16
ಸ್ವತಾಚಾ಼ ನಮಸ್ಕಾರ್
1 ಕ್ರಿಸ್ತಾಪ ಆಮ್ಚಿ ಭನ್ ಜಾ಼ಲ್ಯಾಲಿ ಪೊಯಿಬೆಲಾ ಮೀ ತುಮಾನಾ ಶಿಫಾರಸ್ ಕರ್ತೊ. ಹೀ ಕೆಂಕ್ರೆ ಪೆಠತ್ ಸೇವೆ ಕರ್ತ್ಯಾಲಿ ಜಾ಼ಲೆ. 2 ತುಮಿ ತೀಲಾ ಪ್ರಬುಚಾ ನಾವಾನಿ ಗೆವ್ಹಾ. ದೇವಾಚಾ ಲೋಕಾಂಚೆ ಶಾರ್ಕ ಹಿಲಾ ಗೆವ್ಹಾ. ತಿಲಾ ವ್ಹಯಿ ಜಾ಼ಲ್ಯಾಲಿ ಮಜ಼ತ್ ಸಗ್ಳಿ ಕರಾ. ತಿ ಮನಾ ಆನಿ ಖುಬ್ ಲೊಕೊನಾ ಯೇಕ್ ಚಾ಼ಂಗ್ಲಿ ಸುಪ್ತಿನ್ ಜಾ಼ಲೆ. 3 ಪ್ರಿಸ್ಕಿಲ್ಲಾಲಾ ಆನಿ ಅಕ್ವಿಲಾಲಾ ಮಾಜಾ಼ ನಮಸ್ಕಾರ್ ಸಾಂಗಾ. ತ್ಯಾ ಕ್ರಿಸ್ತ ಯೇಸುಪ ಮಾಜಿಸಂಗ ಸೇವಾ ಕರ್ತ್ಯಾಲಾ ಜಾ಼ಲ್ಯಾತಾ. 4 ಮಾಜಿ ಸಾಟಿ ಆಪ್ಲಾ ಜೀವುಸ್ ಘಾತ್ ವ್ಹಯಿಸಾ ಕೇಲಾ. ಮೀ ತ್ಯನಾ ಉಪ್ಕಾರಾತ್ ಯಾದ್ ಕರ್ತೊ. ನಿಸ್ಥಾ ಮೀ ತ್ಯವ್ಡಾಸ್ ನವ್ಹ ಯೆಹುದಿ ನಸ್‌ಲ್ಯಾಲೆ ಸಭೆತ್ಲಿ ಸಗ್ಳಿ ತ್ಯನಾ ಉಪ್ಕಾರ್ ಕರ್ತ್ಯಾತ 5 ತ್ಯವ್ಡಸ್ ನವ್ಹ ತ್ಯಂಚಾ ಗರ‍್ಹಾತ್ ಮಿಳುನ್ ಯತ್ಯಾಲೆ ಸಭೆತ್‍ಲ್ಯಾನಾ ಮಾಜಾ಼ ನಮಸ್ಕಾರ್. ಮಾಜಾ಼ ಮಾಯೆಚಾ಼ ಸುಪ್ತಿ ಜಾ಼ಲ್ಯಾಲಾ ಎಪೈನೆತಲಾ ಮಾಜಾ಼ ನಮಸ್ಕಾರ್. ಆಶಾ ಸಿಮತ್ ಕ್ರಿಸ್ತಾವ ಇಸ್ವಾಸ್ ಥೆವ್‍ಲ್ಯಾಲ್ಯಾತ್ ತ್ಯೊಸ್ ಪೈಲಾ ಜಾ಼ಲ್ಯಾ. 6 ಮರಿಯಾಲಾ ಮಾಜಾ಼ ನಮಸ್ಕಾರ್. ತಿನಿ ತುಮ್ಚಿಸಾಟಿ ಖುಬ್ ಕಶ್ಟಾನಿ ಕಾಮ್ ಕೇಲ. 7 ಆಂದ್ರೋನಿಕಾಲಾ ಆನಿ ಯೂನ್ಯನಾಲಾ ಸಾಹಿತ್ ಮಾಜಾ಼ ನಮಸ್ಕಾರ್. ತೇ ಮಾಜಾ ಕುಳಾತ್ಲಿ ಜಾ಼ಲ್ಯಾತ. ತ್ಯವ್ಡಸ್ ನವ್ಹ ತೇ ಮಾಜಿಸಂಗ ತುರುಂಗಾತ್ ಹುತ್ತ. ಅಪೋಸ್ತಲಾನಾ ಸಾಹಿತ್ ಚಾ಼ಂಗ್ಲ ಠಾವ ಹುತ್ತ. ತೇ ಮಾಜೆ ಆಂದಿಸ್ ಕ್ರಿಸ್ತಾಚ಼ ಇಸ್ವಾಸಿ ಜಾ಼ಲ್ಯಾತ. 8 ಪ್ರಭುಪ ಮಾಜೆ ಮಾಯೆಚಾ಼ ಸುಪ್ತಿ ಜಾ಼ಲ್ಯಾಲಾ ಅಂಪ್ಲಿಯಾತಾಲಾ ಮಾಜಾ಼ ನಮಸ್ಕಾರ್. 9 ಉರ್ಬಾನಾಲಾ ಸಾಹಿತ್ ಮಾಜಾ಼ ನಮಸ್ಕಾರ್. ತ್ಯೊ ಕ್ರಿಸ್ತಾ ಸಾಟಿ ಮಾಜೆ ಸಂಗ ಕಾಮ್ದಾರ್ ಜಾ಼ಲ್ಯಾ. ಆನಿ ಮಾಜಾ಼ ಮಾಯೆಚಾ಼ ಸುಪ್ತಿ ಜಾ಼ಲ್ಯಾಲಾ ಸ್ತಾಖೂನಾಲಾ ಮಾಜಾ಼ ನಮಸ್ಕಾರ್. 10 ಅಪೆಲ್ಲಾಲಾ ಮಾಜಾ಼ ನಮಸ್ಕಾರ್. ತ್ಯೊ ಕ್ರಿಸ್ತಾಲಾ ಇಸ್ವಾಸಾಲಾ ಲಾಯಕ್ ಜಾ಼ಲ್ಯಾ ಮನ್ಹುನ್ ದಾವುನ್ ದಿಲ್ಯಾ. ಅರಿಸ್ತೆಬೂಲಾಚಾ ಕುಟ್ಮಾತ್ ರಾಥ್ಯಾಲ್ಯಾ ಸಗ್‍ಳ್ಯಾನಾ ಮಾಜಾ಼ ನಮಸ್ಕಾರ್. 11 ಮಾಜಾ ಕುಳಾತ್ಲಾ ಜಾ಼ಲ್ಯಾಲ್ಯಾ ಹೆರೊಡಿಯೊನಾಲಾಬಿ ಆನಿ ಪ್ರಭುಚಾ಼ ಜಾ಼ಲ್ಯಾಲ್ಯಾ ನಾರ್ಕಿಸಾಚಾ ಕುಟ್ಮಾತಲ್ಯಾ ಸಗಳ್ಯಾನಾಬಿ ಮಾಜಾ಼ ನಮಸ್ಕಾರ್. 12 ತ್ರುಪೈನಿಲಾ ತ್ರುಪೋಸನಿಲಾಬಿ ಮಾಜಾ಼ ನಮಸ್ಕಾರ್.
ತ್ಯಾ ಪ್ರಭುಸಾಟಿ ಖುಬ್ ತರಾಸಾನಿ ಕಾಮ್ ಕರ್ತ್ಯಾಲ್ಯಾ ಜಾ಼ಲ್ಯಾತಾ. ಆನಿ ಮಾಜೆ ಮಾಯೆಚೆ ಪೆರ್ಸಿಸನಿಲಾಬಿ ಮಾಜಾ಼ ನಮಸ್ಕಾರ್. ತಿನಿಬಿ ಪ್ರಭುಸಾಟಿ ಖುಬ್ ತರಾಸ್ ಗಿಹುನ್ ಕಾಮ ಕೇಲ್ಯಾತ.
13 ರೂಫಾಲಾ ಮಾಜಾ಼ ನಮಸ್ಕಾರ್. ತ್ಯೊ ಪ್ರಭುಪ ಖುಬ್ ಚಾ಼ಂಗ್ಲ ಕಾಮ್ ಕರ್ತ್ಯಾಲಾ. ಆನಿ ತ್ಯಚೆ ಆಯಿಲಾಬಿ ಮಾಜಾ಼ ನಮಸ್ಕಾರ್. ತಿನಿ ಮನಾ ಆಪಲ್ಯಾ ಸ್ವತಾಚಾ ಲೆಕಾಚೆಗತ್ ಬಗ್ಲಾ.
14 ಅಸುಂಕ್ರಿತಾಲಾ ಪ್ಲೆಗೊನಾಲಾ ಹೆರ್ಮೆಯಾಲಾ ಪತ್ರೋಬಾಲಾ ಹೆರ್ಮಾನಾಲಾ ಆನಿ ತ್ಯಂಚಿ ಸಂಗ ಆಸಲ್ಯಾಲ್ಯಾ ಸಗ್‍ಳ್ಯಾ ಇಸ್ವಾಸಿ ಬಾವ್ಹಾನಾಬಿ ಮಾಜಾ಼ ನಮಸ್ಕಾರ್.
15 ಪಿಲೊಲೋಗಾಲಾ ಯೂಲ್ಯಳಲಾ ನೆರ‍್ಯಲಾ ತ್ಯಚೆ ಭನ್ಹಿಲಾಬಿ ಆನಿ ಒಲುಂಪಾಲಾ ಆನಿ ತ್ಯಂಚಿಸಂಗ ಆಸಲ್ಯಾಲ್ಯಾ ದೇವಾಚಾ ಲೋಕಾನಾ ಸಾಹಿತ್ ಮಾಜಾ಼ ನಮಸ್ಕಾರ್.
16 ತುಮಿ ಯಕಾಮಕಾಲಾ ಮಾಯೆನಿ ಬೆಠಾನಾ ನಮಸ್ಕಾರ್ ಕರಾ.
ಕ್ರಿಸ್ತಾಚೆ ಸಬೆಚಿ ಸಗ್ಳಿ ತುಮಾನಾ ನಮಸ್ಕಾರ್ ಸಾಂಗತ್ಯಾತ.
ಸರ್ತ್ಯಾ ಬೊಲ್ಯಾ
17 ಬಾವ್ಹಾ ಬನ್ಹಿನು, ತುಮ್ಚಾತ್ ದುಯಿ ಗ್ಯಾಲತ್ಯಾಲ್ಯಾ ಲೊಕಾಂಚೆ ಗುಸ್ಟಿತ್ ತುಮಿ ಖುಬ್ ಜಾ಼ಗ್ರುತ್ ರಾಹ್ಯಾ ವ್ಹಯಿಸಾ ಆನಿ ದಿಸರ್ಯಾಂಚಾ಼ ಇಸ್ವಾಸ್ ಹಾಳ್ ಕರ್ತ್ಯಾಲ್ಯಾಂಚೆ ಗುಸ್ಟಿತ್ ಖುಬ್ ಜಾ಼ಗ್ರುತ್ ರಾವ್ಹಾ. ತುಮಿ ಸಿಕ್‍ಲ್ಯಾಲ್ಯಾ ಸಿಕ್ಶೆನಾಲಾ ತೀ ವೈರಿ ಜಾ಼ಲ್ಯಾತ. ತುಮಿ ತ್ಯಂಚಿಪ್ನಿ ದುರ್ ರಾವಾ ಮನ್ಹುನ್ ಇನಂತಿ ಕರ್ತೊ. 18 ಕಾ ಮಂಜೆ ತಸ್‍ಲ್ಯಾ ಖನ್ಕತಿ ಕರ್ತ್ಯಾಲಿ ಲೊಕ ಆಮ್ಚಾ ಪ್ರಭು ಕ್ರಿಸ್ತಾಚಿ ಸೆವೆ ಕರಿತ್ನಾಹಿತ. ತೀ ನಿಸ್ಥಿ ಆಪ್‍ಲ್ಯಾ ಪೋಟಾಸಾಟಿ ಹಿ ಕಾಮ ಕರಿತ್ ಹಾತ. ಬುರ್ಸ ಠಾವ ನಸ್‍ಲ್ಯಾಲ್ಯಾ ಲೊಕಾಂಚಾ ಮನಾಂಚಾ಼ ಮೋಸ್ ಕರಾಯಾ ತಿ ನವ ನಾಜು಼ಕ್ ಸಬ್ದ ಬೊಲ್ತ್ಯಾತ ಆನಿ ತೊಂಡಾ ಮೊರ್ಹ ವವ್ಯಾಳುನ್ ಬೊಲ್ತ್ಯಾತ. 19 ತುಮ್‌ಚ಼ ಕರ್ನ ಸಗಳ್ಯಾ ಇಸ್ವಾಸಿನಾ ಸಮಾಜ಼್ಲ್ಯಾ. ಮನ್ಹುನ್ ತುಮ್ಚೆ ಗುಸ್ಟಿತ್ ಮನಾ ಖುಬ್ ಸಂತೊಸ್ ವ್ಹತ್ಯೊ. ಫನ್ ಚಾ಼ಂಗ್ಲೆ ಗುಸ್ಟಿನಾ ತುಮಿ ಶಾನ ಹ್ವವುನ್ ರಾಹ್ಯಾ ವ್ಹಯಿಸಾ ಮನ್ಹುನ್ ಆನಿ ಬುರ್ಶಾ ಗುಸ್ಟಿ ಠಾವ್ಯಾ ನಸ್‍ಲ್ಯಾಲ ವ್ಹವುನ್ ರಾಹ್ಯಾ ವ್ಹಯಿಸಾ ಮನ್ಹುನ್ ಮೀ ಮನ್ ಕರ್ತೊ.
20 ಆನಿ ಶಾಂತಿ ದೆತ್ಯಾಲಾ ದೆವ್ ಬಿಗಿನಿ ಸೈತಾನಾಲಾ ಪಾಯಾ ಬುಡಿ ಗಾಲ್ಹುನ್ ತುಡುವುನ್ ಟ್ಯಾಕ್ನಾರ್,
ಆಮ್‍ಚಾ಼ ಪ್ರಭು ಯೇಸು ಕ್ರಿಸ್ತಾಚಿ ಕ್ರಪಾ ತುಮ್ಚಿ ಸಂಗ ರಾಹುನಿ.
21 ಮಾಜೆ ಸಂಗ ಕಾಮ್ ಕರ್ತ್ಯಾಲಾ ತಿಮೊಥೆ ಆನಿ ಮಾಜೆ ಸಂಗಚ಼ ಯೆಹುದಿ ಜಾ಼ಲ್ಯಾಲ ಲೂಕ್ಯ, ಯಾಸೊನ್ ಆನಿ ಸೋಸಿಪತ್ರ ಹ್ಯಂಚಾನಿ ತುಮಾನಾ ನಮಸ್ಕಾರ್ ಸಾಂಗ್‍ಲ್ಯಾ.
22 ಪೌಲ್ ಸಾಂಗತ್ಯಾಲ್ಯಾ ಗುಸ್ಟಿ ಲಿವತ್ಯಾಲಾ ತೆರ್ತೆನ್ ಮಂತ್ಯಾಲಾ ಮೀ ಸಾಹಿತ್ ತುಮಾನಾ ಪ್ರಭುಪ ನಮಸ್ಕಾರ್ ಕರ್ತೊ.
23 ಗಾಯಾ ಮಾಜಿ ದೆಕರೆಕಿ ಕರ್ತ್ಯೊ. ಆನಿ ಸಬೆಚಾ ಮಿಳನ್ಯಾಸಾಟಿ ತ್ಯಚ಼ ಘರುಸ್ ವಾಫರ್ತ್ಯಾವ್. ತ್ಯೊ ಸಾಹಿತ್ ತುಮಾನಾ ನಮಸ್ಕಾರ್ ಸಾಂಗ್‍ತ್ಯೊ. ಹೆ ಪೆಠಚಾ಼ ಖಜಾಂನ್ಸಿ ಎರಸ್ತ ಆನಿ ಆಮಚಾ಼ ಇಸ್ವಾಸಿ ಬಾಹು ಕ್ವರ್ತ ತುಮಾನಾ ನಮಸ್ಕಾರ್ ಸಾಂಗ್‍ತ್ಯಾತ. 24 “ಆಮಚಾ಼ ಪ್ರಭು ಜಾ಼ಲ್ಯಾಲ್ಯಾ ಯೇಸು ಕ್ರಿಸ್ತಾಚಿ ಕ್ರುಪಾ ತುಮ್ಚಿ ಸಗಳ್ಯಾಂಚಿಸಂಗ ರಾಹುನಿ. ಆಮೆನ್. ” *ಥೊಡ್ಯಾ ಗ್ರೀಕ್ ಪ್ರತೀತ್ ಹ್ಯ ವಚ಼ನ್ ಗಾವತ್ ನಾಹಿ
ವವ್ಯಾಳಾಚ಼ ಸರ್ತ ಮಾಗ್ನ
25 ದೇವಾಲಾ ಮೈಮೆ ಹ್ವವುನಿ. ಯೇಸು ಕ್ರಿಸ್ತಾಚೆ ಗುಶ್ಟಿತ್ ಮಿ ಸಾಂಗ್‌ಲ್ಯಾಲೆ ಬರೆ ಖಬರಿನಿ ಆನಿ ಮಾಗ್‌ಲ್ಯಾ ಕಾಲಾ ದರ್ನಿ ದಡ್ವುನ್ ಥೆವ್‌ಲ್ಯಾಲೆ ಗುಟ್ ಆತಾ ಉಜಿಡಾಸ್ ಯವುನ್ ತುಮ್ಚಾ ಇಸ್ವಾಸಾತ್ ತುಮಿ ಘಟ್ ಉಬಿ ರಾಹ್ಯಾ ತ್ಯೊ ಶಕ್ತ ಜಾ಼ಲ್ಯಾ. 26 ಫನ್ ಆತಾ ಖಾಯಿಮ್ಚಾ ದೇವಾಚಿ ಆಜ್ಞಾ ಆನಿ ಪ್ರವಾಂದಿಂಚಾ ಲಿವ್‍ನ್ಯಾನಿ ತ್ಯ ಖರ ಸಗ್ಳೆ ದೆಶೆತ್ಲಿ ಇಸ್ವಾಸ್ ಥೆವಾಸಾಟಿ ಆನಿ ವಾಕುನ್ ಚಾ಼ಲಾಯಾಸಾಟಿ ದ್ಯಾವ್‍ಲ್ಯಾ. 27 ಯಕ್ಲಾಸ್ ಜ್ಞಾನಿ ಜಾ಼ಲ್ಯಾಲ್ಯಾ ದೇವಾಲಾ ಯೇಸುಕ್ರಿಸ್ತಾಪ್ನಿ ಖಾಯಿಮ್ ಮೈಮೆ ವ್ಹವುನಿ. ಆಮೆನ್.