1 ಬನ್ಹಿ ಬಾವ್ಹಾನು, ಮಿ ಕಚೆ ಗುಶ್ಟಿತ್ ಸಾಂಗ್‌ತ್ಯೊ ಮನ್ಹುನ್ ತುಮಾನಾ ಸಮಾಜ಼ಲ್ಯಾ, ಕಾ ಮಂಜೆ ಮೊಶೆಚಾ ಧರ್ಮಶಾಸ್ತಾರಾಚೆ ಗುಶ್ಟಿತ್ ತುಮಾನಾ ಸಗ್‌ಳ್ಯಾನಾ ಠಾವ ಹಾ. ತ್ಯ ಲೊಕ ಜೀವ್ ಆಸ ಪರೇತ್ ತ್ಯವ್ಡಸ್ ತ್ಯಂಚಿವ ಅಧಿಕಾರ್ ಚಾ಼ಲಿವ್ತ. 2 ಮೀ ತುಮಾನಾ ಯೇಕ್ ಉದಾರನೆ ದೇತೊ: ದನ್ಗೊರ್ ಜ಼ಗಪರೆತ್ ದನ್ಗರ್ ಕಾನುನಾಸ್ ಲಾಗುನ್ ತಾಬ್ಯಾತ್ ರಾಹ್ಯಾ ವ್ಹಯಿ. ಫನ್ ತಿಚಾ಼ ದನ್ಗೊರ್ ಮೇಲ್ಯಾವ, ಲಗ್ನಾಚಾ ಕಾನುನಾನಿ ತೀ ಸುಟ್ಕಿ ಜಾ಼ಲೆ. 3 ಫನ್ ಆಪ್ಲಾ ದನ್ಗೊರ್ ಜೀತ್ತಾ ಆಸ್ಥಾನಾಸ್ ಆನಿ ಯಕಾಲಾ ಲಗೀನ್ ಕರುನ್ ಗೇತ್ಲತ ತೀ ವ್ಯಬೀಚಾರ್ ಮಂಥ್ಯಾಲೆ ಚು಼ಕಿಲಾ ಮುಜ಼ರಾ ಜಾ಼ಲ್ಯಾ ಮನ್ಹುನ್ ಧರ್ಮಶಾಸ್ತಾರ್ ಸಾಂಗ್ತ. ಫನ್ ತೀಚಾ಼ ದನ್ಗೋರ್ ಮರುನ್ ಗೇಲಾತ ತೀ ಲಗ್ನಾಚಾ ಹಂಗಾನಿ ಸುಟ್ಕಿಜಾ಼ಲೆ. ಆಸ ಆಸ್ಥಾನ ಆಪ್ಲಾ ದನ್ಗೋರ್ ಮೇಲ್ಯಾವ ಆನಿ ಯಕಾಲಾ ಲಗೀನ್ ಕರುನ್ ಗೇತ್ಲಾತ ತೀ ವ್ಯಬೀಚಾರ್ ಮಂಥ್ಯಾಲೆ ಚು಼ಕಿಲಾ ಗುರಿ ವ್ಹಯಿತ್ ನಾಹಿ.

4 ಮಾಜಾ ಬನ್ಹಿ ಬಾವ್ಹಾನಾ, ಹ್ಯಸ್ ತರನಿ ತುಮಚ಼ ಪೈಲ ಗುನ್ ಮರುನ್ ಗೇಲ; ತುಮಿ ಕ್ರಿಸ್ತಾಚಾ ದಢಾಸ್ ಲಾಗುನ್ ಧರ್ಮಶಾಸ್ತಾರಾಚೆ ವಾಟ್ನಿಲಾ ತುಮಿ ಮೆಲ್ಯಾಸಾ ಆತಾ ತುಮಿ ಮೇಲ್ಯಾಲ್ಯಾತ್ನಿ ಜಿತ್ತಾ ವ್ಹವುನ್ ಉಠುನ್ ಆಲ್ಯಾಲ್ಯಾಪ ಮಿಳುನ್ ಹಾಸಾ. ಆಮಿ ದೇವಾಚೆ ಸೇವೆಲಾ ಉಪೇಗ್ ಜಾ಼ಲ್ಯಾಲಿ ವ್ಹವುನ್ ಫಳ್ ದಿಯಾ ಕ್ರಿಸ್ತಾ ಸಂಗ ಹಾವ್. 5 ಕವಾ ಆಮಿ ಪಾಪಾಚಾ ಸ್ವಭಾವಾತ್ ಜಿವ್ನಾ ಕರೀತಾವ್ ಆಮ್ಚಾ ಪಾಪಾಂಚಿ ಇಚ್ಚಾ ಧರ್ಮಶಾಸ್ತಾರಾಸ್ ಲಾಗುನ್ ಆಮ್ಚಾ ಶರೀರಾತ್ ಹುತ್ತ. ಕಾ ಮಂಜೆ ಆಮಿ ಮರ್ನಾಚ಼ ಫಳ್ ಉತ್ಪನ್ ಕರಾಯಾ ವ್ಹಯಿ. 6 ಫನ್ ಆತಾ ಆಮಾನಾ ಧರ್ಮಶಾಸ್ತಾರಾತ್ನಿ ಸುಟ್ನುಕ್ ಜಾ಼ಲೆ. ಕಾ ಮಂಜೆ ಕಚಾ ಧರ್ಮಶಾಸ್ತಾರಾನಿ ಆಮಾನಾ ಬ್ಯಾಂದ್ಲ ಹುತ್ತ. ಆಮಿ ತ್ಯಚಿ ಸಾಟಿ ಮೇಲ್ಯಾವ್ ಆನಿ ಆತಾ ಜು಼ನ್ನ ಲಿವ್‍ಲ್ಯಾಲ್ಯಾನಿ ನವ್ಹ ಧರ್ಮಶಾಸ್ತಾರಾಚೆಗತ್ ನವ್ಹ ಆತ್‍ಮ್ಯಾಚೆ ನವೆ ತರನಿ ಆಮಿ ದೇವಾಚಿ ಸೇವಾ ಕರ್ತಾವ್.

7 ಧರ್ಮಶಾಸ್ತಾರ್ ಪಾಪಿ ಮನ್ಹುನ್ ಮಿ ಸಾಂಗತ್ಯೊ ಕ್ಯಾ? ಖರ್ಯಾನಿ ನವ್ಹ. ಪಾಪ್ ಮಂಜೆ ಕ್ಯಾ ಮನ್ಹುನ್ ಸಿಕಾಯಾ ಧರ್ಮಶಾಸ್ತಾರ್ ಯಾಕುಸ್ ಮಾರ್ಗ ಜಾ಼ಲ್ಯಾ. ಧರ್ಮಶಾಸ್ತಾರ್ ನಸ್ಥತ ಬುರ್ಸಿ ಆಶಾ ಮಂಜೆ ಕ್ಯಾ ಮನ್ಹುನ್ ಮನಾ ಸಮಜ಼ತ್ ನವ್ಥಿ. “ದುಸರ‍್ಯಾಂಚಾ ಸಾಮಾನಾವ ತುಮಾನಾ ಮನ್ ರಾಹು ನಾಹಿ ಮನ್ಹುನ್ ಧರ್ಮಶಾಸ್ತಾರಾನಿ ಸಾಂಗ್‌ಲ್ಯಾ ತ್ಯ ಮನಾ ಸಮಾಜ್ಲ. 8 ಫನ್ ಪಾಪ್ ತ್ಯಾ ಆಜ್ಞಾ ಉಪೇಗ್ ಕರುನ್ ಮಾಜಿಪ ಸಗ್‌ಳೆ ತರಚಾ ಬುರ್ಶೆ ಆಶತ್ನಿ ಪ್ಯಾಡ್ಲ. ಮನ್ಹುನ್ ತೇ ಆಜ್ಞೆನಿ ಪಾಪ್ ಮಾಜಿಪ ಆಲ. ಫನ್ ಧರ್ಮಶಾಸ್ತಾರ್ ನಸ್ಥತ, ಪಾಪ್ ಮಂಥ್ಯಾಲ ರಾಹಿತ್ ನವ್ಥ. 9 ಮೀ ಧರ್ಮಶಾಸ್ತಾರ್ ಸಮಜು಼ನ್ ಗಿಹ್ಯಾಚೆ ಆಂದಿ ಧರ್ಮಶಾಸ್ತಾರ್ ನಸ್‌ಲ್ಯಾಚೆಗತ್ ಜಿತ್ತಾ ಹುತ್ತೊ. ಫನ್ ಧರ್ಮಶಾಸ್ತಾರಾಚಾ ಆಜ್ಞಾ ಮಾಜಿಪ ಆಲ್ಯಾ ತವಾ. ಪಾಪ್ ಜೀವ್ನಾ ಕರಾಯಾ ಲಾಗ್ಲ. 10 ಮೀ ಪಾಪಾಸ್ ಲಾಗುನ್ ಆತ್‍ಮ್ಯಾನಿ ಮರುನ್ ಗೇಲೊ. ಜೀವ್ ಆನಾಯಾ ವ್ಹಯಿ ಜಾ಼ಲ್ಯಾಲೆ ಆಜ್ಞಾನಿ ಮನಾ ಮರಾನ್ ಆನ್ಲ. 11 ಕಾ ಮಂಜೆ ನೆಮಾನಿ ಗಾವಲ್ಯಾಲಾ ಅವ್ಕಾಶ್ ಪಾಪ್ ಉಪಯೊಗ್ ಕರುನ್ ಮನಾ ಮೊಸ್ ಕೆಲಾ ಆನಿ ತ್ಯಚಿಸ್ ಲಾಗುನ್ ಮನಾ ಮ್ಯಾರ್ಲ.

12 ಆಸ ಆಸ್ಥಾನಾ ಧರ್ಮಶಾಸ್ತಾರ್ ನಿರ್ಮಳ್ ಹಾ, ಆನಿ ಆಜ್ಞಾ ನಿರ್ಮಳ್ ಆನಿ ಶಾರ್ಕ ಆಸ್‌ಲ್ಯಾಲ ಆನಿ ಚಾ಼ಂಗ್ಲ ಜಾ಼ಲ್ಯಾ. 13 ತಸ ಜಾ಼ಲ್ಯಾವ, ಚಾ಼ಂಗ್ಲ ತ್ಯಸ್ ಮನಾ ಮರಾನ್ ಆಂತ್ಯಾಲ ಮನ್ಹುನ್ ಕ್ಯಾ? ಆಜೆಬಾದ್ ನಾಹಿ! ಫನ್ ಪಾಪ್ ಚಾಂಗ್ಲ ತ್ಯಸ್ ಉಪೇಗ್ ಕರುನ್ ಮನಾ ಮರಾನ್ ಆಂತ. ಹ್ಯಚಿಸ್ ಲಾಗುನ್, ಮೀ ಪಾಪಾಲಾ ಸಮಜು಼ನ್ ಗೇತಲ್ಯಾ. ಪಾಪ್ ಖುಬ್ ಬುರ್ಸ ಮನ್ಹುನ್ ಆಜ್ಞಾನಿ ಸಮಾಜ್ಲ.

14 ಧರ್ಮಶಾಸ್ತಾರ್ ಆತ್ಮಿಕ್ ಜಾ಼ಲ್ಯಾ ಮನ್ಹುನ್ ಮನಾ ಠಾವ ಹಾ. ಫನ್ ಮೀ ಶಾರಿರಿಕ್ ಮಾನುಸ್. ಮೀ ಪಾಪಾಚಾ಼ ಗುಲಾಮ್ ವ್ಹವುನ್ ಇಕ್‍ಲ್ಯಾಲಾ ಜಾ಼ಲ್ಯೊ. 15 ಮೀ ಕರ್ತ್ಯಾಲಿ ಕಾಮ ಮನಾ ಸಮಜ಼ತ್ ನಾಹಿತ. ಕಾ ಮಂಜೆ ಮೀ ಕುಟ್ಲ ಚಾ಼ಂಗ್ಲ ಕಾಮ್ ಕರಾಯಾ ವ್ಹಯಿ ಮನ್ಹುನ್ ಮನ್ ಕರ್ತೊ ತೀ ಕಾಮ ಕರಾಚೆ ಆಂದಿ ಮೀ ನಕ್ವಾಟ್ ಕೇಲ್ಯಾಲ್ಯಾಲಿ ಬುರ್ಸಿ ಕಾಮಸ್ ಕರ್ತೊ. 16 ಮೀ ಕರುನಾಹಿ ಮಂಥ್ಯಾಲ ಮಿ ಕೆಲ್ಯಾವ ತ್ಯ ಹ್ಯ ದ್ಯಾವ್ತ ಕಾ ಮಂಜೆ ಮೀ ಧರ್ಮಶಾಸ್ತಾರ್ ಚಾ಼ಂಗ್ಲ ಮನ್ಹುನ್ ಮೀ ಗೆಥೊ. 17 ಆಸ ಆಸ್ಥಾನಾ ಹಿ ಬುರ್ಸಿ ಕಾಮ ಕರ್ತ್ಯಾಲಾ ಖರ‍್ಯಾನಿಸ್ ಮೀ ನವ್ಹ. ಮಾಜಿಪ ಆಸ್‌ಲ್ಯಾಲ ಪಾಪುಸ್ ಹೀ ಬುರ್ಸಿ ಕಾಮ ಕರ್ತ. 18 ವ್ಹಯ್, ಮಾಜಿಪ ಮಂಜೆ ಮಾಜಾ ಮಾನ್ಸಾಚಾ ಸ್ವಭಾವಾತ್ ಚಾ಼ಂಗ್ಲ ಕಾಯ್ ರಾಯ್ಲ ನಾಹಿ ಮನ್ಹುನ್ ಮನಾ ಠಾವ ಹಾ. ಚಾ಼ಂಗ್ಲಿ ಕಾಮ ಕರಾಯಾ ಮನಾ ಮನ್ ಆಸ್ಲ ತರಿ ತೀ ಕರುನ್ ದಾವಾಯಾ ವ್ಹಯಿತ್ ನಾಹಿತ. 19 ಕಾ ಮಂಜೆ ಕವಾ ಮೀ ಚಾ಼ಂಗ್ಲಿ ಕಾಮ ಕರಾಯಾ ವ್ಹಯಿ ಮಂಥೊ ತ್ಯ ಮೀ ಕರೀತ್ ನಾಹಿ ಕಚ಼ ಮೀ ಕರಾಯಾ ನಕೊ ಮಂಥೊ ತೀಸ್ ಬುರ್ಸಿ ಕಾಮ ಮೀ ಕರ್ತೊ. 20 ಆಸ ಆಸ್ಥಾನಾ, ಮೀ ಕರಾಯಾ ನಕೊ ಆಸ್‌ಲ್ಯಾಲಿ ಕಾಮ ಮೀ ಕಿಲಿತತ, ತೀ ಕರ್ತ್ಯಾಲಾ ಖರ‍್ಯಾನಿಸ್ ಮೀ ನವ್ಹ. ಮಾಜಿಪ ಆಸ್‌ಲ್ಯಾಲ ಪಾಪುಸ್ ತಿ ಬುರ್ಸಿ ಕಾಮ ಕರ್ತ.

21 ಆಸ ಆಸ್ಥಾನಾ, ಮೀ ಹ್ಯೊ ನೇಮ್ ಸಿಕ್‌ಲ್ಯೊ: ಮೀ ಚಾ಼ಂಗ್ಲತ್ಯ ಕರಾಯಾ ಮನ್ ಕರ್ತ್ಯಾಲ, ಬುರ್ಸ ಮಾಜಿಪ ರಾಥ. 22 ಕಾ ಮಂಜೆ ಮಾಜೆ ಆತ್ ದೇವಾಚೆ ನೇಮಾಚೆ ಗುಶ್ಟಿತ್ ಮೀ ಸಂತೊಶ್ ವ್ಹತ್ತೊ. 23 ಫನ್ ಮಾಜಾ ದಢಾತ್ ದುಸ್ರಾ ನೇಮ್ ಕಾಮ್ ಕರ್ತ್ಯಾಲಾ ಮಿ ಬಗ್ತೊ. ಮಾಜೆ ಅತ್ ವ್ಹಯ್ ಮಂಥ್ಯಾಲ್ಯಾ ನೇಮಾಚೆ ಆಡ್ವಾ ತ್ಯೊ ನೆಮ್ ಲಡ್ತೊ. ಮಾಜಾ ಮನಾತ್ ಕಾಮ್ ಕರ್ತ್ಯಾಲ್ಯಾ ತ್ಯಾ ಆನಿ ಯಕಾ ನೇಮಲಾ ನೇಮ್ ಪಾಪಾಚಾ಼ ನೇಮ್ ಜಾ಼ಲ್ಯಾ. ತ್ಯೊ ನೇಮ್ ಮನಾ ಆಪ್‌ಲ್ಯಾ ಪಾಪಾಚಾ ಗುಲಾಮಾತ್ ಬ್ಯಾಂತ. 24 ಮೀ ಕಿತಿ ಖೊಟ್ಯಾ ನಸಿಬಾಚಾ಼ ಹಾ. ಮನಾ ಮರಾನ್ ಆಂತ್ಯಾಲ ಮಾಜಾ ಮನಾತ್ನಿ ಮನಾ ರ‍ಕ್ಷನ್ ಕರ್ತ್ಯಾಲಾ ಕೊನ್? 25 ದೇವುಸ್ ಮನಾ ರ‍್ಯಾಕ್ನಾರ್! ಆಮ್ಚಾ ಪ್ರಭುಜಾ಼ಲ್ಯಾಲ್ಯಾ ಕ್ರಿಸ್ತ ಯೇಸುಸ್ ಲಾಗುನ್ ತ್ಯನಿ ದಿಲ್ಯಾಲೆ ರಕ್ಶನೆಸಾಟಿ ದೇವಾಲಾ ದನ್ಯವಾದ್ ವ್ಹವುನಿ!

ಮನ್ಹುನ್ ಮಾಜಾ ಮನಾತ್ ಮೀ ದೇವಾಚಾ ನೇಮಾಲಾ ಗುಲಾಮ್ ಜಾ಼ಲ್ಯೊ. ಫನ್ ಮಾಜಾ ಶರಿರಾಚಾ ಸ್ವಾಭಾವಾನಿ ಮೀ ಪಾಪಾಚಾ ನೇಮಾಚಾ಼ ಗುಲಾಮ್ ಜಾ಼ಲ್ಹೊ.