Η Καινή Διαθήκη ΙΩΑΝΝΟΥ Α 5

1 Πᾶς ὁ πιστεύων ὅτι Ἰησοῦς ἐστὶν ὁ χριστός, ἐκ τοῦ θεοῦ γεγέννηται· καὶ πᾶς ὁ ἀγαπῶν τὸν γεννήσαντα ἀγαπᾷ *⸋καὶ⸌ τὸν γεγεννημένον ἐξ αὐτοῦ. 2 Ἐν τούτῳ γινώσκομεν ὅτι ἀγαπῶμεν τὰ τέκνα τοῦ θεοῦ, ὅταν τὸν θεὸν ἀγαπῶμεν, καὶ τὰς ἐντολὰς αὐτοῦ *⸂τηρῶμεν.⸃ 3 Αὕτη γάρ ἐστιν ἡ ἀγάπη τοῦ θεοῦ, ἵνα τὰς ἐντολὰς αὐτοῦ τηρῶμεν· καὶ αἱ ἐντολαὶ αὐτοῦ βαρεῖαι οὐκ εἰσίν, 4 ὅτι πᾶν τὸ γεγεννημένον ἐκ τοῦ θεοῦ νικᾷ τὸν κόσμον· καὶ αὕτη ἐστὶν ἡ νίκη ἡ νικήσασα τὸν κόσμον, ἡ πίστις *⸂ὑμῶν.⸃ 5 Τίς *⸂ἐστιν⸃ ὁ νικῶν τὸν κόσμον, εἰ μὴ ὁ πιστεύων ὅτι Ἰησοῦς ἐστὶν ὁ υἱὸς τοῦ θεοῦ; 6 Οὗτός ἐστιν ὁ ἐλθὼν δι᾽ ὕδατος καὶ αἵματος, *⸂Ἰησοῦς χριστός·⸃ οὐκ ἐν τῷ ὕδατι μόνον, ἀλλ᾽ *⸂2ἐν τῷ ὕδατι καὶ τῷ αἵματι.⸃ Καὶ τὸ πνεῦμά ἐστιν τὸ μαρτυροῦν, ὅτι τὸ πνεῦμά ἐστιν ἡ ἀλήθεια. 7 Ὅτι τρεῖς εἰσὶν οἱ μαρτυροῦντες, *⸆ 8 *⸆ τὸ πνεῦμα, καὶ τὸ ὕδωρ, καὶ τὸ αἷμα· καὶ οἱ τρεῖς εἰς τὸ ἕν εἰσιν. 9 Εἰ τὴν μαρτυρίαν τῶν ἀνθρώπων λαμβάνομεν, ἡ μαρτυρία τοῦ θεοῦ μείζων ἐστίν· ὅτι αὕτη ἐστὶν ἡ μαρτυρία τοῦ θεοῦ, *⸂ἣν⸃ μεμαρτύρηκεν περὶ τοῦ υἱοῦ αὐτοῦ. 10 Ὁ πιστεύων εἰς τὸν υἱὸν τοῦ θεοῦ ἔχει τὴν μαρτυρίαν ἐν *⸂αὐτῷ·⸃ ὁ μὴ πιστεύων τῷ θεῷ ψεύστην πεποίηκεν αὐτόν, ὅτι οὐ πεπίστευκεν εἰς τὴν μαρτυρίαν, ἣν μεμαρτύρηκεν ὁ θεὸς περὶ τοῦ υἱοῦ αὐτοῦ. 11 Καὶ αὕτη ἐστὶν ἡ μαρτυρία, ὅτι ζωὴν αἰώνιον ἔδωκεν *⸉ἡμῖν ὁ θεός,⸊ καὶ αὕτη ἡ ζωὴ ἐν τῷ υἱῷ αὐτοῦ ἐστίν. 12 Ὁ ἔχων τὸν υἱὸν ἔχει τὴν ζωήν· ὁ μὴ ἔχων τὸν υἱὸν τοῦ θεοῦ τὴν ζωὴν οὐκ ἔχει. 13 Ταῦτα ἔγραψα ὑμῖν *⸉τοῖς πιστεύουσιν εἰς τὸ ὄνομα τοῦ υἱοῦ τοῦ θεοῦ, ἵνα εἰδῆτε ὅτι ζωὴν αἰώνιον ἔχετε,⸊ *⸋καὶ ἵνα πιστεύητε εἰς τὸ ὄνομα τοῦ υἱοῦ τοῦ θεοῦ.⸌

14 Καὶ αὕτη ἐστὶν ἡ παρρησία ἣν ἔχομεν πρὸς αὐτόν, ὅτι ἐάν τι αἰτώμεθα κατὰ τὸ θέλημα αὐτοῦ, ἀκούει *⸂ἡμῶν·⸃ 15 καὶ ἐὰν οἴδαμεν ὅτι ἀκούει ἡμῶν, ὃ *⸂ἐὰν⸃ αἰτώμεθα, οἴδαμεν ὅτι ἔχομεν τὰ αἰτήματα ἃ ᾐτήκαμεν *⸂2παρ᾽⸃ αὐτοῦ. 16 Ἐάν τις ἴδῃ τὸν ἀδελφὸν αὐτοῦ ἁμαρτάνοντα ἁμαρτίαν μὴ πρὸς θάνατον, αἰτήσει, καὶ δώσει αὐτῷ ζωὴν τοῖς ἁμαρτάνουσιν μὴ πρὸς θάνατον. Ἔστιν ἁμαρτία πρὸς θάνατον· οὐ περὶ ἐκείνης λέγω ἵνα ἐρωτήσῃ. 17 Πᾶσα ἀδικία ἁμαρτία ἐστίν· καὶ ἔστιν ἁμαρτία οὐ πρὸς θάνατον.

18 Οἴδαμεν ὅτι πᾶς ὁ γεγεννημένος ἐκ τοῦ θεοῦ οὐχ ἁμαρτάνει· ἀλλ᾽ ὁ γεννηθεὶς ἐκ τοῦ θεοῦ τηρεῖ *⸂ἑαυτόν,⸃ καὶ ὁ πονηρὸς οὐχ ἅπτεται αὐτοῦ. 19 Οἴδαμεν ὅτι ἐκ τοῦ θεοῦ ἐσμέν, καὶ ὁ κόσμος ὅλος ἐν τῷ πονηρῷ κεῖται. 20 Οἴδαμεν δὲ ὅτι ὁ υἱὸς τοῦ θεοῦ ἥκει, καὶ δέδωκεν ἡμῖν διάνοιαν ἵνα *⸂γινώσκωμεν⸃ τὸν ἀληθινόν· καί ἐσμεν ἐν τῷ ἀληθινῷ, ἐν τῷ υἱῷ αὐτοῦ Ἰησοῦ χριστῷ. Οὗτός ἐστιν *⸂2ὁ ἀληθινὸς θεός, καὶ ζωὴ αἰώνιος.⸃ 21 *⸂Τεκνία, φυλάξατε ἑαυτὰ⸃ ἀπὸ τῶν εἰδώλων. *⸋Ἀμήν.⸌

*5:1 ⸋ καὶ RP f 35 TR TNT2 NA27+28 NIV SBL ¦ – WH NA25

*5:2 ⸂ τηρῶμεν RP f 35 TR ¦ ποιῶμεν TNT2 WH NA NIV SBL

*5:4 ⸂ ὑμῶν SRS ¦ ἡμῶν RP f 35 TR TNT2 WH NA NIV SBL

*5:5 ⸂ ἐστιν RP f 35 TR ¦ δέ ἐστιν TNT2 NA27+28 NIV SBL ¦ ἐστιν δὲ WH NA25

*5:6 ⸂ Ἰησοῦς χριστός RP f 35 TNT2 WH NA NIV SBL ¦ Ἰησοῦς ὁ χριστός TR

*5:6 ⸂2 ἐν τῷ ὕδατι καὶ τῷ αἵματι RP f 35 TR ¦ ἐν τῷ ὕδατι καὶ ἐν τῷ αἵματι TNT2 WH NA NIV SBL

*5:7 ⸆ – RP f 35 TNT2 WH NA NIV SBL ¦ ἐν τῷ οὐρανῷ, ὁ πατήρ, ὁ λόγος, καὶ τὸ ἅγιον πνεῦμα· καὶ οὗτοι οἱ τρεῖς ἕν εἰσι. TR

*5:8 ⸆ – RP f 35 TNT2 WH NA NIV SBL ¦ Καὶ τρεῖς εἰσὶν οἱ μαρτυροῦντες ἐν τῇ γῇ· TR

*5:9 ⸂ ἣν RP f 35 TR ¦ ὅτι TNT2 WH NA NIV SBL

*5:10 ⸂ αὐτῷ RP TNT2 ¦ ἑαυτῷ f 35 TR NA27 NIV ¦ αὑτῷ WH NA25+28 SBL

*5:11 ⸉ ἡμῖν ὁ θεός RP TR TNT2 NA27+28 NIV ¦ ὁ θεός ἡμῖν f 35 WH NA25 SBL

*5:13 ⸉ τοῖς … θεοῦ, ἵνα εἰδῆτε ὅτι ζωὴν αἰώνιον ἔχετε RP f 35 ¦ τοῖς … θεοῦ, ἵνα εἰδῆτε ὅτι ζωὴν ἔχετε αἰώνιον TR ¦ ἵνα εἰδῆτε ὅτι ζωὴν ἔχετε αἰώνιον, τοῖς … θεοῦ TNT2 WH NA NIV SBL

*5:13 ⸋ καὶ ἵνα πιστεύητε … τοῦ θεοῦ RP f 35 TR ¦ – TNT2 WH NA NIV SBL

*5:14 ⸂ ἡμῶν RP f 35 TNT2 WH NA NIV SBL ¦ ὑμῶν TR

*5:15 ⸂ ἐὰν RP f 35 WH NA NIV SBL ¦ ἂν TR TNT2

*5:15 ⸂2 παρ᾽ RP f 35 TR ¦ ἀπ᾽ TNT2 WH NA NIV SBL

*5:18 ⸂ ἑαυτόν RP f 35 TR NA28 ¦ αὐτόν TNT2 WH NA25+27 NIV SBL

*5:20 ⸂ γινώσκωμεν RP f 35 TR NA NIV SBL ¦ γινώσκομεν TNT2 WH

*5:20 ⸂2 ὁ ἀληθινὸς θεός, καὶ ζωὴ αἰώνιος RP TNT2 WH NA NIV SBL ¦ ὁ ἀληθινὸς θεός, καὶ ἡ ζωὴ ἡ αἰώνιος f 35 ¦ ὁ ἀληθινὸς θεός, καὶ ἡ ζωὴ αἰώνιος TR

*5:21 ⸂ Τεκνία, φυλάξατε ἑαυτὰ RP TNT2 WH NA NIV SBL ¦ Τεκνία, φυλάξατε ἑαυτοὺς f 35 TR

*5:21 ⸋ Ἀμήν. RP f 35 TR ¦ – TNT2 WH NA NIV SBL

Public Domain