1 ಮಂಗ್ ಮೀ ಬಗ್ಲ ತವಾ ಮಾಜೆ ಮೊರ‍್ಹ ಸ್ವರ್ಗಾಚ಼ ದಾರ್ ಉಗಾಡ್‌ಲ್ಯಾಲ ದಿಸ್ಲ. ಮಾಜಿ ಸಂಗ ಆಂದಿ ಬೊಲ್ಯಾಲಾ ಆವಾಜು಼ಸ್ ಆನೀಕ್ ಮಾಜಿ ಸಂಗ ಬೊಲ್ಲಾ. ತೀ ಬುಲಿ ತುತ್ತುರಿಚಾ ಆವಾಜಾ಼ಚೆಗತ್ ಹುತ್ತಿ, “ಹಿತ್ತ ಚ಼ಡುನ್ ಯೆ. ಮೊರ‍್ಹ ವ್ಹಯಾಚ಼ ಹಾತ್ಯ ಮೀ ತುಲಾ ದ್ಯಾವ್ತೊ” ಮನ್ಹುನ್ ಸಾಂಗ್ಲ. ಇಮೊಚನ್ 19:20,24 2 ತವಾಸ್ ಮೀ ಪವಿತ್ರಾತ್ಮಾನಿ ಬರ್ಲೊ. ಸ್ವರ್ಗಾತ್ ಮಾಜೆ ಮೊರ‍್ಹ ಯಾಕ್ ಸಿಂಹಾಸನ್ ಹುತ್ತ. ಕೊನ್ಯೊಕ್ ತ್ಯಾ ಸಿಂಹಾಸನಾವ ಬಸ್ಲಾ ಹುತ್ತಾ. 3 ಸಿಂಹಾಸನಾವ ಬಸ್‍ಲ್ಯಾಲಾ ತ್ಯೊ ಕಿಮ್ತಿಚಾ ರತ್ನಾಚೆಗತ್, ವಜ್ರಾ಼ಚಾ ಮನ್ಯಾಚೆಗತ್ ಬಸ್‌ಲ್ಯಾಲ್ಯಾಚ಼ ತ್ವಾಂಡ್ ದಿಸತ. ಸಿಂಹಾಸನಾಚೆ ಸರಬವಾರ ಪಚ್ಚೆ ರಂಗಾಚಾ಼ ಧನೊಸ್ಬಾನ್ ಹುತ್ತಾ.

4 ತ್ಯಾ ಸಿಂಹಾಸನಾಚೆ ಸರಬವಾರ ಇಸಾವಚಾರ್ ಸಿಂಹಾಸಾನ ಹುತ್ತಿತ. ತ್ಯಾತ್ ಇಸಾವಚಾರ್ಜಾ಼ನ್ ಜಾಂತ ಬಸ್ಲ ಹುತ್ತ ತ್ಯಂಚಾನಿ ಪಾಂಡ್ರ ಕಪ್ಡ ಗ್ಯಾತ್ಲಹುತ್ತ. ತ್ಯಂಚೆ ಡುಯಿವ ಸೊನ್ಯಾಚಿ ಕಿರಿಟ್ ಹುತ್ತಿತ. 5 ತ್ಯಾ ಸಿಂಹಾಸನಾತ್ನಿ ಇಜ಼ಚ಼ ಆರ್ಬಾಟ್ ತಡಾಸಾಂಚಾ಼ ಆವಾಜ಼್ ಯಯಿತಾ ಆನಿ ದುಸ್ರ ದುಸ್ರ ಆವಾಜ಼್ ಯಯಿತ. ತ್ಯಾ ಸಿಂಹಾಸನಾಚೆ ಮೊರ‍್ಹ ಸಾತ್ ದಿವ ಪೇಟತ ತೇ ದಿವ ದೆವಾಚಿ ಸಾತ್ ಆತ್ಮ ಜಾ಼ಲ್ಯಾತ. 6 ಯವ್ಡಸ್ ನವ್ಹ ಸಿಂಹಾಸನಾಚೆ ಮೊರ‍್ಹ ಕಾಚ಼ಚಾ ಸಮಿಂದೊರಾಚೆಗತ್ ದಿಸತ್ಯಾಲ ಯಾಕ್ ಸಾಮಾನ್ ಹುತ್ತ. ತ್ಯ ಸ್ಫಟಿಕಾಚೆಗತ್ ವಗಾತಿ ಹುತ್ತ.

ತ್ಯಾ ಸಿಂಹಾಸನಾಚೆ ಮೊರ‍್ಹ ಆನಿ ತ್ಯಚೆ ಪರತೇಕ್ ಬಾಜು಼ಕ್ಡ ಚಾರ್ ಜೀವ್ ಹುತ್ತ. ತೆ ಜೀವ್ ಮಾಗ್ನಿ ಮುರ್ನಿ ಡೊಳ್ಯಾನಿ ಬರ‍ಲ್ಹಿ ಹುತಿತ. 7 ಪೈಲಾ ಜೀವಿ ಸಿವಾಚೆಗತ್ ಹುತ್ತ. ದೊನ್ವ ಬೈಲಾಚೆಗತ್ ಹುತ್ತ. ತಿನವ್ಯಾಚ಼ ತ್ವಾಂಡ್ ಮಾನ್ಸಾಚಾ ತೊಂಡಾಚೆಗತ್ ಹುತ್ತ. ಚಾರ‍್ವ ಗರುಡಾಚೆಗತ್ ಹುತ್ತ. *ಬಗಾ: ಯೆಹೆಜ್ಕೇಲ್ 1:4-14 8 ತ್ಯಾ ಜೀವಿತ್‍ಲ್ಯಾ ಪರತೇಕಾಲಾ ಸಾ ಪಖೊಟ ಹುತ್ತ. ಹ್ಯಾ ಜೀವಿಲಾ ಆತ್ನಿ ಬಾಹಿರ‍್ನಿ ಸಗ್ಳ ಡೊಳ ಹುತ್ತ. ಹಿ ಚಾರ್ ಜೀವಿ ರ‍್ಯಾತ್ ದೀಸ್ ಖಾಯಿಮ್ ಆಸಿ ಸಾಂಗಿತಿತ:

9 ತೇ ಜೀವಿ ಸಿಂಹಾಸನಾವ ಬಸ್‍ಲ್ಯಾಲ್ಯಾಲಾ ಪ್ರಭಾವ್, ಮರ‍್ಯಾದ್ ಆನಿ ಉಪ್ಕಾರ್ ಸಾಂಗಿತಿತ. ಕಂದಿಬಿ ಜೀವ್ನಾಕರ್ತ್ಯಾಲಾ ತ್ಯೊಸ್. 10 ಇಸಾವಚಾರ್ಜಾ಼ನ್ ಜಾಂತ ಆಪ್ಲಿ ಕಿರಿಟ್ ಕಾಡುನ್ ಕಡವ ಥಿವುನ್ ಸಿಂಹಾಸನಾವ ಬಸ್‍ಲ್ಯಾಲ್ಯಾಲಾ ನಡ್ಗ ಟಿಕ್ವುನ್ ನಮಸ್ಕಾರ್ ಕರುನ್ ಕಂದಿಬಿ ರಾನಾರ‍್ಯಾ ತ್ಯಲಾ ವವ್ಯಾಳಿತ್ ಆಸ ಮನ್ಹಿತ: