1 ಕ್ರಿಸ್ತಾನಿ ಆಮಾನಾ ಸ್ವತಂತ್ರಿ ರಾಹ್ಯಾವ್ಹಯಿ ಮನ್ಹುನ್ ಸುಟ್ಕಿ ಕಿಲಿತ. ತ್ಯಾತ್ ಘಟ್ ಉಬಿರಾವ್ಹಾ, ಗುಲಾಮಾಚಾ ತಾಬ್ಯಾತ್ ಆನಿಕ್ ಗಾಹುನಕೊಸಾ.

2 ಬಗಾ, ಪೌಲ್ ಮಂಥ್ಯಾಲಾ ಮೀ ತುಮಾನಾ ಸಾಂಗ್ತೊ, ತುಮಿ ಮುಂಜಿ ಕರುನ್ ಗೆತಲ್ಯಾವ ಕ್ರಿಸ್ತಾಪ್ನಿ ತುಮಾನಾ ಕ್ಯಾ ಪ್ಯಾಯ್ದಾ ನಾಹಿ ನವ್ಹ. 3 ಮುಂಜಿ ಕರುನ್ ಗೆತ್ಯಾಲ್ಯಾ ಪರ್ತೆಕಾಲಾ, ತು ಧರ್ಮಶಾಸ್ತಾರಾತ್ ಸಾಂಗ್‌ಲ್ಯಾಲ ಸಗ್ಳ ಕರಾಚಾ ಲಾಜಿಮಾತ್ ಹಾಸ್ ಮನ್ಹುನ್ ಪರ್ತುನ್ ಖರ‍್ಯಾನಿ ಸಾಂಗ್ತೊ. 4 ತುಮ್ಚಾತ್ ಕೊನ್ ಕೊನ್ ದರ್ಮಶಾಸ್ತಾರಾನಿ ನೀಯತಿಚ಼ ವ್ಹಯಾವ್ಹಯಿ ಮನ್ಹುನ್ ಮನ್ ಕರ್ತಾಸಾ ತೀ ಕ್ರಿಸ್ತಾಪ್ನಿ ಯಗಾಳ್ಯಾಲಿ ಜಾ಼ಲ್ಯಾಸಾ. ಕ್ರಪೆತ್ನಿ ಮಾಗ ಗೆಲ್ಯಾಲಿ ಜಾ಼ಲ್ಯಾಸಾ. 5 ಆಮಿತರಿ ದೇವಾಚಾ ಆತಮ್ಯಾಸ್ ಲಾಗುನ್ ಇಸ್ವಾಸಾನಿ ನೀಯತಿಚ಼ ವ್ಹತಾವ್ ಮನ್ಹುನ್ ಆಶಾ ಪುರಿವ್ಹನಾರ್ ಮನ್ಹುನ್ ವಾಟ್ ಬಕ್ತಾವ್. 6 ಯೇಸು ಕ್ರಿಸ್ತಾಪ ಆಸ್‌ಲ್ಯಾಲ್ಯಾನಾ ಮುಂಜಿ ಜಾ಼ಲಿತರಿ ನಾಹಿ ಜಾ಼ಲಿತರಿ ಪ್ಯಾಯ್ದಾನಾಹಿ, ಪನ್ ತ್ಯಂಚಿಪ ಮಾಯೆನಿ ಯತ್ಯಾಲಾ ಇಸ್ವಾಸುಸ್ ಪ್ಯಾಯ್ದಾ ಜಾ಼ಲ್ಯಾ.

7 ಚಾ಼ಂಗ್ಲಿ ಚಾ಼ಲತಾಸಾ. ಫನ್ ತುಮಿ ಖರ‍್ಯಾ ಶಾರ್ಕ ಚಾ಼ಲುನಾಹಿ ಆಸ ತುಮಚ಼ ಮನ್ ವಳಿವ್‌ಲ್ಯಾಲ ಕುನಿ? 8 ಹ್ಯ ಮನ್ ವಳ್ವಾಚ಼ ತುಮಾನಾ ಹಾಕಟ್‌ಲ್ಯಾಲ್ಯಾಪ್ನಿ ಆಲ್ಯಾಲ ನವ್ಹ. 9 ಥೊಡ್ಯಾ ಆಮ್ಟಾನಿ ಪೀಟ್ ಸಗ್ಳ ಆಂಬಾಟ್ ವ್ಹತ್ತ. 10 ಪ್ರಭುಪ ತುಮ್ಚೆ ಗುಸ್ಟಿತ್ ಮನಾ ಇಸ್ವಾಸ್ ಹಾ. ತುಮ್ಚಾತ್ ಗೊಂದೊಳ್‍ ಆನ್ನಾರಾ ಕೊನ್ ಆಸ್ಲಾತರಿ, ತ್ಯಲಾ ಶಿಕ್ಷಾ ವ್ಹನಾರ್.

11 ಬನ್ಹಿ ಬಾವ್ಹಾನು, ಮೀತರಿ ಮುಂಜಿ ವ್ಹಯಾವ್ಹಯಿ ಮನ್ಹುನ್ ಆಜು಼ನ್ ಸಾಂಗ್‍ತ್ಯಾಲಾ ಜಾ಼ಲ್ಯಾವ ಮನಾ ಜಾ಼ಚ಼್ ವ್ಹಯಾಚಾ಼ ಕಾ? ತಸ ಆಸ್ತಾನಾ ಶಿಲ್ಬೆಸ್ ಲಾಗುನ್ ವ್ಹನಾರಾ ತರಾಸ್ ಸಪ್ಲಾನವ್ಹ? 12 ತುಮಚಾ಼ ತಳ್ಮಳಾ ಕರ್ನಾರ‍್ಯಾನಿ ಆಪ್ಲ ಆಂಗ್ ಆಪ್ನುಸ್ ಕಾಪುನ್ ಗೆತಲ್ಯಾವ ಬರ.

13 ಬನ್ಹಿ ಬಾವ್ಹಾನು, ತುಮಿ ಸ್ವತಂತ್ರಿ ವ್ಹಯಾವ್ಹಯಿಸಾ ಮನ್ಹುನ್ ದೇವಾನಿ ತುಮಾನಾ ಹಾಕಟ್ಲ. ಫನ್ ತುಮಚ಼ ಸ್ವತಂತ್ರ ಶರೀರಾಚಾ ಸ್ವಬಾವಾ ಶಾರ್ಕ ವಾಪ್ರಾಚೆ ಆಂದಿ, ಮಾಯೆನಿ ಯಕಾಮಕಾಚಿ ಚಾ಼ಕ್ರಿ ಕರಾ. 14 ತುಜಾ ಸೇಜಾ಼ರ‍್ಯಾಚಿ ತುಜೆಗತುಸ್ ಮಾಯಾಕರ್ ಮಂಥ್ಯಾಲ್ಯಾ ಯಕಾಸ್ ಸಬ್ದಾತ್ ಧರ್ಮಶಾಸ್ತಾರ್ ಅಡ್ಕುನ್ ಹಾ. ನ್ಯಾಯಸ್ತಾಪಕ 19:18; ಮತ್ತಾಯಾ 22:39-40 15 ಫನ್ ತುಮಿ ಜ಼ನಾವಾರಾಚೆಗತ್ ಯಕಾಮಕಾಲಾ ಚಾ಼ವುನ್, ಫಾಟುನ್, ಖಾತ್ಯಾಲ ಜಾ಼ಲ್ಯಾವ ಯಕಾಮಕಾಪ್ನಿ ಮರುನ್ ಜಾ಼ಸಿಲಾ ಹುಶಾರ್ ರಾವ್ಹಾ.

16 ಮೀ ಸಾಂಗಾಚ಼ ಕ್ಯಾ ಮಂಜೆ ಪವಿತ್ರಾತ್ಮಾಚೆಗತ್ ಚಾ಼ಲಾ, ತವಾ ತುಮಿ ಶರೀರಾಚಿ಼ ಆಶಾ ಜ಼ರಾಬಿ ಕರಿತ್ನಾಹಿಸಾ. 17 ಕಾ ಮಂಜೆ ಶರೀರಾಚಿ ಆಶಾ ಆತಮ್ಯಾಲಾ ಆಡ್ವಿ ಜಾ಼ಲೆ. ಆತಮ್ಯಾಚಿ ಆಶಾ ಶರೀರಾಲಾ ಆಡ್ವಿ ಹಾ ತುಮಿ ಕರಾಯಾವ್ಹಯಿ ಮಂತ್ಯಾಲ ಕರಾಚೆ ಆಂದಿ ಹೀ ಯಕಾ ಮಕಾಚೆ ಆಡ್ವಿ ಹಾತ. 18 ಫನ್ ತುಮಿ ಆತಮ್ಯಾನಿ ಚಾ಼ಲ್ವಾಚ಼ ಜಾ಼ಲ್ಯಾವ ಧರ್ಮಶಾಸ್ತಾರಾಚಾ ತಾಬ್ಯಾತ್ನಾಹಿಸಾ.

19 ಆಮ್ಚಾ ಶರೀರಾಚ಼ ಸ್ವಬಾವ್ ದಿಸತ್ಯಾಲಸ್ ಹಾತ, ತೇ ಕಚ಼ ಮಂಜೆ, ವ್ಯಭಿಚಾರ್, ಬಾಹಿರ್ಲಿ ಸಂಗತ್, ಲಾಜ಼ಚ಼ ಕಾಮ್, 20 ಪಾಶಾನ ಪುಜಾ಼ಚಿ, ಘಾಡ್ಪನ್, ವಾದ್, ಕಳ್, ಖೊಟಫನ್, ರಾಗ್, ಬೇಧ್‍ಬಾವ್, ಬಿನ್ನಮತ್, 21 ಡಾವ್, ಪಿದೊಡ, ಗೊಂದೊಳ್, ಉದ್ಳ ಆಸ್ಲಿಸ್. ಆಸ್ಲಿ ಕಾಮ ಕರ್ನಾರ ದೇವಾಚಾ ರಾಜಾಚ಼ ವಾರಸ್ದಾರ್ ವ್ಹಯಿತ್ನಾಹಿತ ಮನ್ಹುನ್ ಮೀ ಹ್ಯಚೆ ಆಂದಿ ಸಾಂಗ್‌ಲ್ಯಾಸಾರ ಆತಾಬಿ ತುಮಾನಾ ಹುಶಾರ್ಕಿ ದೆತೊ.

22 ಫನ್ ದೇವಾಚಾ ಆತಮ್ಯಾಚ಼ ಫಳ್ ಕ್ಯಾ ಮಂಜೆ, ಮಾಯಾ, ಆನಂದ, ಸಮಾಧಾನ್, ಧಂಡ್ಫನ್, ದಯಾ, ದುಸರ‍್ಯಾನಾ ಮಜ಼ತ್ ಕರಾಚಿ, ಇಸ್ವಾಸ್, 23 ಸಾಬಫನ್, ಆಪ್ಲ ಮನ್ ಆಪ್‌ಲ್ಯಾ ತಾಬ್ಯಾತ್ ಥೆವಾಚ಼. ಹ್ಯಂಚೆ ಆಡ್ವ ಕಚ಼ಸ್ ಧರ್ಮಶಾಸ್ತಾರ್ ನಾಹಿ. 24 ಕ್ರಿಸ್ತ ಯೇಸುಪ ಆಸ್‌ಲ್ಯಾಲಿ ಆಪಲ್ಯಾ ಶರೀರಾಚಿ ಭಾವ್ನಾ ತ್ಯಚಿ ಆಶಾ ಕರಾಚಿ, ಹೌರ‍್ಯಾ ಪನಾ ಸಕಟ್ ಶಿಲ್ಬೆವ ಗಾಲ್ನಾರಿ ಜಾ಼ಲ್ಯಾತ.

25 ಆಮಿ ಆತಮ್ಯಾಸಾರಾ ಜಿವ್ನಾ ಕರ್ತ್ಯಾವ್ ಮನ್ಹುನ್ ತ್ಯಚೆಗತ್ ಚಾ಼ಲುಯಾ. 26 ಬಡಾಯಿ ಕರ್ನಾರ, ಯಕಾಮಕಾಲಾ ಚಿ಼ಡಿವ್ನಾರ, ಯಕಾಮಕಾವ ರಾಗ್‌ ಕರ್ತ್ಯಾಲ ವ್ಹಯಾಚೆ ಆಂದಿ ರಾಹುಯಾ.