ಪೌಲನು ಗಲಾತ್ಯದವರಿಗೆ ಬರೆದ ಪತ್ರಿಕೆ
ಪೌಲಾನಿ ಗಲಾತ್ಯಾತ್‌ಲ್ಯಾನಾ ಲಿವ್‌ಲ್ಯಾಲ ಪತ್ರ
ವಳಕ್
ಗಲಾತ್ಯಾತ್‌ಲ್ಯಾನಾ ಲಿವ್‌ಲ್ಯಾ ಪತ್ರ ಅಪೊಸ್ತಲ್ ಪೌಲಾನಿ ಲಿವ್‌ಲ್ಯಾ1:1ಹ್ಯ ಪತ್ರ ಪೌಲಾನಿ ಗಲಾತ್ಯಾತ್ಲೆ ಸಭೆನಾ ಕ್ರಿಸ್ತ್ ಜ಼ಲಾಮ್‌ಲ್ಯಾವ 48-57 ವರ್ಸಾಂಚೆ ಮದ್ದಿ ಲಿವ್‌ಲ್ಯಾ. ಗಲಾತ್ಯಾತ್ಲಿ ರೊಮ್ ಸಾಮರಾಜಾಚಾ ಗಲಾತ್ಯ ಮಂಥ್ಯಾಲ್ಯಾ ಪ್ರಾಂತ್ಯಾತ್ ಜೀವ್ನಾ ಕರಿತಿತ. ಹ್ಯ ಪತ್ರ ಲಿವ್ತಾನಾ ಪೌಲ್ ಕುಠ ಹುತ್ತಾ ಮನ್ಹುನ್ ವಿದ್ವಾಂಸಾನಾ ಖಾತ್ರಿ ಜಾ಼ಲ್ಹ ನಾಹಿ. ಫನ್ ಎಫೆಸಾ ಆನಿ ಕೊರಿಂಥ ಹ್ಯಾ ದುನಿ ಪೆಠತ್ನಿ ತ್ಯೊ ರಾಯ್ಲಾ ಆಸಲ್.
ಪೌಲಾನಿ ಹ್ಯ ಪತ್ರ ಗಲಾತ್ಯಾತಲ್ಯಾ ಸಬೆನಾ ಯೆಹುದಿ ಆನಿ ಯೆಹುದಿ ನಸ್‌ಲ್ಯಾಲ್ಯಾ ಇಸ್ವಾಸಿಂಚಾ ಉದೆಸಾನಿ ಲಿವ್‌ಲ್ಯಾ. ತ್ಯೊ ಖುಬ್ ಕರುನ್ ಇಸ್ವಾಸಿ ಜು಼ನ್ಯಾ ಕರಾರಾತ್ ಯೆಹುದ್ಯಾಂಚಾ ನೆಮಾ ಶಾರ್ಕ ಚಾ಼ಲಾಯಾ ವ್ಹಯಿ ಲ ಕರುನ್ ಮುಂಜಿ ಕರುನ್ ಗಿಹ್ಯಾ ವ್ಹಯಿ ಮಂಥ್ಯಾಲ್ಯಾ ಲಬಾಡ್ ಸಾಂಗ್‌ನ್ಯಾಚೆ ಆಡ್ವ ಲಿವ್‌ಲ್ಯಾ. ಇಸ್ವಾಸಿಂಚೆ ಮದ್ದಿ ಯೆಹುದಿ ಮಂಥ್ಯಾಲ್ಯಾ ಯೆಹುದಿ ನಸ್‌ಲ್ಯಾಲ್ಯಾ ಇಸ್ವಾಸಿನಾ ಮುಂಜಿ ಕರಾಯಾ ವ್ಹಯಿ ಮನ್ಹುನ್ ಸಾಂಗ್‌ತ್ಯಾಲಾ ಯೊಕ್ ತಂಡಾ ಹುತ್ತಾ. ತೇ ಪೌಲಾಚಾ ಅಪೊಸ್ತಲಾಚೆ ಅಧಿಕಾರ‍್ಯಾಚೆ ಗುಶ್ಟಿತ್ ಪ್ರಶ್ನೆ ಸಾಹಿತ್ ಕೆಲ್ತಾ. ಪೌಲ್ ಆಪ್ಲಿ ಕ್ಯಾಯ್ನಿ ಸಾಂಗಿತ್ ಅಪೊಸ್ತಲಾಂಚೆ ಗುಶ್ಟಿತ್ ಉತ್ತರ ದೇತೊ. 1:11—2:14ಆನಿ ಯೇಸು ಕ್ರಿಸ್ತಾಪ ಆಸ್‌ಲ್ಯಾಲ್ಯಾ ಇಸ್ವಾಸಾನಿ ತ್ಯವ್ಡಿಸ್ ಸುಟ್ನುಕ್ ಗಾವ್ನಾರ್ ಮನ್ಹುನ್ ವಿವರನಾ ಸಾಂಗಿತ್ ಬರಿ ಖಬರಿಚ಼ ಉತ್ತರ್ ದೆತೊ 2:16ಹ್ಯ ಮಾನ್ಸಾಪ್ನಿ ನವ್ಹತ ದೇವಾನಿ ದ್ಯಾವ್‌ಲ್ಯಾಲ್ಯಾ ಕನಿಕರಾಚ಼ ಯಾಕ್ ಪ್ರತಿ ಫಳ್ ಜಾ಼ಲ್ಯಾ.
ಪಿಠಿಕೆ
1. ಪೌಲ್ ಗಲಾತ್ಯಾತ್ ಆಸ್‌ಲ್ಯಾಲ್ಯಾ ಸಭೆನಾ ಸ್ವಾಗತ್ ಕರಿತ್ ಪತ್ರ ಸುರ್ವಾತ್ ಕರ್ತೊ 1:1-5
2. ಪೌಲ್ ಆಪ್ನು ಧರ್ಮಶಾಸ್ತಾರ ಶಾರ್ಕ ಜೀವ್ನಾ ಕರಾಯಾ ಯತ್ನ ಕಿಲಿತ ಫನ್ ತ್ಯ ಉಪೇಗ್ ಜಾ಼ಲ್ಹ ನಾಹಿ ಮನ್ಹುನ್ ಸಾಂಗಾಯಾ ಆನಿ ಸಿಕ್ವಾಯಾ ಆಪ್‌ಲ್ಯಾ ಜೀವ್ನಾಚಾ ಥೊಡ್ಯಾ ಖನ್ಕತಿ ವಿವರನ್ ಕರ್ತತೊ 1:6—2:21
3. ನಂತರ್ ತ್ಯೊ ಧರ್ಮಶಾಸ್ತಾರಾಚ಼ ಪಾತ್ರ ಆನಿ ಸುಟ್ನುಕಿಚಿ ಕ್ರುಪೆಚೆ ಗುಶ್ಟಿತ್ ವಿವರನ್ ಕರ್ತೊ. 3—4
4. ನಂತರ್ ತ್ಯೊ ಚಾ಼ಂಗ್ಲಾ ಕ್ರಿಸ್ತಾಚಾ಼ ಜಿವ್ನಾ ಕರಾಯಾ ಥೊಡ್ಯಾ ಸುಸ್ನಾ ದೇತೊ. 5:1—6:10
5. ಮುಂಜಿ ಕರುನ್ ಗೆಥ್ಯಾಲಿ ಬಾಹಿರ್ಲ್ಯಾ ನೆಮಾವ್ನಿ ಯಕಾ ನವ್ಯಾ ಮಾನ್ಸಾಪಾ ದೇವಾನಿ ಆನ್‌ಲ್ಯಾಲಿ ಬದಲಾವನೆ ಯದತ್ ಥೆವಾಯಾ ಇನಂತಿ ಕರ್ತೊ ಆನಿ ನಮಸ್ಕಾರ್ ಸಾಂಗಿತ್ ಆಪ್ಲ ಪತ್ರ ಸುಪಿವ್ತೊ.6:11-18
1
1 ಮಾನ್ಸಾಪ್ನಿ ವ್ಹವುನಿ ಮಾನ್ಸಾಚಾ ಅಧಿಕಾರಾನಿ ವ್ಹವುನಿ ಅಪೊಸ್ತಲ್ ವ್ಹಯಾಚೆ ಆಂದಿ ಯೇಸು ಕ್ರಿಸ್ತಾಸ್ ಲಾಗುನ್ ಆನಿ ತ್ಯಲಾ ಮೇಲ್ಯಾಲ್ಯಾತ್ನಿ ಉಠಿವಲ್ಯಾಲ್ಯಾ ಬಾ ಜಾ಼ಲ್ಯಾಲ್ಯಾ ದೇವಾಪ್ನಿಬಿ ಥರಿವ್‌ಲ್ಯಾಲಾ ಅಪೊಸ್ತಲ್ ಪೌಲ್ ಮಂಥ್ಯಾಲಾ ಮಿ 2 ಆನಿ ಮಾಜೆ ಸಂಗ ಆಸ್‌ಲ್ಯಾಲಿ ಭನ್ಹಿ ಬಾಹು ಸಗ್ಳ ಗಲಾತ್ಯಾತ್ ಆಸ್‌ಲ್ಯಾಲೆ ಸೆಭೆಲಾ ಲಿವಾಚ಼ ಕ್ಯಾ ಮಂಜೆ:
3 ಬಾ ಜಾ಼ಲ್ಯಾಲ್ಯಾ ದೇವಾಪ್ನಿ ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಪ್ನಿ ತುಮಾನಾ ಕ್ರಪಾ ಶಾಂತಿ ವ್ಹವುನಿ.
4 ತ್ಯನಿ ಆಮಾನಾ ಆತಾಚಾ ಬುರ್ಶಾ ಕಾಲಾತ್ನಿ ಸೊಡ್ವಾಯಾ ವ್ಹಯಿ ಮನ್ಹುನ್ ಬಾ ಜಾ಼ಲ್ಯಾಲ್ಯಾ ದೇವಾಚಾ ಮನಾಚೆಗತ್, ಆಮ್ಚಾ ಪಾಪಾಸ್ ಲಾಗುನ್ ಆಪ್‌ಲ್ಯಾಲಾ ಮರ್ನಾಚಾ ತಾಬ್ಯಾತ್ ದಿಲಾ. 5 ದೇವಾಲಾ ಖಾಯಿಮ್ ಮೈಮೆ ವ್ಹವುನಿ. ತಸಸ್ ವ್ಹವುನಿ.
ಎಕುಸ್ ಬರಿ ಖಬರ್
6 ಕ್ರಿಸ್ತಾಚೆ ಕ್ರಪೆನಿ ತುಮಾನಾ ಹಾಕಟ್‌ಲ್ಯಾಲ್ಯಾಲಾ ಸುಡುನ್, ಯವ್ಡೆ ಬಿಗಿ ದುಸ್ರೆ ಖಬರಿಕ್ಡ ತುಮಿ ಪರಾತ್‌ಲ್ಯಾಸಾ ಮನ್ಹುನ್ ಮನಾ ಆಜಾಬ್ ವಾಟ್ಯಾ. 7 ಖರ‍್ಯಾನಿಸ್ ದುಸ್ರಿ ಖಬರ್ ನಾಹಿ, ಫನ್ ಥುಡಿ ಜ಼ನ ತುಮ್ಚಿಪ ಬೇದ್ಬಾವ್ ಗಾಲ್ಹುನ್ ಕ್ರಿಸ್ತಾಚಿ ಖಬರ್ ಬದ್ಲಾಯಾ ಯತ್ನ ಕರ್ತ್ಯಾತ. 8 ಫನ್ ಆಮಿ ತುಮಾನಾ ಸಾಂಗ್‌ಲ್ಯಾಲೆ ಖಬರಿಲಾ ಆಡ್ವಾ ಜಾ಼ಲ್ಯಾಲ, ಆಮಿಸ್ ವ್ಹವುನಿ ನಾಹಿತ ಸ್ವರ್ಗಾತ್ನಿ ಆಲ್ಯಾಲಾ ದೇವ್ ದುತ್ ವ್ಹವುನಿ, ತುಮಾನಾ ಸಾಂಗ್ಲತ ತ್ಯಲಾ ಸರಾಪ್ ಲಾಗುನಿ 9 ಆಮಿ ಆಂದಿ ಸಾಂಗ್‌ಲ್ಯಾಚೆಗತುಸ್ ಆತಾಬಿ ಮೀ ಪರ್ತುನ್ ಸಾಂಗ್ತೊ. ತುಮಿ ಗೆತಲ್ಯಾಲೆ ಖಬ್ರಿಲಾ ಆಡ್ವ ಆಸ್‌ಲ್ಯಾಲ ಕೊನ್ತರಿ ತುಮಾನಾ ಸಾಂಗ್ಲತ ತ್ಯಲಾ ಸರಾಪ್ ಲಾಗುನಿ.
10 ಆತಾ ಮೀ ಕುನಾಲಾ ಮಿಳ್ವುನ್ ಗೆತೊ? ಮಾನ್ಸಾನಾ ಕ್ಯಾ ದೇವಾಲಾ? ಮೀ ಮಾನ್ಸಾನಾ ಆವ್ಡಾಯಾಸಾಟಿ ಯತ್ನ ಕರ್ತ್ಯೊ ಕ್ಯಾ? ಆಜು಼ನ್ ಮಾನ್ಸಾನಾ ಆಡ್ವಾಯಾ ಕೆಲ ಆಸ್ಥತ ಮಿ ಕ್ರಿಸ್ತಾಚಾ಼ ಸೇವಕ್ ವ್ಹವುನ್ ರಾಹಿತ್ ನವ್ಥೊ.
ಅಪೊಸ್ತಲ್ ವ್ಹಯಾಲಾ ಹಾಕಟ್‌ಲ್ಯಾಲ
11 ಬನ್ಹಿ ಬಾವ್ಹಾನು, ಮೀ ಸಾಂಗ್‌ಲ್ಯಾಲಿ ಖಬರ್ ತರಿ ನಿಸ್ಥಿ ಮಾನ್ಸಾಪ್ನಿ ಆಲ್ಯಾಲಿ ನವ್ಹ ಮನ್ಹುನ್ ತುಮಿ ಸಮಜು಼ನ್ ಗಿಹ್ಯಾ ವ್ಹಯಿಸಾ ಮನ್ಹುನ್ ಮಂತೊ. 12 ಮೀ ತ್ಯ ಮಾನ್ಸಾಪ್ನಿ ಗೆತ್ಲ ನಾಹಿ, ಮನಾ ಕುನಿ ಸಾಂಗ್ಲ ನಾಹಿ, ಫನ್ ಯೇಸು ಕ್ರಿಸ್ತಾಪ್ನಿಸ್ ತ್ಯ ಮನಾ ಸಮಾಜ಼್ಲ
13 ಆಂದಿ ಮಿ ಯೆಹುದಿಂಚೆ ಸಿಕ್ಷೆತ್ ಆಸ್ಥಾನಾ ಮಾಜ಼ ಚಾ಼ಲ್ನ ಕಸ್ಲ ಮನ್ಹುನ್ ತುಮಿ ಐಕ್ಲಸಾ. ಆಮಿ ದೇವಾಚಿ ಸಭಾ ಖುಬ್ ತರಾಸ್ ದಿವುನ್ ಹಾಳ್ ಕರೀತೊ. 14 ಯವ್ಡಸ್ ನವ್ಹ ಮಾಜಾ ವಡ್ಲಾಂಚಿಪ್ನಿ ಆಲ್ಯಾಲಿ ಪದ್ದತಿಚೆ ಗುಶ್ಟಿತ್, ಮಾಜೆ ವಯೆಚಾ ಮಾನ್ಸಾತ್ನಿ ಯೆಹುದ ದರ್ಮಾತ್ ಖುಬ್ ಹುರುಪ್ ಆಸ್‌ಲ್ಯಾಲಾ ಜಾ಼ಲ್ತೊ.
15 ಫನ್ ಮಿ ಮಾಜೆ ಆಯಿಚಾ ಪೊಟಾತ್ ಆಸ್ಧಾನಾ ನಿವ್ಡುನ್ ಆಪ್ಲೆ ಕ್ರಪೆನಿ ಸೆವೆತ್ ಹಾಕಟ್‌ಲ್ಯಾಲ್ಯಾ ದೇವಾನಿ, ಯೆಶಾಯ್ 49:1,5ಯೆರೆಮೀಯ 1:5 16 ಆಪ್‌ಲ್ಯಾ ಲೇಕಾಚಿ ಖಬರ್ ಇಸ್ವಾಸ್ ನಸ್‌ಲ್ಯಾಲ್ಯಾನಾ ಸಾಂಗಾಯಾ ವ್ಹಯಿ ಮನ್ಹುನ್ ದೇವಾಚ಼ ಚಿತ್ ಜಾ಼ಲ್ಥ.ಮಿ ತವಾಸ್ ಮಾನ್ಸಾಂಚಿ ಯವಜ಼್ನಾ ಐಕಾಚೆ ಆಂದಿ. 17 ಯೇರುಸಲೇಮಿತ್ ಮಾಜೆ ಆಂದಿ ಅಪೊಸ್ತಲ್ ಜಾ಼ಲ್ಯಾಲ್ಯಾಂಚಿಪಬಿ ಜಾ಼ಯಾಚೆ ಆಂದಿ ಅರಬ ದೆಶಾತ್ ಜಾ಼ವುನ್ ಪರ್ತುನ್ ದಮಸ್ಕ ಪೆಠತ್ ಆಲೊ.
18 ತೀನ್ ವರ್ಸ ಜಾ಼ಲ್ಯಾವ ಪೇತ್ರ ವಳಕ್ ಕರುನ್ ಗಿಹ್ಯಾ ವ್ಹಯಿ ಮನ್ಹುನ್ ಯೇರುಸಲೇಮಿತ್ ಜಾ಼ವುನ್ ತ್ಯಚಿಪ ಪಂದ್ರಾ ದೀಸ್ ಹುತ್ತೊ. 19 ಫನ್ ಪ್ರಭುಚಾ಼ ಬಾಹು ಜಾ಼ಲ್ಯಾಲಾ ಯಾಕೊಬಾಲಾ ಸುಡುನ್ ಅಪೊಸ್ತಲಾತ್ ದುಸ್‌ರ‍್ಯಾಲಾ ಕುನಾಲಾಸ್ ಮೀ ಬಗ್ಲಾ ನಾಹಿ.
20 ಮೀ ತುಮಾನಾ ಲಿವ್‌ತ್ಯಾಲ್ಯಾ ಗುಶ್ಟಿ ಲಬಾಡ್ ನವ್ಹತ ಮನ್ಹಾಯಾ ಹಬಕ್, ದೇವುಸ್ ವಳಕ್.
21 ನಂತರ್ ಸಿರಿಯಾ ಆನಿ ಕಿಲಿಕ್ಯ ಸಿಮತ್ ಗೆಲೊ. 22 ಫನ್ ಕ್ರಿಸ್ತಾಪ ಆಸ್‌ಲ್ಯಾಲೆ ಯುದಾಯಾಚೆ ಸಬೆಲಾ ಆಜು಼ನ್ ಮಾಜಿ ವಳಕ್ ನವ್ಥಿ. 23 ಪೈಲ್ಯಾ ಕಾಲಾತ್ ಆಮ್ಚಿ ನಿಂದಾ ಕೆಲ್ಯಾಲಾ. ಆಪ್ನು ಹಾಳ್ ಕರ್ತ್ಯಾಲಾ ಇಸ್ವಾಸ್ ಆತಾ ಸಾಂಗ್‌ತ್ಯೊ ಮನ್ಯಾಚಿ ಖಬರ್ ತ್ಯಂಚಾನಿ ಐಕ್ಲಿ, 24 ಮಾಜೆ ಸಂಗ ದೇವಾಲಾ ವವ್ಯಾಳಾ.