Η Καινή Διαθήκη ΛΟΥΚΑΝ 22

1 Ἤγγιζεν δὲ ἡ ἑορτὴ τῶν ἀζύμων, ἡ λεγομένη Πάσχα. 2 Καὶ ἐζήτουν οἱ ἀρχιερεῖς καὶ οἱ γραμματεῖς τὸ πῶς ἀνέλωσιν αὐτόν· ἐφοβοῦντο γὰρ τὸν λαόν.

3 Εἰσῆλθεν δὲ *⸆ Σατανᾶς εἰς Ἰούδαν τὸν *⸂ἐπικαλούμενον⸃ Ἰσκαριώτην, ὄντα ἐκ τοῦ ἀριθμοῦ τῶν δώδεκα. 4 Καὶ ἀπελθὼν συνελάλησεν τοῖς ἀρχιερεῦσιν καὶ *⸆ στρατηγοῖς τὸ πῶς *⸉αὐτὸν παραδῷ αὐτοῖς.⸊ 5 Καὶ ἐχάρησαν, καὶ συνέθεντο αὐτῷ *⸂ἀργύριον⸃ δοῦναι. 6 Καὶ ἐξωμολόγησεν, καὶ ἐζήτει εὐκαιρίαν τοῦ παραδοῦναι αὐτὸν *⸉αὐτοῖς ἄτερ ὄχλου.⸊

7 Ἦλθεν δὲ ἡ ἡμέρα τῶν ἀζύμων, *⸋ἐν⸌ ᾗ ἔδει θύεσθαι τὸ Πάσχα. 8 Καὶ ἀπέστειλεν Πέτρον καὶ Ἰωάννην, εἰπών, Πορευθέντες ἑτοιμάσατε ἡμῖν τὸ Πάσχα, ἵνα φάγωμεν. 9 Οἱ δὲ εἶπον αὐτῷ, Ποῦ θέλεις *⸂ἑτοιμάσομεν;⸃ 10 Ὁ δὲ εἶπεν αὐτοῖς, Ἰδού, εἰσελθόντων ὑμῶν εἰς τὴν πόλιν, συναντήσει ὑμῖν ἄνθρωπος κεράμιον ὕδατος βαστάζων· ἀκολουθήσατε αὐτῷ εἰς τὴν οἰκίαν *⸂οὗ⸃ εἰσπορεύεται. 11 Καὶ ἐρεῖτε τῷ οἰκοδεσπότῃ τῆς οἰκίας, Λέγει σοι ὁ διδάσκαλος, Ποῦ ἐστιν τὸ κατάλυμα, ὅπου τὸ Πάσχα μετὰ τῶν μαθητῶν μου φάγω; 12 Κἀκεῖνος ὑμῖν δείξει ἀνὼγεον μέγα ἐστρωμένον· ἐκεῖ ἑτοιμάσατε. 13 Ἀπελθόντες δὲ εὗρον καθὼς *⸂εἴρηκεν⸃ αὐτοῖς· καὶ ἡτοίμασαν τὸ Πάσχα.

14 Καὶ ὅτε ἐγένετο ἡ ὥρα, ἀνέπεσεν, καὶ οἱ *⸋δώδεκα⸌ ἀπόστολοι σὺν αὐτῷ. 15 Καὶ εἶπεν πρὸς αὐτούς, Ἐπιθυμίᾳ ἐπεθύμησα τοῦτο τὸ Πάσχα φαγεῖν μεθ᾽ ὑμῶν πρὸ τοῦ με παθεῖν· 16 λέγω γὰρ ὑμῖν ὅτι *⸋οὐκέτι⸌ οὐ μὴ φάγω *⸂ἐξ αὐτοῦ,⸃ ἕως ὅτου πληρωθῇ ἐν τῇ βασιλείᾳ τοῦ θεοῦ. 17 Καὶ δεξάμενος ποτήριον, εὐχαριστήσας εἶπεν, Λάβετε τοῦτο, καὶ διαμερίσατε *⸂ἑαυτοῖς·⸃ 18 λέγω γὰρ ὑμῖν *⸋ὅτι⸌ οὐ μὴ πίω *⸆ ἀπὸ τοῦ γενήματος τῆς ἀμπέλου, ἕως *⸂ὅτου⸃ ἡ βασιλεία τοῦ θεοῦ ἔλθῃ. 19 Καὶ λαβὼν ἄρτον, εὐχαριστήσας ἔκλασεν, καὶ ἔδωκεν αὐτοῖς, λέγων, Τοῦτό ἐστιν τὸ σῶμά μου, *⸋τὸ ὑπὲρ ὑμῶν διδόμενον· τοῦτο ποιεῖτε εἰς τὴν ἐμὴν ἀνάμνησιν. 20 *⸉Ὡσαύτως καὶ τὸ ποτήριον⸊ μετὰ τὸ δειπνῆσαι, λέγων, Τοῦτο τὸ ποτήριον ἡ καινὴ διαθήκη ἐν τῷ αἵματί μου, τὸ ὑπὲρ ὑμῶν ἐκχυνόμενον.⸌ 21 Πλὴν ἰδού, ἡ χεὶρ τοῦ παραδιδόντος με μετ᾽ ἐμοῦ ἐπὶ τῆς τραπέζης. 22 *⸂Καὶ ὁ μὲν υἱὸς⸃ τοῦ ἀνθρώπου *⸉πορεύεται κατὰ τὸ ὡρισμένον·⸊ πλὴν οὐαὶ τῷ ἀνθρώπῳ ἐκείνῳ δι᾽ οὗ παραδίδοται. 23 Καὶ αὐτοὶ ἤρξαντο συζητεῖν πρὸς ἑαυτοὺς τὸ τίς ἄρα εἴη ἐξ αὐτῶν ὁ τοῦτο μέλλων πράσσειν.

24 Ἐγένετο δὲ καὶ φιλονεικία ἐν αὐτοῖς τὸ τίς αὐτῶν δοκεῖ εἶναι μείζων. 25 Ὁ δὲ εἶπεν αὐτοῖς, Οἱ βασιλεῖς τῶν ἐθνῶν κυριεύουσιν αὐτῶν, καὶ οἱ ἐξουσιάζοντες αὐτῶν εὐεργέται καλοῦνται. 26 Ὑμεῖς δὲ οὐχ οὕτως· ἀλλ᾽ ὁ μείζων ἐν ὑμῖν *⸂γενέσθω⸃ ὡς ὁ νεώτερος· καὶ ὁ ἡγούμενος ὡς ὁ διακονῶν. 27 Τίς γὰρ μείζων, ὁ ἀνακείμενος ἢ ὁ διακονῶν; *⸂Οὐχὶ⸃ ὁ ἀνακείμενος; Ἐγὼ δέ *⸉εἰμι ἐν μέσῳ ὑμῶν⸊ ὡς ὁ διακονῶν. 28 Ὑμεῖς δέ ἐστε οἱ διαμεμενηκότες μετ᾽ ἐμοῦ ἐν τοῖς πειρασμοῖς μου· 29 κἀγὼ διατίθεμαι ὑμῖν, καθὼς διέθετό μοι ὁ πατήρ μου, βασιλείαν, 30 ἵνα ἐσθίητε καὶ πίνητε ἐπὶ τῆς τραπέζης μου *⸆ καὶ καθίσεσθε ἐπὶ θρόνων, *⸉κρίνοντες τὰς δώδεκα φυλὰς⸊ τοῦ Ἰσραήλ. 31 *⸋Εἶπεν δὲ ὁ κύριος,⸌ Σίμων, Σίμων, ἰδού, ὁ Σατανᾶς ἐξῃτήσατο ὑμᾶς, τοῦ σινιάσαι ὡς τὸν σῖτον· 32 ἐγὼ δὲ ἐδεήθην περὶ σοῦ, ἵνα μὴ ἐκλίπῃ ἡ πίστις σου· καὶ σύ ποτε ἐπιστρέψας στήριξον τοὺς ἀδελφούς σου. 33 Ὁ δὲ εἶπεν αὐτῷ, Κύριε, μετὰ σοῦ ἕτοιμός εἰμι καὶ εἰς φυλακὴν καὶ εἰς θάνατον πορεύεσθαι. 34 Ὁ δὲ εἶπεν, Λέγω σοι, Πέτρε, οὐ *⸋μὴ⸌ *⸂φωνήσῃ⸃ σήμερον ἀλέκτωρ, *⸂2πρὶν ἢ⸃ τρὶς *⸂3ἀπαρνήσῃ μὴ εἰδέναι με.⸃

35 Καὶ εἶπεν αὐτοῖς, Ὅτε ἀπέστειλα ὑμᾶς ἄτερ βαλαντίου καὶ πήρας καὶ ὑποδημάτων, μή τινος ὑστερήσατε; Οἱ δὲ εἶπον, Οὐθενός. 36 Εἶπεν *⸂οὖν⸃ αὐτοῖς, Ἀλλὰ νῦν ὁ ἔχων βαλάντιον ἀράτω, ὁμοίως καὶ πήραν· καὶ ὁ μὴ ἔχων, *⸂2πωλήσει⸃ τὸ ἱμάτιον αὐτοῦ, καὶ *⸂3ἀγοράσει⸃ μάχαιραν. 37 Λέγω γὰρ ὑμῖν ὅτι *⸋ἔτι⸌ τοῦτο τὸ γεγραμμένον δεῖ τελεσθῆναι ἐν ἐμοί, τὸ Καὶ μετὰ ἀνόμων ἐλογίσθη· καὶ γὰρ *⸂τὰ⸃ περὶ ἐμοῦ τέλος ἔχει. 38 Οἱ δὲ εἶπον, Κύριε, ἰδού, μάχαιραι ὧδε δύο. Ὁ δὲ εἶπεν αὐτοῖς, Ἱκανόν ἐστιν.

39 Καὶ ἐξελθὼν ἐπορεύθη κατὰ τὸ ἔθος εἰς τὸ ὄρος τῶν Ἐλαιῶν· ἠκολούθησαν δὲ αὐτῷ καὶ οἱ μαθηταὶ *⸋αὐτοῦ.⸌ 40 Γενόμενος δὲ ἐπὶ τοῦ τόπου, εἶπεν αὐτοῖς, Προσεύχεσθε μὴ εἰσελθεῖν εἰς πειρασμόν. 41 Καὶ αὐτὸς ἀπεσπάσθη ἀπ᾽ αὐτῶν ὡσεὶ λίθου βολήν, καὶ θεὶς τὰ γόνατα προσηύχετο, 42 λέγων, Πάτερ, εἰ βούλει, *⸂παρενεγκεῖν⸃ *⸉τὸ ποτήριον τοῦτο⸊ ἀπ᾽ ἐμοῦ· πλὴν μὴ τὸ θέλημά μου, ἀλλὰ τὸ σὸν *⸂2γενέσθω.⸃ 43 *⸋Ὤφθη δὲ αὐτῷ ἄγγελος *⸂ἀπ᾽⸃ οὐρανοῦ ἐνισχύων αὐτόν. 44 Καὶ γενόμενος ἐν ἀγωνίᾳ, ἐκτενέστερον προσηύχετο. *⸂Ἐγένετο δὲ⸃ ὁ ἱδρὼς αὐτοῦ ὡσεὶ θρόμβοι αἵματος καταβαίνοντες ἐπὶ τὴν γῆν.⸌ 45 Καὶ ἀναστὰς ἀπὸ τῆς προσευχῆς, ἐλθὼν πρὸς τοὺς μαθητὰς εὗρεν *⸉αὐτοὺς κοιμωμένους⸊ ἀπὸ τῆς λύπης, 46 καὶ εἶπεν αὐτοῖς, Τί καθεύδετε; Ἀναστάντες προσεύχεσθε, ἵνα μὴ εἰσέλθητε εἰς πειρασμόν.

47 Ἔτι *⸋δὲ⸌ αὐτοῦ λαλοῦντος, ἰδού, ὄχλος, καὶ ὁ λεγόμενος Ἰούδας, εἷς τῶν δώδεκα, προήρχετο *⸂αὐτούς,⸃ καὶ ἤγγισεν τῷ Ἰησοῦ φιλῆσαι αὐτόν. *⸆ 48 *⸂Ὁ δὲ Ἰησοῦς⸃ εἶπεν αὐτῷ, Ἰούδα, φιλήματι τὸν υἱὸν τοῦ ἀνθρώπου παραδίδως; 49 Ἰδόντες δὲ οἱ περὶ αὐτὸν τὸ ἐσόμενον εἶπον *⸋αὐτῷ,⸌ Κύριε, εἰ πατάξομεν ἐν μαχαίρᾳ; 50 Καὶ ἐπάταξεν εἷς τις ἐξ αὐτῶν *⸉τὸν δοῦλον τοῦ ἀρχιερέως,⸊ καὶ ἀφεῖλεν *⸉2αὐτοῦ τὸ οὖς⸊ τὸ δεξιόν. 51 Ἀποκριθεὶς δὲ ὁ Ἰησοῦς εἶπεν, Ἐᾶτε ἕως τούτου. Καὶ ἁψάμενος τοῦ ὠτίου *⸋αὐτοῦ,⸌ ἰάσατο αὐτόν. 52 Εἶπεν δὲ *⸋ὁ⸌ Ἰησοῦς πρὸς τοὺς παραγενομένους *⸂ἐπ᾽⸃ αὐτὸν ἀρχιερεῖς καὶ στρατηγοὺς τοῦ ἱεροῦ καὶ πρεσβυτέρους, Ὡς ἐπὶ λῃστὴν *⸂2ἐξεληλύθατε⸃ μετὰ μαχαιρῶν καὶ ξύλων; 53 Καθ᾽ ἡμέραν ὄντος μου μεθ᾽ ὑμῶν ἐν τῷ ἱερῷ, οὐκ ἐξετείνατε τὰς χεῖρας ἐπ᾽ ἐμέ. Ἀλλ᾽ αὕτη *⸉ὑμῶν ἐστιν⸊ ἡ ὥρα, καὶ ἡ ἐξουσία τοῦ σκότους.

54 Συλλαβόντες δὲ αὐτὸν ἤγαγον, καὶ εἰσήγαγον *⸋αὐτὸν⸌ εἰς *⸂τὸν οἶκον⸃ τοῦ ἀρχιερέως. Ὁ δὲ Πέτρος ἠκολούθει μακρόθεν. 55 *⸂Ἁψάντων⸃ δὲ πῦρ ἐν μέσῳ τῆς αὐλῆς, καὶ συγκαθισάντων *⸋αὐτῶν,⸌ ἐκάθητο ὁ Πέτρος *⸂2ἐν μέσῳ⸃ αὐτῶν. 56 Ἰδοῦσα δὲ αὐτὸν παιδίσκη τις καθήμενον πρὸς τὸ φῶς, καὶ ἀτενίσασα αὐτῷ, εἶπεν, Καὶ οὗτος σὺν αὐτῷ ἦν. 57 Ὁ δὲ ἠρνήσατο *⸋αὐτόν,⸌ λέγων, *⸉Γύναι, οὐκ οἶδα αὐτόν.⸊ 58 Καὶ μετὰ βραχὺ ἕτερος ἰδὼν αὐτὸν ἔφη, Καὶ σὺ ἐξ αὐτῶν εἶ. Ὁ δὲ Πέτρος *⸂εἶπεν,⸃ Ἄνθρωπε, οὐκ εἰμί. 59 Καὶ διαστάσης ὡσεὶ ὥρας μιᾶς, ἄλλος τις διϊσχυρίζετο, λέγων, Ἐπ᾽ ἀληθείας καὶ οὗτος μετ᾽ αὐτοῦ ἦν· καὶ γὰρ Γαλιλαῖός ἐστιν. 60 Εἶπεν δὲ ὁ Πέτρος, Ἄνθρωπε, οὐκ οἶδα ὃ λέγεις. Καὶ παραχρῆμα, ἔτι λαλοῦντος αὐτοῦ, ἐφώνησεν *⸆ ἀλέκτωρ. 61 Καὶ στραφεὶς ὁ κύριος ἐνέβλεψεν τῷ Πέτρῳ. Καὶ ὑπεμνήσθη ὁ Πέτρος τοῦ *⸂λόγου⸃ τοῦ κυρίου, ὡς εἶπεν αὐτῷ ὅτι Πρὶν ἀλέκτορα φωνῆσαι, *⸆ ἀπαρνήσῃ με τρίς. 62 Καὶ ἐξελθὼν ἔξω *⸋ὁ Πέτρος⸌ ἔκλαυσεν πικρῶς.

63 Καὶ οἱ ἄνδρες οἱ συνέχοντες *⸂τὸν Ἰησοῦν⸃ ἐνέπαιζον αὐτῷ, δέροντες. 64 Καὶ περικαλύψαντες αὐτόν, *⸋ἔτυπτον αὐτοῦ τὸ πρόσωπον, καὶ⸌ ἐπηρώτων *⸋2αὐτόν,⸌ λέγοντες, Προφήτευσον· τίς ἐστιν ὁ παίσας σε; 65 Καὶ ἕτερα πολλὰ βλασφημοῦντες ἔλεγον εἰς αὐτόν.

66 Καὶ ὡς ἐγένετο ἡμέρα, συνήχθη τὸ πρεσβυτέριον τοῦ λαοῦ, ἀρχιερεῖς *⸆ καὶ γραμματεῖς, καὶ *⸂ἀνήγαγον⸃ αὐτὸν εἰς τὸ συνέδριον *⸂2αὐτῶν,⸃ λέγοντες, 67 Εἰ σὺ εἶ ὁ χριστός, εἰπὲ ἡμῖν. Εἶπεν δὲ αὐτοῖς, Ἐὰν ὑμῖν εἴπω, οὐ μὴ πιστεύσητε· 68 ἐὰν δὲ *⸋καὶ⸌ ἐρωτήσω, οὐ μὴ ἀποκριθῆτέ *⸋2μοι,⸌ *⸋3ἢ ἀπολύσητε.⸌ 69 Ἀπὸ τοῦ νῦν *⸆ ἔσται ὁ υἱὸς τοῦ ἀνθρώπου καθήμενος ἐκ δεξιῶν τῆς δυνάμεως τοῦ θεοῦ. 70 Εἶπον δὲ πάντες, Σὺ οὖν εἶ ὁ υἱὸς τοῦ θεοῦ; Ὁ δὲ πρὸς αὐτοὺς ἔφη, Ὑμεῖς λέγετε ὅτι ἐγώ εἰμι. 71 Οἱ δὲ εἶπον, Τί ἔτι *⸉χρείαν ἔχομεν μαρτυρίας;⸊ Αὐτοὶ γὰρ ἠκούσαμεν ἀπὸ τοῦ στόματος αὐτοῦ.

*22:3 ⸆ – RP TNT2 WH NA NIV SBL ¦ ὁ f 35 TR

*22:3 ⸂ ἐπικαλούμενον RP f 35 TR ¦ καλούμενον TNT2 WH NA NIV SBL

*22:4 ⸆ – RP f 35 TNT2 WH NA NIV SBL ¦ τοῖς TR

*22:4 ⸉ αὐτὸν παραδῷ αὐτοῖς RP f 35 TR ¦ αὐτοῖς παραδῷ αὐτόν TNT2 WH NA NIV SBL

*22:5 ⸂ ἀργύριον RP TR TNT2 WH NA NIV SBL ¦ ἀργύρια f 35

*22:6 ⸉ αὐτοῖς ἄτερ ὄχλου RP f 35 TR ¦ ἄτερ ὄχλου αὐτοῖς TNT2 WH NA NIV SBL

*22:7 ⸋ ἐν RP f 35 TR NA27+28 ¦ – TNT2 WH NA25 NIV SBL

*22:9 ⸂ ἑτοιμάσομεν RP f 35 ¦ ἑτοιμάσωμεν TR TNT2 WH NA NIV SBL

*22:10 ⸂ οὗ RP f 35 TR ¦ εἰς ἣν TNT2 WH NA NIV SBL

*22:13 ⸂ εἴρηκεν RP f 35 TR ¦ εἰρήκει TNT2 WH NA NIV SBL

*22:14 ⸋ δώδεκα RP f 35 TR ¦ – TNT2 WH NA NIV SBL

*22:16 ⸋ οὐκέτι RP f 35 TR TNT2 NA25 ¦ – WH NA27+28 NIV SBL

*22:16 ⸂ ἐξ αὐτοῦ RP f 35 TR ¦ αὐτὸ TNT2 WH NA NIV SBL

*22:17 ⸂ ἑαυτοῖς RP f 35 TR ¦ εἰς ἑαυτούς TNT2 WH NA NIV SBL

*22:18 ⸋ ὅτι RP f 35 TR NA27+28 ¦ – TNT2 WH NA25 NIV SBL

*22:18 ⸆ – RP f 35 TR ¦ ἀπὸ τοῦ νῦν TNT2 WH NA NIV SBL

*22:18 ⸂ ὅτου RP f 35 TR ¦ οὗ TNT2 WH NA NIV SBL

*22:19 ⸋ τὸ ὑπὲρ ὑμῶν … ἐκχυνόμενον RP f 35 TR TNT2 ⟦WH⟧ NA NIV SBL

*22:20 ⸉ Ὡσαύτως καὶ τὸ ποτήριον RP f 35 TR ¦ Καὶ τὸ ποτήριον ὡσαύτως TNT2 ⟦WH⟧ NA NIV SBL

*22:22 ⸂ Καὶ ὁ μὲν υἱὸς RP f 35 TR ¦ Ὅτι ὁ υἱὸς μὲν TNT2 WH NA NIV SBL

*22:22 ⸉ πορεύεται κατὰ τὸ ὡρισμένον RP f 35 TR ¦ κατὰ τὸ ὡρισμένον πορεύεται TNT2 WH NA NIV SBL

*22:26 ⸂ γενέσθω RP f 35 TR ¦ γινέσθω TNT2 WH NA NIV SBL

*22:27 ⸂ Οὐχὶ RP TR TNT2 WH NA NIV SBL ¦ Οὐχ f 35

*22:27 ⸉ εἰμι ἐν μέσῳ ὑμῶν RP f 35 TR ¦ ἐν μέσῳ ὑμῶν εἰμι TNT2 WH NA NIV SBL

*22:30 ⸆ – RP ¦ ἐν τῇ βασιλείᾳ μου f 35 TR TNT2 WH NA NIV SBL

*22:30 ⸉ κρίνοντες τὰς δώδεκα φυλὰς RP f 35 TR TNT2 ¦ τὰς δώδεκα φυλὰς κρίνοντες WH NA NIV SBL

*22:31 ⸋ Εἶπε(ν) δὲ ὁ κύριος RP f 35 TR TNT2 ¦ – WH NA NIV SBL

*22:34 ⸋ μὴ RP f 35 TR ¦ – TNT2 WH NA NIV SBL

*22:34 ⸂ φωνήσῃ RP f 35 ¦ φωνήσει TR TNT2 WH NA NIV SBL

*22:34 ⸂2 πρὶν ἢ RP f 35 TR ¦ ἕως TNT2 WH NA NIV SBL

*22:34 ⸂3 ἀπαρνήσῃ μὴ εἰδέναι με RP f 35 TR ¦ με ἀπαρνήσῃ εἰδέναι TNT2 WH NA27+28 NIV SBL ¦ με ἀπαρνήσῃ μὴ εἰδέναι NA25

*22:36 ⸂ οὖν RP f 35 TR ¦ δὲ TNT2 WH NA NIV SBL

*22:36 ⸂2 πωλήσει RP f 35 ¦ πωλησάτω TR TNT2 WH NA NIV SBL

*22:36 ⸂3 ἀγοράσει RP f 35 ¦ ἀγορασάτω TR TNT2 WH NA NIV SBL

*22:37 ⸋ ἔτι RP f 35 TR ¦ – TNT2 WH NA NIV SBL

*22:37 ⸂ τὰ RP f 35 TR ¦ τὸ TNT2 WH NA NIV SBL

*22:39 ⸋ αὐτοῦ RP f 35 TR ¦ – TNT2 WH NA NIV SBL

*22:42 ⸂ παρενεγκεῖν RP f 35 TR ¦ παρένεγκε TNT2 WH NA NIV SBL

*22:42 ⸉ τὸ ποτήριον τοῦτο RP f 35 TR ¦ τοῦτο τὸ ποτήριον TNT2 WH NA NIV SBL

*22:42 ⸂2 γενέσθω RP f 35 TR ¦ γινέσθω TNT2 WH NA NIV SBL

*22:43 ⸋ Ὤφθη δὲ … ἐπὶ τὴν γῆν. RP f 35 TR TNT2 ⟦WH⟧ ⟦NA⟧ ⟦NIV73⟧ NIV11 SBL

*22:43 ⸂ ἀπ᾽ RP f 35 TR ⟦NA⟧ ⟦NIV73⟧ NIV11 SBL ¦ ἀπὸ τοῦ TNT2 ⟦WH⟧

*22:44 ⸂ Ἐγένετο δὲ RP f 35 TR TNT2 ¦ Καὶ ἐγένετο ⟦WH⟧ ⟦NA⟧ ⟦NIV73⟧ NIV11 SBL

*22:45 ⸉ αὐτοὺς κοιμωμένους RP f 35 TR ¦ κοιμωμένους αὐτοὺς TNT2 WH NA NIV SBL

*22:47 ⸋ δὲ RP f 35 TR ¦ – TNT2 WH NA NIV SBL

*22:47 ⸂ αὐτούς RP f 35 TNT2 WH NA NIV SBL ¦ αὐτῶν TR

*22:47 ⸆ – RP TR TNT2 WH NA NIV SBL ¦ τοῦτο γὰρ σημεῖον δεδώκει αὐτοῖς, Ὃν ἂν φιλήσω, αὐτός ἐστιν. f 35

*22:48 ⸂ Ὁ δὲ Ἰησοῦς RP f 35 TR ¦ Ἰησοῦς δὲ TNT2 WH NA NIV SBL

*22:49 ⸋ αὐτῷ RP f 35 TR ¦ – TNT2 WH NA NIV SBL

*22:50 ⸉ τὸν δοῦλον τοῦ ἀρχιερέως RP f 35 TR ¦ τοῦ ἀρχιερέως τὸν δοῦλον TNT2 WH NA NIV SBL

*22:50 ⸉2 αὐτοῦ τὸ οὖς RP f 35 TR ¦ τὸ οὖς αὐτοῦ TNT2 WH NA NIV SBL

*22:51 ⸋ αὐτοῦ RP f 35 TR ¦ – TNT2 WH NA NIV SBL

*22:52 ⸋ ὁ RP f 35 TR ¦ – TNT2 WH NA NIV SBL

*22:52 ⸂ ἐπ᾽ RP TR TNT2 WH NA NIV SBL ¦ πρὸς f 35

*22:52 ⸂2 ἐξεληλύθατε RP f 35 TR ¦ ἐξήλθατε TNT2 WH NA NIV SBL

*22:53 ⸉ ὑμῶν ἐστιν RP f 35 TR ¦ ἐστιν ὑμῶν TNT2 WH NA NIV SBL

*22:54 ⸋ αὐτὸν RP TR ¦ – f 35 TNT2 WH NA NIV SBL

*22:54 ⸂ τὸν οἶκον RP f 35 TR ¦ τὴν οἰκίαν TNT2 WH NA NIV SBL

*22:55 ⸂ Ἁψάντων RP f 35 TR ¦ Περιαψάντων TNT2 WH NA NIV SBL

*22:55 ⸋ αὐτῶν RP f 35 TR ¦ – TNT2 WH NA NIV SBL

*22:55 ⸂2 ἐν μέσῳ RP f 35 TR ¦ μέσος TNT2 WH NA NIV SBL

*22:57 ⸋ αὐτόν RP f 35 TR ¦ – TNT2 WH NA NIV SBL

*22:57 ⸉ Γύναι, οὐκ οἶδα αὐτόν. RP f 35 TR ¦ Οὐκ οἶδα αὐτόν, γύναι. TNT2 WH NA NIV SBL

*22:58 ⸂ εἶπεν RP f 35 TR ¦ ἔφη TNT2 WH NA NIV SBL

*22:60 ⸆ – RP f 35 TNT2 WH NA NIV SBL ¦ ὁ TR

*22:61 ⸂ λόγου RP f 35 TR TNT2 NA25 SBL ¦ ῥήματος WH NA27+28 NIV

*22:61 ⸆ – RP f 35 TR ¦ σήμερον TNT2 WH NA NIV SBL

*22:62 ⸋ ὁ Πέτρος RP TR ¦ – f 35 TNT2 WH NA NIV SBL

*22:63 ⸂ τὸν Ἰησοῦν RP f 35 TR ¦ αὐτὸν TNT2 WH NA NIV SBL

*22:64 ⸋ ἔτυπτον αὐτοῦ τὸ πρόσωπον, καὶ RP f 35 TR ¦ – TNT2 WH NA NIV SBL

*22:64 ⸋2 αὐτόν RP f 35 TR ¦ – TNT2 WH NA NIV SBL

*22:66 ⸆ – RP ¦ τε f 35 TR TNT2 WH NA NIV SBL

*22:66 ⸂ ἀνήγαγον RP TR ¦ ἀπήγαγον f 35 TNT2 WH NA NIV SBL

*22:66 ⸂2 αὐτῶν RP f 35 TNT2 WH NA NIV SBL ¦ ἑαυτῶν TR

*22:68 ⸋ καὶ RP f 35 TR ¦ – TNT2 WH NA NIV SBL

*22:68 ⸋2 μοι RP f 35 TR TNT2 ¦ – WH NA NIV SBL

*22:68 ⸋3 ἢ ἀπολύσητε RP f 35 TR TNT2 ¦ – WH NA NIV SBL

*22:69 ⸆ – RP f 35 TR ¦ δὲ TNT2 WH NA NIV SBL

*22:71 ⸉ χρείαν ἔχομεν μαρτυρίας RP f 35 TR ¦ ἔχομεν μαρτυρίας χρείαν TNT2 WH NA NIV SBL

Public Domain