1 ಮೆಲ್ಕಿಜೆದೇಕ್ ಸಾಲೇಮಿಚಾ಼ ರಾಜಾ಼ ಜಾ಼ಲ್ತಾ ಆನಿ ಮೊಟ್ಯಾ ದೇವಾಚಾ಼ ಯಾಜಕ್ ಜಾ಼ಲ್ತಾ. ಅಬ್ರಹಾಮ್ ರಾಜಾನಾ ಹಾರ್ವುನ್ ಮಾಗಾರಾ ಯತಾನಾ ತ್ಯನಿ ಅಬ್ರಹಾಮಾಲಾ ಬೇಟ್‌ ವ್ಹವುನ್ ಆಶಿರ್ವಾದ್ ಕೆಲಾ. 2 ಅಬ್ರಹಾಮಾನಿ ತ್ಯಲಾ ಆಪ್ಲಿಪ ಆಸ್‌ಲ್ಯಾಲ್ಯಾ ಸಗ್‌ಳ್ಯಾ ಸಾಮ್ನಾತ್ಲಾ ಧಾತ್ಲಾ ಯೊಕ್ ವಾಟಾ ದಿಲಾ.

ಸಾಲೇಮಿಚಾ಼ ರಾಜಾ಼ ಜಾ಼ಲ್ಯಾಲಾ ಮೆಲ್ಕಿಜೆದೇಕ್ ನಾವಾಲಾ ದೊನ್ ಆರ್ಥ ಹಾತ್ತ. ಮೆಲ್ಕಿಜೆದೇಕ್ ಮಂಜೆ, “ನ್ಯಾಯಾಚಾ಼ ರಾಜಾ಼” ಮನ್ಹುನ್. “ಸಾಲೇಮಿಚಾ಼ ರಾಜಾ಼” ಮಂಜೆ “ಶಾಂತಿಚಾ಼ ರಾಜಾ಼” ಮನ್ಹುನ್ ಆರ್ಥ. 3 ಮೆಲ್ಕಿಜೆದೇಕಾಚಿ ಆಯಿ ಬಾ ಕೊನ್ ಮನ್ಹುನ್ ತ್ಯೊ ಕುಟ್ನಿ ಆಲ್ಯಾ ಮನ್ಹುನ್ ತ್ಯೊ ಕವಾ ಜ಼ಲಾಮ್‌ಲ್ಯಾ ಮನ್ಹುನ್ ತ್ಯೊ ಕವಾ ಮೆಲಾ ಮನ್ಹುನ್ ಕುಠಸ್ ಕಾಯ್ ಲಿವ್ಲ ನಾಹಿ. ತ್ಯೊ ದೇವಾಚಾ ಲೆಕಾಚೆಗತ್ ಖಾಯಿಮಚಾ಼ ಯಾಜಕ್ ಜಾ಼ಲ್ಯಾ.

4 ಮೆಲ್ಕಿಜೆದೇಕ್ ಕ್ಯವ್ಡಾ ಮೊಟಾ ಮನ್ಹುನ್ ಜ಼ರಾ ಯವಜಾ಼. ಆಮ್‍ಚಾ಼ ಪೈಲಾ ವಡಿಲ್ ಜಾ಼ಲ್ಯಾಲಾ ಅಬ್ರಹಾಮ್, ಲಡಾಯಿತ್ ಆಪ್ನು ಜಿತುನ್ ಆನಲ್ಯಾಲ್ಯಾತ್ಲಾ ದಾತ್ಲಾ ಯೊಕ್ ವಾಟಾ ತ್ಯಲಾ ದಿಲಾ. 5 ಲೇವಿಚಾ ಕುಳಾತ್ ಯಾಜಕ್ ವ್ಹನಾರ‍್ಯಾನಿ ಯೆಹುದ್ಯಾತ್ನಿ ದಾತ್ಲಾ ಯೊಕ್ ವಾಟಾ ಗಿಹ್ಯಾ ವ್ಹಯಿ ಮನ್ಹುನ್ ಧರ್ಮಶಾಸ್ತಾರ್ ಸಾಂಗ್ತ. ಯಾಜಕ್ ಆಪ್‌ಲ್ಯಾ ಸ್ವತಾಚಾ ಲೊಕಾಪ್ನಿಸ್ ಯೆಹುದಿ ತ್ಯ ಗೊಳಾ ಕರ್ತ್ಯಾತ ಆನಿ ತ್ಯಚಿ ಲೊಕ ಅಬ್ರಹಾಮಾಚಾ ಕುಟ್ಮಾತ್ಲಿ ಜಾ಼ಲ್ಯಾತ. 6 ಮೆಲ್ಕಿಜೆದೇಕ್ ಲೇವಿಚಾ ಕುಳಾತ್ಲಾ ನವ್ಹ. ಫನ್ ತ್ಯನಿ ಧಾತ್ಲಾ ಯೊಕ್ ವಾಟಾ ಅಬ್ರಹಾಮಾಪ್ನಿ ಗೆತ್ಲಾ. ದೇವಾಚ಼ ವಾಗ್ದಾನ್ ಗೆತಲ್ಯಾಲ್ಯಾ ಅಬ್ರಹಾಮಾಲಾ ತ್ಯನಿ ಆಶಿರ್ವಾದ್ ಕೆಲಾ. 7 ಆಶಿರ್ವಾದ್ ಗೆಥ್ಯಾಲ್ಯಾವ್ನಿ ಆಶಿರ್ವಾದ್ ಕರ್ತ್ಯಾಲಾ ಮೊಟಾ ಮನ್ಹುನ್ ಕೊನ್ ಸಂಶೆವ್ ಕರೀತ್ನಾಹಿತ.

8 ಯಾಜಕ್ ಧಾತ್ಲಾ ಯೊಕ್ ವಾಟಾ ಗೆತ್ಯಾತ. ಫನ್ ತೆ ಥೊಡ ದಿಸ್ ರಾವುನ್ ಮಂಗ್ ಮರತ್ಯಾತ. ಫನ್ ಅಬ್ರಹಾಮಾಪ್ನಿ ಧಾತ್ಲಾ ಯೊಕ್ ವಾಟಾ ಗೆತಲ್ಯಾಲಾ ಮೆಲ್ಕಿಜೆದೇಕ್ ಜೀತಾ ರಾನ್ಹಾರ್ ಮನ್ಹುನ್ ಸಾಕ್ಷಿ ದಿಲೆ. 9 ಲೇವಿ ಲೊಕಾಂಚಿಪ್ನಿ ಧಾತ್ಲಾ ಯೊಕ್ ವಾಟಾ ಗೆತ್ಯಾತ. ಫನ್ ಅಬ್ರಹಾಮಾನಿ ಮೆಲ್ಕಿಜೆದೇಕಾಲಾ ಧಾತ್ಲಾ ಯೊಕ್ ವಾಟಾ ದಿಲಾ ಮಂಜೆ, ಲೇವಿನಿಬಿ ದಿಲ್ಯಾಚೆಗತ್ ಜಾ಼ಲ ಮನ್ಹುನ್ ಪವಿತ್ರ ಗ್ರಂಥ ಸಾಂಗ್ತ.

10 ಲೇವಿ ಆಜು಼ನ್ ಜ಼ಲಾಮ್ಲಾ ನವ್ತಾ. ಫನ್ ಮೆಲ್ಕಿಜೆದೇಕ್ ಅಬ್ರಹಾಮಾಚೆ ಆಂದಿ ಆಲಾ ತವಾ, ಲೇವಿ ಅಬ್ರಾಹಾಮಾಚಾ ಶರೀರಾತ್ ಹುತ್ತಾ.

11 ಲೇವಿ ಕುಳಾಚಾ ಯಾಜಕ್ ಫನಾಚಾ ಆದಾರಾವ ಧರ್ಮಶಾಸ್ತಾರ್ ಲೊಕಾನಾದಿಲ. ಫನ್ ತ್ಯ ಯಾಜಕ್ ಫನಾನಿ ಲೊಕಾನಾ ಆತ್ಮಿಕಾತ್ ಪುರ್ನ ಕರಾಯಾ ಜಾ಼ಲನಾಹಿ. ಮನ್ಹುನ್ ದುಸ್ರೆ ತರಚಾ಼ ಯಾಜಕ್ ಯಯಾಚಾ಼ ಗರಜ಼್ ಹುತಿ ಮೆಲ್ಕಿಜೆದೇಕಾಚೆಗತ್ ಯಾಜಕುಸ್ ಫನ್ ಆರೊನಾಚೆಗತ್ ನವ್ಹ ಮನ್ಹುನ್ ತ್ಯಚಾ಼ ಆರ್ಥ. 12 ಯಾಜಕ್ಫನ್ ಬದಾಲತ, ತವಾ ಧರ್ಮಶಾಸ್ತಾರ್ ಸಾಹಿತ್ ಬದ್ಲಾಯಾಸ್ ವ್ಹಯಿ. 13 ಆಮಿ ಕ್ರಿಸ್ತಾಚೆ ಗುಶ್ಟಿತ್ ಹ್ಯ ಸಾಂಗ್‌ತ್ಯಾವ್. ತ್ಯೊ ದುಸರ‍್ಯಾ ಯಕಾ ಕುಳಾತ್ಲಾ. ತ್ಯಾ ಕುಳಾತಲ್ಯಾ ಕಚಾನಿಸ್ ಕವಾಸ್ ಯಾಜಕ್ ವ್ಹವುನ್ ಸೇವಾ ಕೀಲಿ ನವ್ತಿ. 14 ಆಮ್‍ಚಾ಼ ಪ್ರಭು ಕ್ರಿಸ್ತ ಯೆಹುದ ಕುಳಾತ್ನಿ ಆಲ್ಯಾಲಾ ಮನ್ಹುನ್ ಆಮಾನಾ ಖರ ಜಾ಼ಲ್ಯಾ. ತ್ಯಾ ಕುಳಾತಲ್ಯಾ ಯಾಜಕಾಂಚೆ ಗುಶ್ಟಿತ್ ಮೊಶೆನಿ ಆನಿ ಕಾಯೆಕ್ ಸಾಂಗ್ಲ ನಾಹಿ.

15 ಮೆಲ್ಕಿಜೆದೇಕಾಚೆಗತ್ ಆನಿ ಯೊಕ್ ಯಾಜಕ್ ಯೇಸು ಆಲ್ಯಾ ಮನ್ಹುನ್ ಹ್ಯ ಆನಿ ಇತ್ಕ ಖರ ಜಾ಼ಲ್ಯಾ. 16 ತ್ಯೊ ಯಾಜಕ್ ಜಾ಼ಲ್ಯಾಲಾ ವಂಶಾದರ್ನಿ ಆಲ್ಯಾಲ್ಯಾ ನೇಮಾನಿ ಆನಿ ಶಾಸ್ತಾರಾಂಚೆಗತ್ ನವ್ಹ. ತ್ಯೊ ನಾಸ್ ವ್ಹಯಿನಸ್ನಾರ‍್ಯಾ ಆಪಲ್ಯಾ ಜೀವಾಚಾ ಬಳಾನಿ ಯಾಜಕ್ ಜಾ಼ಲಾ. 17 ಪವಿತ್ರ ಪುತಿಕಾತ್ ತ್ಯಚೆ ಗುಶ್ಟಿತ್ ಆಸ ಸಾಂಗ್‌ಲ್ಯಾ: “ತು ಮೆಲ್ಕಿಜೆದೇಕಾಚೆಗತ್ ಖಾಯಿಮ್ ಯಾಜಕ್ ವ್ಹವುನ್ ರಾನ್ಹಾರ್. ”

18 ಜು಼ನಾ ನೇಮ್ ಬಳ್ ನಸ್‌ಲ್ಯಾಲ್ಲ ಉಪೆಗ್ ನಸ್‌ಲ್ಯಾಲ ಜಾ಼ಲ್ಯಾ ಮನ್ಹುನ್ ಥಾಂಬ್ಲ. 19 ಮೊಶೆಚಾ ಧರ್ಮಶಾಸ್ತಾರಾನಿ ಕಚ಼ಸ್ ಪುರ‍್ತಿ ಕರಾಯಾ ಆನ್ಲನಾಹಿ. ಆತಾ ಆಮಾನಾ ಚಾ಼ಂಗ್ಲಿ ಯೇಕ್ ಆಶಾ ದಿಲೆ. ಹಿ ಆಶಾ ಆಮಾನಾ ದೇವಾಪ ನೆನ್ಹಾರ್.

20 ದೇವಾನಿ ಯೇಸುಲಾ ಮುಖ್ಯ ಯಾಜಕ್ ಕೆಲಾ ತವಾ, ಯೊಕ್ ಸಬ್ದ ದಿಲಾ. ಫನ್ ದುಸ್ರ ಯಾಜಕ್ ಜಾ಼ಲ ತವಾ ತ್ಯನಿ ಸಬ್ದ ದಿಲಾನಾಹಿ. 21 ಕ್ರಿಸ್ತ ದೇವಾಚಾ ಸಬ್ದಾಚೆಗತ್ ಯಾಜಕ್ ಜಾ಼ಲಾ ದೇವಾನಿ ತ್ಯಲಾ ಸಾಂಗ್‌ಲ್ಯಾಲ ಕ್ಯಾ ಮಂಜೆ:

23 ಯವ್ಡಸ್ ನವ್ಹ ದುಸರ‍್ಯಾ ಯಾಜಕಾಂಚಾತ್ ಮರ್ನಾಚಾ ಕಾರ್ನಾನಿ ಯಕ್ಲಾಸ್ ಕವಾಬಿ ಯಾಜಕ್ ವ್ಹವುನ್ ಮೊರ‍್ಹ ಜಾ಼ಯಾ ಜಾ಼ಲ ನಾಹಿ. ಮನ್ಹುನ್ ತಿಥ ಖುಭ್ ಜಾ಼ನ್ ಯಾಜಕ್ ಹುತ್ತ. 24 ಫನ್ ಯೇಸು ಖಾಯಿಮ್ ರಾನ್ಹಾರಾ ಜಾ಼ಲ್ಯಾ. ತ್ಯೊ ಆಪ್ಲಿ ಯಾಜಕ್ ಸೇವಾ ಕಂದಿಸ್ ಥಾಂಬ್ವಿತ್ ನಾಹಿ. 25 ಮನ್ಹುನ್ ಆಪ್ಲಿಸ್ ಲಾಗುನ್ ದೇವಾಪ ಯತ್ಯಾಲ್ಯಾ ಲೊಕಾನಾ ಯೇಸು ಕವಾಬಿ ರ‍್ಯಾಕ್ನಾರ್. ಕಾ ಮಂಜೆ ತ್ಯೊ ಕಾಯಿಮ್ ರಾನ್ಹಾರಾ ಜಾ಼ಲ್ಯಾ ಆನಿ ಲೊಕ ದೇವಾಪ ಆಲಿಕಿ ಲೊಕಾನಾ ಮಜ಼ತ್ ಕರಾಯಾ ತಯಾರ್ ಹಾ.

26 ಯೇಸುಸ್ ಆಮಾನಾ ಪಾಯ್ಜೆ ಆಸ್ನಾರ್ ಮುಖ್ಯ ಯಾಜಕ್. ತ್ಯೊ ಪಾಪ್ ನಸ್ನಾರಾ ನಿರ‍್ಮಳ್ ನಿಷ್ಕಳಂಕ್ ಪಾಪಿಂಚಾ ಉಜೀಡಾತ್ ಗಾವ ನಸ್ನಾರಾ ಆಬ್ಳಾವ್ನಿ ವರ್ ಆಸ್ನಾರಾ ಜಾ಼ಲ್ಯಾ. 27 ತ್ಯೊ ದುಸರ‍್ಯಾ ಯಾಜಕಾಂಚೆಗತ್ ನವ್ಹ. ತೇ ತರಿ ಪರತೇಕ್ ದಿಸ್ ಯಜ್ಞ ದಿಯಾ ವ್ಹಯಿತ. ತ್ಯಂಚಾನಿ ಆಪ್‍ಲ್ಯಾ ಸ್ವತಾಚಾ ಪಾಪಾಂಚೆಸಾಟಿ ಯಜ್ಞ ದಿಲ್ಯಾ ನಂತರ್ ದುಸರ‍್ಯಾಂಚಾ ಪಾಪಾಂಚೆಸಾಟಿ ದಿಯಾ ವ್ಹಯಿ. ಫನ್ ಕ್ರಿಸ್ತಾನಿ ತಸ ಕರಾಯಾ ನಕೊ. ತ್ಯನಿ ಆಪ್‌ಲ್ಯಾಲಾಸ್ ಯಜ್ಞಕರುನ್ ದಿಯಾವ್ಹಯಿ ಯಂಗ್ದಾಸ್ ತ್ಯ ಕಾಮ್ ಕರುನ್ ಸಪಿವ್ಲ. 28 ಧರ್ಮಶಾಸ್ತಾರ್ ಮಾನ್ಸಾತ್ನಿ ಮುಖ್ಯಾ ಯಾಜಕಾನಾ ನಿವಡ್ತ. ನಿವಡ್‌ಲ್ಯಾಲಿ ಹಿ ಲೊಕ ಬಳ್ ನಸ್‌ಲ್ಯಾಲಿ ಜಾ಼ಲ್ಯಾತ. ಫನ್ ದೇವ್ ಧರ್ಮಶಾಸ್ತಾರಾಚೆ ನಂತರ್ ದಿಲ್ಯಾಲಾ ಸಬ್ದ ದೇವಾಚಾ ಲೇಕಾಲಾ ಮುಖ್ಯ ಯಾಜಕ್ ಮನ್ಹುನ್ ಕೆಲಾ. ತ್ಯಾ ಲೆಕಾನಿ ಕಂದಿತರಿ ಸಗ್ಳ ಪುರ‍್ನ ಕೆಲ್ಯಾ.