Η Καινή Διαθήκη Romans 4

Abraham

1 Τί οὖν ἐροῦμεν Ἁβραὰμ* τὸν πατέρα ἡμῶν εὑρηκέναι,† κατὰ σάρκα; 2 Εἰ γὰρ Ἁβραὰμ ἐξ ἔργων ἐδικαιώθη, ἔχει καύχημα—ἀλλ᾿ οὐ πρὸς τὸν‡ Θεόν. 3 Τί γὰρ ἡ Γραφὴ λέγει; «Ἐπίστευσεν δὲ Ἁβραὰμ τῷ Θεῷ, καὶ ἐλογίσθη αὐτῷ εἰς δικαιοσύνην.» 4 Τῷ δὲ ἐργαζομένῳ ὁ μισθὸς οὐ λογίζεται κατὰ χάριν ἀλλὰ κατὰ§ ὀφείλημα. 5 Τῷ δὲ μὴ ἐργαζομένῳ, πιστεύοντι δὲ ἐπὶ τὸν δικαιοῦντα τὸν ἀσεβῆ, λογίζεται ἡ πίστις αὐτοῦ εἰς δικαιοσύνην.

6 Καθάπερ καὶ Δαυὶδ λέγει τὸν μακαρισμὸν τοῦ ἀνθρώπου ᾧ ὁ Θεὸς λογίζεται δικαιοσύνην χωρὶς ἔργων· 7 «Μακάριοι ὧν ἀφέθησαν* αἱ ἀνομίαι, καὶ ὧν ἐπεκαλύφθησαν† αἱ ἁμαρτίαι. 8 Μακάριος ἀνὴρ ᾧ ‡ οὐ§ μὴ λογίσηται Κύριος ἁμαρτίαν.»

Before Circumcision

9 Ὁ μακαρισμὸς οὖν οὗτος ἐπὶ τὴν περιτομήν, ἢ καὶ ἐπὶ τὴν ἀκροβυστίαν; Λέγομεν γὰρ ὅτι* ἐλογίσθη τῷ Ἁβραὰμ ἡ πίστις εἰς δικαιοσύνην, 10 πῶς οὖν ἐλογίσθη; Ἐν περιτομῇ ὄντι ἢ ἐν ἀκροβυστίᾳ; Οὐκ ἐν περιτομῇ, ἀλλ᾿ ἐν ἀκροβυστίᾳ· 11 καὶ σημεῖον ἔλαβεν περιτομῆς, σφραγῖδα τῆς δικαιοσύνης τῆς πίστεως τῆς ἐν τῇ† ἀκροβυστίᾳ, εἰς τὸ εἶναι αὐτὸν πατέρα πάντων τῶν πιστευόντων δι᾿ ἀκροβυστίας, εἰς τὸ λογισθῆναι καὶ‡ αὐτοῖς τὴν§ δικαιοσύνην, 12 καὶ πατέρα περιτομῆς—τοῖς οὐκ ἐκ περιτομῆς μόνον, ἀλλὰ καὶ τοῖς στοιχοῦσιν τοῖς ἴχνεσιν τῆς πίστεως τῆς ἐν ἀκροβυστίᾳ* τοῦ πατρὸς ἡμῶν Ἁβραάμ.

The promise

13 Οὐ γὰρ διὰ νόμου ἡ ἐπαγγελία τῷ Ἁβραάμ, ἢ τῷ σπέρματι αὐτοῦ, τὸ κληρονόμον αὐτὸν εἶναι τοῦ† κόσμου, ἀλλὰ διὰ δικαιοσύνης πίστεως. 14 Εἰ γὰρ οἱ ἐκ νόμου κληρονόμοι, κεκένωται ἡ πίστις καὶ κατήργηται ἡ ἐπαγγελία· 15 ὁ γὰρ νόμος ὀργὴν κατεργάζεται, οὗ γὰρ‡ οὐκ ἔστιν νόμος, οὐδὲ παράβασις. 16 Διὰ τοῦτο ἐκ πίστεως ἵνα κατὰ χάριν, εἰς τὸ εἶναι βεβαίαν τὴν ἐπαγγελίαν παντὶ τῷ σπέρματι—οὐ τῷ ἐκ§ νόμου μόνον, ἀλλὰ καὶ τῷ ἐκ πίστεως Ἁβραάμ, ὅς ἐστιν πατὴρ πάντων ἡμῶν· 17 καθὼς γέγραπται ὅτι «Πατέρα πολλῶν ἐθνῶν τέθεικά* σε»—κατέναντι οὗ ἐπίστευσεν· Θεοῦ, τοῦ ζωοποιοῦντος τοὺς νεκροὺς καὶ καλοῦντος τὰ μὴ ὄντα ὡς ὄντα. 18 Ὃς παρ᾿ ἐλπίδα, ἐπ᾿ ἐλπίδι ἐπίστευσεν, εἰς τὸ γενέσθαι αὐτὸν πατέρα πολλῶν ἐθνῶν, κατὰ τὸ εἰρημένον· «Οὕτως ἔσται τὸ σπέρμα σου.» 19 Καὶ μὴ ἀσθενήσας τῇ πίστει, οὐ† κατενόησεν τὸ ἑαυτοῦ σῶμα, ἤδη‡ νενεκρωμένον (ἑκατονταέτης που ὑπάρχων), καὶ τὴν νέκρωσιν τῆς§ μήτρας Σάρρας. 20 Εἰς δὲ τὴν ἐπαγγελίαν τοῦ Θεοῦ οὐ διεκρίθη τῇ ἀπιστίᾳ· ἀλλ᾿ ἐνεδυναμώθη τῇ πίστει, δοὺς δόξαν τῷ Θεῷ, 21 καὶ πληροφορηθεὶς ὅτι ὃ ἐπήγγελται δυνατός ἐστιν καὶ ποιῆσαι 22 —διὸ καὶ* ἐλογίσθη αὐτῷ εἰς δικαιοσύνην.

23 Οὐκ ἐγράφη δὲ δι᾿ αὐτὸν μόνον ὅτι ἐλογίσθη αὐτῷ, 24 ἀλλὰ καὶ δι᾿ ἡμᾶς, οἷς μέλλει λογίζεσθαι, τοῖς πιστεύουσιν ἐπὶ τὸν ἐγείραντα Ἰησοῦν τὸν Κύριον ἡμῶν ἐκ νεκρῶν, 25 ὃς παρεδόθη διὰ τὰ παραπτώματα ἡμῶν, καὶ ἠγέρθη διὰ τὴν δικαίωσιν† ἡμῶν.

Romans
<
4
>

*4:1 ἁβρααμ f35 [50%] ¦ ἀβρααμ [50%] OC,RP,HF,TR,CP,NU (This statement will obtain wherever the name occurs.)

†4:1 αβρααμ τον πατερα ημων ευρηκεναι f35 [96%] OC,RP,HF,TR,CP ¦ ~ 512 προπατορα 4 ℵA,C [3.5%] NU ¦ 12 προπατορα 4 B [0.5%]

‡4:2 τον f35 [98%] OC,RP,HF,TR,CP ¦ — ℵA,B,C [2%] NU

§4:4 κατα f35 ℵA,B,C [97%] OC,RP,HF,CP,NU ¦ 1 το [3%] TR

*4:7 αφεθησαν rell ¦ αφειθησαν [5%] CP ¦ αφηθησαν [3%]

†4:7 επεκαλυφθησαν rell ¦ απεκαλυφθησαν [10%]

‡4:8 ω f35 A,C [97%] OC,RP,HF,TR,CP ¦ ου ℵB [3%] NU

§4:8 ου rell ¦ — [1%] CP

*4:9 οτι f35 A,C [98.5%] OC,RP,HF,TR,CP ¦ — ℵB [1.5%] NU

†4:11 τη rell ¦ — [15%]

‡4:11 και f35 C [95%] OC,RP,HF,TR,CP[NU] ¦ — ℵA,B [5%]

§4:11 την f35 B,C [96%] OC,RP,HF,TR,CP[NU] ¦ — ℵ [2%] ¦ εις A [2%]

*4:12 πιστεως της εν ακροβυστια f35 [54%] ¦ 123 τη 4 [40%] RP,HF,CP ¦ ~ 23 τη 41 [3%] OC,TR ¦ ~ 2341 A,B(C) [3%] NU ¦ 234 ℵ

†4:13 του f35 [97%] OC,RP,HF,TR,CP ¦ — ℵA,B,C [3%] NU

‡4:15 γαρ f35 [97%] OC,RP,HF,TR,CP ¦ δε ℵA,B,C [3%] NU

§4:16 εκ f35 [20%] ¦ 1 του ℵA,B,C [80%] OC,RP,HF,TR,CP,NU [OC is in small print]

*4:17 τεθεικα rell ¦ τεθηκα [20%] ¦ τεθικα ℵ

†4:19 ου f35 [97%] OC,RP,HF,TR,CP ¦ — ℵA,B,C [3%] NU

‡4:19 ηδη f35 A,C [99%] OC,RP,HF,TR,CP[NU] ¦ — B [1%]

§4:19 της rell ¦ — OC

*4:22 και f35 ℵA,C [99%] OC,RP,HF,TR,CP[NU] ¦ — B [1%]

†4:25 δικαιωσιν rell ¦ δικαιοσυνην [12%] ¦ δικεωσιν ℵ