8
Jeju in njekujənyamosɨ kadikare kibo
1 Ta kɨ bo utə kɨ kadɨ j’eli dɔ ta’tɨ kin ə to kin: J’awi kɨ kibo lə njekujənyamosɨ kadikare’gɨ kɨ be kin non, kɨ isɨ me dɔran’tɨ, dɔjikɔl lo kisɨ Konɓe’tɨ lə Luwə, kɨ nje tɔgɨ kɨ ətɨ ɓol* 8.1 Pa’gɨ 110.1. 2 Isɨ nje ra kulə lə’ne adɨ Luwə me lo’tɨ kɨ ar njay, kɨ me *kəyku kɨ rɔta’tɨ kɨ Burəɓe inɓe ə ra um in de ə ra el.
3 Kibo lə njekujənyamosɨ kadikare’gɨ, kare kare pətɨ, kulə lə’de in kadɨ adi nya’gɨ Luwə num, rei kɨ kadikare mosɨ’gɨ num tɔ. Be tɔ ə, in gorow’ə’tɨ kadɨ Jeju kaa, aw kɨ nya kadɨ adɨ kadikare’tɨ tɔ. 4 Tokɨ rɔta’tɨ, re Jeju in dɔnangɨ’tɨ ne ningə, a in njekujənyamosɨ kadikare el, tadɔ njekujənyamosɨ kadikare’gɨ kɨ isɨ rai kulə kin kigo ndukun’tɨ lə Mojɨ, sii dɔnangɨ’tɨ ne ə binəm nga. 5 *Njekujənyamosɨ kadikare’gɨ kakin, isɨ ra kulə me kəyku’tɨ lə Luwə. Nan kəy kin in ndil nya par kɨ rɔta’tɨ kɨ to dɔran’tɨ. Tokɨ rɔta’tɨ, lokɨ Mojɨ ulə ngirə kadɨ ra kəyku lə Luwə, Luwə el’ə ene: «Ur mbi majɨ oo’n dɔ ta kɨ m’a m’el’i kam: majɨ kadɨ ra kəyku lə Luwə kin tokɨ ndɔkɨ m’ɔj’i dɔ mbal’tɨ† 8.5 Tekitaga 25.40.» 6 Nan ngɔsine, Jeju aw kɨ kulə kɨ nda’a in ngayn utə kulə lə njekujənyamosɨ kadikare’gɨ. Adɨ in ə, in nje ra mbunə lo’tɨ tadɔ kunmindɨ kɨ majɨ utə, kɨ ngirə in kɨ kində dɔ kunndu’tɨ kɨ majɨ utə tɔ.
Kunmindɨ kɨ kɔkɔ kɨ kɨ sigɨ
7 Re kunmindɨ kɨ kete asɨ kadɨ tɔlta’ne ndakɨ nga ə‡ 8.7 Tekitaga 24.3-8, Luwə a aw kɨ ndoo kində kunmindɨ kɨ rangɨ kɨ njajoo el nga. 8 Nan, Luwə kɔl kɨ de’gɨ lə’ne tadɔ majel’gɨ kɨ rai, ene:
Oyi ndɔ’gɨ a rei non,
kɨ m’a m’un mindɨ’m kɨ sigɨ,
kɨ de’gɨ kɨ Isirayel’tɨ num,
kɨ de’gɨ kɨ Jude’tɨ num tɔ.
9 Kunmindɨ kin, a to to kunmindɨ,
kɨ ndɔkɨ m’un kɨ kaw’de’gɨ el,
ndɔkɨ m’uwə’n ji’de
kadɨ m’te’n se’de dɔnangɨ Ejipitɨ’tɨ kɨ taga kin.
Lo kadɨ rai dɔ nja’de’tɨ sə’m me kunmindɨ’tɨ kin goto.
Be ə, m’in Burəɓe, m’a m’təl gidɨ’m madɨ’de tɔ.
10 Burəɓe ene:
Kunmindɨ kɨ m’a m’un madɨ
de’gɨ kɨ Isirayel’tɨ go ndɔ’gɨ’tɨ kin ə to kin:
M’a m’adɨ’de nyagər
kadɨ gəri ndukun’gɨ lə’m,
M’a m’ndangɨ ndukun’gɨ kakin ngarme’de’tɨ.
M’a m’in Luwə lə’de,
ə a in de’gɨ lə’m tɔ.
11 De madɨ kare kɨ a aw
ndo’de kɨ me ɓe’tɨ lə’ne,
eke ngonnkon’ne kadɨ gərɨ’m goto,
tadɔ de’gɨ pətɨ,
ulə ngirə dɔ de’gɨ kɨ tɔgɨ’tɨ bitɨ te’n dɔ ngann’gɨ kɨ du’tɨ,
a gəri m’in.
12 M’a m’inyə go ra go’tɨ el’gɨ lə’de kɔ,
me’m a oyi dɔ majel’gɨ’tɨ lə’de ratata§ 8.12 Jeremi 31.31-34.
13 Lokɨ Luwə elta dɔ kunmindɨ kɨ sigɨ’tɨ ningə, in kin ɔjɨ kadɨ təl in kɨ kete to nya kɨ kɔkɔ’tɨ. Ningə j’in pətɨ jɨ gəri kadɨ re nya to kɔkɨ ningə nanyi ngayn el kadɨ a goto.