ ದೊತೊ.
ಪಿಠಿಕೆ
1. ಪೌಲ್ ಆಪ್ಲಿ ವಳಕ್ ಕರ್ತೊ ಆನಿ ಎಫೆಸಾತ್‌ಲ್ಯಾನಾ ನಮಸ್ಕಾರ್ ಸಾಂಗ್ತೊ 1:1-2
2. ನಂತರ್ ತ್ಯೊ ಕ್ರಿಸ್ತಾಪ ಸಬೆನಾ ಆಸ್‌ಲ್ಯಾಲೆ ಸಂಬಂದಾಚೆ ಗುಶ್ಟಿತ್ ವಿವರನ್ ಕರ್ತೊ 1:3—3:21
3. ನಂತರ್ ಪೌಲಾನಿ ಇಸ್ವಾಸಿ ಕಸಿ ಜಿವ್ನಾ ಕರಾಯಾ ವ್ಹಯಿತ ಮನ್ಹುನ್ ಲಿವ್ತೊ 4:1—6:20
4. ಸರ್ತ್ಯಾಲಾ ಪೌಲ್ ಥೊಡ್ಯಾ ಪಾರ್ಕೀ ದೆತೊ 6:21-24
1
1 ದೇವಾಚಾ ಮನಾನಿ ಕ್ರಿಸ್ತ ಯೇಸುಚಾ಼ ಯೊಕ್ ಅಪೊಸ್ತಲ್ ಜಾ಼ಲ್ಯಾಲಾ ಪೌಲ್ ಎಫೆಸಾತ್ ಆಸ್‌ಲ್ಯಾಲ್ಯಾ ದೇವಾಚಾ ಲೊಕಾನಾ ಕ್ರಿಸ್ತ್ ಯೇಸುವ ಇಸ್ವಾಸ್ ಥೆವ್‌ಲ್ಯಾಲ್ಯಾನಾ, 2 ಆಮ್ಚಾ ಬಾ ದೇವಾಪ್ನಿ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿ ತುಮಾನಾ ಕ್ರಪಾ ಶಾಂತಿ ಗಾವುನಿ.
ಕ್ರಿಸ್ತಾಪ್ಲಾ ಆತ್ಮಿಕ್ ಆಶಿರ್ವಾದ್
3 ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ಼ ದೇವ್ ಬಾ ಜಾ಼ಲ್ಯಾಲ್ಯಾಲಾ ದನ್ಯವಾದ್ ವ್ಹವುನಿ, ತ್ಯನಿ ಸ್ವರ್ಗಾತ್ ಸಗ್ಳಾ ಆತ್ಮಿಕ್ ಆಶಿರ್ವಾದ್ ಆಮಾನಾ ಕ್ರಿಸ್ತಾಪ್ನಿ ದಿಲ್ಯಾ. 4 ದುನ್ಯಾ ಉತ್ಪನ್ ವ್ಹಯಾಚೆ಼ ಆಂದಿ ದೇವಾನಿ ಕ್ರಿಸ್ತಾಪ ಆಮಾನಾ ತ್ಯಚಿ ಮೊರ‍್ಹ ನಿರ್ಮಳ್ ದೊಶ್ ನಸ್ನಾರ್ ವ್ಹಯಾ ವ್ಹಯಿ ಮನ್ಹುನ್ ನಿವಡ್ಲಿತ ಕಾ ಮಂಜೆ ಹಿ ತ್ಯಚಿ ಮಾಯಾ ಜಾ಼ಲೆ. 5 ದೇವಾನಿ ಆಂದಿಸ್ಟಾವ್ನಿ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ಆಪ್ಲಿ ಪೊರ ಕರುನ್ ಗಿಹ್ಯಾಸಾಟಿ ಆಪ್ಲೆ ಪುರೆ ದಯೆನಿ ಮನಾನಿ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ಆಪ್ಲಿ ಪೊರ ಕರುನ್ ದತ್ತಕ್ ಗಿಹ್ಯಾ ಮಾಯೆನಿ ಆಂದಿಸ್ ತಿರ್ಮಾನ್ ಕೆಲಾ. 6 ಯವಾ ಆಮಿ ದೇವಾಚೆ ಮೈಮೆಚೆ ಕ್ರುಪೆಸಾಟಿ ಸ್ತುತಿ ಕರುಯಾ ಕಾ ಮಂಜೆ ತ್ಯನಿ ಆಪ್‌ಲ್ಯಾ ಮಾಯೆಚಾ ಲೆಕಾಪ್ನಿ ಆಮಾನಾ ಫುಕಟ್ ವರ್ ದಿಲ್ಯಾ. 7 ಯೇಸು ಕ್ರಿಸ್ತಾನಿ ಆಮ್ಚಿಸಾಟಿ ಪ್ಯಾಡ್‌ಲ್ಯಾಲ್ಯಾ ರಕ್ತಾಸ್ ಲಾಗುನ್ ಆಮಾನಾ ದೇವಾಚೆ ಮೊಟೆ ಕ್ರುಪೆಚೆ ಸಾವ್ಕರ್ಕಿಸ್ ಲಾಗುನ್ ಪಾಪ ಮಾಪಿ ಕರಾಚಿ಼ ಸುಟ್ನುಕ್ ಗಾವ್ಲಿ. 8 ತ್ಯನಿ ಆಮಾನಾ ಆಪಲ್ಯಾ ಸಗಳ್ಯಾ ಗಿನ್ಯಾನ್ ಆನಿ ಬುದ್ದಿ ಸಂಗ ಫುಸ್ಕಳ್ ವತಲ್ಯಾ. 9 ದೇವಾನಿ ಆಪ್ನು ನಿರ್ದಾರ್ ಕೆಲ್ಯಾಲ ಕೆಲ, ಆನಿ ಕ್ರಿಸ್ತಾಪ್ನಿ ಆತಾಸ್ ಪುರ್ನ ವ್ಹಯಾಲಾ ನಿರ್ದಾರ್ ಕೆಲ್ಯಾಲೆ ಆಪ್ಲೆ ಗುಟಚಿ ಯವಜ್ನಾ಼ ಆಮಾನಾ ಸಾಂಗ್ಲಿ. 10 ಹಿ ಯವಜ್ನಾ಼ ದೇವಾನಿ ಶಾರ್ಕ್ಯಾ ಯಳಾತ್ ಪುರ್ನ ಕರ್ನಾರ್ ಸ್ವರ್ಗಾತ್ ಆನಿ ದರ್ಥಿವ ಆಸ್‍ಲ್ಯಾಲಿ ಸಗ್ಳಿ ಉತ್ಪತ್ತಿ ಕ್ರಿಸ್ತಾಲಾ ಡುಯಿ ಕರುನ್ ಯೇಕ್ ಕರ್ನಾರ್.
11 ಆನಿ ಆಪಲ್ಯಾ ಮನಾತಲ್ಯಾ ಉದೆಸಾ ಶಾರ್ಕ ಕಾಮ ಚಾ಼ಲಿವ್ನಾರಾ ಆಪ್ಲೆ ಯವಜ಼್ನಾ ಶಾರ್ಕ ಆಂದಿಸ್ ಥರಿವಲ್ಯಾಲ್ಯಾ ಆಮಾನಾ ಕ್ರಿಸ್ತಾಪ ಆಪ್ಲಿ ಸ್ವತಾಚಿ ಲೊಕಕರುನ್ ನಿವಡ್ಲಿತ. 12 ಮನ್ಹುನ್ ಕ್ರಿಸ್ತಾವ ಆಂದಿಸ್ ಆಶಾ ಥೆವಲ್ಯಾಲಿ ಆಮಿ ತ್ಯಚೆ ಮೈಮಾಲಾ ವವ್ಯಾಳತ್ಯಾಲಿ ರಾಹ್ಯಾವ್ಹಯಿ ಮನ್ಹುನ್ ಆಸ ಕೆಲ.
13 ಆನಿ ತುಮಿ ಸಾಹಿತ್ ಖರಿ ವಾಕ್ಯಾ ಐಕುನ್, ದೇವಾಚಿ ಲೊಕ ಜಾ಼ಲ್ಯಾಸಾ, ಬರಿ ಖಬರಿನಿ ತುಮಾನಾ ಸುಟ್ನುಕ್ ಆನ್ಲಿ. ತುಮಿ ಕ್ರಿಸ್ತಾವ ಇಸ್ವಾಸ್ ಥೆವ್‍ಲ್ಯಾಸಾ, ಆನಿ ದೇವಾನಿ ಆಪ್ನು ವಾಗ್ದಾನ್ ಕೆಲ್ಯಾಲ ಪವಿತ್ರಾತ್ಮ ತುಮಾನಾ ದಿಲ್ಯಾಲ್ಯಾಸ್ ಲಾಗುನ್ ಆಪ್ಲಾ ಸಿಖಾ ಗಾಲ್ಹುನ್ ವಳಕ್ ಕೆಲೆ. 14 ತ್ಯ ಆತ್ಮ ದೇವಾನಿ ಆಪ್‌ಲ್ಯಾ ಸ್ವತಾಚಾ ಲೊಕಾನಾ ವಾಗ್ದಾನ್ ಕೆಲ್ಯಾಲಾ ಆಮಿ ಗಿಹ್ಯಾ ಸಾಟಿ ಪವಿತ್ರಾತ್ಮ ಖಾತ್ರಿ ಜ಼ಾಲ್ಯಾ. ಸುಟ್ನುಕ್ ವ್ಹತಿ ಮನ್ಹಾಯಾ ಪವಿತ್ರಾತ್ಮ ಆಮ್ಚಾ ಹಾಕಾಲಾ ಖಾತ್ರಿ ಜಾ಼ಲ್ಯಾ. ಹ್ಯನಿಸ್ ದೇವಾಲಾ ಮೈಮಾ ಕರುಯಾ.
ಪೌಲಾಚ಼ ಮಾಗ್ನ
15 ಮನ್ಹುನ್ ಪ್ರಭು ಯೇಸುಪ ತುಮಚಾ಼ ಇಸ್ವಾಸ್ ಆನಿ ಸಗ್ಳ ತ್ಯಚಾ ಲೊಕಾಂಚೆ ಸಾಟಿ ಆಸ್‌ಲ್ಯಾಲೆ ಮಾಯೆಚೆ ಗುಶ್ಟಿತ್ ಮೀ ಐಕ್‍ಲ್ಯಾ, 16 ಮೀ ತುಮ್ಚಿ ಸಾಟಿ ದೇವಾಲಾ ದನ್ಯವಾದ್ ಸಾಂಗಾಚ಼ ಥಾಂಬಿವ್ಲ ನಾಹಿ ಮಾಜಾ ಮಾಗ್‌ನ್ಯಾತ್ ತುಮಾನಾ ಯಾದ್ ಕರ್ತೊ. 17 ಮಿ ಮಾಗ್ನ ಕರ್ತೊ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಾ಼ ದೇವ್ ತುಮಾನಾ ವಿವೇಕ್ ಆನಿ ದೈವಿಕ್ ದರ್ಶಾನಾಚಾ ಆತಮ್ಯಾಚ಼ ಬಳ್ ದಿವುನಿ ಹ್ಯನಿ ತುಮಿ ತ್ಯಾ ಮೈಮೆಚಾ ಮೊಟ್ಯಾ ಬಾಲಾ ಸುಮಜು಼ನ್ ಗಿಹ್ಯಾ ವ್ಹಯಿಲ್. 18 ಮಿ ಮಾಗಾಚ಼ ಕ್ಯಾ ಮಂಜೆ ತುಮಚಾ ಮನಾತ್ಲ ಡೊಳ ಉಗಡುನ್, ತ್ಯಚಾ ಹಾಕಟನ್ಯಾಚಿ ಆಶಾ ಕಸ್ಲಿ ಮನ್ಹುನ್ ಆನಿ ದೆವಾಚಾ ಪೊರಾಂಚಿಪ ಆಸಲ್ಯಾಲ್ಯಾ ಸ್ವಾಸತ್ಯಾಚಿ ಮೈಮಾ ಕಸ್ಲಿ ಮನ್ಹುನ್. 19 ಆನಿ ಇಸ್ವಾಸಿ ಜಾ಼ಲ್ಯಾಲಿ ಆಮಿ ತ್ಯಚಿ ತಾಕತ್ ಕ್ಯವ್ಡಿ ಮುಟಿ ಜಾ಼ಲೆ ತೀ ಆಮ್ಚಿಪ ಕಾಮ್ ಕರ್ತೆ ಹೀ ತಾಕತ್ ಆಮ್ಚಿಪ ಮೊಟೆ ತಾಕ್ತಿಚೆಗತ್ ಕಾಮ ಕರ್ನಾರ್ ಬಳ್ ಜಾ಼ಲ್ಯಾ.
20 ಹೆ ಮೊಟೆ ತಾಕ್ತಿನಿಸ್ ದೇವಾನಿ ಕ್ರಿಸ್ತಾಲಾ ಮರ್ನಾತ್ನಿ ಉಟ್ವುನ್, ಆನಿ ಸ್ವರ್ಗಾಚಾ ರಾಜಾತ್ ಆಪ್ಲೆ ಉಜ಼ವ್ಯಾಂಗ್ನಿ ಬಸಿವ್ಲಾ. 21 ಪೈಲ ಫನ್ ಅಧಿಕಾರ್ ಸಾಮರ್ಥ್ಯ ಪ್ರಭುತ್ವ ತ್ಯೊ ಯನಾರ‍್ಯಾ ಲೊಕಾತ್ ತ್ಯಲಾ ಪದ್ವಿ ದಿಲೆ.
22 ಆನಿ ದೇವಾನಿ ಸರ್ವ ಕ್ರಿಸ್ತಾಚಾ ಪಾಯಾತ್‍ ದಿವುನ್, ಮಂಡಳಿ ಸಾಟಿ ಸಗ್‌ಳ್ಯಾವ ತ್ಯಲಾ ಡುಯಿ ಕರುನ್ ಥರಿವ್‌ಲ್ಯಾ. 23 ಮಂಡಳಿ ಕ್ರಿಸ್ತಾಚ಼ ಶರೀರ್ ಜಾ಼ಲೆ, ಸಗ್ಳೆ ತರನಿ ಸಗ್‍ಳ್ಯಾಲಾ ತ್ಯಚಿ ಸಗ್ಳ ಪುರ್ನ ಕರ್ತ.