Η Καινή Διαθήκη Acts 25

Festus

1 Φῆστος οὖν ἐπιβὰς τῇ ἐπαρχίᾳ,* μετὰ τρεῖς ἡμέρας ἀνέβη εἰς Ἱεροσόλυμα ἀπὸ Καισαρείας. 2 Ἐνεφάνισαν† δὲ‡ αὐτῷ οἱ ἀρχιερεῖς§ καὶ οἱ πρῶτοι τῶν Ἰουδαίων κατὰ τοῦ Παύλου, καὶ παρεκάλουν αὐτόν, 3 αἰτούμενοι χάριν κατ᾿ αὐτοῦ ὅπως μεταπέμψηται αὐτὸν εἰς Ἱερουσαλήμ—ἐνέδραν ποιοῦντες ἀνελεῖν αὐτὸν κατὰ τὴν ὁδόν. 4 Ὁ μὲν οὖν Φῆστος ἀπεκρίθη τηρεῖσθαι τὸν Παῦλον ἐν Καισαρείᾳ,* ἑαυτὸν δὲ μέλλειν ἐν τάχει ἐκπορεύεσθαι. 5 «Οἱ οὖν δυνατοὶ ἐν ὑμῖν,» φησίν,† «συγκαταβάντες, εἴ τί ἐστιν ἐν τῷ ἀνδρὶ τούτῳ,‡ κατηγορείτωσαν αὐτοῦ.» 6 Διατρίψας δὲ ἐν αὐτοῖς ἡμέρας§ πλείους ἢ δέκα,* καταβὰς εἰς Καισάρειαν· τῇ ἐπαύριον καθίσας† ἐπὶ τοῦ βήματος ἐκέλευσεν τὸν Παῦλον ἀχθῆναι. 7 Παραγενομένου δὲ αὐτοῦ, περιέστησαν‡ οἱ ἀπὸ Ἱεροσολύμων καταβεβηκότες Ἰουδαῖοι, πολλὰ καὶ βαρέα αἰτιάματα§ φέροντες κατὰ τοῦ Παύλου* ἃ οὐκ ἴσχυον ἀποδεῖξαι, 8 ἀπολογουμένου αὐτοῦ† ὅτι «Οὔτε εἰς τὸν νόμον τῶν Ἰουδαίων οὔτε εἰς τὸ ἱερὸν οὔτε εἰς Καίσαρά τι‡ ἥμαρτον.» 9 Ὁ Φῆστος δέ, τοῖς Ἰουδαίοις θέλων§ χάριν καταθέσθαι, ἀποκριθεὶς τῷ Παύλῳ εἶπεν, «Θέλεις εἰς Ἱεροσόλυμα* ἀναβάς, ἐκεῖ περὶ τούτων κρίνεσθαι† ὑπ᾿‡ ἐμοῦ;» 10 Εἶπεν δὲ ὁ Παῦλος· «Ἐπὶ τοῦ βήματος Καίσαρος ἑστώς εἰμι, οὗ με δεῖ κρίνεσθαι. Ἰουδαίους οὐδὲν ἠδίκησα, ὡς καὶ σὺ κάλλιον ἐπιγινώσκεις. 11 Εἰ μὲν γὰρ§ ἀδικῶ καὶ ἄξιον θανάτου πέπραχά τι, οὐ παραιτοῦμαι τὸ* ἀποθανεῖν· εἰ δὲ οὐδέν ἐστιν ὧν οὗτοι κατηγοροῦσίν μου, οὐδείς με δύναται αὐτοῖς χαρίσασθαι. Καίσαρα ἐπικαλοῦμαι.» 12 Τότε ὁ Φῆστος, συλλαλήσας μετὰ τοῦ συμβουλίου ἀπεκρίθη· «Καίσαρα ἐπικέκλησαι. Ἐπὶ Καίσαρα πορεύσῃ.»

Agrippa

13 Ἡμερῶν δὲ διαγενομένων τινῶν, Ἀγρίππας ὁ βασιλεὺς καὶ Βερνίκη κατήντησαν εἰς Καισάρειαν ἀσπασόμενοι† τὸν Φῆστον. 14 Ὡς δὲ πλείους ἡμέρας διέτριβον‡ ἐκεῖ, ὁ Φῆστος τῷ βασιλεῖ ἀνέθετο τὰ κατὰ τὸν Παῦλον λέγων· «Ἀνήρ τίς ἐστιν καταλελειμμένος ὑπὸ Φήλικος§ δέσμιος, 15 περὶ οὗ, γενομένου μου εἰς Ἱεροσόλυμα, ἐνεφάνισαν οἱ ἀρχιερεῖς καὶ οἱ πρεσβύτεροι τῶν Ἰουδαίων, αἰτούμενοι κατ᾿ αὐτοῦ δίκην·* 16 πρὸς οὓς ἀπεκρίθην ὅτι οὐκ ἔστιν ἔθος Ῥωμαίοις χαρίζεσθαί τινα ἄνθρωπον εἰς ἀπώλειαν† πρὶν ἢ ὁ κατηγορούμενος κατὰ πρόσωπον ἔχοι τοὺς κατηγόρους, τόπον τε ἀπολογίας λάβοι περὶ τοῦ ἐγκλήματος. 17 Συνελθόντων οὖν αὐτῶν ἐνθάδε,‡ ἀναβολὴν μηδεμίαν ποιησάμενος, τῇ ἑξῆς καθίσας ἐπὶ τοῦ βήματος, ἐκέλευσα ἀχθῆναι τὸν ἄνδρα· 18 περὶ οὗ σταθέντες οἱ κατήγοροι οὐδεμίαν αἰτίαν ἐπέφερον§ ὧν ὑπενόουν ἐγώ,* 19 ζητήματα δέ τινα περὶ τῆς ἰδίας δεισιδαιμονίας† εἶχον πρὸς αὐτόν, καὶ περί τινος Ἰησοῦ τεθνηκότος ὃν ἔφασκεν ὁ Παῦλος ζῆν. 20 Ἀπορούμενος δὲ ἐγὼ‡ περὶ τὴν§ τούτων* ζήτησιν, ἔλεγον εἰ βούλοιτο πορεύεσθαι εἰς Ἱερουσαλὴμ† κἀκεῖ κρίνεσθαι περὶ τούτων. 21 Τοῦ δὲ Παύλου ἐπικαλεσαμένου τηρηθῆναι αὐτὸν εἰς τὴν τοῦ Σεβαστοῦ διάγνωσιν, ἐκέλευσα τηρεῖσθαι αὐτὸν ἕως οὗ πέμψω‡ αὐτὸν πρὸς Καίσαρα.»

22 Ἀγρίππας δὲ πρὸς τὸν Φῆστον ἔφη,§ «Ἐβουλόμην καὶ αὐτὸς τοῦ ἀνθρώπου ἀκοῦσαι.» Ὁ δέ,* «Αὔριον,» φησίν, «ἀκούσῃ αὐτοῦ.» 23 Τῇ οὖν ἐπαύριον, ἐλθόντος τοῦ Ἀγρίππα καὶ τῆς Βερνίκης μετὰ πολλῆς φαντασίας καὶ εἰσελθόντων εἰς τὸ ἀκροατήριον,† σύν τε τοῖς‡ χιλιάρχοις καὶ ἀνδράσιν τοῖς κατ᾿ ἐξοχὴν οὖσιν§ τῆς πόλεως, καὶ κελεύσαντος τοῦ Φήστου, ἤχθη ὁ Παῦλος. 24 Καί φησιν ὁ Φῆστος· «Ἀγρίππα βασιλεῦ, καὶ πάντες οἱ συμπαρόντες ἡμῖν ἄνδρες· θεωρεῖτε τοῦτον, περὶ οὗ πᾶν* τὸ πλῆθος τῶν Ἰουδαίων ἐνέτυχόν μοι, ἔν τε Ἱεροσολύμοις καὶ ἐνθάδε, ἐπιβοῶντες† μὴ δεῖν ζῆν αὐτὸν‡ μηκέτι. 25 Ἐγὼ δὲ καταλαβόμενος§ μηδὲν ἄξιον θανάτου αὐτὸν* πεπραχέναι, καὶ† αὐτοῦ δὲ τούτου ἐπικαλεσαμένου τὸν Σεβαστόν, ἔκρινα πέμπειν αὐτόν.‡ 26 Περὶ οὗ ἀσφαλές τι γράψαι τῷ κυρίῳ οὐκ ἔχω. Διὸ προήγαγον αὐτὸν ἐφ᾿ ὑμῶν, καὶ μάλιστα ἐπὶ σοῦ, Βασιλεῦ Ἀγρίππα, ὅπως τῆς ἀνακρίσεως γενομένης§ σχῶ τι γράψαι.* 27 Ἄλογον γάρ μοι δοκεῖ πέμποντα δέσμιον, μὴ καὶ τὰς κατ᾿ αὐτοῦ αἰτίας σημᾶναι.»

Acts
<
25
>

*25:1 επαρχια rell ¦ επαρχεια B [1%] NU ¦ επαρχιω ℵ [1%] ¦ επαρχειω A ¦ two other variants

†25:2 ενεφανισαν rell ¦ ανεφανισαν CP ¦ ενεφανησαν [6%] ¦ two other variants

‡25:2 δε f35 [96%] HF,RP,OC,TR,CP ¦ τε ℵA,B,C [4%] NU

§25:2 οι αρχιερεις f35 ℵA,B,C [40%] NU ¦ ο αρχιερευς [55%] HF,RP,OC,TR ¦ ο τε αρχιερευς [5%] CP

*25:4 εν καισαρεια f35 [96%] HF,RP,OC,TR,CP ¦ εις καισαρειαν (ℵA)B,C [4%] NU

†25:5 δυνατοι εν υμιν φησιν f35 [95%] HF,RP,OC,TR,CP ¦ ~ 23 (ημιν ℵ) 41 (ℵ)A,B,C [5%] NU

‡25:5 τουτω f35 (74.2%) HF,RP,OC,TR,CP ¦ ατοπον ℵA,B,C (9.4%) NU ¦ 1 ατοπον (13.3%) ¦ ~ ατοπον 1 (3.1%)

§25:6 ημερας f35 [95%] HF,RP,OC,TR,CP ¦ 1 ου (ℵ)A,B,C [5%] NU

*25:6 η δεκα f35 [92%] HF,RP,OC,TR ¦ 1 οκτω CP ¦ οκτω 12 ℵA,B,C [8%] NU

†25:6 καθισας rell ¦ καθησας (A) [15%]

‡25:7 περιεστησαν f35 [90%] HF,RP,OC,TR,CP ¦ 1 αυτον ℵA,B,C [9%] NU ¦ 1 αυτω [1%]

§25:7 αιτιαματα f35 [70%] TR ¦ αιτιωματα ℵA,B,C [30%] HF,RP,OC,CP,NU ¦ two other variants

*25:7 φεροντες κατα του παυλου f35 [95%] HF,RP,OC,TR,CP ¦ καταφεροντες ℵA,B,C [3%] NU ¦ καταφεροντες 34 [1%] ¦ two other variants [1%]

†25:8 απολογουμενου αυτου f35 [90%] HF,RP,OC,TR,CP ¦ ~ του παυλου 1 ℵA,B,C [10%] NU

‡25:8 τι rell ¦ — [2%] CP

§25:9 τοις ιουδαιοις θελων f35 [90%] HF,RP,TR,CP ¦ ~ 312 ℵA,B,C [10%] OC,NU

*25:9 ιεροσολυμα rell ¦ ιερουσαλημ OC

†25:9 κρινεσθαι f35 [95%] HF,RP,OC,TR,CP ¦ κριθηναι ℵA,B,C [5%] NU

‡25:9 ὑπ f35 [35%] ¦ επ ℵA,B,C [63%] HF,RP,OC,TR,CP,NU ¦ επι [2%]

§25:11 γαρ f35 [90%] HF,RP,OC,TR,CP ¦ ουν ℵA,B,C [10%] NU

*25:11 το f35 ℵA,B,C [65%] HF,RP,OC,TR,CP,NU ¦ του [35%]

†25:13 ασπασομενοι f35 [40%] OC,TR ¦ ασπασαμενοι ℵA,B [60%] HF,RP,CP,NU

‡25:14 διετριβον f35 ℵA(B)C [55%] OC,TR,NU ¦ διετριβεν [45%] HF,RP,CP

§25:14 φηλικος f35 ℵA,B,C [52%] HF,RP,OC,TR,NU ¦ φιληκος [37%] CP ¦ φιλικος [11%]

*25:15 δικην f35 [95%] HF,RP,OC,TR,CP ¦ καταδικην ℵA,B,C [5%] NU

†25:16 εις απωλειαν f35 (92.5%) HF,RP,OC,TR,CP ¦ — ℵA,B,C (7.5%) NU

‡25:17 αυτων ενθαδε f35 ℵA (88.8%) HF,RP,OC,TR[NU] ¦ 2 B (7.5%) CP ¦ ~ 21 C (3.7%)

§25:18 επεφερον f35 [85%] HF,RP,OC,TR,CP ¦ εφερον ℵA,B,C [10%] NU ¦ υπεφερον [5%]

*25:18 υπενοουν εγω f35 [91%] HF,RP,OC,TR,CP ¦ 12 πονηραν [5%] ¦ ~ 21 πονηρων B [1%] NU ¦ ~ 21 πονηραν (ℵ)A,C [3%]

†25:19 δεισιδαιμονιας rell ¦ δυσειδαιμονιας CP ¦ δισιδαιμονιας ℵA,B [2%] ¦ three other variants

‡25:20 εγω f35 ℵA,B [90%] HF,RP,OC,CP,NU ¦ 1 εις C [10%] TR

§25:20 περι την f35 [22%] ¦ 2 [2%] ¦ ~ 21 ℵA,B,C [76%] HF,RP,OC,TR,CP,NU

*25:20 τουτων f35 ℵA,B,C [35%] NU ¦ τουτου [65%] HF,RP,OC,TR,CP

†25:20 ιερουσαλημ f35 [80%] HF,RP,TR,CP ¦ ιεροσολυμα ℵA,B,C [20%] OC,NU

‡25:21 πεμψω f35 [87%] HF,RP,OC,TR,CP ¦ αναπεμψω ℵA,B,C [8%] NU ¦ πεμψας [5%]

§25:22 εφη f35 C [98%] HF,RP,OC,TR,CP ¦ — ℵA,B [2%] NU

*25:22 ο δε f35 C [98%] HF,RP,OC,TR,CP ¦ — ℵA,B [2%] NU

†25:23 ακροατηριον rell ¦ ακροτηριον (ℵ) [17%] ¦ πραιτωριον [5%]

‡25:23 τοις f35 [93%] HF,RP,OC,TR,CP ¦ — ℵA,B,C [7%] NU

§25:23 ουσιν f35 [96%] HF,RP,OC,TR,CP ¦ — ℵA,B,C [4%] NU

*25:24 παν f35 [89%] HF,RP,OC,TR,CP ¦ απαν ℵA,B,C [10%] NU ¦ — [1%]

†25:24 επιβοωντες f35 C [98%] HF,RP,OC,TR,CP ¦ βοωντες ℵA,B [2%] NU

‡25:24 ζην αυτον f35 [85%] HF,RP,OC,TR,CP ¦ ~ 21 ℵA,C [15%] NU ¦ 2 B

§25:25 καταλαβομενος f35 ℵ [95%] HF,RP,OC,TR,CP ¦ κατελαβομην A,B,C [5%] NU

*25:25 θανατου αυτον f35 ℵ [97%] HF,RP,OC,TR,CP ¦ ~ 21 A,B,C [3%] NU

†25:25 και f35 [95%] HF,RP,OC,TR,CP ¦ — ℵA,B,C [5%] NU

‡25:25 αυτον f35 [96%] HF,RP,OC,TR,CP ¦ — ℵA,B,C [4%] NU

§25:26 γενομενης rell ¦ γινομενης [24%] ¦ one other variant

*25:26 γραψαι f35 [93%] HF,RP,OC,TR,CP ¦ γραψω ℵA,B,C [7%] NU