Η Καινή Διαθήκη Hebrews 9

The earthly sanctuary

1 Εἶχεν μὲν οὖν καὶ* ἡ πρώτη† δικαιώματα λατρείας τό τε ἅγιον κοσμικόν. 2 Σκηνὴ γὰρ κατεσκευάσθη· ἡ πρώτη, ἐν ᾗ ἥ τε λυχνία καὶ ἡ τράπεζα καὶ ἡ πρόθεσις τῶν ἄρτων, ἥτις λέγεται Ἅγια· 3 μετὰ δὲ τὸ δεύτερον καταπέτασμα σκηνὴ ἡ λεγομένη Ἅγια Ἁγίων, 4 χρυσοῦν ἔχουσα θυμιατήριον καὶ τὴν κιβωτὸν τῆς διαθήκης περικεκαλυμμένην πάντοθεν χρυσίῳ, ἐν ᾗ στάμνος χρυσῆ ἔχουσα τὸ μάννα καὶ ἡ ῥάβδος Ἀαρὼν ἡ βλαστήσασα καὶ αἱ πλάκες τῆς διαθήκης· 5 ὑπεράνω δὲ αὐτῆς Χερουβὶμ‡ δόξης κατασκιάζοντα τὸ ἱλαστήριον (περὶ ὧν οὐκ ἔστιν νῦν λέγειν κατὰ μέρος).

The service of that sanctuary

6 Τούτων δὲ οὕτως κατεσκευασμένων, εἰς μὲν τὴν πρώτην σκηνὴν διὰ παντὸς εἰσίασιν οἱ ἱερεῖς, τὰς λατρείας ἐπιτελοῦντες, 7 εἰς δὲ τὴν δευτέραν ἅπαξ τοῦ ἐνιαυτοῦ μόνος ὁ ἀρχιερεύς, οὐ χωρὶς αἵματος, ὃ προσφέρει ὑπὲρ ἑαυτοῦ καὶ τῶν τοῦ λαοῦ ἀγνοημάτων· 8 τοῦτο δηλοῦντος τοῦ Πνεύματος τοῦ Ἁγίου μήπω πεφανερῶσθαι§ τὴν τῶν Ἁγίων ὁδὸν ἔτι τῆς πρώτης σκηνῆς ἐχούσης στάσιν· 9 ἥτις παραβολὴ εἰς τὸν καιρὸν τὸν* ἐνεστηκότα, καθ᾿ ὃν† δῶρά τε καὶ θυσίαι προσφέρονται μὴ δυνάμεναι κατὰ συνείδησιν τελειῶσαι τὸν λατρεύοντα— 10 μόνον ἐπὶ βρώμασιν καὶ πόμασιν καὶ διαφόροις βαπτισμοῖς καὶ‡ δικαιώμασιν§ σαρκός, μέχρι καιροῦ διορθώσεως ἐπικείμενα.

Christ serves in the heavenly sanctuary

11 Χριστὸς δὲ παραγενόμενος Ἀρχιερεὺς τῶν μελλόντων* ἀγαθῶν διὰ τῆς μείζονος καὶ τελειοτέρας σκηνῆς οὐ χειροποιήτου, τοῦτ᾿ ἔστιν, οὐ ταύτης τῆς κτίσεως, 12 οὐδὲ δι᾿ αἵματος τράγων καὶ μόσχων, διὰ δὲ τοῦ ἰδίου αἵματος, εἰσῆλθεν ἐφάπαξ εἰς τὰ Ἅγια, αἰωνίαν λύτρωσιν εὑρόμενος.† 13 Εἰ γὰρ τὸ αἷμα ταύρων καὶ τράγων,‡ καὶ σποδὸς δαμάλεως ῥαντίζουσα τοὺς κεκοινωμένους, ἁγιάζει πρὸς τὴν τῆς σαρκὸς καθαρότητα, 14 πόσῳ μᾶλλον τὸ αἷμα τοῦ Χριστοῦ, ὃς διὰ Πνεύματος Ἁγίου§ ἑαυτὸν προσήνεγκεν ἄμωμον τῷ Θεῷ, καθαριεῖ τὴν συνείδησιν ὑμῶν* ἀπὸ νεκρῶν ἔργων εἰς τὸ λατρεύειν Θεῷ ζῶντι; 15 Καὶ διὰ τοῦτο διαθήκης καινῆς Μεσίτης ἐστίν, ὅπως—θανάτου γενομένου εἰς ἀπολύτρωσιν τῶν ἐπὶ τῇ πρώτῃ διαθήκῃ παραβάσεων—τὴν ἐπαγγελίαν λάβωσιν οἱ κεκλημένοι τῆς αἰωνίου κληρονομίας.

The earthly sanctuary inaugurated with blood

16 Ὅπου γὰρ διαθήκη, θάνατον ἀνάγκη φέρεσθαι τοῦ διαθεμένου·† 17 διαθήκη γὰρ ἐπὶ νεκροῖς βεβαία, ἐπεὶ μήποτε ἰσχύει ὅτε ζῇ ὁ διαθέμενος. 18 Ὅθεν οὐδὲ‡ ἡ πρώτη χωρὶς αἵματος ἐγκεκαίνισται· 19 λαληθείσης γὰρ πάσης ἐντολῆς κατὰ§ νόμον ὑπὸ Μωϋσέος* παντὶ τῷ† λαῷ, λαβὼν τὸ αἷμα τῶν μόσχων καὶ τράγων,‡ μετὰ ὕδατος καὶ ἐρίου κοκκίνου καὶ ὑσσώπου, αὐτό τε τὸ βιβλίον καὶ πάντα τὸν λαὸν ἐρράντισεν,§ 20 λέγων, «Τοῦτο τὸ αἷμα τῆς διαθήκης ἧς ἐνετείλατο πρὸς ὑμᾶς ὁ Θεός.» 21 Καὶ τὴν σκηνὴν δὲ καὶ πάντα τὰ σκεύη τῆς λειτουργίας τῷ αἵματι ὁμοίως ἐρράντισεν. 22 Καὶ σχεδὸν ἐν αἵματι πάντα καθαρίζεται κατὰ τὸν νόμον, καὶ χωρὶς αἱματεκχυσίας οὐ γίνεται ἄφεσις.

The heavenly sanctuary inaugurated with Christ’s blood

23 Ἀνάγκη οὖν τὰ μὲν ὑποδείγματα τῶν ἐν τοῖς οὐρανοῖς τούτοις καθαρίζεσθαι, αὐτὰ δὲ τὰ ἐπουράνια κρείττοσιν θυσίαις παρὰ ταύτας.* 24 Οὐ γὰρ εἰς χειροποίητα ἅγια εἰσῆλθεν† ὁ ‡ Χριστός, ἀντίτυπα τῶν ἀληθινῶν, ἀλλ᾿ εἰς αὐτὸν τὸν οὐρανόν, νῦν ἐμφανισθῆναι τῷ προσώπῳ τοῦ Θεοῦ ὑπὲρ ἡμῶν· 25 οὐδ᾿ ἵνα πολλάκις προσφέρῃ ἑαυτόν, ὥσπερ ὁ ἀρχιερεὺς εἰσέρχεται εἰς τὰ Ἅγια κατ᾿ ἐνιαυτὸν ἐν αἵματι ἀλλοτρίῳ 26 —ἐπεὶ ἔδει αὐτὸν πολλάκις παθεῖν ἀπὸ καταβολῆς κόσμου· νῦν§ δέ, ἅπαξ ἐπὶ συντελείᾳ τῶν αἰώνων, εἰς ἀθέτησιν* ἁμαρτίας διὰ τῆς θυσίας αὐτοῦ πεφανέρωται. 27 Καί, καθ᾿ ὅσον ἀπόκειται τοῖς ἀνθρώποις ἅπαξ ἀποθανεῖν, μετὰ δὲ τοῦτο κρίσις, 28 οὕτως καὶ† ὁ Χριστός, ἅπαξ προσενεχθεὶς εἰς τὸ πολλῶν ἀνενεγκεῖν ἁμαρτίας—ἐκ δευτέρου χωρὶς ἁμαρτίας ὀφθήσεται τοῖς αὐτὸν ἀπεκδεχομένοις εἰς σωτηρίαν.

*9:1 και f35 ℵA [97%] RP,HF,OC,TR,CP[NU] ¦ — 𝕻46vB [3%]

†9:1 πρωτη f35 𝕻46ℵA,B [70%] RP,HF,CP,NU ¦ 1 σκηνη [30%] OC,TR

‡9:5 χερουβιμ f35 (A) [98%] RP,HF,OC,TR,CP ¦ χερουβιν 𝕻46ℵ (B) [2%] NU

§9:8 πεφανερωσθαι rell ¦ πεφανωσθαι CP

*9:9 τον rell ¦ τουτον CP

†9:9 ον f35 [95%] RP,HF,OC,TR,CP ¦ ην ℵA,B [5%] NU

‡9:10 και f35 B (95.4%) RP,HF,OC,TR,CP ¦ — 𝕻46ℵA (4.6%) NU

§9:10 δικαιωμασιν f35 (94.2%) RP,HF,OC,TR,CP ¦ δικαιωματα 𝕻46ℵA,B (5.5%) NU ¦ two other readings (0.4%)

*9:11 μελλοντων f35 ℵA (97.5%) RP,HF,OC,TR,CP ¦ 1 των (1.4%) ¦ γενομενων (𝕻46)B (1.1%) NU

†9:12 ευρομενος f35 [20%] ¦ ευραμενος rell (2nd aorist or 1st aorist? There is apparently no difference in meaning.)

‡9:13 ταυρων και τραγων f35 [97%] RP,HF,OC,TR,CP ¦ ~ 321 𝕻46ℵA,B [3%] NU

§9:14 αγιου f35 [29%] ¦ 1 αιωνιου [1%] ¦ αιωνιου rell (The majority reading is certainly inviting.)

*9:14 υμων f35 ℵ [85%] RP,HF,OC,TR ¦ ημων A [15%] CP,NU (Codex B is no longer available from here to the end.)

†9:16 διαθεμενου f35 ℵA,B [88%] RP,HF,OC,TR,NU ¦ διατιθεμενου [12%] CP

‡9:18 ουδε f35 A,C [55%] NU ¦ ουδ ℵ [45%] RP,HF,OC,TR,CP ¦ ουθ 𝕻46

§9:19 κατα f35 ℵ [85%] RP,HF,TR,CP ¦ 1 τον 𝕻46A,C [15%] OC,NU

*9:19 μωυσεος f35 [35%] CP ¦ μωυσεως ℵC [45%] RP,HF,OC,NU ¦ μωσεως A [20%] TR

†9:19 τω rell ¦ — CP

‡9:19 και τραγων f35 (78%) RP,HF,OC,TR,CP ¦ 1 των 2 ℵA,C (5.1%) [NU] ¦ — 𝕻46 (16.2%) ¦ two other readings (0.7%)

§9:19 ερραντισεν f35 [85%] RP,HF,OC,TR,CP,N-A ¦ εραντισεν 𝕻46ℵA,C [15%] UBS (Also in verse 21.)

*9:23 ταυτας rell ¦ ταυταις CP

†9:24 αγια εισηλθεν f35 C [95%] RP,HF,OC,TR,CP ¦ ~ 21 𝕻46ℵA [5%] NU

‡9:24 ο f35 [95%] RP,HF,OC,TR,CP ¦ — 𝕻46ℵA,C [5%] NU

§9:26 νυν f35 [92%] RP,HF,OC,TR,CP ¦ νυνι ℵA,C [8%] NU

*9:26 αθετησιν f35 𝕻46C [98%] RP,HF,OC,TR,CP ¦ 1 της ℵA,I [2%] [NU]

†9:28 και f35 𝕻46ℵA,C [95%] RP,HF,OC,CP,NU ¦ — [5%] TR