Η Καινή Διαθήκη ΙΩΑΝΝΗΝ 6

1 Μετὰ ταῦτα ἀπῆλθεν ὁ Ἰησοῦς πέραν τῆς θαλάσσης τῆς Γαλιλαίας, τῆς Τιβεριάδος. 2 *⸂Καὶ ἠκολούθει⸃ αὐτῷ ὄχλος πολύς, ὅτι *⸂2ἑώρων⸃ *⸋αὐτοῦ⸌ τὰ σημεῖα ἃ ἐποίει ἐπὶ τῶν ἀσθενούντων. 3 Ἀνῆλθεν δὲ εἰς τὸ ὄρος *⸋ὁ⸌ Ἰησοῦς, καὶ ἐκεῖ ἐκάθητο μετὰ τῶν μαθητῶν αὐτοῦ. 4 Ἦν δὲ ἐγγὺς τὸ Πάσχα, ἡ ἑορτὴ τῶν Ἰουδαίων. 5 Ἐπάρας οὖν *⸉ὁ Ἰησοῦς τοὺς ὀφθαλμούς,⸊ καὶ θεασάμενος ὅτι πολὺς ὄχλος ἔρχεται πρὸς αὐτόν, λέγει πρὸς *⸋τὸν⸌ Φίλιππον, Πόθεν *⸂ἀγοράσομεν⸃ ἄρτους, ἵνα φάγωσιν οὗτοι; 6 Τοῦτο δὲ ἔλεγεν πειράζων αὐτόν· αὐτὸς γὰρ ᾔδει τί ἔμελλεν ποιεῖν. 7 Ἀπεκρίθη αὐτῷ *⸆ Φίλιππος, Διακοσίων δηναρίων ἄρτοι οὐκ ἀρκοῦσιν αὐτοῖς, ἵνα ἕκαστος *⸋αὐτῶν⸌ βραχύ *⸋2τι⸌ λάβῃ. 8 Λέγει αὐτῷ εἷς ἐκ τῶν μαθητῶν αὐτοῦ, Ἀνδρέας ὁ ἀδελφὸς Σίμωνος Πέτρου, 9 Ἔστιν παιδάριον *⸋ἓν⸌ ὧδε, *⸂ὃ⸃ ἔχει πέντε ἄρτους κριθίνους καὶ δύο ὀψάρια· ἀλλὰ ταῦτα τί ἐστιν εἰς τοσούτους; 10 Εἶπεν *⸋δὲ⸌ ὁ Ἰησοῦς, Ποιήσατε τοὺς ἀνθρώπους ἀναπεσεῖν. Ἦν δὲ χόρτος πολὺς ἐν τῷ τόπῳ. Ἀνέπεσον οὖν οἱ ἄνδρες τὸν ἀριθμὸν *⸂ὡσεὶ⸃ πεντακισχίλιοι. 11 Ἔλαβεν *⸂δὲ⸃ τοὺς ἄρτους ὁ Ἰησοῦς, καὶ εὐχαριστήσας διέδωκεν *⸋τοῖς μαθηταῖς, οἱ δὲ μαθηταὶ⸌ τοῖς ἀνακειμένοις· ὁμοίως καὶ ἐκ τῶν ὀψαρίων ὅσον ἤθελον. 12 Ὡς δὲ ἐνεπλήσθησαν, λέγει τοῖς μαθηταῖς αὐτοῦ, Συναγάγετε τὰ περισσεύσαντα *⸂κλάσματα,⸃ ἵνα μή τι ἀπόληται. 13 Συνήγαγον οὖν, καὶ ἐγέμισαν δώδεκα κοφίνους κλασμάτων ἐκ τῶν πέντε ἄρτων τῶν κριθίνων, ἃ *⸂ἐπερίσσευσεν⸃ τοῖς βεβρωκόσιν. 14 Οἱ οὖν ἄνθρωποι ἰδόντες *⸂ὃ ἐποίησεν σημεῖον⸃ *⸋ὁ Ἰησοῦς,⸌ ἔλεγον ὅτι Οὗτός ἐστιν ἀληθῶς ὁ προφήτης ὁ ἐρχόμενος εἰς τὸν κόσμον. 15 Ἰησοῦς οὖν γνοὺς ὅτι μέλλουσιν ἔρχεσθαι καὶ ἁρπάζειν αὐτόν, ἵνα ποιήσωσιν *⸋αὐτὸν⸌ βασιλέα, ἀνεχώρησεν *⸆ εἰς τὸ ὄρος αὐτὸς μόνος.

16 Ὡς δὲ ὀψία ἐγένετο, κατέβησαν οἱ μαθηταὶ αὐτοῦ ἐπὶ τὴν θάλασσαν, 17 καὶ ἐμβάντες εἰς *⸋τὸ⸌ πλοῖον, ἤρχοντο πέραν τῆς θαλάσσης εἰς Καπερναούμ. Καὶ σκοτία ἤδη ἐγεγόνει, καὶ *⸂οὐκ⸃ ἐληλύθει πρὸς αὐτοὺς ὁ Ἰησοῦς. 18 Ἥ τε θάλασσα ἀνέμου μεγάλου πνέοντος διηγείρετο. 19 Ἐληλακότες οὖν ὡς σταδίους εἴκοσι πέντε ἢ τριάκοντα, θεωροῦσιν τὸν Ἰησοῦν περιπατοῦντα ἐπὶ τῆς θαλάσσης, καὶ ἐγγὺς τοῦ πλοίου γινόμενον· καὶ ἐφοβήθησαν. 20 Ὁ δὲ λέγει αὐτοῖς, Ἐγώ εἰμι· μὴ φοβεῖσθε. 21 Ἤθελον οὖν λαβεῖν αὐτὸν εἰς τὸ πλοῖον· καὶ εὐθέως *⸉τὸ πλοῖον ἐγένετο⸊ ἐπὶ τῆς γῆς εἰς ἣν ὑπῆγον.

22 Τῇ ἐπαύριον ὁ ὄχλος ὁ ἑστηκὼς πέραν τῆς θαλάσσης, *⸂ἰδὼν⸃ ὅτι πλοιάριον ἄλλο οὐκ ἦν ἐκεῖ εἰ μὴ ἓν *⸋ἐκεῖνο εἰς ὃ ἐνέβησαν οἱ μαθηταὶ αὐτοῦ,⸌ καὶ ὅτι οὐ συνεισῆλθεν τοῖς μαθηταῖς αὐτοῦ ὁ Ἰησοῦς εἰς τὸ *⸂2πλοιάριον,⸃ ἀλλὰ μόνοι οἱ μαθηταὶ αὐτοῦ ἀπῆλθον— 23 *⸂ἄλλα δὲ ἦλθεν πλοιάρια⸃ ἐκ Τιβεριάδος ἐγγὺς τοῦ τόπου ὅπου ἔφαγον τὸν ἄρτον, εὐχαριστήσαντος τοῦ κυρίου— 24 ὅτε οὖν εἶδεν ὁ ὄχλος ὅτι Ἰησοῦς οὐκ ἔστιν ἐκεῖ οὐδὲ οἱ μαθηταὶ αὐτοῦ, ἐνέβησαν *⸆ αὐτοὶ εἰς τὰ *⸂πλοῖα,⸃ καὶ ἦλθον εἰς Καπερναούμ, ζητοῦντες τὸν Ἰησοῦν. 25 Καὶ εὑρόντες αὐτὸν πέραν τῆς θαλάσσης, εἶπον αὐτῷ, Ῥαββί, πότε ὧδε γέγονας; 26 Ἀπεκρίθη αὐτοῖς ὁ Ἰησοῦς καὶ εἶπεν, Ἀμὴν ἀμὴν λέγω ὑμῖν, ζητεῖτέ με, οὐχ ὅτι εἴδετε σημεῖα, ἀλλ᾽ ὅτι ἐφάγετε ἐκ τῶν ἄρτων καὶ ἐχορτάσθητε. 27 Ἐργάζεσθε μὴ τὴν βρῶσιν τὴν ἀπολλυμένην, ἀλλὰ τὴν βρῶσιν τὴν μένουσαν εἰς ζωὴν αἰώνιον, ἣν ὁ υἱὸς τοῦ ἀνθρώπου ὑμῖν δώσει· τοῦτον γὰρ ὁ πατὴρ ἐσφράγισεν, ὁ θεός. 28 Εἶπον οὖν πρὸς αὐτόν, Τί *⸂ποιῶμεν,⸃ ἵνα ἐργαζώμεθα τὰ ἔργα τοῦ θεοῦ; 29 Ἀπεκρίθη *⸆ Ἰησοῦς καὶ εἶπεν αὐτοῖς, Τοῦτό ἐστιν τὸ ἔργον τοῦ θεοῦ, ἵνα *⸂πιστεύσητε⸃ εἰς ὃν ἀπέστειλεν ἐκεῖνος. 30 Εἶπον οὖν αὐτῷ, Τί οὖν ποιεῖς σὺ σημεῖον, ἵνα ἴδωμεν καὶ πιστεύσωμέν σοι; Τί ἐργάζῃ; 31 Οἱ πατέρες ἡμῶν τὸ μάννα ἔφαγον ἐν τῇ ἐρήμῳ, καθώς ἐστιν γεγραμμένον, Ἄρτον ἐκ τοῦ οὐρανοῦ ἔδωκεν αὐτοῖς φαγεῖν. 32 Εἶπεν οὖν αὐτοῖς ὁ Ἰησοῦς, Ἀμὴν ἀμὴν λέγω ὑμῖν, οὐ Μωσῆς *⸂δέδωκεν⸃ ὑμῖν τὸν ἄρτον ἐκ τοῦ οὐρανοῦ· ἀλλ᾽ ὁ πατήρ μου δίδωσιν ὑμῖν τὸν ἄρτον ἐκ τοῦ οὐρανοῦ τὸν ἀληθινόν. 33 Ὁ γὰρ ἄρτος τοῦ θεοῦ ἐστιν ὁ καταβαίνων ἐκ τοῦ οὐρανοῦ καὶ ζωὴν διδοὺς τῷ κόσμῳ. 34 Εἶπον οὖν πρὸς αὐτόν, Κύριε, πάντοτε δὸς ἡμῖν τὸν ἄρτον τοῦτον. 35 Εἶπεν *⸂δὲ⸃ αὐτοῖς ὁ Ἰησοῦς, Ἐγώ εἰμι ὁ ἄρτος τῆς ζωῆς· ὁ ἐρχόμενος πρός *⸂2με⸃ οὐ μὴ πεινάσῃ· καὶ ὁ πιστεύων εἰς ἐμὲ οὐ μὴ *⸂3διψήσῃ⸃ πώποτε. 36 Ἀλλ᾽ εἶπον ὑμῖν ὅτι καὶ ἑωράκατέ με, καὶ οὐ πιστεύετε. 37 Πᾶν ὃ δίδωσίν μοι ὁ πατὴρ πρὸς ἐμὲ ἥξει· καὶ τὸν ἐρχόμενον πρός *⸂με⸃ οὐ μὴ ἐκβάλω ἔξω. 38 Ὅτι καταβέβηκα *⸂ἐκ⸃ τοῦ οὐρανοῦ, οὐχ ἵνα ποιῶ τὸ θέλημα τὸ ἐμόν, ἀλλὰ τὸ θέλημα τοῦ πέμψαντός με. 39 Τοῦτο δέ ἐστιν τὸ θέλημα *⸂τοῦ πέμψαντός με πατρός, ἵνα πᾶν ὃ δέδωκέν μοι, μὴ ἀπολέσω ἐξ αὐτοῦ, ἀλλὰ ἀναστήσω αὐτὸ *⸆ τῇ ἐσχάτῃ ἡμέρᾳ. 40 Τοῦτο *⸂δέ⸃ ἐστιν τὸ θέλημα τοῦ πέμψαντός με,⸃ ἵνα πᾶς ὁ θεωρῶν τὸν υἱὸν καὶ πιστεύων εἰς αὐτόν, ἔχῃ ζωὴν αἰώνιον, καὶ ἀναστήσω αὐτὸν ἐγὼ *⸆ τῇ ἐσχάτῃ ἡμέρᾳ.

41 Ἐγόγγυζον οὖν οἱ Ἰουδαῖοι περὶ αὐτοῦ, ὅτι εἶπεν, Ἐγώ εἰμι ὁ ἄρτος ὁ καταβὰς ἐκ τοῦ οὐρανοῦ. 42 Καὶ ἔλεγον, *⸂Οὐχ⸃ οὗτός ἐστιν Ἰησοῦς ὁ υἱὸς Ἰωσήφ, οὗ ἡμεῖς οἴδαμεν τὸν πατέρα καὶ τὴν μητέρα; Πῶς *⸂2οὖν⸃ λέγει *⸋οὗτος⸌ ὅτι Ἐκ τοῦ οὐρανοῦ καταβέβηκα; 43 Ἀπεκρίθη *⸋οὖν⸌ *⸋2ὁ⸌ Ἰησοῦς καὶ εἶπεν αὐτοῖς, Μὴ γογγύζετε μετ᾽ ἀλλήλων. 44 Οὐδεὶς δύναται ἐλθεῖν πρός *⸂με,⸃ ἐὰν μὴ ὁ πατὴρ ὁ πέμψας με ἑλκύσῃ αὐτόν, καὶ ἐγὼ ἀναστήσω αὐτὸν *⸋ἐν⸌ τῇ ἐσχάτῃ ἡμέρᾳ. 45 Ἔστιν γεγραμμένον ἐν τοῖς προφήταις, Καὶ ἔσονται πάντες διδακτοὶ *⸆ θεοῦ. Πᾶς *⸋οὖν⸌ ὁ *⸂ἀκούων⸃ παρὰ τοῦ πατρὸς καὶ μαθών, ἔρχεται πρός *⸂2με.⸃ 46 Οὐχ ὅτι τὸν πατέρα *⸉τις ἑώρακεν,⸊ εἰ μὴ ὁ ὢν παρὰ τοῦ θεοῦ, οὗτος ἑώρακεν τὸν πατέρα. 47 Ἀμὴν ἀμὴν λέγω ὑμῖν, ὁ πιστεύων *⸋εἰς ἐμέ,⸌ ἔχει ζωὴν αἰώνιον. 48 Ἐγώ εἰμι ὁ ἄρτος τῆς ζωῆς. 49 Οἱ πατέρες ὑμῶν ἔφαγον *⸉τὸ μάννα ἐν τῇ ἐρήμῳ,⸊ καὶ ἀπέθανον. 50 Οὗτός ἐστιν ὁ ἄρτος ὁ ἐκ τοῦ οὐρανοῦ καταβαίνων, ἵνα τις ἐξ αὐτοῦ φάγῃ καὶ μὴ ἀποθάνῃ. 51 Ἐγώ εἰμι ὁ ἄρτος ὁ ζῶν, ὁ ἐκ τοῦ οὐρανοῦ καταβάς· ἐάν τις φάγῃ ἐκ τούτου τοῦ ἄρτου, *⸂ζήσεται⸃ εἰς τὸν αἰῶνα. Καὶ *⸂2ὁ ἄρτος δὲ ὃν ἐγὼ δώσω, ἡ σάρξ μου ἐστίν, ἣν ἐγὼ δώσω⸃ ὑπὲρ τῆς τοῦ κόσμου ζωῆς.

52 Ἐμάχοντο οὖν πρὸς ἀλλήλους οἱ Ἰουδαῖοι λέγοντες, Πῶς δύναται οὗτος ἡμῖν δοῦναι τὴν σάρκα *⸆ φαγεῖν; 53 Εἶπεν οὖν αὐτοῖς ὁ Ἰησοῦς, Ἀμὴν ἀμὴν λέγω ὑμῖν, ἐὰν μὴ φάγητε τὴν σάρκα τοῦ υἱοῦ τοῦ ἀνθρώπου καὶ πίητε αὐτοῦ τὸ αἷμα, οὐκ ἔχετε ζωὴν ἐν ἑαυτοῖς. 54 Ὁ τρώγων μου τὴν σάρκα καὶ πίνων μου τὸ αἷμα, ἔχει ζωὴν αἰώνιον, καὶ ἐγὼ ἀναστήσω αὐτὸν τῇ ἐσχάτῃ ἡμέρᾳ. 55 Ἡ γὰρ σάρξ μου *⸂ἀληθῶς ἐστιν βρῶσις, καὶ τὸ αἷμά μου ἀληθῶς⸃ ἐστιν πόσις. 56 Ὁ τρώγων μου τὴν σάρκα καὶ πίνων μου τὸ αἷμα, ἐν ἐμοὶ μένει, κἀγὼ ἐν αὐτῷ. 57 Καθὼς ἀπέστειλέν με ὁ ζῶν πατήρ, κἀγὼ ζῶ διὰ τὸν πατέρα· καὶ ὁ τρώγων με, κἀκεῖνος *⸂ζήσεται⸃ δι᾽ ἐμέ. 58 Οὗτός ἐστιν ὁ ἄρτος ὁ *⸂ἐκ⸃ *⸋τοῦ⸌ οὐρανοῦ καταβάς· οὐ καθὼς ἔφαγον οἱ πατέρες *⸋2ὑμῶν⸌ *⸋3τὸ μάννα,⸌ καὶ ἀπέθανον· ὁ τρώγων *⸆ τοῦτον τὸν ἄρτον, *⸂2ζήσεται⸃ εἰς τὸν αἰῶνα. 59 Ταῦτα εἶπεν ἐν συναγωγῇ διδάσκων ἐν Καπερναούμ.

60 Πολλοὶ οὖν ἀκούσαντες ἐκ τῶν μαθητῶν αὐτοῦ εἶπον, Σκληρός ἐστιν *⸉οὗτος ὁ λόγος·⸊ τίς δύναται αὐτοῦ ἀκούειν; 61 Εἰδὼς δὲ ὁ Ἰησοῦς ἐν ἑαυτῷ ὅτι γογγύζουσιν περὶ τούτου οἱ μαθηταὶ αὐτοῦ, εἶπεν αὐτοῖς, Τοῦτο ὑμᾶς σκανδαλίζει; 62 Ἐὰν οὖν θεωρῆτε τὸν υἱὸν τοῦ ἀνθρώπου ἀναβαίνοντα ὅπου ἦν τὸ πρότερον; 63 Τὸ πνεῦμά ἐστιν τὸ ζῳοποιοῦν, ἡ σὰρξ οὐκ ὠφελεῖ οὐδέν· τὰ ῥήματα ἃ ἐγὼ *⸂λαλῶ⸃ ὑμῖν, πνεῦμά ἐστιν καὶ ζωή ἐστιν. 64 Ἀλλ᾽ εἰσὶν ἐξ ὑμῶν τινες οἳ οὐ πιστεύουσιν. ᾜδει γὰρ ἐξ ἀρχῆς ὁ Ἰησοῦς, τίνες εἰσὶν οἱ μὴ πιστεύοντες, καὶ τίς ἐστιν ὁ παραδώσων αὐτόν. 65 Καὶ ἔλεγεν, Διὰ τοῦτο εἴρηκα ὑμῖν, ὅτι οὐδεὶς δύναται ἐλθεῖν πρός με, ἐὰν μὴ ᾖ δεδομένον αὐτῷ ἐκ τοῦ πατρός *⸋μου.⸌

66 Ἐκ τούτου πολλοὶ *⸂ἀπῆλθον τῶν μαθητῶν αὐτοῦ⸃ εἰς τὰ ὀπίσω, καὶ οὐκέτι μετ᾽ αὐτοῦ περιεπάτουν. 67 Εἶπεν οὖν ὁ Ἰησοῦς τοῖς δώδεκα, Μὴ καὶ ὑμεῖς θέλετε ὑπάγειν; 68 Ἀπεκρίθη *⸋οὖν⸌ αὐτῷ Σίμων Πέτρος, Κύριε, πρὸς τίνα ἀπελευσόμεθα; Ῥήματα ζωῆς αἰωνίου ἔχεις. 69 Καὶ ἡμεῖς πεπιστεύκαμεν καὶ ἐγνώκαμεν ὅτι σὺ εἶ *⸂ὁ χριστὸς ὁ υἱὸς τοῦ θεοῦ τοῦ ζῶντος.⸃ 70 Ἀπεκρίθη αὐτοῖς *⸋ὁ Ἰησοῦς,⸌ Οὐκ ἐγὼ ὑμᾶς τοὺς δώδεκα ἐξελεξάμην, καὶ ἐξ ὑμῶν εἷς διάβολός ἐστιν; 71 Ἔλεγεν δὲ τὸν Ἰούδαν Σίμωνος *⸂Ἰσκαριώτην·⸃ οὗτος γὰρ ἔμελλεν *⸉αὐτὸν παραδιδόναι,⸊ εἷς *⸋ὢν⸌ ἐκ τῶν δώδεκα.

*6:2 ⸂ Καὶ ἠκολούθει RP f 35 TR ¦ Ἠκολούθει δὲ TNT2 WH NA NIV SBL

*6:2 ⸂2 ἑώρων RP f 35 TR NA25 ¦ ἐθεώρουν TNT2 WH NA27+28 NIV SBL

*6:2 ⸋ αὐτοῦ RP f 35 TR ¦ – TNT2 WH NA NIV SBL

*6:3 ⸋ ὁ RP f 35 TR ¦ – TNT2 WH NA NIV SBL

*6:5 ⸉ ὁ Ἰησοῦς τοὺς ὀφθαλμούς RP f 35 TR ¦ τοὺς ὀφθαλμούς ὁ Ἰησοῦς TNT2 WH NA NIV SBL

*6:5 ⸋ τὸν RP f 35 TR ¦ – TNT2 WH NA NIV SBL

*6:5 ⸂ ἀγοράσομεν RP f 35 TR ¦ ἀγοράσωμεν TNT2 WH NA NIV SBL

*6:7 ⸆ – RP f 35 TR TNT2 WH NIV11 SBL ¦ ὁ NA NIV73

*6:7 ⸋ αὐτῶν RP f 35 TR ¦ – TNT2 WH NA NIV SBL

*6:7 ⸋2 τι RP f 35 TR NA NIV SBL ¦ – TNT2 WH

*6:9 ⸋ ἓν RP f 35 TR ¦ – TNT2 WH NA NIV SBL

*6:9 ⸂ ὃ RP f 35 TR ¦ ὃς TNT2 WH NA NIV SBL

*6:10 ⸋ δὲ RP f 35 TR ¦ – TNT2 WH NA NIV SBL

*6:10 ⸂ ὡσεὶ RP f 35 TR ¦ ὡς TNT2 WH NA NIV SBL

*6:11 ⸂ δὲ RP f 35 TR ¦ οὖν TNT2 WH NA NIV SBL

*6:11 ⸋ τοῖς μαθηταῖς, οἱ δὲ μαθηταὶ RP f 35 TR ¦ – TNT2 WH NA NIV SBL

*6:12 ⸂ κλάσματα RP TR TNT2 WH NA NIV SBL ¦ τῶν κλασμάτων f 35

*6:13 ⸂ ἐπερίσσευσεν RP f 35 ¦ ἐπερίσσευσε TR ¦ ἐπερίσσευσαν TNT2 WH NA NIV SBL

*6:14 ⸂ ὃ ἐποίησεν σημεῖον RP f 35 TNT2 NA NIV SBL ¦ ὃ ἐποίησε σημεῖον TR ¦ ἃ ἐποίησεν σημεῖα WH

*6:14 ⸋ ὁ Ἰησοῦς RP f 35 TR ¦ – TNT2 WH NA NIV SBL

*6:15 ⸋ αὐτὸν RP f 35 TR ¦ – TNT2 WH NA NIV SBL

*6:15 ⸆ – RP ¦ πάλιν f 35 TR TNT2 WH NA NIV SBL

*6:17 ⸋ τὸ RP f 35 TR ¦ – TNT2 WH NA NIV SBL

*6:17 ⸂ οὐκ RP f 35 TR ¦ οὔπω TNT2 WH NA NIV SBL

*6:21 ⸉ τὸ πλοῖον ἐγένετο RP f 35 TR ¦ ἐγένετο τὸ πλοῖον TNT2 WH NA NIV SBL

*6:22 ⸂ ἰδὼν RP f 35 TR ¦ εἶδον TNT2 WH NA NIV SBL

*6:22 ⸋ ἐκεῖνο εἰς ὃ ἐνέβησαν οἱ μαθηταὶ αὐτοῦ RP f 35 TR ¦ – TNT2 WH NA NIV SBL

*6:22 ⸂2 πλοιάριον RP f 35 TR ¦ πλοῖον TNT2 WH NA NIV SBL

*6:23 ⸂ ἄλλα δὲ ἦλθεν πλοιάρια RP f 35 ¦ ἄλλα δὲ ἦλθε πλοιάρια TR ¦ ἄλλα ἦλθεν πλοιάρια TNT2 NA NIV73 ¦ ἀλλὰ ἦλθεν πλοῖα WH ¦ ἄλλα ἦλθεν πλοῖα NIV11 ¦ ἀλλὰ ἦλθεν πλοιάρια SBL

*6:24 ⸆ – RP f 35 TNT2 WH NA NIV SBL ¦ καὶ TR

*6:24 ⸂ πλοῖα RP f 35 TR ¦ πλοιάρια TNT2 WH NA NIV SBL

*6:28 ⸂ ποιῶμεν RP f 35 TNT2 WH NA NIV SBL ¦ ποιοῦμεν TR

*6:29 ⸆ – RP f 35 NA25 NIV11 ¦ ὁ TR TNT2 WH NA27+28 NIV73 SBL

*6:29 ⸂ πιστεύσητε RP f 35 TR ¦ πιστεύητε TNT2 WH NA NIV SBL

*6:32 ⸂ δέδωκεν RP f 35 TR NA NIV SBL ¦ ἔδωκεν TNT2 WH

*6:35 ⸂ δὲ RP f 35 TR ¦ – TNT2 WH NA SBL ¦ οὖν NIV

*6:35 ⸂2 με RP f 35 TR ¦ ἐμὲ TNT2 WH NA NIV SBL

*6:35 ⸂3 διψήσῃ RP f 35 TR ¦ διψήσει TNT2 WH NA NIV SBL

*6:37 ⸂ με RP f 35 TR TNT2 WH NA25 SBL ¦ ἐμὲ NA27+28 NIV

*6:38 ⸂ ἐκ RP f 35 TR ¦ ἀπὸ TNT2 WH NA NIV SBL

*6:39 ⸂ τοῦ πέμψαντός με πατρός … τοῦ πέμψαντός με RP f 35 TR ¦ τοῦ πέμψαντός με … τοῦ πατρός μου TNT2 WH NA NIV SBL

*6:39 ⸆ – RP TNT2 WH NIV11 SBL ¦ ἐν f 35 TR NA NIV73

*6:40 ⸂ δέ RP f 35 TR ¦ γάρ TNT2 WH NA NIV SBL

*6:40 ⸆ – RP f 35 TR TNT2 WH NIV11 SBL ¦ ἐν NA NIV73

*6:42 ⸂ Οὐχ RP f 35 TR NA NIV SBL ¦ Οὐχὶ TNT2 WH

*6:42 ⸂2 οὖν RP f 35 TR ¦ νῦν TNT2 WH NA NIV SBL

*6:42 ⸋ οὗτος RP f 35 TR ¦ – TNT2 WH NA NIV SBL

*6:43 ⸋ οὖν RP f 35 TR ¦ – TNT2 WH NA NIV SBL

*6:43 ⸋2 ὁ RP f 35 TR ¦ – TNT2 WH NA NIV SBL

*6:44 ⸂ με RP f 35 TR WH NA NIV SBL ¦ ἐμέ TNT2

*6:44 ⸋ ἐν RP f 35 TNT2 WH NA NIV SBL ¦ – TR

*6:45 ⸆ – RP f 35 TNT2 WH NA NIV SBL ¦ τοῦ TR

*6:45 ⸋ οὖν RP f 35 TR ¦ – TNT2 WH NA NIV SBL

*6:45 ⸂ ἀκούων RP f 35 ¦ ἀκούσας TR TNT2 WH NA NIV SBL

*6:45 ⸂2 με RP f 35 TR ¦ ἐμέ TNT2 WH NA NIV SBL

*6:46 ⸉ τις ἑώρακεν RP f 35 TR ¦ ἑώρακέν τις TNT2 WH NA NIV SBL

*6:47 ⸋ εἰς ἐμέ RP f 35 TR TNT2 ¦ – WH NA NIV SBL

*6:49 ⸉ τὸ μάννα ἐν τῇ ἐρήμῳ RP f 35 TR ¦ ἐν τῇ ἐρήμῳ τὸ μάννα TNT2 WH NA NIV SBL

*6:51 ⸂ ζήσεται RP f 35 TR TNT2 ¦ ζήσει WH NA NIV SBL

*6:51 ⸂2 ὁ ἄρτος δὲ ὃν ἐγὼ δώσω, ἡ σάρξ μου ἐστίν, ἣν ἐγὼ δώσω RP f 35 TR ¦ ὁ ἄρτος δὲ ὃν ἐγὼ δώσω, ἡ σάρξ μου ἐστίν TNT2 WH NA NIV SBL

*6:52 ⸆ – RP f 35 TR TNT2 NA25 ¦ αὐτοῦ WH NA27+28 NIV SBL

*6:55 ⸂ ἀληθῶς … ἀληθῶς RP f 35 TR ¦ ἀληθής … ἀληθής TNT2 WH NA NIV SBL

*6:57 ⸂ ζήσεται RP f 35 TR ¦ ζήσει TNT2 WH NA NIV SBL

*6:58 ⸂ ἐκ RP f 35 TR ¦ ἐξ TNT2 WH NA NIV SBL

*6:58 ⸋ τοῦ RP f 35 TR ¦ – TNT2 WH NA NIV SBL

*6:58 ⸋2 ὑμῶν RP f 35 TR NIV73 ¦ – TNT2 WH NA NIV11 SBL

*6:58 ⸋3 τὸ μάννα RP f 35 TR NIV73 ¦ – TNT2 WH NA NIV11 SBL

*6:58 ⸆ – RP TR TNT2 WH NA NIV SBL ¦ μου f 35

*6:58 ⸂2 ζήσεται RP f 35 TR ¦ ζήσει TNT2 WH NA NIV SBL

*6:60 ⸉ οὗτος ὁ λόγος RP f 35 TR ¦ ὁ λόγος οὗτος TNT2 WH NA NIV SBL

*6:63 ⸂ λαλῶ RP f 35 TR ¦ λελάληκα TNT2 WH NA NIV SBL

*6:65 ⸋ μου RP f 35 TR ¦ – TNT2 WH NA NIV SBL

*6:66 ⸂ ἀπῆλθον τῶν μαθητῶν αὐτοῦ RP f 35 TR ¦ ἐκ τῶν μαθητῶν αὐτοῦ ἀπῆλθον TNT2 WH NA27+28 NIV SBL ¦ τῶν μαθητῶν αὐτοῦ ἀπῆλθον NA25

*6:68 ⸋ οὖν RP f 35 TR ¦ – TNT2 WH NA NIV SBL

*6:69 ⸂ ὁ χριστὸς ὁ υἱὸς τοῦ θεοῦ τοῦ ζῶντος RP f 35 TR ¦ ὁ ἅγιος τοῦ θεοῦ TNT2 WH NA NIV SBL

*6:70 ⸋ ὁ Ἰησοῦς RP TR TNT2 WH NA NIV SBL ¦ – f 35

*6:71 ⸂ Ἰσκαριώτην RP f 35 TR ¦ Ἰσκαριώτου TNT2 WH NA NIV SBL

*6:71 ⸉ αὐτὸν παραδιδόναι RP f 35 TR ¦ παραδιδόναι αὐτὸν TNT2 WH NA NIV SBL

*6:71 ⸋ ὢν RP f 35 TR ¦ – TNT2 WH NA NIV SBL

Public Domain