Η Καινή Διαθήκη Ephesians 2

Our position in Christ

1 Καὶ ὑμᾶς,* ὄντας νεκροὺς τοῖς παραπτώμασιν καὶ ταῖς ἁμαρτίαις,† 2 ἐν αἷς ποτε περιεπατήσατε, κατὰ τὸν Αἰῶνα τοῦ κόσμου τούτου, κατὰ τὸν ἄρχοντα τῆς ἐξουσίας τοῦ ἀέρος, τοῦ πνεύματος τοῦ νῦν ἐνεργοῦντος ἐν τοῖς υἱοῖς τῆς ἀπειθείας· 3 ἐν οἷς καὶ ἡμεῖς πάντες ἀνεστράφημέν ποτε ἐν ταῖς ἐπιθυμίαις τῆς σαρκὸς ἡμῶν, ποιοῦντες τὰ θελήματα τῆς σαρκὸς καὶ τῶν διανοιῶν, καὶ ἦμεν‡ τέκνα φύσει§ ὀργῆς, ὡς καὶ οἱ λοιποί. 4 Ὁ δὲ Θεός—πλούσιος ὢν ἐν ἐλέει, διὰ τὴν πολλὴν ἀγάπην αὐτοῦ ἣν ἠγάπησεν ἡμᾶς, 5 καὶ ὄντας ἡμᾶς νεκροὺς τοῖς παραπτώμασιν—συνεζωοποίησεν τῷ Χριστῷ (χάριτί ἐστε σεσωσμένοι) 6 καὶ συνήγειρεν καὶ συνεκάθισεν ἐν τοῖς ἐπουρανίοις ἐν Χριστῷ Ἰησοῦ, 7 ἵνα ἐνδείξηται ἐν τοῖς αἰῶσιν τοῖς ἐπερχομένοις τὸν ὑπερβάλλοντα πλοῦτον* τῆς χάριτος αὐτοῦ, ἐν χρηστότητι ἐφ᾿ ἡμᾶς ἐν Χριστῷ Ἰησοῦ. 8 Τῇ γὰρ χάριτί ἐστε σεσωσμένοι, διὰ τῆς† πίστεως—καὶ τοῦτο οὐκ ἐξ ὑμῶν, Θεοῦ τὸ δῶρον— 9 οὐκ ἐξ ἔργων, ἵνα μή τις καυχήσηται. 10 Αὐτοῦ γάρ ἐσμεν ποίημα, κτισθέντες ἐν Χριστῷ Ἰησοῦ ἐπὶ‡ ἔργοις ἀγαθοῖς, οἷς προητοίμασεν ὁ Θεὸς ἵνα ἐν αὐτοῖς περιπατήσωμεν.

Once far, now near in Christ

11 Διό, μνημονεύετε ὅτι ὑμεῖς ποτε§ τὰ ἔθνη ἐν σαρκί—οἱ λεγόμενοι ἀκροβυστία ὑπὸ τῆς λεγομένης περιτομῆς (ἐν σαρκὶ χειροποιήτου)— 12 ὅτι ἦτε ἐν* τῷ καιρῷ ἐκείνῳ χωρὶς Χριστοῦ, ἀπηλλοτριωμένοι τῆς πολιτείας τοῦ Ἰσραὴλ καὶ ξένοι τῶν διαθηκῶν τῆς ἐπαγγελίας, ἐλπίδα μὴ ἔχοντες καὶ ἄθεοι ἐν τῷ κόσμῳ. 13 Νυνὶ δὲ ἐν Χριστῷ Ἰησοῦ ὑμεῖς οἱ ποτὲ ὄντες μακρὰν ἐγγὺς ἐγενήθητε† ἐν τῷ αἵματι τοῦ Χριστοῦ.

Two into one

14 Αὐτὸς γάρ ἐστιν ἡ εἰρήνη ἡμῶν, ὁ ποιήσας τὰ ἀμφότερα ἓν καὶ τὸ μεσότοιχον‡ τοῦ φραγμοῦ λύσας, 15 τὴν ἔχθραν ἐν τῇ σαρκὶ αὐτοῦ, τὸν νόμον τῶν ἐντολῶν ἐν δόγμασιν καταργήσας, ἵνα τοὺς δύο κτίσῃ ἐν ἑαυτῷ§ εἰς ἕνα καινὸν ἄνθρωπον (ποιῶν εἰρήνην), 16 καὶ ἀποκαταλλάξῃ* τοὺς ἀμφοτέρους ἐν ἑνὶ σώματι τῷ Θεῷ διὰ τοῦ σταυροῦ (ἀποκτείνας τὴν ἔχθραν ἐν αὐτῷ). 17 Καὶ ἐλθὼν εὐηγγελίσατο εἰρήνην ἡμῖν,† τοῖς μακρὰν καὶ‡ τοῖς ἐγγύς, 18 ὅτι δι᾿ αὐτοῦ ἔχομεν τὴν προσαγωγὴν οἱ ἀμφότεροι ἐν ἑνὶ Πνεύματι πρὸς τὸν Πατέρα.

19 Ἄρα οὖν, οὐκέτι ἐστὲ ξένοι καὶ πάροικοι, ἀλλὰ§ συμπολῖται τῶν ἁγίων καὶ οἰκεῖοι τοῦ Θεοῦ, 20 ἐποικοδομηθέντες ἐπὶ τῷ θεμελίῳ τῶν ἀποστόλων καὶ προφητῶν, ὄντος* ἀκρογωνιαίου αὐτοῦ Ἰησοῦ Χριστοῦ·† 21 ἐν ᾧ πᾶσα‡ οἰκοδομή, συναρμολογουμένη, αὔξει εἰς ναὸν ἅγιον ἐν Κυρίῳ· 22 ἐν ᾧ καὶ ὑμεῖς συνοικοδομεῖσθε εἰς κατοικητήριον τοῦ Θεοῦ ἐν πνεύματι.

*2:1 υμας rell ¦ ημας [10%]

†2:1 αμαρτιαις f35 [95%] RP,HF,OC,TR,CP ¦ 1 υμων 𝕻46ℵB [5%] NU ¦ 1 εαυτων A

‡2:3 ημεν f35 A [98%] RP,HF,OC,TR,CP ¦ ημεθα 𝕻46ℵB [2%] NU ¦ one other reading

§2:3 τεκνα φυσει rell ¦ ~ 21 A [9%] ¦ 1 [1%]

*2:7 τον υπερβαλλοντα πλουτον f35 (95.8%) RP,HF,OC,TR,CP ¦ το υπερβαλλον πλουτος 𝕻46A,B (2.7%) NU ¦ omit whole verse or more ℵ (1.5%)

†2:8 της f35 A [96%] RP,HF,OC,TR,CP ¦ — ℵB [4%] NU

‡2:10 επι rell ¦ επ [30%]

§2:11 υμεις ποτε f35 [96%] RP,HF,OC,TR,CP ¦ ~ 21 𝕻46ℵA,B [4%] NU ¦ two other readings

*2:12 εν f35 𝕻46 [98%] RP,HF,OC,TR,CP ¦ — ℵA,B [2%] NU

†2:13 εγγυς εγενηθητε f35 [96%] RP,HF,OC,TR,CP ¦ ~ 21 (𝕻46)ℵA,B [4%] NU

‡2:14 μεσοτοιχον rell ¦ μεσοτυχον [10%]

§2:15 εαυτω f35 [96%] RP,HF,OC,TR,CP ¦ αυτω 𝕻46ℵA,B [4%] NU

*2:16 αποκαταλλαξη rell ¦ αποκαταλλαξει [10%]

†2:17 ημιν f35 [40%] ¦ υμιν 𝕻46ℵA,B [60%] RP,HF,OC,TR,CP,NU

‡2:17 και f35 (93.4%) RP,HF,OC,TR,CP ¦ 1 ειρηνην 𝕻46ℵA,B (6.3%) NU ¦ — (0.3%)

§2:19 αλλα f35 [95%] RP,HF,OC,TR,CP ¦ 1 εστε ℵB [1%] NU ¦ αλλ εστε A,C [3%] ¦ 1 και [1%]

*2:20 οντος rell ¦ οντως [10%]

†2:20 αυτου ιησου χριστου f35 C [96%] RP,HF,OC,TR,CP ¦ ~ 132 A,B [3%] NU ¦ του 3 ℵ [1%]

‡2:21 πασα f35 ℵB [95%] RP,HF,OC,CP,NU ¦ 1 η A,C [5%] TR