Η Καινή Διαθήκη ΠΡΑΞΕΙΣ 19

1 Ἐγένετο δέ, ἐν τῷ τὸν Ἀπολλὼ εἶναι ἐν Κορίνθῳ, Παῦλον διελθόντα τὰ ἀνωτερικὰ μέρη *⸂ἐλθεῖν⸃ εἰς Ἔφεσον· καὶ *⸂2εὑρών⸃ τινας μαθητὰς 2 *⸂εἶπεν πρὸς αὐτούς, Εἰ πνεῦμα ἅγιον ἐλάβετε πιστεύσαντες; Οἱ δὲ εἶπον⸃ πρὸς αὐτόν, Ἀλλ᾽ οὐδὲ εἰ πνεῦμα ἅγιόν ἐστιν, ἠκούσαμεν. 3 Εἶπέν τε *⸋πρὸς αὐτούς,⸌ Εἰς τί οὖν ἐβαπτίσθητε; Οἱ δὲ εἶπον, Εἰς τὸ Ἰωάννου βάπτισμα. 4 Εἶπεν δὲ Παῦλος, Ἰωάννης *⸋μὲν⸌ ἐβάπτισεν βάπτισμα μετανοίας, τῷ λαῷ λέγων εἰς τὸν ἐρχόμενον μετ᾽ αὐτὸν ἵνα πιστεύσωσιν, τοῦτ᾽ ἔστιν, εἰς *⸂τὸν χριστὸν Ἰησοῦν.⸃ 5 Ἀκούσαντες δὲ ἐβαπτίσθησαν εἰς τὸ ὄνομα τοῦ κυρίου Ἰησοῦ. 6 Καὶ ἐπιθέντος αὐτοῖς τοῦ Παύλου *⸋τὰς⸌ χεῖρας, ἦλθεν τὸ πνεῦμα τὸ ἅγιον ἐπ᾽ αὐτούς, ἐλάλουν τε γλώσσαις καὶ προεφήτευον. 7 Ἦσαν δὲ οἱ πάντες ἄνδρες ὡσεὶ *⸂δεκαδύο.⸃

8 Εἰσελθὼν δὲ εἰς τὴν συναγωγὴν ἐπαρρησιάζετο, ἐπὶ μῆνας τρεῖς διαλεγόμενος καὶ πείθων *⸋τὰ⸌ περὶ τῆς βασιλείας τοῦ θεοῦ. 9 Ὡς δέ τινες ἐσκληρύνοντο καὶ ἠπείθουν, κακολογοῦντες τὴν ὁδὸν ἐνώπιον τοῦ πλήθους, ἀποστὰς ἀπ᾽ αὐτῶν ἀφώρισεν τοὺς μαθητάς, καθ᾽ ἡμέραν διαλεγόμενος ἐν τῇ σχολῇ Τυράννου *⸋τινός.⸌ 10 Τοῦτο δὲ ἐγένετο ἐπὶ ἔτη δύο, ὥστε πάντας τοὺς κατοικοῦντας τὴν Ἀσίαν ἀκοῦσαι τὸν λόγον *⸂τοῦ κυρίου Ἰησοῦ,⸃ Ἰουδαίους τε καὶ Ἕλληνας. 11 Δυνάμεις *⸂τε⸃ οὐ τὰς τυχούσας *⸉ἐποίει ὁ θεὸς⸊ διὰ τῶν χειρῶν Παύλου, 12 ὥστε καὶ ἐπὶ τοὺς ἀσθενοῦντας *⸂ἐπιφέρεσθαι⸃ ἀπὸ τοῦ χρωτὸς αὐτοῦ σουδάρια ἢ σιμικίνθια, καὶ ἀπαλλάσσεσθαι ἀπ᾽ αὐτῶν τὰς νόσους, τά τε πνεύματα τὰ πονηρὰ *⸂2ἐξέρχεσθαι⸃ *⸋ἀπ᾽ αὐτῶν.⸌ 13 Ἐπεχείρησαν δέ τινες *⸆ *⸋ἀπὸ⸌ τῶν περιερχομένων Ἰουδαίων ἐξορκιστῶν ὀνομάζειν ἐπὶ τοὺς ἔχοντας τὰ πνεύματα τὰ πονηρὰ τὸ ὄνομα τοῦ κυρίου Ἰησοῦ, λέγοντες, *⸂Ὁρκίζομεν⸃ ὑμᾶς τὸν Ἰησοῦν ὃν *⸋2ὁ⸌ Παῦλος κηρύσσει. 14 Ἦσαν δέ *⸂τινες υἱοὶ Σκευᾶ Ἰουδαίου ἀρχιερέως ἑπτὰ οἱ⸃ τοῦτο ποιοῦντες. 15 Ἀποκριθὲν δὲ τὸ πνεῦμα τὸ πονηρὸν εἶπεν, *⸆ Τὸν *⸆2 Ἰησοῦν γινώσκω, καὶ τὸν Παῦλον ἐπίσταμαι· ὑμεῖς δὲ τίνες ἐστέ; 16 Καὶ *⸂ἐφαλλόμενος⸃ *⸉ἐπ᾽ αὐτοὺς ὁ ἄνθρωπος⸊ ἐν ᾧ ἦν τὸ πνεῦμα τὸ πονηρόν, *⸂2καὶ κατακυριεύσαν αὐτῶν,⸃ ἴσχυσεν κατ᾽ αὐτῶν, ὥστε γυμνοὺς καὶ τετραυματισμένους ἐκφυγεῖν ἐκ τοῦ οἴκου ἐκείνου. 17 Τοῦτο δὲ ἐγένετο *⸉γνωστὸν πᾶσιν⸊ Ἰουδαίοις τε καὶ Ἕλλησιν τοῖς κατοικοῦσιν τὴν Ἔφεσον, καὶ *⸂ἐπέπεσεν⸃ φόβος ἐπὶ πάντας αὐτούς, καὶ ἐμεγαλύνετο τὸ ὄνομα τοῦ κυρίου Ἰησοῦ. 18 Πολλοί τε τῶν πεπιστευκότων ἤρχοντο, ἐξομολογούμενοι, καὶ ἀναγγέλλοντες τὰς πράξεις αὐτῶν. 19 Ἱκανοὶ δὲ τῶν τὰ περίεργα πραξάντων συνενέγκαντες τὰς βίβλους κατέκαιον ἐνώπιον πάντων· καὶ *⸂συνεψήφισαν⸃ τὰς τιμὰς αὐτῶν, καὶ εὗρον ἀργυρίου μυριάδας πέντε. 20 Οὕτως κατὰ κράτος *⸉ὁ λόγος τοῦ κυρίου⸊ ηὔξανεν καὶ ἴσχυεν.

21 Ὡς δὲ ἐπληρώθη ταῦτα, ἔθετο ὁ Παῦλος ἐν τῷ πνεύματι, διελθὼν τὴν Μακεδονίαν καὶ Ἀχαΐαν, πορεύεσθαι εἰς Ἱερουσαλήμ, εἰπὼν ὅτι Μετὰ τὸ γενέσθαι με ἐκεῖ, δεῖ με καὶ Ῥώμην ἰδεῖν. 22 Ἀποστείλας δὲ εἰς *⸋τὴν⸌ Μακεδονίαν δύο τῶν διακονούντων αὐτῷ, Τιμόθεον καὶ Ἔραστον, αὐτὸς ἐπέσχεν χρόνον εἰς τὴν Ἀσίαν.

23 Ἐγένετο δὲ κατὰ τὸν καιρὸν ἐκεῖνον τάραχος οὐκ ὀλίγος περὶ τῆς ὁδοῦ. 24 Δημήτριος γάρ τις ὀνόματι, ἀργυροκόπος, ποιῶν ναοὺς ἀργυροῦς Ἀρτέμιδος, παρείχετο τοῖς τεχνίταις *⸉ἐργασίαν οὐκ ὀλίγην·⸊ 25 οὓς συναθροίσας, καὶ τοὺς περὶ τὰ τοιαῦτα ἐργάτας, εἶπεν, Ἄνδρες, ἐπίστασθε ὅτι ἐκ ταύτης τῆς ἐργασίας ἡ εὐπορία *⸂ἡμῶν⸃ ἐστιν. 26 Καὶ θεωρεῖτε καὶ ἀκούετε ὅτι οὐ μόνον Ἐφέσου, ἀλλὰ σχεδὸν πάσης τῆς Ἀσίας, ὁ Παῦλος οὗτος πείσας μετέστησεν ἱκανὸν ὄχλον, λέγων ὅτι οὐκ εἰσὶν θεοὶ οἱ διὰ χειρῶν γινόμενοι. 27 Οὐ μόνον δὲ τοῦτο κινδυνεύει ἡμῖν τὸ μέρος εἰς ἀπελεγμὸν ἐλθεῖν, ἀλλὰ καὶ τὸ τῆς μεγάλης θεᾶς *⸉ἱερὸν Ἀρτέμιδος⸊ εἰς οὐθὲν λογισθῆναι, μέλλειν *⸂δὲ⸃ καὶ καθαιρεῖσθαι *⸂2τὴν μεγαλειότητα⸃ αὐτῆς, ἣν ὅλη ἡ Ἀσία καὶ ἡ οἰκουμένη σέβεται. 28 Ἀκούσαντες δὲ καὶ γενόμενοι πλήρεις θυμοῦ, ἔκραζον λέγοντες, Μεγάλη ἡ Ἄρτεμις Ἐφεσίων. 29 Καὶ ἐπλήσθη ἡ πόλις *⸋ὅλη⸌ *⸋2τῆς⸌ συγχύσεως· ὥρμησάν τε ὁμοθυμαδὸν εἰς τὸ θέατρον, συναρπάσαντες Γάϊον καὶ Ἀρίσταρχον Μακεδόνας, συνεκδήμους *⸆ Παύλου. 30 *⸂Τοῦ δὲ Παύλου⸃ βουλομένου εἰσελθεῖν εἰς τὸν δῆμον, οὐκ εἴων αὐτὸν οἱ μαθηταί. 31 Τινὲς δὲ καὶ τῶν Ἀσιαρχῶν, ὄντες αὐτῷ φίλοι, πέμψαντες πρὸς αὐτόν, παρεκάλουν μὴ δοῦναι ἑαυτὸν εἰς τὸ θέατρον. 32 Ἄλλοι μὲν οὖν ἄλλο τι ἔκραζον· ἦν γὰρ ἡ ἐκκλησία συγκεχυμένη, καὶ οἱ πλείους οὐκ ᾔδεισαν τίνος ἕνεκεν συνεληλύθεισαν. 33 Ἐκ δὲ τοῦ ὄχλου *⸂προεβίβασαν⸃ Ἀλέξανδρον, *⸂2προβαλόντων⸃ αὐτὸν τῶν Ἰουδαίων. Ὁ δὲ Ἀλέξανδρος, κατασείσας τὴν χεῖρα, ἤθελεν ἀπολογεῖσθαι τῷ δήμῳ. 34 *⸂Ἐπιγνόντες⸃ δὲ ὅτι Ἰουδαῖός ἐστιν, φωνὴ ἐγένετο μία ἐκ πάντων *⸂2ὡς⸃ ἐπὶ ὥρας δύο *⸂3κραζόντων,⸃ Μεγάλη ἡ Ἄρτεμις Ἐφεσίων. 35 Καταστείλας δὲ *⸉ὁ γραμματεὺς τὸν ὄχλον⸊ φησίν, Ἄνδρες Ἐφέσιοι, τίς γάρ ἐστιν *⸂ἄνθρωπος⸃ ὃς οὐ γινώσκει τὴν Ἐφεσίων πόλιν νεωκόρον οὖσαν τῆς μεγάλης *⸋θεᾶς⸌ Ἀρτέμιδος καὶ τοῦ Διοπετοῦς; 36 Ἀναντιρρήτων οὖν ὄντων τούτων, δέον ἐστὶν ὑμᾶς κατεσταλμένους ὑπάρχειν, καὶ μηδὲν προπετὲς πράσσειν. 37 Ἠγάγετε γὰρ τοὺς ἄνδρας τούτους, οὔτε ἱεροσύλους οὔτε βλασφημοῦντας τὴν *⸂θεὸν⸃ *⸂2ὑμῶν.⸃ 38 Εἰ μὲν οὖν Δημήτριος καὶ οἱ σὺν αὐτῷ τεχνῖται *⸉ἔχουσιν πρός τινα λόγον,⸊ ἀγοραῖοι ἄγονται, καὶ ἀνθύπατοί εἰσιν· ἐγκαλείτωσαν ἀλλήλοις. 39 Εἰ δέ τι *⸂περὶ ἑτέρων⸃ ἐπιζητεῖτε, ἐν τῇ ἐννόμῳ ἐκκλησίᾳ ἐπιλυθήσεται. 40 Καὶ γὰρ κινδυνεύομεν ἐγκαλεῖσθαι στάσεως περὶ τῆς σήμερον, μηδενὸς αἰτίου ὑπάρχοντος περὶ οὗ *⸋οὐ⸌ δυνησόμεθα *⸂δοῦναι⸃ λόγον *⸆ τῆς συστροφῆς ταύτης. 41 Καὶ ταῦτα εἰπών, ἀπέλυσεν τὴν ἐκκλησίαν.

*19:1 ⸂ ἐλθεῖν RP f 35 TR TNT2 WH NA25 NIV11 SBL ¦ κατελθεῖν NA27+28 NIV73

*19:1 ⸂2 εὑρών RP f 35 TR ¦ εὑρεῖν TNT2 WH NA NIV SBL

*19:2 ⸂ εἶπε(ν) … Οἱ δὲ εἶπον RP f 35 TR ¦ εἶπεν τε … Οἱ δὲ TNT2 WH NA NIV SBL

*19:3 ⸋ πρὸς αὐτούς RP TR ¦ – f 35 TNT2 WH NA NIV SBL

*19:4 ⸋ μὲν RP f 35 TR ¦ – TNT2 WH NA NIV SBL

*19:4 ⸂ τὸν χριστὸν Ἰησοῦν RP f 35 TR ¦ τὸν Ἰησοῦν TNT2 WH NA NIV SBL

*19:6 ⸋ τὰς RP f 35 TR NA27+28 NIV73 ¦ – TNT2 WH NA25 NIV11 SBL

*19:7 ⸂ δεκαδύο RP f 35 TR ¦ δώδεκα TNT2 WH NA NIV SBL

*19:8 ⸋ τὰ RP f 35 TR NA27+28 NIV73 ¦ – TNT2 WH NA25 NIV11 SBL

*19:9 ⸋ τινός RP f 35 TR ¦ – TNT2 WH NA NIV SBL

*19:10 ⸂ τοῦ κυρίου Ἰησοῦ RP f 35 TR ¦ τοῦ κυρίου TNT2 WH NA NIV SBL

*19:11 ⸂ τε RP TR TNT2 WH NA NIV SBL ¦ δὲ f 35

*19:11 ⸉ ἐποίει ὁ θεὸς RP f 35 TR ¦ ὁ θεὸς ἐποίει TNT2 WH NA NIV SBL

*19:12 ⸂ ἐπιφέρεσθαι RP f 35 TR ¦ ἀποφέρεσθαι TNT2 WH NA NIV SBL

*19:12 ⸂2 ἐξέρχεσθαι RP f 35 TR ¦ ἐκπορεύεσθαι TNT2 WH NA NIV SBL

*19:12 ⸋ ἀπ᾽ αὐτῶν RP f 35 TR ¦ – TNT2 WH NA NIV SBL

*19:13 ⸆ – RP f 35 TR ¦ καὶ TNT2 WH NA NIV SBL

*19:13 ⸋ ἀπὸ RP f 35 TR ¦ – TNT2 WH NA NIV SBL

*19:13 ⸂ Ὁρκίζομεν RP f 35 TR ¦ Ὁρκίζω TNT2 WH NA NIV SBL

*19:13 ⸋2 ὁ RP f 35 TR ¦ – TNT2 WH NA NIV SBL

*19:14 ⸂ τινες υἱοὶ Σκευᾶ Ἰουδαίου ἀρχιερέως ἑπτὰ οἱ RP f 35 TR ¦ τινος Σκευᾶ Ἰουδαίου ἀρχιερέως ἑπτὰ υἱοὶ TNT2 WH NA NIV SBL

*19:15 ⸆ – RP f 35 TR ¦ αὐτοῖς TNT2 WH NA NIV SBL

*19:15 ⸆2 – RP f 35 TR TNT2 SBL ¦ μὲν WH NA NIV

*19:16 ⸂ ἐφαλλόμενος RP f 35 TR ¦ ἐφαλόμενος TNT2 WH NA NIV SBL

*19:16 ⸉ ἐπ᾽ αὐτοὺς ὁ ἄνθρωπος RP f 35 TR ¦ ὁ ἄνθρωπος ἐπ᾽ αὐτοὺς TNT2 WH NA NIV SBL

*19:16 ⸂2 καὶ κατακυριεύσαν αὐτῶν RP f 35 ¦ καὶ κατακυριεύσας αὐτῶν TR ¦ κατακυριεύσας ἀμφοτέρων TNT2 WH NA NIV SBL

*19:17 ⸉ γνωστὸν πᾶσιν RP TR TNT2 WH NA NIV SBL ¦ πᾶσιν γνωστὸν f 35

*19:17 ⸂ ἐπέπεσεν RP f 35 WH NA NIV SBL ¦ ἐπέπεσε TR ¦ ἔπεσεν TNT2

*19:19 ⸂ συνεψήφισαν RP TR TNT2 WH NA NIV SBL ¦ συνεψηφίσαντο f 35

*19:20 ⸉ ὁ λόγος τοῦ κυρίου RP f 35 TR ¦ τοῦ κυρίου ὁ λόγος TNT2 WH NA NIV SBL

*19:22 ⸋ τὴν RP f 35 TR TNT2 WH NA27+28 NIV SBL ¦ – NA25

*19:24 ⸉ ἐργασίαν οὐκ ὀλίγην RP f 35 TR ¦ οὐκ ὀλίγην ἐργασίαν TNT2 WH NA NIV SBL

*19:25 ⸂ ἡμῶν RP f 35 TR ¦ ἡμῖν TNT2 WH NA NIV SBL

*19:27 ⸉ ἱερὸν Ἀρτέμιδος RP ¦ Ἀρτέμιδος ἱερὸν f 35 TR TNT2 WH NA NIV SBL

*19:27 ⸂ δὲ RP f 35 TR ¦ τε TNT2 WH NA NIV SBL

*19:27 ⸂2 τὴν μεγαλειότητα RP f 35 TR ¦ τῆς μεγαλειότητος TNT2 WH NA NIV SBL

*19:29 ⸋ ὅλη RP f 35 TR ¦ – TNT2 WH NA NIV SBL

*19:29 ⸋2 τῆς RP f 35 TNT2 WH NA NIV SBL ¦ – TR

*19:29 ⸆ – RP f 35 TNT2 WH NA NIV SBL ¦ τοῦ TR

*19:30 ⸂ Τοῦ δὲ Παύλου RP f 35 TR ¦ Παύλου δὲ TNT2 WH NA NIV SBL

*19:33 ⸂ προεβίβασαν RP f 35 TR ¦ συνεβίβασαν TNT2 WH NA NIV SBL

*19:33 ⸂2 προβαλόντων RP TR TNT2 WH NA NIV SBL ¦ προβαλλόντων f 35

*19:34 ⸂ Ἐπιγνόντες RP f 35 TNT2 WH NA NIV SBL ¦ Ἐπιγνόντων TR

*19:34 ⸂2 ὡς RP f 35 TR TNT2 NA NIV SBL ¦ ὡσεὶ WH

*19:34 ⸂3 κραζόντων RP f 35 TR TNT2 WH NA27+28 NIV SBL ¦ κράζοντες NA25

*19:35 ⸉ ὁ γραμματεὺς τὸν ὄχλον RP f 35 TR TNT2 NA NIV SBL ¦ τὸν ὄχλον ὁ γραμματεὺς WH

*19:35 ⸂ ἄνθρωπος RP f 35 TR ¦ ἀνθρώπων TNT2 WH NA NIV SBL

*19:35 ⸋ θεᾶς RP f 35 TR ¦ – TNT2 WH NA NIV SBL

*19:37 ⸂ θεὸν RP f 35 TNT2 WH NA NIV SBL ¦ θεὰν TR

*19:37 ⸂2 ὑμῶν RP f 35 TR ¦ ἡμῶν TNT2 WH NA NIV SBL

*19:38 ⸉ ἔχουσιν πρός τινα λόγον RP f 35 TNT2 WH NA28 SBL ¦ πρός τινα λόγον ἔχουσιν TR ¦ ἔχουσι πρός τινα λόγον NA25+27 NIV

*19:39 ⸂ περὶ ἑτέρων RP f 35 TR ¦ περαιτέρω TNT2 WH NA NIV SBL

*19:40 ⸋ οὐ RP f 35 TNT2 WH NA NIV SBL ¦ – TR

*19:40 ⸂ δοῦναι RP ¦ ἀποδοῦναι f 35 TR TNT2 WH NA NIV SBL

*19:40 ⸆ – RP f 35 TR ¦ περὶ TNT2 WH NA NIV SBL

Public Domain