1 ಮನ್ಹುನ್ ದುಸರ‍್ಯಾಪ ಚು಼ಕ್ ಶೊತ್ಯಾಲಾ ತು ಕೊನ್ ಆಸಲಾಸ್ ತರಿ ತುಜಿ ಚು಼ಕ್ ಮಾಪ್ ವ್ಹನಾರ್ ನಾಹಿ. ಕಾ ಮಂಜೆ ತು ದುಸ್‌ರ‍್ಯಾಂಚಾ಼ ನ್ಯಾಯಿ ತಿರ್ಮಾನ್ ಕರ್ತಾನಾ ತ್ಯಂಚಾನಿ ಕೆಲ್ಯಾಲಿ ಚು಼ಕ್ ತು ಕರ್ತೊಸ್ “ಆನಿ ಯಕಾಪ ಚು಼ಕ್ ಸುದುನುಸ್ ತು ಗುನ್ನದಾರ್ ಜಾ಼ಲ್ಯಾಸ್. 2 ಚು಼ಕ್ ಕರ್ತ್ಯಾಲ್ಯಾ ಲೋಕಾನಾ ದೇವ್ ತಿರ್ಮಾನ್ ಕರ್ತೊ. ತ್ಯಚಾ಼ ತಿರ್ಮಾನ್ ಖರಾ ಮನ್ಹುನ್ ಆಮಾನಾ ಠಾವಾ ಹಾ. 3 ಫನ್ ದುಸರ‍್ಯಾನಾ ತಿರ್ಮಾನ್ ಕರ್ತ್ಯಾಲ್ಯಾ ತು ದೇವಾಚಾ ತಿರ್ಮಾನಾತ್ನಿ ಚು಼ಕ್ವುನ್ ಗಿಹಿನ್ ಮಂಥೊಸ್ ಕ್ಯಾ? 4 ನಾಹಿತ ತ್ಯಚಿ ಮುಟಿ ಕರುನಾ ಥಂಡ್ಫನ್ ಸುಸಿವ್ನ ತುಮಿ ಬಾರಿಕ್ ಸಮಜು಼ನ್ ಗೆಥಾಸಾ ಕ್ಯಾ. ಖರ‍್ಯಾನಿಸ್ ದೇವ್ ಕರುನಾಮಯಿ ಮನ್ಹುನ್ ತುಮಾನಾ ಠಾವಾ. ಕಾ ಮಂಜೆ ತ್ಯೊ ತುಮಚಿ ಮನ ಬದ್ಲಾಯಾಸಾಟಿ ಯತ್ನ ಕರ್ತ್ಯೊ.

5 ಫನ್ ತುಮಿ ಘಟ್ ಮನಾಚ಼ ಆನಿ ಮೊಚಾ಼ಟ್ ಜಾ಼ಲ್ಯಾಸಾ. ಮನ್ಹುನ್ ತುಮಾನಾ ಯತ್ಯಾಲಿ ಶಿಕ್ಶಾ ತುಮಿ ಖುಬ್ ಖುಬ್ ಕರುನ್ ಗೆಥ್ಯಾಸಾ. ದೇವ್ ಆಪ್ಲಾ ರಾಗ್‌ ದ್ಯಾವ್‌ತ್ಯಾಲ್ಯಾ ದಿಸಾತ್ ತುಮಾನಾ ತೀ ಶಿಕ್ಶಾ ವ್ಹನಾರ್. ತ್ಯಾ ದೀಸಾತ್ ದೇವಾಚಾ಼ ನ್ಯಾಯಾಚಾ಼ ತಿರ್ಮಾನ್ ಲೊಕ ಬಗ್ನಾರ್. 6 ಕಾ ಮಂಜೆ ದೇವ್ ಪರತೇಕಾಲಾ ತ್ಯಂಚಾ ಕಾಮಾ ಶಾರ್ಕ ಪ್ರತಿ ಫಳ್ ದೇನಾರ್. 7 ಥುಡಿ ಲೋಕ ಚಾ಼ಂಗ್ಲ ಕರ್ತ್ಯಾತ ಆನಿ ಮೈಮಾ ಮರ‍್ಯಾದಿಸಾಟಿ ಆನಿ ಶಾಸ್ವತ್ ಜೀವ್ನಾ ಶೊತ್ಯಾತ ತ್ಯನಾ ದೇವ್ ಶಾಸ್ವತ್ ಜೀವ್ ದೇನಾರ್. 8 ಫನ್ ಬಾಕಿಚಿ ಲೋಕ ಆಪ್‌ಲ್ಯಾಚೆಗತ್ ವ್ಹವುನಿ, ಖರ‍್ಯಾನಿ ಚಾ಼ಲಾಚೆ ಆಂದಿ ಬುರ್ಸ ಕರತ್ಯಾಲಿ ಜಾ಼ಲ್ಯಾತ. ತ್ಯಂಚಿವ ದೇವಾಚಾ಼ ರಾಗ್ ಆನಿ ರೊಸ್ ಯನಾರ್. 9 ಬುರ್ಸ ಚಾ಼ಲಿವತ್ಯಾಲ್ಯಾ ಪರತೇಕ್ ಮಾನ್ಸಾಲಾ ಮಂಜೆ ಆಂದಿ ಯಹುದ್ಯಾನಾ, ತ್ಯಾ ನಂತರ್ ಯೆಹುದಿ ನಸ್‌ಲ್ಯಾಲ್ಯಾನಾ ಸಾಹಿತ್ ಕಶ್ಟ್ ಆನಿ ದುಖ ರಾಥ್ಯಾತ. 10 ಫನ್ ಚಾ಼ಂಗ್ಲ ಕರ್ತ್ಯಾಲ್ಯಾ ಪರತೇಕಾಲಾ ಮಂಜೆ ಆಂದಿ ಯಹುದ್ಯಾನಾ, ನಂತರ್ ಯೆಹುದಿ ನಸ್‍ಲ್ಯಾಲ್ಯಾನಾ ಸಾಹಿತ್ ದೇವ್ ಮೈಮಾ, ಮರ‍್ಯಾದ್ ಆನಿ ಥಂಡ್ಪನ್ ದೇನಾರ್. 11 ಕಾ ಮಂಜೆ ದೇವ್ ಪರತೇಕಾಲಾ ಯೆಕುಸ್ ತರನಿ ನ್ಯಾಯಿ ತಿರ್ಮಾನ್ ದೇನಾರ್.

12 ಯೆಹುದಿ ನಸ್‍ಲ್ಯಾಲ್ಯಾನಾ ಮೊಶೆಚಾ಼ ನೇಮ್ ನವ್ಹ. ತೀ ಲೋಕ ಮೊಶೆಚಾ ಧರ್ಮಶಾಸ್ತಾರಾತ್ನಿ ಬಾಹಿರ್ ರಾಹುನ್ ಪಾಪ ಕರ್ತ್ಯಾತ. ಯಹುದ್ಯಾಂಚಿಪ ಧರ್ಮಶಾಸ್ತಾರ್ ಹಾ ತೇ ಪಾಪ್ ಕರ್ತ್ಯಾತ ಆನಿ ತ್ಯನಾ ಧರ್ಮಶಾಸ್ತಾರಾ ಶಾರ್ಕಾ ನ್ಯಾಯಿ ತೀರ್ಮಾನ್ ವ್ಹನಾರ್. 13 ಕಾ ಮಂಜೆ ಧರ್ಮಶಾಸ್ತಾರ್ ಐಕ್‌ಲ್ಯಾಲಿ ಲೋಕ ದೇವಾಚೆ ನದ್ರಲಾ ನೀಯತಿಚಿ ವ್ಹಯಿತ್ನಾಹಿತ. ಧರ್ಮಶಾಸ್ತಾರ್ ಸಾಂಗ್‌ತ್ಯಾಲ್ಯಾ ಶಾರ್ಕ ಚಾ಼ಲತ್ಯಾಲಿ ಲೋಕ ನೀಯತಿಚಿ ವ್ಹತ್ಯಾತ.

14 ಯಹುದಿ ನಸಲ್ಯಾಲ್ಯಾಂಚಿಪ ದರ್ಮಶಾಸ್ತಾರ್ ನವ್ತ. ಫನ್ ತ್ಯ ಧರ್ಮಶಾಸ್ತಾರ್ ಸಜಾ಼ವರಿ ಪ್ಯಾಳ್‍ತ್ಯಾತ. ತ್ಯನಾ ದರ್ಮಶಾಸ್ತಾರ್ ನಸ್ಲತರಿ ತ್ಯಂಚ಼ ಮನುಸ್ ತ್ಯನಾ ಧರ್ಮಶಾಸ್ತಾರ್ ವ್ಹತ್ತ. 15 ತ್ಯಂಚ಼ ಚಾ಼ಲ್ನ ತ್ಯಂಚಾ ಮನಾತ್ ದರ್ಮಶಾಸ್ತಾರಾಚಾ ಆಜ್ಞಾ ಲಿವ್‌ಲ್ಯಾತಾ ಮನ್ಹುನ್ ದಾವುನ್ ದೆತ. ತ್ಯಂಚಾ ಮನಾಚಾ ಸಾಕ್ಷಿ ಸಾಹಿತ್ ಹ್ಯ ಖರ ಮನ್ಹುನ್ ದಾವುನ್ ದೆತ್ಯಾತಾ ಕಾ ಮಂಜೆ ಥೊಡೆ ಪಾವ್ಟಿ ತ್ಯಂಚಾ ಯವಜ್ನಾ಼ ತೆ ಚು಼ಕ್ ಕರ್ತ್ಯಾತ ಆನಿ ಚುಕ್ ಕರಿತ್ನಾಹಿತ ಮನ್ಹುನ್ ದಾವುನ್ ದೆತ.

16 ಮಾನ್ಸಾಚಾ ಮನಾತ್ ಆಸ್‌ಲ್ಯಾಲ್ಯಾ ಗುಶ್ಟಿ ದೇವ್ ತೀರ್ಮಾನ್ ಕರಾಚಾ ದಿಸಾತ್ ಹ್ಯ ಸಗ್ಳ ಘಡ್ನಾರ್. ದೇವ್ ಯೇಸು ಕ್ರಿಸ್ತಾಸ್ ಲಾಗುನ್ ಲೋಕಾನಾ ತೀರ್ಮಾನ್ ಕರ್ನಾರ್ ಮನ್ಹುನ್ ಬರಿ ಖಬರ್ ಸಾಂಗ್ತಿ. ಮೀ ಲೋಕಾನಾ ಸಾಂಗಾಚ಼ ಕ್ಯಾ ಮಂಜೆ ತೀ ಬರಿ ಖಬರುಸ್.

17 “ಫನ್ ತು ತುಲಾಸ್ ಯೆಹುದಿ ಮನ್ಹುನ್ ಗಿಹ್ಯಾಚ಼ ಜಾ಼ಲ್ಯಾವ ಮೊಶೆಚಾ ನೆಮಾಚಾ಼ ಆದಾರ್ ಕರುನ್ ದೇವಾವ ಬಡಾಯಿ ಸಾಂಗ್ತೊಸ್. 18 ತುಮಿ ಕ್ಯಾ ಕರಾಯಾ ವ್ಹಯಿಸಾ ಮನ್ಹುನ್ ದೇವಾಲಾ ಠಾವ ಹಾ ಆನಿ ತುಮಿ ಮೊಶೆಚಾ ನೆಮಾಚೆ ಯವಸ್ತಿನಿ ತುಮಿ ಕಚ಼ ಶಾರ್ಕ ಮನ್ಹುನ್ ಸಿಕ್‍ಲ್ಯಾಸಾ; 19 ತು ಕುರಡ್ಯಾಲಾ ವಾಟ್ ದ್ಯಾವ್‌ತ್ಯಾಲಾ ಆನಿ ಆಂದಾರಾತ್ ಆಸ್‌ಲ್ಯಾಲ್ಯಾನಾ ಉಜಿಡ್ ಜಾ಼ಲ್ಯಾಸ್ ಮನ್ಹುನ್ ತುಲಾ ಖಾತ್ರಿ ಹಾ, 20 ಸಮಜ಼ತ್ ನಸ್‍ಲ್ಯಾಲ್ಯಾ ಲೊಕಾನಾ ಯೊಕ್ ಮಾಸ್ಥರ್ ಜಾ಼ಲ್ಯಾಸ್. ಮೊಶೆಚಾ ನೆಮಾಚ಼ ಸಗ್ಳ ಗಿನ್ಯಾನ್ ಆನಿ ಖರ ತುಲಾ ಠಾವ ಹಾ. 21 ತು ದುಸ್‌ರ‍್ಯಾನಾ ಸಾಂಗ್ತೊಸ್. ಫನ್ ತು ತುಲಾಸ್ ಸಾಂಗುನ್ ಗಿಹಿತ್ ನಾಹಿಸ್ ಕಾ? ಚೊ಼ರಾಚ಼ ನಾಹಿ ಮನ್ಹುನ್ ಸಾಂಗ್ತೊಸ್, ಫನ್ ತುಸ್ ಕಾ ಚೊರ್ತೊಸ್? 22 ತು ಮಂಥೊಸ್ ವೇಬಿಚಾರ್ ಕರು ನಕೊಸಾ, ಫನ್ ತು ವೇಬಿಚಾರ್ ಕರೀತ್ನಾಹಿಸ್ ಕ್ಯಾ? ತು ಪಾಶಾನಾಂಚಾ಼ ರಾಗ್ ಕರ್ತೊಸ್, ಫನ್ ತು ದೇವ್ಳಾತ್ನಿ ಚು಼ರಿ ಕರಿತ್ ನಾಹಿಸ್ ಕ್ಯಾ? 23 ತು ದೇವಾಚಾ಼ ನೇಮ್ ತುಜಿಪ ಆಸ್‌ಲ್ಯಾಚೆಗತ್ ಮೊಟಫನ್ ಸಾಂಗ್ತೊಸ್ ಫನ್ ತ್ಯ ಧರ್ಮಶಾಸ್ತಾರ್ ವಲ್ಯಾಂಡುನ್ ದೇವಾಲಾ ಅವ್ಮಾನ್ ಕರಿತ್ ನಾಹಿಸ್ ಕ್ಯಾ? 24 “ಯಹುದಿ ಜಾ಼ಲ್ಯಾಲ್ಯಾ ತುಮ್ಚಿಪ್ನಿಸ್ ಯಹುದಿ ನಸ್‌ಲ್ಯಾಲಿ ಲೊಕ ದೇವಾಚಾ ನಾವಾಲಾ ಆಡ್ವಿ ಬೊಲ್‌ತ್ಯಾತ” ಮನ್ಹುನ್ ಪವಿತ್ರ ಗ್ರಂಥಾತ್ ಲಿವ್‌ಲ್ಯಾ.

25 ತು ಧರ್ಮಶಾಸ್ತಾರಾಚಿ ಆಜ್ಞಾ ಪ್ಯಾಳ್ಯಾವ ತು ಕೇಲ್ಯಾಲೆ ಮುಂಜಿಲಾ ಅರ್ಥ ಹಾ. ಫನ್ ತು ಧರ್ಮಶಾಸ್ತಾರ್ ವಲ್ಯಾಂಡುನ್ ಚಾ಼ಲಾಸ್ತ ತುಲಾ ಮುಂಜಿ ಜಾ಼ಲ್ಹಿ ನಾಹಿ ಆಸ ಜಾ಼ಲ್ಹ. 26 ಯಹುದಿ ನಸ್‌ಲ್ಯಾಲ್ಯಾನಾ ಮುಂಜಿ ಜಾ಼ಲಿನಾಹಿ, ಫನ್ ಧರ್ಮಶಾಸ್ತಾರ್ ಸಾಂಗ್‌ತ್ಯಾಲ ತ್ಯಂಚಾನಿ ಕೇಲತ, ತ್ಯಂಚಾನಿ ಮುಂಜಿ ಕೇಲ್ಯಾಚೆಗತ್ ಜಾ಼ಲ್ಹನಾಹಿ ಕ್ಯಾ? 27 ಯೆಹುದಿ ಜಾ಼ಲ್ಯಾಲ್ಯಾ ತುಮಾನಾ ಲೀವ್‌ಲ್ಯಾಲ ಧರ್ಮಶಾಸ್ತಾರ್ ಹಾ ಆನಿ ಮುಂಜಿ ಕೇಲೆ. ಫನ್ ತುಮಿ ಧರ್ಮಶಾಸ್ತಾರ್ ವಲ್ಯಾಂಡುನ್ ಚಾ಼ಲ್ತಾಸಾ. ಆಸ ಆಸ್ಥಾನಾ, ಶರಿರಾಲಾ ಮುಂಜಿ ಕಿಲಿನಾಹಿತರಿ ಧರ್ಮಶಾಸ್ತಾರಾಚೆಗತ್ ಚಾ಼ಲತ್ಯಾಲ್ಯಾ ತುಮಾನಾ ಗುನ್ನದಾರ್ ಮನ್ಹುನ್ ದಾವುನ್ ದೇನಾರ್.

28 ಖರಾ ಯೆಹುದಿ ಆನಿ ಖರಿ ಮುಂಜಿ ಕರಾಚಿ ಮಂಜೆ ಕ್ಯಾ? ಬಾಹಿರ್‌ ಯಹುದಿ ವ್ಹವುನ್ ರಾಥ್ಯಾಲಾ ಯಹುದಿ ನವ್ಹ. ಬಾಹಿರ್ಲಿ ಶರಿರಾಚಿ ಮುಂಜಿ ಖರಿ ಮುಂಜಿ ನವ್ಹ. 29 ಮನಾತ್ ಯಹುದಿ ವ್ಹವುನ್ ರಾಥ್ಯಾಲಾಸ್ ಖರಾ ಯಹುದಿ. ಮನಾಲಾ ಜಾ಼ಲ್ಯಾಲಿ ಮುಂಜಿ ಖರಿ ಮುಂಜಿ. ಹೀ ಮುಂಜಿ ಜಾ಼ಲ್ಯಾಲಿ ದೇವಾಚಾ ಆತ್‍ಮ್ಯಾನಿಸ್ ನಾಹಿತ ಲಿವ್‌ಲ್ಯಾಲ್ಯಾ ಧರ್ಮಶಾಸ್ತಾರಾನಿ ನವ್ಹ. ದೇವಾಚಾ ಆತ್‍ಮ್ಯಾನಿಸ್ ಮನಾಲಾ ಮುಂಜಿ ಜಾ಼ಲ್ಯಾಲಾ ಮಾನುಸ್ ಮರ‍್ಯಾದ್ ಗಿಹ್ಯಾಚಿ ದೇವಾಪ್ನಿಸ್ ಮಾನ್ಸಾಪ್ನಿ ನವ್ಹ.