1 ಆಸ ಆಸ್ಥಾನಾ, ಆಮಿ ಇಸ್ವಾಸಾನಿ ನೀಯತಿಚಿ ಹಾವ್. ತ್ಯಾ ಕಾರ್ನಾನಿ ಆಮಚಾ಼ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ದೇವಾ ಸಂಗ ಸಮಾದಾನ್ ಹಾ. 2 ತ್ಯನಿ ಆಮಾನಾ ಆಮ್ಚಾ ಇಸ್ವಾಸಾಸ್ ಲಾಗುನ್ ದೇವಾಚಿ ಕ್ರಪೆ ಗೇತ್ಲೆ ಆತಾ ಆಮಿ ತ್ಯಾತ್ ಜೀವ್ನಾ ಕರ್ತ್ಯಾವ್ ಮನ್ಹುನ್ ದೇವಾಚೆ ಮೈಮೆತ್ ಆಮಿ ವಾಟದಾರ್ ವ್ಹನಾರ್ ಮನ್ಯಾಚಿ ಆಶಾ ಆಮಾನಾ ಹಾ ಮನ್ಹುನ್ ಆಮಿ ಬಡಾಯಿ ಕರ್ತಾವ್. 3 ನಾಹಿತ, ಆಮ್ಚಾತ್ ಕಸ್ಟಾತ್ ತರಾಸಾತ್ ಹೆಮ್ಮೆನಿ ಹಾವ್ ಕಾ ಮಂಜೆ, ಹ್ಯೊ ಕಸ್ಟ ತರಾಸ್ ಆಮ್ಚಾತ್ ಖುಬ್ ಥಂಡ್ ಫನ್ ಆಂತೊ. 4 ದಿರಾನಿ ಚಾ಼ಂಗ್ಲಾ ಸ್ವಭಾವ್ ಉತ್ಪನ್ ವ್ಹತ್ತೊ. ಹ್ಯಾ ಚಾ಼ಂಗಲ್ಯಾ ಸಭಾವಾನಿ ಇಸ್ವಾಸ್ ವ್ಹತ್ತೊ. ಹಿ ಆಶಾ ಆಮಾನಾ ಕವಾಸ್ ನಿರಾಶ್ ಕರಿತ್ ನಾಹಿ. 5 ಕಾ ಮಂಜೆ ದೇವಾನಿ ಆಮಾನಾ ಬೊಮಾನ್ ದಿಲ್ಯಾಲ್ಯಾ ಪವಿತ್ರಾತ್ಮಾಸ್ ಲಾಗುನ್ ಆಪ್ಲಿ ಮಾಯಾ ಆಮ್ಚಾ ಮನಾತ್ ಗ್ಯಾತ್ಲೆ.

6 ಆಮಿ ಆಶೆತ್ ನಸ್ಥಾನಾ ದೇವಾನಿ ನಿವಡ್‍ಲ್ಯಾಲ್ಯಾ ಯಳಾಲಾ ಕ್ರಿಸ್ತ ಆಮ್ಚಾ ಬುರ್ಶಾಚೆ ಸಾಟಿ ಮೇಲಾ. 7 ನಿಯೆತಿಚಾ ಸಾಟಿ ಕೊನ್ತರಿ ಮೆಲ್ಯಾವ ಮರಲ್. ಚಾ಼ಂಗಲ್ಯಾ ಸಾಟಿ ಮರಾಯಾ ಖರ‍್ಯಾನಿ ಕೊನ್ತರಿ ಧಿರ್ ಕೆಲ್ಯಾವ ಕರಿಲ್. 8 ಫನ್ ಆಮಿ ಆಜು಼ನ್ ಪಾಪಿ ಆಸ್ಥಾನಾಸ್ ಕ್ರಿಸ್ತಾನಿ ಆಮ್ಚಾ ಪಾಪಾ ಸಾಟಿ ಜೀವ್ ದಿಲಾ ಹ್ಯಚಿಸ್ ಲಾಗುನ್ ದೇವಾನಿ ಆಪ್ಲಿ ಮಾಯಾ ದಾವುನ್ ದಿಲಿ.

9 ಆಮಿ ಕ್ರಿಸ್ತಾಚಾ ರಕ್ತಾನಿ ದೇವಾಚೆ ಮೋರ‍್ಹ ಆಮಿ ನೀಯತಿಚ಼ ಜಾ಼ಲ್ಯಾವ್ ಮನ್ಹುನ್ ತ್ಯಚಿಸ್ ಲಾಗುನ್ ದೇವಾಚಾ ರಾಗಾತ್ನಿ ಖರ‍್ಯಾನಿಸ್ ಚ಼ುಕ್ವುನ್ ಗೆಥಾವ್ 10 ಮಂಜೆ ಆಮಿ ದೇವಾಚ಼ ವಾದಿ ಜಾ಼ಲ್ಯಾಲ ವ್ಹತ್ತಾವ್ ತವಾಸ್ ದೇವಾನಿ ಆಪ್‌ಲ್ಯಾ ಲೇಕಾಚಾ ಮರ್ನಾನಿ ಆಮಾನಾ ಆಪ್ಲ ಸುಪ್ತಿ ಕೇಲ್ಯಾತ. ಆತಾ ಆಮಿ ದೇವಾಚ಼ ಸುಪ್ತಿ ಜಾ಼ಲ್ಯಾವ್ ಆಸ ಆಸ್ಥಾನಾ ಆತಾ ಕ್ರಿಸ್ತಾಚಾ ಜೀವ್ನಾಸ್ ಲಾಗುನ್ ತ್ಯೊ ಆಮ್ಚಿ ಕಿತಿ ಖುಬ್ ರಕ್ಶನ್ ಕರಿಲ್. 11 ಯವ್ಡಸ್ ನವ್ಹ, ಆಮ್ಚಾ ಪ್ರಭುಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಸ್ ಲಾಗುನ್ ಆಮಿ ದೇವಾನಿ ಕೆಲ್ಯಾಲ್ಯಾ ಕಾಮಾನಿ ಸಂತೋಶಾನಿ ರಾಥಾವ್. ಆತಾ ಆಮಿ ದೇವಾಚ಼ ಸುಪ್ತಿ ವ್ಹಯಾಚ಼ ತ್ಯಚಿಪ್ನಿಸ್.

12 ಯೊಕ್ ಮಾನುಸ್ ಆದಾಮಾನಿ ಕೇಲ್ಯಾಲ್ಯಾ ಕಾಮಾನಿ ಪಾಪ್ ಹೇ ದುನೆತ್ ಆಲ. ಹ್ಯಾ ಕಾರ್ನಾನಿ ಸಗ್ಳೆ ಮಾನ್ಸಾಚೆ ಜಾ಼ತಿತ್ನಿ ಮರಾನ್ ಪಗಾಳ. ತಚಿಸ್ ಲಾಗುನ್ ಸಗ್ಳಿ ಲೋಕ ಮರಾಯಾಸ್ ವ್ಹಯಿ. ಕಾ ಮಂಜೆ ಸಗ್‌ಳ್ಯಾ ಲೋಕಾಂಚಾನಿ ಪಾಪ್ ಕೇಲ್ಯಾ. 13 ಮೊಶೆಚಾ ಧರ್ಮಶಾಸ್ತಾರಾಚೆ ಆಂದಿ ಹೇ ದುನೆತ್ ಪಾಪ್ ಹುತ್ತ. ಫನ್ ಧರ್ಮಶಾಸ್ತಾರ್ ಯಯಿ ಪರೆತ್ ಕುನಾಚ಼ಸ್ ಪಾಪ್ ಮೆಜಾ಼ಯಾ ವ್ಹಯಿತ್ ನವ್ಥ. 14 ಫನ್ ಆದಾಮಾಚಾ ಕಾಲಾದರ್ನಿ ಮೊಶೆಚಾ ಕಾಲಾ ಪರತ್ ಸಗ್‍ಳ್ಯಾ ಲೋಕಾನಾ ಮರಾನ್ ಹುತ್ತ. ಫನ್ ಥೊಡ್ಯಾಂಚಾನಿ ಆದಾಮಾಚೆಗತ್ ದೇವಾಚಾ ಆಜ್ಞಾ ವಲ್ಯಾಂಡ್ಯಾಚ಼ ಪಾಪ್ ಕೇಲ್ ನವ್ಥ ತ್ಯನಾ ಫನ್ ಮರಾನ್ ಹುತ್ತ.

ಆದಾಮ್ ಮೋರ್‌ಲ್ಯಾ ದೀಸಾತ್ ಯನಾರ‍್ಯಾ ಕ್ರಿಸ್ತಾಲಾ ಮೋರ‍್ಹ ದಾವುನ್ ದೇತ್ಯಾಲಾ ಜಾ಼ಲ್ಥಾ. 15 ಫನ್ ಆದಾಮ್ ಆನಿ ಕ್ರಿಸ್ತ ಯೇಕುಸ್ ನವ್ಹ ಕಾ ಮಂಜೆ ದೇವಾಚ಼ ಫುಕಟ್ ದಾನ್ ಆದಾಮಾಚಾ ಪಾಪಾಚೆಗತ್ ನವ್ಹ. ಹ್ಯ ಖರ ಹಾ ಖುಬ್ ಲೋಕ ತ್ಯಚಾ ಪಾಪಾನಿ ಮಿಲಿತ. ಫನ್ ದೇವಾಚಾ಼ ಆಶಿರ್ವಾದ್ ಖುಬ್ ಮೋಟಾ ಜಾ಼ಲ್ಯಾ ಆನಿ ತ್ಯಚ಼ ದಾನ್ ಯೋಕ್ ಮಾನುಸ್ ಯೇಸು ಕ್ರಿಸ್ತಾಸ್ ಲಾಗುನ್ ಖುಬ್ ಲೋಕಾನಾ ಗಾವ್ಲ. 16 ಆದಾಮಾನಿ ಯಂಗ್ದಾ ಪಾಪ್ ಕೇಲ್ಯಾವ ತ್ಯಲಾ ಗುನ್ನದಾರ್ ಮನ್ಹುನ್ ತೀರ್ಮಾನ್ ಜಾ಼ಲ್ಹಾ. ಫನ್ ದೇವಾಚ಼ ಫುಕಟ್ಚ ದಾನ್ ತ್ಯಲಾ ಆಡ್ವ ಜಾ಼ಲ್ಯಾ. ಖುಬ್ ಪಾಪಾಸ್ ಲಾಗುನ್ ದೇವಾಚ಼ ಫುಕಟ್ಚ ದಾನ್ ಆಲ ತ್ಯ ಫುಕಟ್ಚ ದಾನ್ ಚು಼ಕ್ ನಸ್‍ಲ್ಯಾಲ ಕರ್ತ. 17 ಯಕಾನಿ ಪಾಪ್ ಕೇಲ. ತ್ಯಾ ಯಕಾಸ್ ಲಾಗುನ್ ಸಗ್‌ಳ್ಯಾ ಲೊಕಾವ್ನಿ ಮರ್ನಾಚಾ಼ ಹುಕುಮ್ ಚಾ಼ಲಿವ್ಲಾ. ಫನ್ ಯೋಕ್ ಮಾನುಸ್ ಯೇಸು ಕ್ರಿಸ್ತಾಸ್ ಲಾಗುನ್ ತ್ಯನಿ ಕೇಲ್ಯಾಲಿ ಹ್ಯಾ ಕಾಮಾಚಾ಼ ಪರಿನಾಮ್ ಖುಬ್ ಮೊಟ ಹಾ ತೀ ಸಗ್ಳಿ ಲೋಕ ದೇವಾಚೆ ಖುಬ್ ಕ್ರಪೆ ಆನಿ ಫುಕಟ್ ತ್ಯಚೆ ಮೊರ‍್ಹ ನಿಯತಿಚಿ ಮನ್ಹುನ್ ದಾವುನ್ ದೇತ. ತೀ ಸಗ್ಳಿ ಕ್ರಿಸ್ತಾಸ್ ಲಾಗುನ್ ಜೀವ್ನಾತ್ ರಾಜ್ ಭಾರ್ ಚಾ಼ಲಿವ್ನಾರ್.

18 ಕಸ ಯಕಾ ಮಾನ್ಸಾಚ಼ ಪಾಪ್ ಸಗ್‍ಳ್ಯಾ ಲೋಕಾನಾ ಚು಼ಕ್ ಕರ್ತ್ಯಾಲಿ ದ್ಯಾವ್ತ. ತೇಸ್ ತರನಿ ಕ್ರಿಸ್ತಾಚ಼ ಯಾಕ್ ಚಾ಼ಂಗ್ಲ ಕಾಮ್ ತ್ಯಾ ಸಗ್‍ಳ್ಯಾ ಲೋಕಾನಾ ಸ್ವತಂತ್ರ ಕರ್ತ ಆನಿ ಜೀವ್ ದೇತ. 19 ಯೋಕ್ ಮಾನುಸ್ ದೇವಾಲಾ ಆಡ್ವಾ ಚಾ಼ಲ್ಲಾ ಮನ್ಹುನ್ ಸಗ್ಳಿ ಲೋಕ ಪಾಪಿ ಜಾ಼ಲ್ಹಿತ ತಸಸ್ ಯೋಕ್ ದೇವಾಲಾ ವಾಕುನ್ ಚಾ಼ಲ್ಲಾ ಮನ್ಹುನ್ ಸಗ್ಳಿ ನೀಯತಿಚಿ ವ್ಹನಾರ್.

20 ಧರ್ಮಶಾಸ್ತಾರಾಚಾ ಯನ್ಯಾನಿ ಪಾಪ ಖುಬ್ ಜಾ಼ಲ್ಹಿತ ಆನಿ ದಿಸುನ್ ಆಲಿತ ದೇವಾಚ಼ ಅನುಗ್ರಹ ಖುಬ್ ಜಾ಼ಯಿತ್ ಗೆಲ. 21 ಯಕಾ ಕಾಲಾತ್ ಪಾಪಾನಿ ಮರ್ನಾಸ್ ಲಾಗುನ್ ಅಧಿಕಾರ್ ಚಾ಼ಲಿವ್ಲಾ ಫನ್ ದೇವಾನಿ ಲೋಕಾನಾ ನೀಯತಿಚ಼ ಮನ್ಹುನ್ ಕರಾಯಾ ಆಪ್ಲಿ ಕ್ರಪಾ ಲ ದಿಲಿ. ಹೀ ಕ್ರಪಾ ಆಮ್ಚಾ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಸ್ ಲಾಗುನ್ ಆಮಾನಾ ಖಾಯಿಮಚಾ಼ ಜೀವ್ನಾ ಆಂತಿ.