Η Καινή Διαθήκη 1 Corinthians 2

Not with human wisdom but with God’s power

1 Κἀγὼ ἐλθὼν πρὸς ὑμᾶς, ἀδελφοί, ἦλθον οὐ καθ᾿ ὑπεροχὴν λόγου ἢ σοφίας καταγγέλλων* ὑμῖν τὸ μαρτύριον† τοῦ Θεοῦ. 2 Οὐ γὰρ ἔκρινα τοῦ‡ εἰδέναι τι§ ἐν ὑμῖν εἰ μὴ Ἰησοῦν Χριστὸν καὶ τοῦτον ἐσταυρωμένον. 3 Καί, ἐγὼ* ἐν ἀσθενείᾳ καὶ ἐν φόβῳ καὶ ἐν τρόμῳ πολλῷ ἐγενόμην πρὸς ὑμᾶς. 4 Καί, ὁ λόγος μου καὶ τὸ κήρυγμά μου οὐκ ἐν πειθοῖς† ἀνθρωπίνης‡ σοφίας λόγοις,§ ἀλλ᾿ ἐν ἀποδείξει Πνεύματος καὶ δυνάμεως, 5 ἵνα ἡ πίστις ὑμῶν* μὴ ᾖ ἐν σοφίᾳ ἀνθρώπων, ἀλλ᾿ ἐν δυνάμει Θεοῦ.

Wisdom for the mature

6 Σοφίαν δὲ λαλοῦμεν ἐν τοῖς τελείοις, σοφίαν δὲ οὐ τοῦ αἰῶνος τούτου, οὐδὲ τῶν ἀρχόντων τοῦ αἰῶνος τούτου, τῶν καταργουμένων· 7 ἀλλὰ λαλοῦμεν σοφίαν Θεοῦ† ἐν μυστηρίῳ, τὴν ἀποκεκρυμμένην ἣν προώρισεν ὁ Θεὸς πρὸ τῶν αἰώνων εἰς δόξαν ἡμῶν, 8 ἣν οὐδεὶς τῶν ἀρχόντων τοῦ αἰῶνος τούτου ἔγνωκεν (εἰ γὰρ ἔγνωσαν, οὐκ ἂν τὸν Κύριον τῆς δόξης ἐσταύρωσαν). 9 Ἀλλὰ καθὼς γέγραπται· «Ἃ ὀφθαλμὸς οὐκ εἶδεν‡ καὶ οὖς οὐκ ἤκουσεν, καὶ ἐπὶ καρδίαν ἀνθρώπου οὐκ ἀνέβη, ἃ ἡτοίμασεν ὁ Θεὸς τοῖς ἀγαπῶσιν αὐτόν.» 10 Ἡμῖν δὲ ὁ Θεὸς ἀπεκάλυψεν§ διὰ τοῦ Πνεύματος αὐτοῦ·* τὸ γὰρ Πνεῦμα πάντα ἐρευνᾷ,† καὶ τὰ βάθη τοῦ Θεοῦ.

11 Τίς γὰρ οἶδεν ἀνθρώπων τὰ τοῦ ἀνθρώπου εἰ μὴ τὸ πνεῦμα τοῦ ἀνθρώπου τὸ ἐν αὐτῷ; Οὕτως καὶ τὰ τοῦ Θεοῦ οὐδεὶς οἶδεν‡ εἰ μὴ τὸ Πνεῦμα τοῦ Θεοῦ. 12 Ἡμεῖς δὲ οὐ τὸ πνεῦμα§ τοῦ κόσμου ἐλάβομεν ἀλλὰ τὸ Πνεῦμα τὸ ἐκ τοῦ Θεοῦ, ἵνα εἰδῶμεν* τὰ ὑπὸ τοῦ Θεοῦ χαρισθέντα ἡμῖν· 13 ἃ καὶ λαλοῦμεν, οὐκ ἐν διδακτοῖς ἀνθρωπίνης σοφίας λόγοις, ἀλλ᾿ ἐν διδακτοῖς Πνεύματος Ἁγίου,† πνευματικοῖς πνευματικὰ συγκρίνοντες.

14 Ψυχικὸς δὲ ἄνθρωπος οὐ δέχεται τὰ τοῦ Πνεύματος τοῦ Θεοῦ, μωρία γὰρ αὐτῷ ἐστιν· καί, οὐ δύναται γνῶναι, ὅτι πνευματικῶς ἀνακρίνεται. 15 Ὁ δὲ πνευματικὸς ἀνακρίνει μὲν‡ πάντα, αὐτὸς δὲ ὑπ᾿ οὐδενὸς ἀνακρίνεται. 16 «Τίς γὰρ ἔγνω νοῦν Κυρίου, ὃς συμβιβάσει αὐτόν;» Ἡμεῖς δὲ νοῦν Χριστοῦ ἔχομεν.

*2:1 καταγγελλων rell ¦ καταγγελων [4%] CP

†2:1 μαρτυριον f35 B (94.1%) HF,RP,OC,TR,CP ¦ μυστηριον 𝕻46vℵA,C (4.4%) NU ¦ four other readings (1.5%)

‡2:2 του f35 [93%] HF,RP,OC,TR,CP ¦ — ℵA,B,C [7%] NU

§2:2 ειδεναι τι f35 ℵA [97%] HF,RP,OC,TR,CP ¦ ~ 21 B,C [3%] NU

*2:3 και εγω f35 [92%] HF,RP,OC,TR,CP ¦ καγω ℵA,B,C [8%] NU

†2:4 πειθοις f35 𝕻46B,C (83.7%) HF,RP,OC,TR,CP[NU] ¦ πειθοι (11.9%) ¦ πιθοις ℵA (3.2%) ¦ six other readings (1.2%)

‡2:4 ανθρωπινης f35 A,C (85.2%) HF,RP,OC,TR,CP ¦ ανθρωπινοις (9.8%) ¦ — 𝕻46ℵB (5%) NU

§2:4 λογοις f35 A,B,C (97.5%) HF,RP,OC,TR,CP[NU] ¦ λογος ℵ (0.5%) ¦ λογου (0.5%) ¦ λογων (0.2%) ¦ — 𝕻46 (1.3%)

*2:5 υμων f35 𝕻46ℵA,B,C [95%] HF,RP,OC,TR,NU ¦ ημων [5%] CP

†2:7 σοφιαν θεου f35 [88%] HF,RP,OC,TR,CP ¦ ~ 21 𝕻46ℵA,B,C [12%] NU

‡2:9 ειδεν rell ¦ οιδε [12%]

§2:10 ο θεος απεκαλυψεν f35 [95%] HF,RP,OC,TR,CP ¦ ~ 312 𝕻46ℵA,B,C [5%] NU

*2:10 αυτου f35 [98%] HF,RP,OC,TR,CP ¦ — 𝕻46ℵA,B,C [2%] NU

†2:10 ερευνα f35 [99%] HF,RP,OC,TR,CP ¦ εραυνα 𝕻46ℵA,B,C [1%] NU

‡2:11 οιδεν f35 [95%] HF,RP,OC,TR,CP ¦ εγνωκεν 𝕻46ℵA,B,C [4%] NU ¦ three other readings [1%]

§2:12 πνευμα rell ¦ 1 το [20%]

*2:12 ειδωμεν f35 ℵA,B,C [74%] HF,RP,OC,TR,NU ¦ ιδωμεν 𝕻46 [25%] ¦ οιδωμεν CP ¦ ιδομεν [1%]

†2:13 αγιου f35 0185 [96%] HF,RP,OC,TR,CP ¦ — 𝕻46ℵA,B [4%] NU

‡2:15 μεν f35 B [97%] HF,RP,OC,TR,CP ¦ τα 𝕻46A,C [1%] [NU] ¦ 1 τα [2%] ¦ one other variant ¦ ℵ omits the whole verse [homoioteleuton]