1 ತವಾ ದೇವ್ ದುತಾನಿ ಮನಾ ಜೀವಾಚಾ ಜರ‍್ಯಾಚಿ ನ್ಹ ದ್ಯಾವ್ಲಿ. ತೀ ನ್ಹ ಸ್ಪಟಿಕಾಂಚೆಗತ್ ಉಜಿಡ್ ಜಾ಼ಲ್ತಿ. ತೀ ನ್ಹ ದೇವಾಚಾ ಆನಿ ಮೆಂಡುರ್ ಜಾ಼ಲ್ಯಾಲ್ಯಾಚಾ ಸಿಂಹಾಸನಾಪ್ನಿ ಆಲ್ತಿ, 2 ನಗರಾಚೆ ಪಾಂದಿಚೆ ಮದ್ನಿ ವ್ಹಾವತಿ. ತೆ ನ್ಹಚೆ ದುನಿ ದರನಿ ಜೀವಾಚ಼ ಜಾ಼ಡ್ ಹುತ್ತ. ತ್ಯ ಪರತೇಕ್ ಮೈನ ಫಳ ದಿಯಿತ ವರ್ಸಾತ್ ಬಾರಾತರಚಿ ಫಳ ದಿಯಿತ. ತ್ಯಾ ಜಾ಼ಢಾಂಚಿ ಪಾನ ಲೊಕಾಂಚಾ ಅರೊಗ್ಯ ಸಾಟಿ ಉಪೆಗ್ ಕರಿತಿತ.

3 ದೇವಾಪ್ನಿ ಸರಾಪ್ ಗೇತಲ್ಯಾಲ ಕೊನುಸ್ ತೇ ಪೇಠತ್ ರಾಹಿತ್ನಾಹಿ. ದೇವ್ ಆನಿ ಮೆಂಡುರ್ ಜಾ಼ಲ್ಯಾಲ್ಯಾಚ಼ ಸಿಂಹಾಸನ್ ತ್ಯಾ ನಗರಾತ್ ರಾಥ. ದೇವಾಚ಼ ಸೇವಕ್ ತ್ಯಲಾ ವವ್ಯಾಳ್‍ತ್ಯಾತ. 4 ತೇ ತ್ಯಚ಼ ತ್ವಾಂಡ್ ಬಗ್‌ತ್ಯಾತ. ದೇವಾಚ಼ ನಾವ್ ತ್ಯಂಚಾ ಕಪಾಳಾವ ಲಿವ್ನಾರ್. 5 ತಿಥ ರ‍್ಯಾತ್ ಮನ್ಹಾಚಿ ರಾನ್ಹಾರ್ ನಾಹಿ. ಲೊಕಾನಾ ದಿವ್ಯಾಚಾ಼ ಉಜಿಡ್ ವ್ಹವುನಿ ದಿಸಾಚಾ಼ ಉಜಿಡ್ ವ್ಹವುನಿ ವ್ಹಯಿ ಲಾಗತ್ ನಾಹಿ. ಪ್ರಭಾವಾಚಾ಼ ದೇವುಸ್ ತ್ಯನಾ ಉಜಿ಼ಡ್ ದೇತೊ. ತೇ ಖಾಯಿಮ್ ರಾಜಾಂಚೆಗತ್ ರಾಜ಼್‌ಬಾರ್ ಚಾ಼ಲಿವತ್ಯಾತ.

6 ತ್ಯಾ ದೇವ್ ದುತಾನಿ ಮನಾ, “ಹ್ಯಾ ವಾಕ್ಯಾ ಖರ‍್ಯಾ ಇಸ್ವಾಸಾಚಾ ಜಾ಼ಲ್ಯಾತಾ. ಪ್ರವಾದಿನಾ ಪ್ರಭು ಜಾ಼ಲ್ಯಾಲ್ಯಾ ದೇವಾಚ಼ ಆತ್ಮ ದಿಲ್ಯಾ. ಬಿಗಿನಿ ವ್ಹತ್ಯಾಲ್ಯಾ ಖನ್ಕತಿ ಆಪ್‌ಲ್ಯಾ ಸೇವಕಾನಾ ದಾವಾಯಾ ದೇವಾನಿ ಆಪ್‌ಲ್ಯಾ ದುತಾಲಾ ಲಾವುನ್ ದಿಲ್ಯಾ: 7 “ಬಗಾ ಮಿ ಬಿಗಿನಿ ಯನಾರ್ ಹ್ಯಾ ಪುಸ್ತಕಾತ್ ಆಸ್‌ಲ್ಯಾಲ್ಯಾ ಪ್ರವಾದನೆಚಾ ವಾಕ್ಯಾ ಕೊನ್ ಪ್ಯಾಳ್ತೊ ತ್ಯೊ ದನ್ಯ” ಮನ್ಲಾ.

8 ಹ್ಯ ಸಗ್ಳ ಐಕ್‌ಲ್ಯಾಲಾ ಆನಿ ಬಗ್‌ಲ್ಯಾಲಾ ಮೀಸ್ ಯೊಹಾನ್. ಮೀ ಹ್ಯ ಸಗ್ಳ ಐಕುನ್, ಬಗ್ಲ ತವಾ, ಮನಾ ಹ್ಯ ಸಗ್ಳ ದ್ಯಾವ್‍ಲ್ಯಾಲ್ಯಾ ದೇವ್‍ ದುತಾಲಾ ವವ್ಯಾಳಾಯಾ ತ್ಯಚಾ ಪಾಯಾತ್ ಆಡ್ವಾ ಪಡ್ಲೊ. 9 ಫನ್ ತ್ಯಾ ದೇವ್ ದುತಾನಿ, “ಮನಾ ವವ್ಯಾಳು ನಕೊಸ್! ಮೀ ತುಜಿಗತುಸ್, ಹ್ಯಾ ಪುಸ್ತಕಾತ್‌ಲ್ಯಾ ವಾಕ್ಯಾ ಪ್ಯಾಳ್‌ತ್ಯಾಲ್ಯಾಂಚೆಗತ್ ಸಗ್‌ಳ್ಯಾ ಲೊಕಾಂಚೆಗತ್ ಆನಿ ತುಜ಼ ಬಾಹು ಜಾ಼ಲ್ಯಾಲ್ಯಾ ಪ್ರವಾದಿಂಚೆಗತ್ ಯೊಕ್ ಸೇವಕ್, ತಸ ಕರುನಕೊ ದೇವಾಲಾ ವವ್ಯಾಳಾಯಾ ವ್ಹಯಿಸ್!” ಮನ್ಲಾ.

10 ಮಂಗ್ ದೇವ್ ದುತಾನಿ ಮನಾ, “ಹ್ಯಾ ಪುಸ್ತಕಾತ್ ಆಸ್‌ಲ್ಯಾಲ್ಯಾ ಪ್ರವಾದನೆಚಾ ವಾಕ್ಯಾ ದಡ್ವುನ್ ಥಿವುನಕೊಸ್. ಹ್ಯ ಸಗ್ಳ ವ್ಹತ್ಯಾಲ ಕಾಲ್ ಜ಼ವಳ್ ಆಲ್ಯಾತ. 11 ಚು಼ಕ್ ಕರ್ತ್ಯಾಲಾ ಚು಼ಕ್ ಕರೀತುಸ್ ಜಾ಼ವುನಿ. ಬುರ್ಸಾ ಜಾ಼ಲ್ಯಾಲಾ ಬುರ್ಶಾತುಸ್ ಮೊರ‍್ಹ ಜಾ಼ವುನಿ. ಉಪೇಗ್ ಆಸ್‌ಲ್ಯಾಲಾ ಉಪೇಗ್ ಆಸ್‌ಲ್ಯಾಲಸ್ ಕರುನಿ. ಪರಿಶುದ್ದ ಆಸ್‌ಲ್ಯಾಲಾ ಪರಿಶುದ್ದ ರಾಹುನಿ” ಮನ್ಲಾ.

12 “ಬಗ್! ಮಿ ಬಿಗಿನಿ ಯತೊ! ಮಾಜಿ ಸಂಗ ಪ್ರತಿಫಳ್ ಆಂತೊ. ಪರತೇಕ್ ಮಾನ್ಸಾಲಾ ತ್ಯನಿ ಕೆಲ್ಯಾ ಶಾರ್ಕ ಪ್ರತಿ ಫಳ್ ದೇತೊ. 13 ಮೀಸ್ ಪೈಲಾ ಆನಿ ಸೆವಟಚಾ಼ ಜಾ಼ಲ್ಯೊ. ಆಂದಿಚಾ಼ ಆನಿ ಸರ್ತಾ ಜಾ಼ಲ್ಯೊ.

14 ಆಪ್ಲಾ ಜ಼ಘಾ ದುತ್‌ಲ್ಯಾಲಿ ಲೊಕ ದನ್ಯ ಜಾ಼ಲ್ಯಾತ. ತೀ ಜೀವಾಚಾ ಜಾ಼ಢಾಚ಼ ಫಳ ಖಾಯಾಲಾ ಹುಕುಮ್ ಆಸ್‌ಲ್ಯಾಲಿ ಜಾ಼ಲ್ಯಾತ. ತೀ ದಾರಾನಿ ನಗರಾತ್ ಜಾ಼ವುಂತ. 15 ನಗರಾಚೆ ಬಾಹಿರ್ ಲೊಕಾನಾ ವಾಟ್ ಚು಼ಕಿವ್‌ತ್ಯಾಲಿ ಹಾತ್ತ, ಬುರ್ಸ ಘಾಡ್‍ಫನ್ ಕರ್ತ್ಯಾಲಿ ಲೊಕ್ ಹಾತ್ತ. ಘಾತ್ಕಿ ಹಾತ್ತ, ಪಾಶಾನ ವವ್ಯಾಳ್‌ತ್ಯಾಲಿ ಲೊಕ ಹಾತ್ತ ಆನಿ ಲಬಾಡಾಲಾ ಮಾಯಾ ಕರ್ತ್ಯಾಲಿ ಆನಿ ಸಾಂಗ್‌ತ್ಯಾಲಿ ಲೊಕ ಹಾತ್ತ.

16 “ಮೀ ಯೇಸು ಮಾಜಾ ಸ್ವರ್ಗಾತ್‌ಲ್ಯಾ ದುತಾಲಾ ಲಾವುನ್ ದಿಲ್ಯಾ, ಮಾಜೆ ಸಭೆತ್ ವಾಫರ್ಲ್ಯಾಲ ವ್ಹವುನ್ ಹ್ಯಾ ಖನ್ಕತಿಚೆ ಗುಶ್ಟಿತ್ ವಳಕ್ ದಿಯಾಲಾ ಮನ್ಹುನ್. ಮೀಸ್ ಮುಳ್ ದಾವಿದಾಚಾ ವಂಶಾತ್ಲಾಸ್ ಉಜಿಡಾಚಾ಼ ಮಾನುಸ್ ಜಾ಼ಲ್ಯಾಲಾ ಉಜಿಡಾಚಿ ಚಾನ್ನಿ ಜಾ಼ಲ್ಯೊ.”

17 ಪವಿತ್ರಾತ್ಮ ಆನಿ ನವರ‍್ಹಿ. “ಯೇ” ಮಂಥ್ಯಾತ. ಹ್ಯ ಐಕ್‌ತ್ಯಾಲಾ ಪರತೇಕ್ ಮಾನುಸ್, “ಯೇ” ಮನ್ಹುನ್ ಸಾಂಗಾಯಾ ವ್ಹಯಿ. ತಾನ್ ಲಾಗ್‌ಲ್ಯಾಲಾ ಮಾಜಿಪ ಯವುನಿ ತ್ಯಲಾ ಜೀವಾಚಾ಼ ಜ಼ರ‍್ಹಾ ಫುಕಟ್ ಗಿಹುನಿ.

18 ಹ್ಯಾ ಪುಸ್ತಕಾತ್ ಆಸ್‌ಲ್ಯಾಲ್ಯಾ ಪ್ರವಾದನಾಚಾ ವಾಕ್ಯಾ ಐಕ್‌ಲ್ಯಾಲ್ಯಾ ಪರತೇಕಾಲಾ ಮೀ ಜಾ಼ಗ್ರುತ್ ದೇತೊ. ಹ್ಯಾ ವಾಕ್ಯಾನಾ ಕುನಿತರಿ ಕಾಯ್ತರಿ ಮಿಳಿವ್ಲತ, ತ್ಯಲಾ ದೇವ್ ಹ್ಯಾ ಪುಸ್ತಕಾತ್‌ ಲಿವ್‍ಲ್ಯಾಲ್ಯಾ ಪಿಡಾ ದೆನಾರ್. 19 ಹ್ಯಾ ಪ್ರವಾದನೆಚಾ ಪುಸ್ತಕಾತ್ನಿ ಕುನಿತರಿ ಕಾಯ್ತರಿ ಕಾಡುನ್ ಟ್ಯಾಕ್ಲತ, ದೇವ್ ಹ್ಯಾ ಪುಸ್ತಕಾತ್ ಲಿವ್‌ಲ್ಯಾಲೆ ಪವಿತ್ರ ಪೆಠತ್ ಜಿವಾಚಾ ಜಾ಼ಢಾತ್ ತ್ಯಲಾ ಆಸ್‌ಲ್ಯಾಲಿ ವಾಟ್ನಿ ಕಾಡುನ್ ಟ್ಯಾಕ್ತೊ.

20 ಹ್ಯಾ ಸಗ್‌ಳ್ಯಾಲಾ ಸಾಕ್ಷಿ ಯೇಸುಸ್, ಆತಾ ತ್ಯೊ, “ವ್ಹಯ್, ಮೀಸ್ ಬಿಗಿನಿ ಯತೊ” ಮನ್ಹುನ್ ಸಾಂಗ್ತೊ.

ಪ್ರಭು ಯೇಸು, ಯೇ!

21 ಪ್ರಭು ಯೇಸುಚಿ ಕ್ರಪಾ ಸಗ್‌ಳ್ಯಾ ಲೊಕಾವ್ನಿ ರಾಹುನಿ. ತಸಸ್ ವ್ಹವುನಿ!