1 ಇಸ್ವಾಸಾತ್ ಬಳ್ ನಸ್‌ಲ್ಯಾಲ್ಯಾ ಮಾನ್ಸಾಲಾ ತುಮ್ಚಾ ಮೇಳ್ಯಾತ್ ಮಿಳ್ವುನ್ ಗೆವ್ಹಾ. ತ್ಯಚಾ ಯಕ್‌ಲ್ಯಾಚೆ ಗುಶ್ಟಿತ್ ತ್ಯಂಚಿ ಸಂಗ ಬಾಂಡಾನ್ ಕರುನಕೊಸಾ. 2 ಯೋಕ್ ಕಸ್ಲಬಿ ಜೇವಾನ್ ಖಾಯಾ ವ್ಹಯಿ ಮಂಥೊ. ಫನ್ ಇಸ್ವಾಸಾತ್ ಬಳ್ ನಸ್‌ಲ್ಯಾಲಾ ಮಾನುಸ್ ಆಪ್ನು ಬಾಜಿಪಾಲ್ಯಾಚ಼ ಜೇವಾನ್ ತ್ಯವ್ಡಸ್ ಖಾತೊ. 3 ಕಸ್ಲಬಿ ಜೇವಾನ್ ಖಾಯಾ ವ್ಹಯಿ ಮಂಥ್ಯಾಲ್ಯಾ ಮಾನ್ಸಾನಿ ಬಾಜಿಪಾಲ್ಯಾಚ಼ ಜೇವಾನ್ ಖಾತ್ಯಾಲ್ಯಾ ಮಾನ್ಸಾಚಾ಼ ತಿರ್ಮಾನ್ ಕರು ನಾಹಿ. ತಸಸ್ ಬಾಜಿಪಾಲ್ಯಾಚ಼ ಜೇವಾನ್ ಖಾತ್ಯಾಲಾ ಮಾನುಸ್ ಸಗ್ಳ ಖಾತ್ಯಾಲ್ಯಾ ಮಾನ್ಸಾಲಾ ಚು಼ಕಿಚಾ಼ ಮನ್ಹುನ್ ತೀರ್ಮಾನ್ ಕರು ನಾಹಿ. ದೇವಾನಿ ತ್ಯಾ ಮಾನ್ಸಾಲಾ ಸಾಹಿತ್ ಗೇತಲ್ಯಾ. 4 ಆನಿ ಯಕಾ ಮಾನ್ಸಾಚಾ ಸೇವಕಾಲಾ ತೀರ್ಮಾನ್ ಕರ್ನಾರಾ ತು ಕೋನ್? ತ್ಯೊ ಉಬಾ ರಾಹ್ಯಾಚ಼ ಆನಿ ಪಡಾಚಾ಼ ಧನ್ಹಿಸ್ ತೀರ್ಮಾನ್ ಕರ್ನಾರ್. ಆನಿ ತ್ಯೊ ಘಟ್ ರಾನ್ಹಾರ್ ಕಾ ಮಂಜೆ ಪ್ರಭು ತ್ಯಲಾ ಘಟ್ ಕರಾಯಾ ಶಕ್ತ ಜಾ಼ಲ್ಯಾ.

5 ಯೋಕ್ ಮಾನುಸ್ ಉರ್ಲ್ಯಾಲ್ಯಾ ಸಗ್‍ಳ್ಯಾ ದಿಸಾವ್ನಿ ಸಮಜು಼ನ್ ಗೆಥೊ. ಯಕಾ ದಿಸಾವ್ನಿ ಅನಿ ಯೋಕ್ ದೀಸ್ ಮೂಖ್ಯ ಮನ್ಹುನ್ ಸಮಜು಼ನ್ ಗೆಥೊ. ಫನ್ ಆನಿ ಯೋಕ್ ಸಗ್ಳ ದೀಸ್ ಯೋಕುಸ್ ಮನ್ಹುನ್ ಇಸ್ವಾಸ್ ಥಿವತ್ಯಾಚೆಗತ್. ಪರತೇಕ್ ಮಾನುಸ್ ಆಪ್‌ಲ್ಯಾ ಸ್ವತಾಚಾ ಮನಾತ್ ಆಪ್‍ಲ್ಯಾ ಸ್ವತಾಚಾ ಇಸ್ವಾಸಾತ್ ಖರಾ ವ್ಹವುನ್ ರಾಹ್ಯಾ ವ್ಹಯಿ. 6 ಸಗಳ್ಯಾ ದಿಸಾವ್ನಿ ಯೋಕ್ ದೀಸ್ ಮೊಟಾ ಮನ್ಹುನ್ ಯವಸ್‍ತ್ಯಾಲಾ ಮಾನುಸ್ ಪ್ರಭುಲಾ ಮಾನ್ ದಿಯಾ ಆಸ ಕರ್ತೊ ಆಸಸ್ ಸಗ್ಳೆ ತರಚ಼ ಜೇವಾನ್ ಖಾತ್ಯಾಲಾ ಮಾನುಸ್ ಪ್ರಭುಸಾಟಿಸ್ ಕರ್ತೊ, ಕಾ ಮಂಜೆ ತ್ಯೊ ತ್ಯಾ ಜೇವ್ನಾಸಾಟಿ ದೇವಾಲಾ ಕ್ರತಜ್ಞತಾ ದೇತೊ. ಆನಿ ಕೋನ್ ಸಗ್ಳ ಖಾಯಿತ್ ನಾಹಿ ತ್ಯೊ ಬಿ ಪ್ರಭುಲಾ ಮಾನ್ ದಿಯಾಸಾಟಿ ತಸ ಕರ್ತೊ, ತ್ಯೊಬಿ ದೇವಾಲಾ ಕ್ರತಜ್ಞತಾ ದೇತೊ.

7 ಆಮ್ಚಾತ್ ಕೋನ್ ಯೋಕ್ ಆಪ್ಲೆಸಾಟಿ ಜ಼ಗತ್ನಾಹಿ ಆನಿ ಆಪ್ಲೆಸಾಟಿ ಮರತ್ ನಾಹಿ. 8 ಆಮಿ ಜ಼ಗ್ಲಾವ್ತ. ಪ್ರಭುಸಾಟಿ ಜ಼ಗತಾವ್; ಮೇಲಾವ್ತ, ಪ್ರಭುಸಾಟಿ ಮರ್ತಾವ್. ಮನ್ಹುನ್ ಜ಼ಗ್ಲಾವ್ತರಿ ಮೇಲಾವ್ತರಿ ಆಮಿ ಪ್ರಭುಚಿಸ್ ಜಾ಼ಲ್ಯಾವ್. 9 ಕಾ ಮಂಜೆ ಮೆಲ್ಯಾಲ್ಯಾನಾಬಿ ಜಿತ್ತಿ ಆಸ್‌ಲ್ಯಾಲ್ಯಾನಾಬಿ ಪ್ರಭು ವ್ಹಯಾ ವ್ಹಯಿ ಮನ್ಹುನ್ ಕ್ರಿಸ್ತ್ ಮೆಲಾ ಆನಿ ಜಿವಂತ್ ಉಠುನ್ ಆಲಾ.

10 ನಿಸ್ಥಾ ಬಾಜಿ಼ಪಾಲಾ ಖಾತ್ಯಾಲಾ ತು ಬನ್ಹಿ ಬಾವ್ಹಾನಾ ಕಾ ತೀರ್ಮಾನ್ ಕರ್ತೊಸ್? ಆನಿ ಸಗ್ಳ ಖಾತ್ಯಾಲಾ ತು ಬನ್ಹಿ ಬಾವ್ಹಾನಾ ಕಾ ಖಾಲ್ಚಿ ಕರ್ತೋಸ್? ಆಮಿ ಸಗ್ಳಿ ದೇವಾಚೆ ಮೊರ‍್ಹ ಉಬಿ ರಾನ್ಹಾರ್, ತವಾ ತ್ಯೊ ಆಮಾನಾ ಸಗ್‌ಳ್ಯಾನಾ ತಿರ್ಮಾನ್ ದೇನಾರ್. 11 ವ್ಹಯ್, ಪವಿತ್ರ ಗ್ರಂಥಾತ್ ಆಸ ಲಿವ್‍ಲ್ಯಾ:

ಪರತೇಕ್ ಯೋಕ್ ಮನಾ ಆಡ್ವಾ ಪಡ್ನಾರ್. ಪರತೇಕ್ ಯೋಕ್ ಮನಾ ದೇವ್ ಮನ್ಹುನ್ ತೊಂಡಾನಿ ಸಾಂಗ್ನಾರ್. ಖರ‍್ಯಾನಿಸ್ ಮಿ ಜಿವ್ನಾ ಕರ್ತ್ಯಾಲಾ ದೆವ್ ಮನ್ಹುನ್ ಪ್ರಭು ಮಂಥೊ. 12 ಮನ್ಹುನ್ ಆಮ್ಚಾತ್ಲಾ ಪರತೇಕ್ ಯೋಕ್ ಆಮ್ಚಾ ಆಮ್ಚಾ ಜೀವ್ನಾಚೆ ಗುಶ್ಟಿತ್ ದೇವಾಲಾ ಲೆಕ್ಕಾ ವಪ್ಸಾವ್ಹಯಿ.

13 ಹ್ಯಚೆ ಬದ್ಲಿ ಆಸ್ಲ ಕಾಯ್ ಕರುನಾಹಿ ಮನ್ಹುನ್ ಆಮಿ ಆಮ್ಚಾ ಬಾವ್ಹಾಂಡಾನಾ ಆಡ್ವ ಕರುನಾಹಿ ನಾಹಿತ ತ್ಯಲಾ ಪಾಪಾತ್ ಪಡಾಯಾ ಕಾರನ್ ವ್ಹವುನಾಹಿ ಮನ್ಹುನ್ ತಿರ್ಮಾನ್ ಕರಾ. 14 ಮೀ ಪ್ರಭು ಜಾ಼ಲ್ಯಾಲ್ಯಾ ಯೇಸುಪ ಹಾ ಮನ್ಹುನ್ ಮೀ ಹೇ ಬುಲಿತ್ ಖರಾ ಹಾ. ಕಚಾ಼ ಜೆವ್ನಾಚಾ಼ ಜಿ಼ನೋಸ್ ಬುರ್ಸ ರಾಹಿತ್ನಾಹಿ; ಫನ್ ಯೊಕ್ ಮಾನುಸ್ ಥೊಡಾ ಜೇವ್ನಾಚಾ಼ ಜಿನೋಸ್ ಖಾಯಾಚಾ಼ ಬುರ್ಸ ಮನ್ಹುನ್ ಇಸ್ವಾಸ್ ಥೆವ್ಲಾತ, ತ್ಯೊ ಜೇವ್ನಾಚಾ಼ ಜಿನೋಸ್ ತ್ಯಲಾ ಬುರ್ಸ ವ್ಹತೊ.

15 ತು ಖಾತ್ಯಾಲಾ ಯೋಕ್ ಜೇವ್ನಾಚಾ಼ ಜೀನೋಸ್ ತುಜಾ ಭಾವ್ಹಾಚಾ ಇಸ್ವಾಸಾಲಾ ತು ತರಾಸ್ ಕೇಲಾಸ್ತ, ತು ಮಾಯೆಚಾ಼ ಮಾರ್ಗ ಖರ‍್ಯಾನಿಸ್ ಗಿಹಿತ್ನಾಹಿಸ್. ತುಜಾ ಜೇವ್ನಾನಿ ಕುನಾಚೆಸಾಟಿ ಕ್ರಿಸ್ತ್ ಮೇಲ್ಯಾ ತಸ್‌ಲ್ಯಾಲಾ ನಾಸ್ ಕರುನಕೊಸ್. 16 ಮನ್ಹುನ್ ತು ಕಚ಼ ಚಾ಼ಂಗ್ಲ ಮನ್ಹುನ್ ಯವಸ್ತೊಸ್ ತ್ಯ ತುಜ಼ ನಾವ್ ಹಾಳ್ ಕರಾಯಾ ದಿವುನಕೊಸಾ. 17 ದೇವಾಚಾ ರಾಜಾತ್ ಖಾಯಾಚ಼ ವ್ಹವುನಿ ಪಿಯಾಚ಼ ವ್ಹವುನಿ ಮಖ್ಯನವ್ಹ. ಫನ್ ನೀಯತ್ ಥಂಡ್ಪನ ಪವಿತ್ರಾತ್ಮಾ ದೇತ್ಯಾಲ ಆನಂದ್ ತಿಥ ಮುಖ್ಯ ಜಾ಼ಲ್ಯಾ. 18 ಹೇ ತರನಿ ಕ್ರಿಸ್ತಾಚಿ ಸೇವಾ ಕರ್ತ್ಯಾಲಾ ದೇವಾಲಾ ಆವಾಡಲ್ಯಾಲಾ ಜಾ಼ಲ್ಯಾ. ಲೋಕ ತ್ಯಲಾ ಚಾ಼ಂಗ್ಲಾ ಸ್ವಿಕಾರ್ ಕರುನ್ ಗೆನ್ಹಾರ್.

19 ಮನ್ಹುನ್ ಸಮಾಧಾನ್ ಕರ್ತ್ಯಾಲಿ ಕಾಮ ಆಮ್ಚಿಪ್ನಿ ವ್ಹಯಿಲ್ ತ್ಯವ್ಡಿ ಕರಾಯಾ ಆಮಿ ಯತ್ನ ಕರುಯಾ. ಯಕಾಮಕಾಲಾ ಖಾಯಿಮ್ಚಿ ಮಜ಼ತ್ ಜಾ಼ಲ್ಯಾಲಿ ಕಾಮ ಕರಾಯಾ ಆಮಿ ಯತ್ನ ಕರುಯಾ. 20 ದೇವಾಚಿ ಕಾಮ ನಾಸ್ ಕರಾಯಾ ಜೇವ್ನಾಲಾ ಅವ್ಕಾಶ್ ದಿವುನಕೊಸಾ. ಸಗ್ಳ ಜೇವಾಚ಼ ಜಿ಼ನೊಸ್ ಬರ ಹಾತ್ತ ಆನಿ ಖಾಯಾಲಾ ಲಾಯಕ್ ಹಾತ್ತ. ಫನ್ ಯಕ್ಲಾ ಆಪ್ನು ಖಾತ್ಯಾಲ್ಯಾ ಜೇವ್ನಾಚಾ ಜಿನೊಸಾವ್ನಿ ಆನಿ ಯಕಾ ಮಾನ್ಸಾಲಾ ಪಾಪಾತ್ ಪಾಡಾಚ಼ ಜಾ಼ಲ್ಹತ. ತ್ಯನಿ ತ್ಯ ಜೇವಾನ್ ಖಾಯಾಚ಼ಸ್ ಚು಼ಕ್.

21 ತು ಮಾಸ್ ಖಾಯಾಚ಼ ನಾಹಿತ ದರಾಕ್ಶಿಚಾ಼ ರಸ್ ಪಿಯಾಚ಼, ತುಜ಼ ಇಸ್ವಾಸಿ ಭನ್ಹಿ ಭಾಹು ಪಾಪಾತ್ ಪಾಡಾಯಾ ಕಾರನ್ ಜಾ಼ಲ್ಯಾಲ ಕಾಯ್ಬಿ ವ್ಹವುನಿ ಸಗ್‍ಳ್ಯಾತ್ನಿ ದುರ್ ರ‍್ಹಾ.

22 ಆಸ ಆಸ್ಥಾನಾ ಹೆ ಗುಶ್ಟಿತ್ ತುಲಾ ಆಸ್‌ಲ್ಯಾಲಾ ಇಸ್ವಾಸ್ ದೇವಾಚೆ ಆನಿ ತುಜೆ ಮದ್ದಿ ರಾಹುನಿ ಆಪ್ನು ಕೆಲ್ಯಾಲ್ಯಾ ಕಾಮಾಸಾಟಿ ಶಾರ್ಕ ಹಾ ಮನ್ಹುನ್ ಸಾಂಗುನ್ ಸಂಶೆವ್ ನಸ್ಥಾನಾ ವಪ್ಸುನ್ ಗೆಥಾಲಾ ದನ್ಯ 23 ಫನ್ ಕೊನ್ ಆಪ್ನು ಖಾತ್ಯಾಲ್ಯಾ ಜೀ಼ನೋಸಾತ್ ಸಂಶೆವ್ ಥೆವ್ತೊ ದೇವ್ ತ್ಯಲಾ ದುಶಿ ಮನ್ಹುನ್ ಥರ್ವಿಲ್ , ಕಾ ಮಂಜೆ ತ್ಯನಿ ಕೇಲ್ಯಾಲಿ ಕಾಮ ತ್ಯಚಾ ಇಸ್ವಾಸಾಚೆಗತ್ ನಾಹಿ. ಆನಿ ಕಚಾ಼ ಸಬೋತ್ ತ್ಯಚಾ ಇಸ್ವಾಸಾಚಾ಼ ನಾಹಿ ತ್ಯೊ ಪಾಪ್ ಜಾ಼ಲ್ಯಾ.