1 ತವಾ ಯೊಕ್ ದೇವ್ ದುತ್ ಸ್ವರ್ಗಾತ್ನಿ ಯತ್ಯಲಾ ಮೀ ಬಗ್ಲಾ. ತ್ಯಚಾ ಹಾತಾತ್ ಪಾತಾಳಾಚಿ ಚಾವಿ ಆನಿ ಎಕ್ ಮುಟಿ ಸಾಕ್ಳಿ ದರ್ಲ್ಯಾಲಿ ಹುತ್ತಿ. 2 ತ್ಯಾ ದೇವ್ ದುತಾನಿ ಪೈಲಾ ಸಾಪಾಲಾ ದರ್ಲಾ. ತ್ಯೊ ಸಾಪ್ ಭುತ್ ಸೈತಾನ್ ಜಾ಼ಲ್ಯಾಲಾ ಜು಼ನ್ನಾ ಸಾಪ್ ಮಂತ್ಯಾಲಾ. ದೇವ್ ದುತಾನಿ ತ್ಯಲಾ ಸಾಕ್ಳಿನಿ ಬಾಂದುನ್ ಹಾಜಾ಼ರ್ ವರ್ಸ ಕುಂಡುನ್ ಥೆವ್ಲಾ. 3 ತಿ ಹಾಜಾ಼ರ್ ವರ್ಸ ಸಪಸ್ಪರ‍್ಯಾತ್ ಸೈತಾನಾನಿ ಆನಿಕ್ ಲೊಕಾನಾ ಫಸ್ವುನಾಹಿ ಮನ್ಹುನ್ ದೇವ್ದುತಾನಿ ತ್ಯಾ ಸಾಪಾಲಾ ಪಾತಾಳಾತ್ ಡಕ್ಲುನ್ ದಾರ್ ಲಾವುನ್ ಸಿಕ್ಕಾ ಮ್ಯಾರ್ಲಾ, ತಿ ಹಾಜಾ಼ರ್ ವರ್ಸ ಜಾ಼ಲ್ಯಾ ನಂತರ್ ತ್ಯಲಾ ಥೊಡಿ ಯೆಳ್ ಬಾಹಿರ್ ಶೊಡ್ನಾರ್.

4 ಮಂಗ್ ಮೀ ಥೊಡ ಸಿಂಹಾಸನ್ ಆನಿ ತ್ಯಚಿವ ಲೊಕ ಬಸ್‌ಲ್ಯಾಲಿ ಬಗ್ಲಿತ. ಹ್ಯನಾ ತೀರ್ಮಾನ್ಕರಾಯಾ ಅಧಿಕಾರ್ ದಿಲಾ ಹುತ್ತಾ. ಯೇಸುಚೆ ಸಾಕ್ಷಿಲಾ ಆನಿ ದೇವಾಚಾ ವಚ಼ನಾಲಾ ಇಸ್ವಾಸಾಚಿ ಜಾ಼ಲ್ತಿತ ಮನ್ಹುನ್ ತೂಡುನ್ ಮ್ಯಾರಲ್ಯಾಲ್ಯಾಂಚಾ ಆತಮ್ಯಾನಾ. ತ್ಯಾ ಲೊಕಾಂಚಾನಿ ಜ಼ನಾವಾರ್ ವ್ಹವುನಿ ತ್ಯಚ಼ ಪಾಶಾನ್ ವ್ಹವುನಿ ವವ್ಯಾಳ ನವ್ಥ. ತ್ಯಂಚಾನಿ ಆಪಲ್ಯಾ ಕಪಾಳಾವ ಹಾತಾವ ಜ಼ನಾವಾರಾಚಿ ವಳಕ್ ಗ್ಯಾತ್ಲಿ ನವ್ಥಿ. ತ್ಯಾ ಲೊಕಾಂಚಾನಿ ಆನಿಕ್ ಜೀವ್ನಾ ಗಿಹುನ್ ಯೇಸು ಕ್ರಿಸ್ತಾ ಸಂಗ ಯೇಕ್ ಹಾಜಾ಼ರ್ ವರ್ಸ ರಾಜಾಂಚೆಗತ್ ರಾಜ಼್‌ಬಾರ್ ಕೆಲಾ. 5 ಮರುನ್ ಗೆಲ್ಯಾಲಿ ಖುಬ್ ಲೊಕ್ ಯೇಕ್ ಹಾಜಾ಼ರ್ ವರ್ಸ ಸೊಪ ಪರೆತ್ ಜೀತಿ ಜಾ಼ಲ್ಹಿ ನಾಹಿತ.

ಹ್ಯಸ್ ಪೈಲ ಮರುನ್ ಜಿತ್ತ ಜಾ಼ಲ್ಯಾಲ. 6 ಪೈಲ್ಯಾ ಪುನರುತಾನಾತ್ ಮಿಸಾಳ್ಯಾಲಿ ಧನ್ಯ ಪವಿತ್ರ ಜಾ಼ಲ್ಯಾತ. ಹ್ಯಾ ಲೊಕಾಂಚಿವ ದೊನವ್ಯಾ ಮರ್ನಾಲಾ ಅಧಿಕಾರ್ ನಾಹಿ. ತೀ ಲೊಕ ದೇವಾಲಾ ಆನಿ ಕ್ರಿಸ್ತಾಲಾ ಯಾಜಕ್ ಜಾ಼ಲ್ಯಾತ. ತೇ ತ್ಯಂಚಿ ಸಂಗ ಯೇಕ್ ಹಾಜಾ಼ರ್ ವರ್ಸ ರಾಜ಼್‌ಬಾರ್ ಚಾ಼ಲಿವ್ನಾರ್.

7 ಯೇಕ್ ಹಾಜಾ಼ರ್ ವರ್ಸ ಸೊಪ್‌ಲ್ಯಾವ. ಸೈತಾನಾಲಾ ತ್ಯಚಾ ಬಾಂದನಾತ್ನಿ ಶೊಡ್ನಾರ್. 8 ಸೈತಾನಾನಿ ಗೊಗ್ ಆನಿ ಮಾಗೊಗ್ ಲೊಕಾನಾ ಫಸ್ವಾಯಾ ಧರ್ಥಿವ ಸಗ್ಳಿಕ್ಡ ಜಾ಼ವುನ್ ತ್ಯಾ ಲೊಕಾನಾ ಲಡಾಯಿಲಾ ಮಿಳಿವ್ತೊ. ತಿ ಸಮಿಂದೊರಾತ್ಲೆ ವಾಳ್ವಯವ್ಡಿ ಹುತ್ತಿತ.

9 ಸೈತಾನಾಚ಼ ಸೈನ್ಯಾ ಧರ್ಥಿವ ಪಗಳುನ್ ದೇವಾಚಾ ಲೊಕಾನಾ ಮಾಯೆಚೆ ಪೆಠಲಾ ದರ‍್ನಾರ್. ಫನ್ ಸ್ವರ್ಗಾತ್ನಿ ಇಸ್ತು ಯವುನ್ ತ್ಯಂಚಾ಼ ನಾಸ್ ಕರ‍್ನಾರ್. 10 ಲೊಕಾನಾ ಫಸಿವ್‌ಲ್ಯಾಲ್ಯಾ ತ್ಯಾ ಸೈತಾನಾಲಾ ಇಸ್ಥು ಗಂದಕ್ ಪೆಟ್ಯಾಲೆ ತಳಿತ್ ವ್ಹಲ್ಪಟ್ಲಾ. ತಿಥ ಜ಼ನಾವಾರ್ ಹುತ್ತ. ಲಬಾಡ್ ಪ್ರವಾದಿ ಹುತ್ತ. ತಿಥ ತೀ ರ‍್ಯಾತ್ ದೀಸ್ ಕಾವಾಬಿ ತರಾಸ್ ಕರುನ್ ಗಿಹಿತಿತ.

11 ಮಂಗ್ ಮೀ ಯಾಕ್ ಪಾಂಡ್‌ರ‍ ಮೊಟ ಸಿಂಹಾಸನ್ ಆನಿ ತ್ಯಚಿವ ಬಸ್‌ಲ್ಯಾಲ್ಯಾಲಾ ಬಗ್ಲಾ. ದರ್ಥಿ ಆನಿ ಆಬಾಳ್ ತ್ಯಚಿಪ್ನಿ ಪಳುನ್ ಜಾ಼ವುನ್ ಗಯಿಪ್ ಜಾ಼ಲಿತ. 12 ಮೆಲ್ಯಾಲಿ ಬ್ಯಾರ್ಕಿ ಆನಿ ಮೊಟಿ ಸಿಂಹಾಸನಾಚೆ ಮೊರ‍್ಹ ಉಬಿ ಹುತ್ತಿತ. ತವಾ ಪುಸ್ತಕ ಉಗಾಡ್ಲಿತ. ತವಾ ಶಾಸ್ವತ್ ಜೀವಾಚ಼ ಪುಸ್ತಕ್ ಮಂಥ್ಯಾಲ ಆನಿ ಯಾಕ್ ಪುಸ್ತಕ್ ಉಗಾಡ್ಲಹುತ್ತ. ಮೆಲ್ಯಾಲ್ಯಾ ಹ್ಯಾ ಲೊಕಾನಾ ತ್ಯಂಚಾನಿ ಕೇಲ್ಯಾಲ್ಯಾ ಕಾಮಾಚಾ ಆಧಾರಾವ ತೀರ್ಪ್ ದಿಲಾ. ಹ್ಯಾ ಪುಸ್ತಕಾತ್ ಲಿವ್‌ಲ್ಯಾ.

13 ಸಮಿಂದೊರಾನಿ ಆಪ್ಲಿಪ ಮೇಲ್ಯಾಲ್ಯಾನಾ ತಾಬ್ಯಾತ್ ದಿಲಿತ. ಮರ‍್ನಾನಿ ಪಾತಾಳಾನಿ ಆಪ್ಲಿಪ ಆಸ್‌ಲ್ಯಾಲ್ಯಾ ಮೇಲ್ಯಾಲ್ಯಾ ಲೊಕಾನಾ ತಾಬ್ಯಾತ್ ದಿಲಿತ. ಪರ್ತೇಕ್ ಮಾನ್ಸಾಲಾ ತ್ಯಚಾ ತ್ಯಚಾ ಕಾಮಾನಿಸ್ ತ್ಯಚಾ಼ ನ್ಯಾಯಿ ಇಚಾರ್ ವ್ಹನಾರ್. 14 ಮಂಗ್ ಮೇಲ್ಯಾಲ್ಯಾನಾ ಪಾತಾಳಾತಲ್ಯಾನಾ ಇಸ್‍ಥ್ಯಾಚೆ ತಳಿತ್ ವ್ಹಲ್ಪಟ್ನಾರ್. ಹೀ ಇಸ್‌ಥ್ಯಾಚಿ ತಳಿ ದೊನ್ವ ಮರಾನ್. 15 ಶಾಶ್ವತ್ ಜೀವಾಚಾ ಪುಸ್ತಕಾತ್ ಕುನಾಚ಼ ನಾವ್ ಲಿವ್ಲ ನಾಹಿ ತ್ಯಾ ಮಾನ್ಸಾಲಾ ಇಸ್‌ಥ್ಯಾಚೆ ತಳಿತ್ ವ್ಹಲ್ಪಟ್ನಾರ್.