Η Καινή Διαθήκη ΙΩΑΝΝΗΝ 12

1 Ὁ οὖν Ἰησοῦς πρὸ ἓξ ἡμερῶν τοῦ Πάσχα ἦλθεν εἰς Βηθανίαν, ὅπου ἦν Λάζαρος *⸋ὁ τεθνηκώς,⸌ ὃν ἤγειρεν ἐκ νεκρῶν. *⸆ 2 Ἐποίησαν οὖν αὐτῷ δεῖπνον ἐκεῖ, καὶ ἡ Μάρθα διηκόνει· ὁ δὲ Λάζαρος εἷς ἦν *⸆ τῶν *⸉ἀνακειμένων σὺν⸊ αὐτῷ. 3 Ἡ οὖν Μαρία λαβοῦσα λίτραν μύρου νάρδου πιστικῆς πολυτίμου, ἤλειψεν τοὺς πόδας τοῦ Ἰησοῦ, καὶ ἐξέμαξεν ταῖς θριξὶν αὐτῆς τοὺς πόδας αὐτοῦ· ἡ δὲ οἰκία ἐπληρώθη ἐκ τῆς ὀσμῆς τοῦ μύρου. 4 Λέγει *⸂οὖν⸃ *⸂2εἷς ἐκ τῶν μαθητῶν αὐτοῦ, Ἰούδας Σίμωνος Ἰσκαριώτης,⸃ ὁ μέλλων αὐτὸν παραδιδόναι, 5 Διὰ τί τοῦτο τὸ μύρον οὐκ ἐπράθη τριακοσίων δηναρίων, καὶ ἐδόθη πτωχοῖς; 6 Εἶπεν δὲ τοῦτο, οὐχ ὅτι περὶ τῶν πτωχῶν ἔμελεν αὐτῷ, ἀλλ᾽ ὅτι κλέπτης ἦν, καὶ τὸ γλωσσόκομον *⸂εἶχεν, καὶ⸃ τὰ βαλλόμενα ἐβάσταζεν. 7 Εἶπεν οὖν ὁ Ἰησοῦς, Ἄφες αὐτήν· *⸆ εἰς τὴν ἡμέραν τοῦ ἐνταφιασμοῦ μου *⸂τετήρηκεν⸃ αὐτό. 8 Τοὺς πτωχοὺς γὰρ πάντοτε ἔχετε μεθ᾽ ἑαυτῶν, ἐμὲ δὲ οὐ πάντοτε ἔχετε.

9 Ἔγνω οὖν *⸆ ὄχλος πολὺς ἐκ τῶν Ἰουδαίων ὅτι ἐκεῖ ἐστιν· καὶ ἦλθον οὐ διὰ τὸν Ἰησοῦν μόνον, ἀλλ᾽ ἵνα καὶ τὸν Λάζαρον ἴδωσιν, ὃν ἤγειρεν ἐκ νεκρῶν. 10 Ἐβουλεύσαντο δὲ οἱ ἀρχιερεῖς ἵνα καὶ τὸν Λάζαρον ἀποκτείνωσιν· 11 ὅτι πολλοὶ δι᾽ αὐτὸν ὑπῆγον τῶν Ἰουδαίων, καὶ ἐπίστευον εἰς τὸν Ἰησοῦν.

12 Τῇ ἐπαύριον *⸆ ὄχλος πολὺς ὁ ἐλθὼν εἰς τὴν ἑορτήν, ἀκούσαντες ὅτι ἔρχεται *⸆2 Ἰησοῦς εἰς Ἱεροσόλυμα, 13 ἔλαβον τὰ βαΐα τῶν φοινίκων, καὶ ἐξῆλθον εἰς *⸂ὑπάντησιν⸃ αὐτῷ, καὶ *⸂2ἔκραζον,⸃ Ὡσαννά· εὐλογημένος ὁ ἐρχόμενος ἐν ὀνόματι κυρίου, *⸆ βασιλεὺς τοῦ Ἰσραήλ. 14 Εὑρὼν δὲ ὁ Ἰησοῦς ὀνάριον, ἐκάθισεν ἐπ᾽ *⸂αὐτό,⸃ καθώς ἐστιν γεγραμμένον, 15 Μὴ φοβοῦ, *⸂θύγατερ⸃ Σιών· ἰδού, ὁ βασιλεύς σου ἔρχεται, καθήμενος ἐπὶ πῶλον ὄνου. 16 Ταῦτα *⸋δὲ⸌ οὐκ ἔγνωσαν *⸉οἱ μαθηταὶ αὐτοῦ⸊ τὸ πρῶτον· ἀλλ᾽ ὅτε ἐδοξάσθη *⸆ Ἰησοῦς, τότε ἐμνήσθησαν ὅτι ταῦτα ἦν ἐπ᾽ αὐτῷ γεγραμμένα, καὶ ταῦτα ἐποίησαν αὐτῷ. 17 Ἐμαρτύρει οὖν ὁ ὄχλος ὁ ὢν μετ᾽ αὐτοῦ ὅτε τὸν Λάζαρον ἐφώνησεν ἐκ τοῦ μνημείου, καὶ ἤγειρεν αὐτὸν ἐκ νεκρῶν. 18 Διὰ τοῦτο *⸋καὶ⸌ ὑπήντησεν αὐτῷ ὁ ὄχλος, ὅτι *⸂ἤκουσεν⸃ τοῦτο αὐτὸν πεποιηκέναι τὸ σημεῖον. 19 Οἱ οὖν Φαρισαῖοι εἶπον πρὸς ἑαυτούς, Θεωρεῖτε ὅτι οὐκ ὠφελεῖτε οὐδέν· ἴδε ὁ κόσμος *⸆ ὀπίσω αὐτοῦ ἀπῆλθεν.

20 Ἦσαν δέ *⸉τινες Ἕλληνες⸊ ἐκ τῶν ἀναβαινόντων ἵνα προσκυνήσωσιν ἐν τῇ ἑορτῇ· 21 οὗτοι οὖν προσῆλθον Φιλίππῳ τῷ ἀπὸ Βηθσαϊδὰ τῆς Γαλιλαίας, καὶ ἠρώτων αὐτὸν λέγοντες, Κύριε, θέλομεν τὸν Ἰησοῦν ἰδεῖν. 22 Ἔρχεται *⸆ Φίλιππος καὶ λέγει τῷ Ἀνδρέᾳ· *⸂καὶ πάλιν Ἀνδρέας καὶ Φίλιππος⸃ λέγουσιν τῷ Ἰησοῦ. 23 Ὁ δὲ Ἰησοῦς *⸂ἀπεκρίνατο⸃ αὐτοῖς λέγων, Ἐλήλυθεν ἡ ὥρα ἵνα δοξασθῇ ὁ υἱὸς τοῦ ἀνθρώπου. 24 Ἀμὴν ἀμὴν λέγω ὑμῖν, ἐὰν μὴ ὁ κόκκος τοῦ σίτου πεσὼν εἰς τὴν γῆν ἀποθάνῃ, αὐτὸς μόνος μένει· ἐὰν δὲ ἀποθάνῃ, πολὺν καρπὸν φέρει. 25 Ὁ φιλῶν τὴν ψυχὴν αὐτοῦ *⸂ἀπολέσει⸃ αὐτήν· καὶ ὁ μισῶν τὴν ψυχὴν αὐτοῦ ἐν τῷ κόσμῳ τούτῳ εἰς ζωὴν αἰώνιον φυλάξει αὐτήν. 26 Ἐὰν ἐμοὶ *⸉διακονῇ τις,⸊ ἐμοὶ ἀκολουθείτω· καὶ ὅπου εἰμὶ ἐγώ, ἐκεῖ καὶ ὁ διάκονος ὁ ἐμὸς ἔσται· *⸋καὶ⸌ ἐάν τις ἐμοὶ διακονῇ, τιμήσει αὐτὸν ὁ πατήρ. 27 Νῦν ἡ ψυχή μου τετάρακται· καὶ τί εἴπω; Πάτερ, σῶσόν με ἐκ τῆς ὥρας ταύτης. Ἀλλὰ διὰ τοῦτο ἦλθον εἰς τὴν ὥραν ταύτην. 28 Πάτερ, δόξασόν σου τὸ ὄνομα. Ἦλθεν οὖν φωνὴ ἐκ τοῦ οὐρανοῦ, Καὶ ἐδόξασα, καὶ πάλιν δοξάσω. 29 Ὁ οὖν ὄχλος ὁ ἑστὼς καὶ ἀκούσας ἔλεγεν βροντὴν γεγονέναι· ἄλλοι ἔλεγον, Ἄγγελος αὐτῷ λελάληκεν. 30 *⸂Ἀπεκρίθη Ἰησοῦς καὶ εἶπεν,⸃ Οὐ δι᾽ ἐμὲ *⸉αὕτη ἡ φωνὴ⸊ γέγονεν, ἀλλὰ δι᾽ ὑμᾶς. 31 Νῦν κρίσις ἐστὶν τοῦ κόσμου τούτου· νῦν ὁ ἄρχων τοῦ κόσμου τούτου ἐκβληθήσεται ἔξω. 32 Κἀγὼ *⸂ἐὰν⸃ ὑψωθῶ ἐκ τῆς γῆς, πάντας ἑλκύσω πρὸς ἐμαυτόν. 33 Τοῦτο δὲ ἔλεγεν, σημαίνων ποίῳ θανάτῳ ἔμελλεν ἀποθνῄσκειν. 34 Ἀπεκρίθη *⸆ αὐτῷ ὁ ὄχλος, Ἡμεῖς ἠκούσαμεν ἐκ τοῦ νόμου ὅτι ὁ χριστὸς μένει εἰς τὸν αἰῶνα· καὶ πῶς *⸉σὺ λέγεις,⸊ *⸆2 Δεῖ ὑψωθῆναι τὸν υἱὸν τοῦ ἀνθρώπου; Τίς ἐστιν οὗτος ὁ υἱὸς τοῦ ἀνθρώπου; 35 Εἶπεν οὖν αὐτοῖς ὁ Ἰησοῦς, Ἔτι μικρὸν χρόνον τὸ φῶς *⸂μεθ᾽ ὑμῶν⸃ ἐστιν. Περιπατεῖτε *⸂2ἕως⸃ τὸ φῶς ἔχετε, ἵνα μὴ σκοτία ὑμᾶς καταλάβῃ· καὶ ὁ περιπατῶν ἐν τῇ σκοτίᾳ οὐκ οἶδεν ποῦ ὑπάγει. 36 *⸂Ἕως⸃ τὸ φῶς ἔχετε, πιστεύετε εἰς τὸ φῶς, ἵνα υἱοὶ φωτὸς γένησθε.

Ταῦτα ἐλάλησεν *⸋ὁ⸌ Ἰησοῦς, καὶ ἀπελθὼν ἐκρύβη ἀπ᾽ αὐτῶν. 37 Τοσαῦτα δὲ αὐτοῦ σημεῖα πεποιηκότος ἔμπροσθεν αὐτῶν, οὐκ ἐπίστευον εἰς αὐτόν· 38 ἵνα ὁ λόγος Ἠσαΐου τοῦ προφήτου πληρωθῇ, ὃν εἶπεν, Κύριε, τίς ἐπίστευσεν τῇ ἀκοῇ ἡμῶν; Καὶ ὁ βραχίων κυρίου τίνι ἀπεκαλύφθη; 39 Διὰ τοῦτο οὐκ ἠδύναντο πιστεύειν, ὅτι πάλιν εἶπεν Ἠσαΐας, 40 Τετύφλωκεν αὐτῶν τοὺς ὀφθαλμούς, καὶ *⸂πεπώρωκεν⸃ αὐτῶν τὴν καρδίαν· ἵνα μὴ ἴδωσιν τοῖς ὀφθαλμοῖς, καὶ νοήσωσιν τῇ καρδίᾳ, καὶ *⸂2ἐπιστραφῶσιν,⸃ καὶ *⸂3ἰάσωμαι⸃ αὐτούς. 41 Ταῦτα εἶπεν Ἠσαΐας, *⸂ὅτε⸃ εἶδεν τὴν δόξαν αὐτοῦ, καὶ ἐλάλησεν περὶ αὐτοῦ. 42 Ὅμως μέντοι καὶ ἐκ τῶν ἀρχόντων πολλοὶ ἐπίστευσαν εἰς αὐτόν· ἀλλὰ διὰ τοὺς Φαρισαίους οὐχ ὡμολόγουν, ἵνα μὴ ἀποσυνάγωγοι γένωνται. 43 Ἠγάπησαν γὰρ τὴν δόξαν τῶν ἀνθρώπων μᾶλλον ἤπερ τὴν δόξαν τοῦ θεοῦ.

44 Ἰησοῦς δὲ ἔκραξεν καὶ εἶπεν, Ὁ πιστεύων εἰς ἐμέ, οὐ πιστεύει εἰς ἐμέ, ἀλλ᾽ εἰς τὸν πέμψαντά με· 45 καὶ ὁ θεωρῶν ἐμέ, θεωρεῖ τὸν πέμψαντά με. 46 Ἐγὼ φῶς εἰς τὸν κόσμον ἐλήλυθα, ἵνα πᾶς ὁ πιστεύων εἰς ἐμέ, ἐν τῇ σκοτίᾳ μὴ μείνῃ. 47 Καὶ ἐάν τίς μου ἀκούσῃ τῶν ῥημάτων καὶ μὴ *⸂πιστεύσῃ,⸃ ἐγὼ οὐ κρίνω αὐτόν· οὐ γὰρ ἦλθον ἵνα κρίνω τὸν κόσμον, ἀλλ᾽ ἵνα σώσω τὸν κόσμον. 48 Ὁ ἀθετῶν ἐμὲ καὶ μὴ λαμβάνων τὰ ῥήματά μου, ἔχει τὸν κρίνοντα αὐτόν· ὁ λόγος ὃν ἐλάλησα, ἐκεῖνος κρινεῖ αὐτὸν ἐν τῇ ἐσχάτῃ ἡμέρᾳ. 49 Ὅτι ἐγὼ ἐξ ἐμαυτοῦ οὐκ ἐλάλησα· ἀλλ᾽ ὁ πέμψας με πατήρ, αὐτός μοι ἐντολὴν *⸂ἔδωκεν,⸃ τί εἴπω καὶ τί λαλήσω. 50 Καὶ οἶδα ὅτι ἡ ἐντολὴ αὐτοῦ ζωὴ αἰώνιός ἐστιν· ἃ οὖν *⸉λαλῶ ἐγώ,⸊ καθὼς εἴρηκέν μοι ὁ πατήρ, οὕτως λαλῶ.

*12:1 ⸋ ὁ τεθνηκώς RP f 35 TR TNT2 ¦ – WH NA NIV SBL

*12:1 ⸆ – RP f 35 TR ¦ ὁ Ἰησοῦς TNT2 ¦ Ἰησοῦς WH NA NIV SBL

*12:2 ⸆ – RP f 35 TR ¦ ἐκ TNT2 WH NA NIV SBL

*12:2 ⸉ ἀνακειμένων σὺν RP f 35 TNT2 WH NA NIV SBL ¦ συνανακειμένων TR

*12:4 ⸂ οὖν RP f 35 TR TNT2 ¦ δὲ WH NA NIV SBL

*12:4 ⸂2 εἷς ἐκ τῶν μαθητῶν αὐτοῦ, Ἰούδας Σίμωνος Ἰσκαριώτης RP f 35 TR ¦ Ἰούδας ὁ Ἰσκαριώτης, εἷς τῶν μαθητῶν αὐτοῦ TNT2 WH NA25 NIV11 SBL ¦ Ἰούδας ὁ Ἰσκαριώτης, εἷς ἐκ τῶν μαθητῶν αὐτοῦ NA27+28 NIV73

*12:6 ⸂ εἶχεν, καὶ RP f 35 ¦ εἶχε, καὶ TR ¦ ἔχων TNT2 WH NA NIV SBL

*12:7 ⸆ – RP f 35 TR ¦ ἵνα TNT2 WH NA NIV SBL

*12:7 ⸂ τετήρηκεν RP f 35 TR ¦ τηρήσῃ TNT2 WH NA NIV SBL

*12:9 ⸆ – RP f 35 TR TNT2 NIV11 SBL ¦ ὁ WH NA NIV73

*12:12 ⸆ – RP f 35 TR TNT2 ¦ ὁ WH NA NIV SBL

*12:12 ⸆2 – RP TNT2 WH NA25 ¦ ὁ f 35 TR NA27+28 NIV SBL

*12:13 ⸂ ὑπάντησιν RP TR TNT2 WH NA NIV SBL ¦ ἀπάντησιν f 35

*12:13 ⸂2 ἔκραζον RP f 35 TR ¦ ἐκραύγαζον TNT2 WH NA NIV SBL

*12:13 ⸆ – RP f 35 ¦ ὁ TR ¦ καὶ ὁ TNT2 WH NA NIV SBL

*12:14 ⸂ αὐτό RP TR TNT2 WH NA NIV SBL ¦ αὐτῷ f 35

*12:15 ⸂ θύγατερ RP f 35 TR ¦ θυγάτηρ TNT2 WH NA NIV SBL

*12:16 ⸋ δὲ RP f 35 TR ¦ – TNT2 WH NA NIV SBL

*12:16 ⸉ οἱ μαθηταὶ αὐτοῦ RP f 35 TR TNT2 ¦ αὐτοῦ οἱ μαθηταὶ WH NA NIV SBL

*12:16 ⸆ – RP TNT2 WH NA NIV SBL ¦ ὁ f 35 TR

*12:18 ⸋ καὶ RP f 35 TR WH NA SBL ¦ – TNT2 NIV

*12:18 ⸂ ἤκουσεν RP f 35 ¦ ἤκουσε TR ¦ ἤκουσαν TNT2 WH NA NIV SBL

*12:19 ⸆ – RP f 35 TR TNT2 WH NA NIV11 SBL ¦ ὅλος NIV73

*12:20 ⸉ τινες Ἕλληνες RP f 35 TR ¦ Ἕλληνες τινες TNT2 WH NA NIV SBL

*12:22 ⸆ – RP f 35 TR ¦ ὁ TNT2 WH NA NIV SBL

*12:22 ⸂ καὶ πάλιν Ἀνδρέας καὶ Φίλιππος RP f 35 TR ¦ ἔρχεται Ἀνδρέας καὶ Φίλιππος καὶ TNT2 WH NA NIV SBL

*12:23 ⸂ ἀπεκρίνατο RP f 35 TR ¦ ἀποκρίνεται TNT2 WH NA NIV SBL

*12:25 ⸂ ἀπολέσει RP f 35 TR ¦ ἀπολλύει TNT2 WH NA NIV SBL

*12:26 ⸉ διακονῇ τις RP f 35 TR ¦ τις διακονῇ TNT2 WH NA NIV SBL

*12:26 ⸋ καὶ RP f 35 TR ¦ – TNT2 WH NA NIV SBL

*12:30 ⸂ Ἀπεκρίθη Ἰησοῦς καὶ εἶπεν RP f 35 TNT2 NA NIV SBL ¦ Ἀπεκρίθη ὁ Ἰησοῦς καὶ εἶπεν TR ¦ Ἀπεκρίθη καὶ εἶπεν Ἰησοῦς WH

*12:30 ⸉ αὕτη ἡ φωνὴ RP f 35 TR ¦ ἡ φωνὴ αὕτη TNT2 WH NA NIV SBL

*12:32 ⸂ ἐὰν RP f 35 TR TNT2 NA NIV SBL ¦ ἂν WH

*12:34 ⸆ – RP f 35 TR TNT2 ¦ οὖν WH NA NIV SBL

*12:34 ⸉ σὺ λέγεις RP f 35 TR ¦ λέγεις σὺ TNT2 WH NA NIV SBL

*12:34 ⸆2 – RP f 35 ¦ ὅτι TR TNT2 WH NA NIV SBL

*12:35 ⸂ μεθ᾽ ὑμῶν RP f 35 TR ¦ ἐν ὑμῖν TNT2 WH NA NIV SBL

*12:35 ⸂2 ἕως RP f 35 TR ¦ ὡς TNT2 WH NA NIV SBL

*12:36 ⸂ Ἕως RP f 35 TR ¦ Ὡς TNT2 WH NA NIV SBL

*12:36 ⸋ ὁ RP f 35 TR ¦ – TNT2 WH NA NIV SBL

*12:40 ⸂ πεπώρωκεν RP f 35 TR ¦ ἐπώρωσεν TNT2 WH NA NIV SBL

*12:40 ⸂2 ἐπιστραφῶσιν RP f 35 ¦ ἐπιστραφῶσι TR ¦ στραφῶσιν TNT2 WH NA NIV SBL

*12:40 ⸂3 ἰάσωμαι RP f 35 TR ¦ ἰάσομαι TNT2 WH NA NIV SBL

*12:41 ⸂ ὅτε RP f 35 TR ¦ ὅτι TNT2 WH NA NIV SBL

*12:47 ⸂ πιστεύσῃ RP f 35 TR ¦ φυλάξῃ TNT2 WH NA NIV SBL

*12:49 ⸂ ἔδωκεν RP f 35 ¦ ἔδωκε TR ¦ δέδωκεν TNT2 WH NA NIV SBL

*12:50 ⸉ λαλῶ ἐγώ RP f 35 TR ¦ ἐγώ λαλῶ TNT2 WH NA NIV SBL

Public Domain