Η Καινή Διαθήκη Romans 11

The remnant

1 Λέγω οὖν, μὴ ἀπώσατο ὁ Θεὸς τὸν λαὸν αὐτοῦ; Μὴ γένοιτο. Καὶ γὰρ ἐγὼ Ἰσραηλίτης εἰμί, ἐκ σπέρματος Ἁβραάμ, φυλῆς Βενιαμίν.* 2 Οὐκ ἀπώσατο ὁ Θεὸς τὸν λαὸν αὐτοῦ ὃν προέγνω. Ἢ οὐκ οἴδατε ἐν Ἠλίᾳ† τί λέγει ἡ Γραφή, ὡς ἐντυγχάνει τῷ Θεῷ κατὰ τοῦ Ἰσραὴλ λέγων·‡ 3 «Κύριε, τοὺς προφήτας σου ἀπέκτειναν καὶ§ τὰ θυσιαστήριά σου κατέσκαψαν· κἀγὼ ὑπελείφθην μόνος, καὶ ζητοῦσιν τὴν ψυχήν μου.» 4 Ἀλλὰ τί λέγει αὐτῷ ὁ χρηματισμός; «Κατέλιπον* ἐμαυτῷ ἑπτακισχιλίους ἄνδρας οἵτινες οὐκ ἔκαμψαν γόνυ τῇ Βάαλ.» 5 Οὕτως οὖν καὶ ἐν τῷ νῦν καιρῷ, λεῖμμα κατ᾿ ἐκλογὴν χάριτος γέγονεν. 6 Εἰ δὲ χάριτι, οὐκέτι ἐξ ἔργων· ἐπεὶ ἡ χάρις οὐκέτι γίνεται χάρις. Εἰ δὲ ἐξ ἔργων, οὐκέτι ἐστὶν χάρις· ἐπεὶ τὸ ἔργον οὐκέτι ἐστὶν ἔργον.†

7 Τί οὖν; Ὃ ἐπιζητεῖ Ἰσραήλ, τούτου‡ οὐκ ἐπέτυχεν· ἡ δὲ ἐκλογὴ ἐπέτυχεν, οἱ δὲ λοιποὶ ἐπωρώθησαν. 8 Καθὼς γέγραπται· «Ἔδωκεν αὐτοῖς ὁ Θεὸς πνεῦμα κατανύξεως, ὀφθαλμοὺς τοῦ μὴ βλέπειν καὶ ὦτα τοῦ μὴ ἀκούειν, ἕως τῆς σήμερον ἡμέρας.» 9 Καὶ Δαυὶδ λέγει· «Γενηθήτω ἡ τράπεζα αὐτῶν εἰς παγίδα καὶ εἰς θήραν, καὶ εἰς σκάνδαλον καὶ εἰς ἀνταπόδομα αὐτοῖς. 10 Σκοτισθήτωσαν οἱ ὀφθαλμοὶ αὐτῶν τοῦ μὴ βλέπειν, καὶ τὸν νῶτον αὐτῶν διὰ παντὸς σύγκαμψον.»§

The restoration

11 Λέγω οὖν, μὴ ἔπταισαν ἵνα πέσωσιν; Μὴ γένοιτο· ἀλλά, τῷ αὐτῶν παραπτώματι ἡ σωτηρία* τοῖς ἔθνεσιν, εἰς τὸ παραζηλῶσαι αὐτούς. 12 Εἰ δὲ τὸ παράπτωμα αὐτῶν πλοῦτος κόσμου, καὶ τὸ ἥττημα αὐτῶν πλοῦτος ἐθνῶν, πόσῳ μᾶλλον τὸ πλήρωμα αὐτῶν;

13 Ὑμῖν γὰρ† λέγω τοῖς ἔθνεσιν (ἐφ᾿ ὅσον‡ μέν§ εἰμι ἐγὼ ἐθνῶν ἀπόστολος, τὴν διακονίαν μου δοξάζω), 14 εἴ πως* παραζηλώσω μου τὴν σάρκα καὶ σώσω τινὰς ἐξ αὐτῶν. 15 Εἰ† γὰρ ἡ ἀποβολὴ αὐτῶν καταλλαγὴ κόσμου, τίς ἡ πρόσληψις‡ εἰ μὴ ζωὴ ἐκ νεκρῶν; 16 Εἰ δὲ ἡ ἀπαρχὴ ἁγία, καὶ τὸ φύραμα· καὶ εἰ§ ἡ ῥίζα ἁγία, καὶ οἱ κλάδοι.

Grafted olive branches

17 Εἰ δέ τινες τῶν κλάδων ἐξεκλάσθησαν, σὺ δέ, ἀγριέλαιος ὤν, ἐνεκεντρίσθης ἐν αὐτοῖς, καὶ συγκοινωνὸς τῆς ῥίζης καὶ* τῆς πιότητος τῆς ἐλαίας ἐγένου, 18 μὴ κατακαυχῶ τῶν κλάδων (εἰ δὲ κατακαυχᾶσαι—οὐ σὺ τὴν ῥίζαν βαστάζεις, ἀλλ᾿† ἡ ῥίζα σέ). 19 Ἐρεῖς οὖν, «Ἐξεκλάσθησαν‡ κλάδοι ἵνα ἐγὼ ἐγκεντρισθῶ.»§ 20 Καλῶς. Τῇ ἀπιστίᾳ* ἐξεκλάσθησαν, σὺ δὲ τῇ πίστει ἕστηκας. Μὴ ὑψηλοφρόνει,† ἀλλὰ φοβοῦ. 21 Εἰ γὰρ ὁ Θεὸς τῶν κατὰ φύσιν κλάδων οὐκ ἐφείσατο, μή πως‡ οὐδὲ σοῦ φείσεται.§ 22 Ἴδε οὖν χρηστότητα καὶ ἀποτομίαν Θεοῦ· ἐπὶ μὲν τοὺς πεσόντας, ἀποτομίαν·* ἐπὶ δὲ σέ, χρηστότητα,† ἐὰν ἐπιμείνῃς‡ τῇ χρηστότητι· ἐπεὶ καὶ σὺ ἐκκοπήσῃ. 23 Καὶ ἐκεῖνοι§ δέ, ἐὰν μὴ ἐπιμείνωσιν* τῇ ἀπιστίᾳ,† ἐγκεντρισθήσονται, δυνατὸς γὰρ ὁ Θεός ἐστιν‡ πάλιν ἐγκεντρίσαι αὐτούς. 24 Εἰ γὰρ σὺ ἐκ τῆς κατὰ φύσιν ἐξεκόπης ἀγριελαίου, καὶ παρὰ φύσιν ἐνεκεντρίσθης εἰς καλλιέλαιον, πόσῳ μᾶλλον οὗτοι, οἱ κατὰ φύσιν, ἐγκεντρισθήσονται τῇ ἰδίᾳ ἐλαίᾳ;

Hardening

25 Οὐ γὰρ θέλω ὑμᾶς ἀγνοεῖν, ἀδελφοί, τὸ μυστήριον τοῦτο (ἵνα μὴ ἦτε παρ᾿§ ἑαυτοῖς φρόνιμοι)·* ὅτι πώρωσις ἀπὸ μέρους τῷ Ἰσραὴλ γέγονεν ἄχρις οὗ τὸ πλήρωμα τῶν ἐθνῶν εἰσέλθῃ. 26 Καὶ οὕτως πᾶς Ἰσραὴλ σωθήσεται, καθὼς γέγραπται· «Ἥξει ἐκ Σιὼν ὁ Ῥυόμενος, καὶ† ἀποστρέψει ἀσεβείας ἀπὸ Ἰακώβ· 27 καὶ αὕτη αὐτοῖς ἡ παρ᾿ ἐμοῦ διαθήκη, ὅταν ἀφέλωμαι τὰς ἁμαρτίας αὐτῶν.»

28 Κατὰ μὲν τὸ εὐαγγέλιον, ἐχθροὶ δι᾿ ὑμᾶς· κατὰ δὲ τὴν ἐκλογήν, ἀγαπητοὶ διὰ τοὺς πατέρας. 29 Ἀμεταμέλητα γὰρ τὰ χαρίσματα καὶ ἡ κλῆσις τοῦ Θεοῦ. 30 Ὥσπερ γὰρ καὶ‡ ὑμεῖς ποτε§ ἠπειθήσατε τῷ Θεῷ, νῦν δὲ ἠλεήθητε τῇ τούτων ἀπειθείᾳ,* 31 οὕτως καὶ οὗτοι νῦν ἠπείθησαν τῷ ὑμετέρῳ ἐλέει ἵνα καὶ αὐτοὶ† ἐλεηθῶσιν. 32 Συνέκλεισεν γὰρ ὁ Θεὸς τοὺς πάντας εἰς ἀπείθειαν ἵνα τοὺς πάντας ἐλεήσῃ.

Doxology

33 Ὦ βάθος πλούτου καὶ σοφίας καὶ γνώσεως Θεοῦ. Ὡς ἀνεξερεύνητα‡ τὰ κρίματα αὐτοῦ καὶ ἀνεξιχνίαστοι αἱ ὁδοὶ αὐτοῦ. 34 «Τίς γὰρ ἔγνω νοῦν Κυρίου; Ἢ τίς σύμβουλος αὐτοῦ ἐγένετο;» 35 Ἢ «Τίς προέδωκεν αὐτῷ, καὶ ἀνταποδοθήσεται αὐτῷ;» 36 Ὅτι ἐξ αὐτοῦ καὶ δι᾿ αὐτοῦ καὶ εἰς αὐτὸν τὰ πάντα. Αὐτῷ ἡ δόξα εἰς τοὺς αἰῶνας. Ἀμήν.

*11:1 βενιαμιν rell ¦ βενιαμην [15%] βενιαμειν 𝕻46ℵA,C [2%]

†11:2 ἠλια f35 [80%] OC,RP,HF,CP,NU ¦ ἡλια [20%] TR

‡11:2 λεγων f35 ℵ [97%] OC,RP,HF,TR,CP ¦ — A,B,C [3%] NU

§11:3 και f35 [97%] OC,RP,HF,TR,CP ¦ — ℵA,B,C [3%] NU

*11:4 κατελιπον f35 ℵB [86%] OC,RP,HF,TR,CP,NU ¦ κατελειπον 𝕻46A,C [14%]

†11:6 ει δε εξ εργων ουκετι εστιν χαρις επει το εργον ουκετι εστιν εργον f35 (91.4%) OC,RP,HF,TR,CP ¦ 1-5,7-12, 7 B (0.7%) ¦ 1-7 (1%) ¦ 8-13 (2.5%) ¦ 1-6,13 (0.5%) ¦ — 𝕻46ℵA,C (3.5%) NU ¦ one other variant (0.3%)

‡11:7 τουτου f35 [32%] TR ¦ τουτο (𝕻46)ℵA,B,C [68%] OC,RP,HF,CP,NU (The verb normally takes the genitive.)

§11:10 συγκαμψον rell ¦ συγκαψον [20%] CP ¦ συνκαμψον 𝕻46ℵB [2%]

*11:11 σωτηρια rell ¦ σοτηρια CP

†11:13 γαρ f35 [97%] OC,RP,HF,TR,CP ¦ δε ℵA,B [3%] NU ¦ ουν C

‡11:13 Εφ᾿ ὁσον [70%] OC,RP,HF,TR,NU ¦ εφόσον f35 [30%] CP (for the record; the scribes were just saving ink.)

§11:13 μεν f35 [93%] OC,RP,HF,TR,CP ¦ 1 ουν 𝕻46ℵA,B,C [2%] NU ¦ — [5%]

*11:14 ει πως rell ¦ ειπω [3%] CP

†11:15 ει rell ¦ η [12%]

‡11:15 προσληψις rell ¦ προσλημψις 𝕻46ℵA,B [1%] NU ¦ προληψις C ¦ four further spellings

§11:16 ει rell ¦ — 𝕻46 [10%]

*11:17 της ριζης και f35 A [95%] OC,RP,HF,TR,CP ¦ 12 ℵB,C [4%] NU ¦ — 𝕻46 [1%]

†11:18 αλλ rell ¦ αλλα ℵB [1%] NU

‡11:19 εξεκλασθησαν f35 𝕻46ℵA,B,C [87%] RP,HF,CP,NU ¦ 1 οι [13%] OC,TR [OC is in small print]

§11:19 εγκεντρισθω rell ¦ ενκεντρισθω 𝕻46ℵA,B [12%]

*11:20 απιστια rell ¦ απιστεια A [14%]

†11:20 υψηλοφρονει f35 C [99%] OC,RP,HF,TR,CP ¦ υψηλα φρονει 𝕻46ℵA,B [1%] NU

‡11:21 μη πως f35 𝕻46 [98%] OC,RP,HF,TR,CP[NU] ¦ — ℵA,B,C [2%]

§11:21 φεισεται f35 𝕻46(ℵ)A,B,C [95%] OC,RP,HF,CP,NU ¦ φεισηται [5%] TR

*11:22 αποτομιαν f35 [98%] OC,RP,HF,TR,CP ¦ αποτομια 𝕻46ℵA,B,C [2%] NU

†11:22 χρηστοτητα f35 [98%] OC,RP,HF,TR,CP ¦ χρηστοτης θεου 𝕻46(ℵ)A,B,C [2%] NU

‡11:22 επιμεινης f35 A,C [96%] OC,RP,HF,TR,CP ¦ επιμενης ℵB [3%] NU ¦ επιμινης C ¦ two other spellings [1%]

§11:23 και εκεινοι f35 [87%] OC,RP,HF,TR,CP ¦ κακεινοι ℵA,B,C [13%] NU

*11:23 επιμεινωσιν f35 C [97%] OC,RP,HF,TR,CP ¦ επιμενωσιν ℵB [2%] NU ¦ επιμινωσιν A ¦ two other spellings [1%]

†11:23 απιστια rell ¦ απιστεια A [10%]

‡11:23 ο θεος εστιν f35 [65%] OC,RP,CP ¦ ~ 312 ℵA,B,C [35%] HF,TR,NU

§11:25 παρ f35 ℵC [98%] OC,RP,HF,TR,CP[NU] ¦ εν A,B [0.5%] ¦ — 𝕻46 [1.5%]

*11:25 φρονιμοι rell ¦ φρονημοι [18%]

†11:26 και f35 [97%] OC,RP,HF,TR,CP ¦ — 𝕻46ℵA,B,C [3%] NU

‡11:30 και f35 [94%] OC,RP,HF,TR,CP ¦ — 𝕻46A,B,C [6%] NU ¦ omit whole verse ℵ

§11:30 υμεις ποτε f35 𝕻46ℵB,C [95%] OC,RP,HF,TR,NU ¦ ~ 21 A ¦ ~ 2 και 1 [5%] CP

*11:30 απειθεια rell ¦ απειθια B [8%] CP

†11:31 αυτοι f35 𝕻46A [98%] OC,RP,HF,TR,CP ¦ 1 νυν ℵB [1%] [NU] ¦ 1 υστερον [1%]

‡11:33 ανεξερευνητα f35 [99%] OC,RP,HF,TR,CP ¦ ανεξεραυνητα ℵA,B [1%] NU