1 ನಂತರ್ ಮೇಂಡ್ರಾನಿ ಸಾತ್ ಸಿಕ್ಯಾತ್ಲಾ ಯೊಕ್ ಸಿಕ್ಕಾ ಪ್ಯೊಡ್ತಾನಾ ಮೀ ಬಗ್ಲ. ತ್ಯಾ ಚಾರ್ ಜೀವಿತ್ಲಾ ಯೊಕ್ ಜೀವಿ ಗಡ್ಗಡುನ್ ಬೊಲ್‍ತ್ಯಾಲ ಮೀ ಐಕ್ಲ ತ್ಯ “ಎ” ಮಂಥ್ಯಾಲ ಐಕ್ಲ. 2 ಮೀ ಬಗ್ಲ ತವಾ ಮಾಜೆ ಮೊರ‍್ಹ ಯೊಕ್ ಪಾಂಡ್ರಾ ವಾರು ಮನಾ ದಿಸ್ಲಾ. ವಾರು ಚಾ಼ಲಿವತ್ಯಾಲ್ಯಾಚಾ ಹಾತಾತ್ ಯೊಕ್ ಬಿಲ್ ಬಾನ್ ಹುತ್ತಾ. ತ್ಯ ಚಾ಼ಲಿವತ್ಯಾಲ್ಯಾಲಾ ಯಾಕ್ ಕಿರಿಟ್ ದಿಲ್ತ. ತ್ಯೊ ವೈರಿನಾ ಹಾರ್ವಿತ್ ಜಿತಾಯಾ ಗೆಲಾ.

3 ತ್ಯಾ ಮೆಂಡ್ರಾನಿ ದೊನ್ವಾ ಸಿಕ್ಕಾ ಉಗಡ್ಲಾ. ತವಾ ದೊನ್ವಾ ಜೀವಿ “ಎ” ಮನ್ಹುನ್ ಸಾಂಗ್‍ತ್ಯಾಲ ಮೀ ಐಕ್ಲ. 4 ತವಾ ಆನಿಯೊಕ್ ವಾರು ಬಾಹಿರ್ ಆಲಾ. ತ್ಯೊ ತಾಂಬ್ಡಾ ವಾರು ಜಾ಼ಲ್ಥಾ. ತ್ಯೊ ವಾರು ಚಾ಼ಲಿವತ್ಯಾಲ್ಯಾಲಾ ಲೊಕಾತ್ ಆಸ್‌ಲ್ಯಾಲ ಥಂಡ್ಪನ್ ಕಾಡುನ್ ಮಾರಾಮಾರಿನಿ ಮಾರುನ್ ಟಾಕಾಯಾ ತ್ಯಲಾ ಹುಕುಮ್ ದಿಲ್ತಾ. ತ್ಯ ಚಾ಼ಲವಾಯಾ ಯಾಕ್ ಮೊಟ ಹತ್ಯಾರ ದಿಲ್ತ.

5 ತ್ಯಾ ಮೆಂಡ್ರಾನಿ ತಿನ್ವಾ ಸಿಕ್ಕಾ ಉಗಡ್ಲಾ ತವಾ ತಿನ್ವಾ ಜಿವಿ “ಎ” ಮನ್ಹುನ್ ಸಾಂಗ್‌ತ್ಯಾಲ ಮೀ ಐಕ್ಲ ತವಾ ಮಾಜೆ ಮೊರ‍್ಹ ಯೊಕ್ ಕಾಳಾ ವಾರು ದಿಸ್ಲಾ ತ್ಯಾ ವಾರ‍್ವಾವ ಬಸ್‍ಲ್ಯಾಲ್ಯಾಚಾ ಹಾತಾತ್ ಯೆಕ್ ತಾಗ್ಡಿ ದರಲ್ಯಾಲಿ ಹುತ್ತಿ. 6 ತವಾ ಚಾರ್ ಜೀವಾಂಚೆ ಮದ್ದಿ ಯೊಕ್ ಸಬ್ದ ಐಕ್ಲಾ. ತೆ ಮನ್ಹಿತ ಯೇಕ್ ದಿಸಾಚೆ ಮಜು಼ರಿಲಾ ಶೆರ್ಬರ್ ಗಹು ಆನಿ ಯೇಕ್ ದಿಸಾಚೆ ಮಜು಼ರಿಲಾ ತಿನ್‍ಸೆರ್ ಸಾವ. ಫನ್ ತ್ಯಾಲ್ ಆನಿ ದರಾಕ್ಷಿಚಾ ರಸಾಚಾ಼ ನಾಸ್ ಕರು ನಕೊಸಾ.

7 ತ್ಯಾ ಮೇಂಡ್ರಾನಿ ಚಾರ‍್ವಾ ಸಿಕ್ಕಾ ಉಗಡ್ಲಾ. ತವಾ ಚಾರವ್ಯಾ ಜಿವಿನಿ “ಎ” ಮನ್‌ಲ್ಯಾಲಾ ಸಬ್ದ ಮೀ ಐಕ್ಲಾ. 8 ಮೀ ಬಗ್ಲ ತವಾ ಮಾಜೆ ಮೊರ‍್ಹ ಯೋಕ್ ಪಿಕಟ್ ರಂಗಾಚ಼ ವಾರು ಮನಾ ದಿಸ್ಲಾ. ತ್ಯಾ ವಾರ್ವಾವ ಬಸ್‍ಲ್ಯಾಲಾ ಮೃತ್ಯು. ತ್ಯಚೆ ಮಾಗ್ನಿ ಪಾತಾಳ್ ಮಂಥ್ಯಾಲಾ ಆಲಾ. ತ್ಯನಾ ದರ್ಥಿವ್‌ಲ್ಯಾ ಚೌ಼ಕ್ಬ ಜಾ಼ಗ್ಯಾವ ಕುಂಗ್ಳಿನಿ ಬರ್ಗಾಲಾನಿ ರೋಗಾನಿ ಆನಿ ರಾನಾತ್‌ಲ್ಯಾ ಜ಼ನಾವಾರಾಂಚಾನಿ ಲೊಕಾನಾ ಮಾರುನ್ ಟಾಕಾಯಾ ಹುಕುಮ್ ದಿಲ್ತಾ.

9 ತ್ಯನಿ ಪಾಚ್ವಾ಼ ಸಿಕ್ಕಾ ಉಗಡ್ಲಾ ತವಾ ಮೀ ಯಜ್ಞೆವೆದಿಚೆ ಬುಡಿ ಆತ್ಮ ಬಗ್ಲ, ತ್ಯ ಆತ್ಮ ದೇವಾಚಾ ವಚ಼ನಾಸ್ಲಾಗುನ್ ಆನಿ ತ್ಯನಿ ದಿಲ್ಯಾಲೆ ಸಾಕ್ಷಿಸ್ ಲಾಗುನ್ ಮಾರುನ್ ಟ್ಯಾಕ್‍ಲ್ಯಾಲ್ಯಾ ಲೊಕಾಂಚ಼ ಆತ್ಮ ಜಾ಼ಲ್ಥ. 10 ತೀ ಆತ್ಮಿ ದನ್ಯಾ ನಿರ್ಮಳ್ ಆನಿ ಖರಾ ಪ್ರಭುಜಾಲ್ಯಾಲ್ಯಾ ಆಮಾನಾ ಮಾರುನ್ ಟ್ಯಾಕ್‌ಲ್ಯಾಲ್ಯಾಂಚಾ಼ ನ್ಯಾಯಿ ನಿವ್ಡಾಯಾ ಆನಿ ತ್ಯನಾ ಶಿಕ್ಷಾ ದಿಯಾ ತು ಕ್ಯವ್ಡಾ ಯೊಳ್ ಗೇನಾರ್. ಮನ್ಹುನ್ ಜೊ಼ರಾನಿ ವರಾಡ್ಲಿತ. 11 ತ್ಯಾ ಆತ್ಮಾತ್‌ಲ್ಯಾ ಪರತೇಕಾಲಾ ಯೊಕ್ ಯೊಕ್ ಪಾಂಡ್ರಾ ಜ಼ಘಾ ದಿಲ್ತಾ. ಆನಿ ತುಮ್ಚೆ ಸಂಗಚಾ ಸೇವಕಾನಾ ಆನಿ ಇಸ್ವಾಸಾತ್ ಆಸ್‌ಲ್ಯಾಲ್ಯಾ ಬನ್ಹಿ ಬಾವ್ಹಾನಾ ಮಾರುನ್ಟಾಕಿ ಪರತ್ ಇಶ್ರಾಮಾ ಗಾವ್ಲಾ.

12 ತ್ಯಾ ಮೇಂಡ್ರಾನಿ ಸಾವಾ ಸಿಕ್ಕಾ ಉಗಡ್‍ತ್ಯಾಲಾ ಮೀ ಬಗ್ಲಾ. ತವಾ ಮೊಟ ಭುಕಂಪ ಜಾ಼ಲ್ಹ ದೀಸ್ ಕಾಳ್ಯಾ ಗೊಂಗ್‌ಡ್ಯಾಚೆಗತ್ ಕಾಳಾ ಜಾ಼ಲ್ಹ ಚಾ಼ಂದ್ ರಕ್ತಾಚೆಗತ್ ತಾಂಬ್ಡಾ ಜಾ಼ಲ್ಹಾ. 13 ಆಬ್ಳಾತ್‍ ಆಸ್‌ಲ್ಯಾಲ್ಯಾ ಚಾನ್ಯಾ ಮೊಟ್ಯಾ ವಾರ‍್ಯಾನಿ ಹುಂಬ್ರಾಚ಼ ಜಾ಼ಡ್ ಹಾಲುನ್ ಫಳ ಜಾ಼ಡ್ಹಾವ್ನಿ ದರ್ಥಿವ ಪಡ್‍ಲ್ಯಾಚೆಗತ್ ಪಡ್‍ಲ್ಯಾ. 14 ಆಬಾಳ್ ಇಡಿಚೆಗತ್ ವ್ಹವುನ್ ಕನ್ನ ಆನಿ ದ್ವೀಪ ಆಪ್ಲಾ ಜಾ಼ಗಾ ಸುಡುನ್ ಗೇಲ.

15 ತವಾ ದುನೆತ್ಲ ರಾಜ಼ ಅಧಿಪತಿ ಸಾವ್ಕಾರ್ ಬಳಿ ಪರತೇಕ್ ಗುಲಾಮ್ ಸ್ವತಂತ್ರ ಮಾನ್ಸ ಗಭಿತ್ನಿ ಆನಿ ಕನ್ಯಾವಲ್ಯಾ ದುಂಢಿಂಚೆ ಸಾಂದಿತ್ನಿ ದಡ್ಲ. 16 ತೀ ಲೊಕ ಕನ್ಯಾನು ಅನಿ ದುಂಢಿನು ಆಮ್ಚಿವ ಪಡಾ ಸಿಂಹಾಸನಾವ ಬಸ್‌ಲ್ಯಾಲ್ಯಾಚೆ ನದ್ರಾಲಾ ಆಮಾನಾ ಜಾ಼ಖುನ್ ಗೇವಾ ಮೇಂಡಾರ್ ಜಾ಼ಲ್ಯಾಲ್ಯಾಚಾ ರಾಗಾತ್ನಿ ಆಮಾನಾ ಜಾ಼ಖಾ. 17 ಕಾ ಮಂಜೆ ತ್ಯಚಾ಼ ರಾಗಾಚಾ಼ ಮೊಟಾ ದೀಸ್ ಆಲ್ಯಾ. ತ್ಯಚೆ಼ ಮೊರ‍್ಹ ಕೊನ್ ಥಾಂಬಲ್?