Η Καινή Διαθήκη ΑΠΟΚΑΛΥΨΙΣ 2

1 *⸂Τῷ ἀγγέλῳ τῆς ἐν Ἐφέσῳ ἐκκλησίας⸃ γράψον, Τάδε λέγει ὁ κρατῶν τοὺς ἑπτὰ ἀστέρας ἐν τῇ δεξιᾷ αὐτοῦ, ὁ περιπατῶν ἐν μέσῳ τῶν ἑπτὰ λυχνιῶν τῶν χρυσῶν· 2 Οἶδα τὰ ἔργα σου, καὶ τὸν κόπον *⸋σου,⸌ καὶ τὴν ὑπομονήν σου, καὶ ὅτι οὐ δύνῃ βαστάσαι κακούς, καὶ *⸂ἐπείρασας⸃ τοὺς *⸂2λέγοντας ἑαυτοὺς ἀποστόλους εἶναι⸃ καὶ οὐκ εἰσίν, καὶ εὗρες αὐτοὺς ψευδεῖς, 3 *⸉καὶ ὑπομονὴν ἔχεις καὶ ἐβάστασας⸊ διὰ τὸ ὄνομά μου *⸂καὶ οὐκ ἐκοπίασας.⸃ 4 Ἀλλὰ ἔχω κατὰ σοῦ, ὅτι τὴν ἀγάπην σου τὴν πρώτην ἀφῆκας. 5 Μνημόνευε οὖν πόθεν *⸂πέπτωκας,⸃ καὶ μετανόησον, καὶ τὰ πρῶτα ἔργα ποίησον· εἰ δὲ μή, ἔρχομαί σοι *⸂2ταχύ,⸃ καὶ κινήσω τὴν λυχνίαν σου ἐκ τοῦ τόπου αὐτῆς, ἐὰν μὴ μετανοήσῃς. 6 Ἀλλὰ τοῦτο ἔχεις, ὅτι μισεῖς τὰ ἔργα τῶν Νικολαϊτῶν, ἃ κἀγὼ μισῶ. 7 Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις. Τῷ νικῶντι δώσω *⸋αὐτῷ⸌ φαγεῖν ἐκ τοῦ ξύλου τῆς ζωῆς, ὅ ἐστιν ἐν *⸂τῷ παραδείσῳ⸃ τοῦ θεοῦ *⸋2μου.⸌

8 Καὶ *⸂τῷ ἀγγέλῳ τῆς ἐν Σμύρνῃ ἐκκλησίας⸃ γράψον, Τάδε λέγει ὁ πρῶτος καὶ ὁ ἔσχατος, ὃς ἐγένετο νεκρὸς καὶ ἔζησεν· 9 Οἶδά σου *⸋τὰ ἔργα καὶ⸌ τὴν θλίψιν καὶ τὴν πτωχείαν, *⸂ἀλλὰ πλούσιος⸃ εἶ· καὶ τὴν βλασφημίαν *⸋2ἐκ⸌ τῶν λεγόντων Ἰουδαίους εἶναι ἑαυτούς, καὶ οὐκ εἰσίν, ἀλλὰ συναγωγὴ τοῦ Σατανᾶ. 10 *⸂Μηδὲν⸃ φοβοῦ ἃ μέλλεις *⸂2παθεῖν·⸃ ἰδοὺ *⸋δή,⸌ μέλλει *⸂3βαλεῖν⸃ *⸉ὁ διάβολος ἐξ ὑμῶν⸊ εἰς φυλακήν, ἵνα πειρασθῆτε· καὶ *⸂4ἕξετε⸃ θλίψιν ἡμερῶν δέκα. Γίνου πιστὸς ἄχρι θανάτου, καὶ δώσω σοι τὸν στέφανον τῆς ζωῆς. 11 Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις. Ὁ νικῶν οὐ μὴ ἀδικηθῇ ἐκ τοῦ θανάτου τοῦ δευτέρου.

12 Καὶ τῷ ἀγγέλῳ τῆς ἐν Περγάμῳ ἐκκλησίας γράψον, Τάδε λέγει ὁ ἔχων τὴν ῥομφαίαν τὴν δίστομον τὴν ὀξεῖαν· 13 Οἶδα *⸋τὰ ἔργα σου καὶ⸌ ποῦ κατοικεῖς, ὅπου ὁ θρόνος τοῦ Σατανᾶ· καὶ κρατεῖς τὸ ὄνομά μου, καὶ οὐκ ἠρνήσω τὴν πίστιν μου *⸆ ἐν ταῖς ἡμέραις *⸋2ἐν αἷς⸌ Ἀντίπας *⸂ὁ μάρτυς μου, ὁ πιστός,⸃ ὃς ἀπεκτάνθη παρ᾽ ὑμῖν, ὅπου *⸉ὁ Σατανᾶς κατοικεῖ.⸊ 14 Ἀλλ᾽ ἔχω κατὰ σοῦ ὀλίγα, ὅτι ἔχεις ἐκεῖ κρατοῦντας τὴν διδαχὴν Βαλαάμ, ὃς *⸂ἐδίδαξεν⸃ *⸂2τὸν⸃ Βαλὰκ βαλεῖν σκάνδαλον ἐνώπιον τῶν υἱῶν Ἰσραήλ, *⸋καὶ⸌ φαγεῖν εἰδωλόθυτα καὶ πορνεῦσαι. 15 Οὕτως ἔχεις καὶ σὺ κρατοῦντας τὴν διδαχὴν *⸋τῶν⸌ Νικολαϊτῶν *⸂ὁμοίως.⸃ 16 Μετανόησον *⸋οὖν·⸌ εἰ δὲ μή, ἔρχομαί σοι ταχύ, καὶ πολεμήσω μετ᾽ αὐτῶν ἐν τῇ ῥομφαίᾳ τοῦ στόματός μου. 17 Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις. Τῷ νικῶντι δώσω αὐτῷ *⸆ τοῦ μάννα τοῦ κεκρυμμένου, καὶ δώσω αὐτῷ ψῆφον λευκήν, καὶ ἐπὶ τὴν ψῆφον ὄνομα καινὸν γεγραμμένον, ὃ οὐδεὶς *⸂οἶδεν⸃ εἰ μὴ ὁ λαμβάνων.

18 Καὶ *⸂τῷ ἀγγέλῳ τῆς ἐν Θυατείροις ἐκκλησίας⸃ γράψον, Τάδε λέγει ὁ υἱὸς τοῦ θεοῦ, ὁ ἔχων τοὺς ὀφθαλμοὺς αὐτοῦ ὡς φλόγα πυρός, καὶ οἱ πόδες αὐτοῦ ὅμοιοι χαλκολιβάνῳ· 19 Οἶδά σου τὰ ἔργα, *⸉καὶ τὴν ἀγάπην καὶ τὴν πίστιν καὶ τὴν διακονίαν⸊ καὶ τὴν ὑπομονήν σου, καὶ τὰ ἔργα σου, *⸆ τὰ ἔσχατα πλείονα τῶν πρώτων. 20 Ἀλλ᾽ ἔχω κατὰ σοῦ *⸆ ὅτι *⸂ἀφεῖς⸃ τὴν γυναῖκά *⸋σου⸌ Ἰεζάβελ, *⸂2ἣ λέγει⸃ ἑαυτὴν προφῆτιν, *⸂3καὶ διδάσκει καὶ πλανᾷ⸃ τοὺς ἐμοὺς δούλους πορνεῦσαι καὶ *⸉φαγεῖν εἰδωλόθυτα.⸊ 21 Καὶ ἔδωκα αὐτῇ χρόνον ἵνα μετανοήσῃ, *⸂καὶ οὐ θέλει μετανοῆσαι ἐκ τῆς πορνείας αὐτῆς.⸃ 22 Ἰδού, *⸆ βάλλω αὐτὴν εἰς κλίνην, καὶ τοὺς μοιχεύοντας μετ᾽ αὐτῆς εἰς θλίψιν μεγάλην, ἐὰν μὴ *⸂μετανοήσωσιν⸃ ἐκ τῶν ἔργων *⸂2αὐτῆς.⸃ 23 Καὶ τὰ τέκνα αὐτῆς ἀποκτενῶ ἐν θανάτῳ· καὶ γνώσονται πᾶσαι αἱ ἐκκλησίαι ὅτι ἐγώ εἰμι ὁ ἐρευνῶν νεφροὺς καὶ καρδίας· καὶ δώσω ὑμῖν ἑκάστῳ κατὰ τὰ ἔργα ὑμῶν. 24 *⸂Ὑμῖν δὲ λέγω, τοῖς λοιποῖς τοῖς ἐν Θυατείροις, ὅσοι οὐκ ἔχουσιν τὴν διδαχὴν ταύτην, οἵτινες⸃ οὐκ ἔγνωσαν τὰ βαθέα τοῦ Σατανᾶ, ὡς λέγουσιν, οὐ *⸂2βάλλω⸃ ἐφ᾽ ὑμᾶς ἄλλο βάρος. 25 Πλὴν ὃ ἔχετε κρατήσατε, ἄχρι οὗ ἂν ἥξω. 26 Καὶ ὁ νικῶν καὶ ὁ τηρῶν ἄχρι τέλους τὰ ἔργα μου, δώσω αὐτῷ ἐξουσίαν ἐπὶ τῶν ἐθνῶν· 27 καὶ ποιμανεῖ αὐτοὺς ἐν ῥάβδῳ σιδηρᾷ· ὡς τὰ σκεύη τὰ κεραμικά, *⸂συντριβήσεται·⸃ ὡς κἀγὼ εἴληφα παρὰ τοῦ πατρός μου· 28 καὶ δώσω αὐτῷ τὸν ἀστέρα τὸν πρωϊνόν. 29 Ὁ ἔχων οὖς ἀκουσάτω τί τὸ πνεῦμα λέγει ταῖς ἐκκλησίαις.

*2:1 ⸂ Τῷ ἀγγέλῳ τῆς ἐν Ἐφέσῳ ἐκκλησίας RP f 35 TNT2 NA NIV SBL ¦ Τῷ ἀγγέλῳ τῆς Ἐφέσίνης ἐκκλησίας TR ¦ Τῷ ἀγγέλῳ τῷ ἐν Ἐφέσῳ ἐκκλησίας WH

*2:2 ⸋ σου RP TR ¦ – f 35 TNT2 WH NA NIV SBL

*2:2 ⸂ ἐπείρασας RP f 35 TNT2 WH NA NIV SBL ¦ ἐπειράσω TR

*2:2 ⸂2 λέγοντας ἑαυτοὺς ἀποστόλους εἶναι RP f 35 ¦ φάσκοντας εἶναι ἀποστόλους TR ¦ λέγοντας ἑαυτοὺς ἀποστόλους TNT2 WH NA NIV SBL

*2:3 ⸉ καὶ ὑπομονὴν ἔχεις καὶ ἐβάστασας RP TNT2 WH NA NIV SBL ¦ καὶ ἐβάστασας καὶ ὑπομονὴν ἔχεις f 35 TR

*2:3 ⸂ καὶ οὐκ ἐκοπίασας RP f 35 ¦ κεκοπίακας καὶ οὐ κέκμηκας TR ¦ καὶ οὐ κεκοπίακες TNT2 WH NA27+28 NIV SBL ¦ καὶ οὐ κεκοπίακας NA25

*2:5 ⸂ πέπτωκας RP TNT2 NA NIV SBL ¦ ἐκπέπτωκας f 35 TR ¦ πέπτωκες WH

*2:5 ⸂2 ταχύ RP f 35 ¦ τάχει TR ¦ – TNT2 WH NA NIV SBL

*2:7 ⸋ αὐτῷ RP TR TNT2 WH NA NIV SBL ¦ – f 35

*2:7 ⸂ τῷ παραδείσῳ RP TNT2 WH NA NIV SBL ¦ μέσῳ τοῦ παραδείσου f 35 TR

*2:7 ⸋2 μου RP f 35 ¦ – TR TNT2 WH NA NIV SBL

*2:8 ⸂ τῷ ἀγγέλῳ τῆς ἐν Σμύρνῃ ἐκκλησίας RP f 35 TNT2 NA NIV SBL ¦ τῷ ἀγγέλῳ τῆς ἐκκλησίας Σμυρναίων TR ¦ τῷ ἀγγέλῳ τῷ ἐν Σμύρνῃ ἐκκλησίας WH

*2:9 ⸋ τὰ ἔργα καὶ RP f 35 TR ¦ – TNT2 WH NA NIV SBL

*2:9 ⸂ ἀλλὰ πλούσιος RP f 35 TNT2 WH NA NIV SBL ¦ πλούσιος δὲ TR

*2:9 ⸋2 ἐκ RP TNT2 WH NA NIV SBL ¦ – f 35 TR

*2:10 ⸂ Μηδὲν RP f 35 TR NA27+28 NIV SBL ¦ Μὴ TNT2 WH NA25

*2:10 ⸂2 παθεῖν RP ¦ πάσχειν f 35 TR TNT2 WH NA NIV SBL

*2:10 ⸋ δή RP f 35 ¦ – TR TNT2 WH NA NIV SBL

*2:10 ⸂3 βαλεῖν RP f 35 TR ¦ βάλλειν TNT2 WH NA NIV SBL

*2:10 ⸉ ὁ διάβολος ἐξ ὑμῶν RP f 35 TNT2 WH NA NIV SBL ¦ ἐξ ὑμῶν ὁ διάβολος TR

*2:10 ⸂4 ἕξετε RP f 35 TR TNT2 NA NIV SBL ¦ ἔχητε WH

*2:13 ⸋ τὰ ἔργα σου καὶ RP f 35 TR ¦ – TNT2 WH NA NIV SBL

*2:13 ⸆ – RP f 35 ¦ καὶ TR TNT2 WH NA NIV SBL

*2:13 ⸋2 ἐν αἷς RP f 35 TR ¦ – TNT2 WH NA NIV SBL

*2:13 ⸂ ὁ μάρτυς μου, ὁ πιστός RP f 35 TR ¦ ὁ μάρτυς μου, ὁ πιστός μου TNT2 WH NA NIV SBL

*2:13 ⸉ ὁ Σατανᾶς κατοικεῖ RP f 35 TNT2 WH NA NIV SBL ¦ κατοικεῖ ὁ Σατανᾶς TR

*2:14 ⸂ ἐδίδαξεν RP f 35 ¦ ἐδίδασκεν TR TNT2 WH NA NIV SBL

*2:14 ⸂2 τὸν RP f 35 ¦ ἕν τῷ TR ¦ τῷ TNT2 WH NA NIV SBL

*2:14 ⸋ καὶ RP ¦ – f 35 TR TNT2 WH NA NIV SBL

*2:15 ⸋ τῶν RP f 35 TR TNT2 NA NIV ¦ – WH SBL

*2:15 ⸂ ὁμοίως RP f 35 TNT2 WH NA NIV SBL ¦ ὅ μισῶ TR

*2:16 ⸋ οὖν RP TNT2 WH NA NIV SBL ¦ – f 35 TR

*2:17 ⸆ – RP TNT2 WH NA NIV SBL ¦ φαγεῖν ἀπὸ f 35 TR

*2:17 ⸂ οἶδεν RP f 35 TNT2 WH NA NIV SBL ¦ ἔγνω TR

*2:18 ⸂ τῷ ἀγγέλῳ τῆς ἐν Θυατείροις ἐκκλησίας RP f 35 TR TNT2 NA27+28 NIV SBL ¦ τῷ ἀγγέλῳ τῷ ἐν Θυατείροις ἐκκλησίας WH ¦ τῷ ἀγγέλῳ τῆς ἐν Θυατίροις ἐκκλησίας NA25

*2:19 ⸉ καὶ τὴν ἀγάπην καὶ τὴν πίστιν καὶ τὴν διακονίαν RP f 35 WH NA NIV SBL ¦ καὶ τὴν ἀγάπην καὶ τὴν διακονίαν καὶ τὴν πίστιν TR ¦ καὶ τὴν πίστιν καὶ τὴν ἀγάπην καὶ τὴν διακονίαν TNT2

*2:19 ⸆ – RP f 35 TNT2 WH NA NIV SBL ¦ καὶ TR

*2:20 ⸆ – RP f 35 TNT2 WH NA NIV SBL ¦ ὀλίγα TR

*2:20 ⸂ ἀφεῖς RP f 35 TNT2 WH NA NIV SBL ¦ ἐᾷς TR

*2:20 ⸋ σου RP f 35 ¦ – TR TNT2 WH NA NIV SBL

*2:20 ⸂2 ἣ λέγει RP f 35 ¦ τὴν λέγουσαν TR ¦ ἡ λέγουσα TNT2 WH NA NIV SBL

*2:20 ⸂3 καὶ διδάσκει καὶ πλανᾷ RP f 35 TNT2 WH NA NIV SBL ¦ διδάσκειν καὶ πλανᾶσθαι TR

*2:20 ⸉ φαγεῖν εἰδωλόθυτα RP f 35 TNT2 WH NA NIV SBL ¦ εἰδωλόθυτα φαγεῖν TR

*2:21 ⸂ καὶ οὐ θέλει μετανοῆσαι ἐκ τῆς πορνείας αὐτῆς RP f 35 TNT2 WH NA NIV SBL ¦ ἐκ τῆς πορνείας αὐτῆς καὶ οὐ μετενόησεν TR

*2:22 ⸆ – RP f 35 TNT2 WH NA NIV SBL ¦ ἐγὼ TR

*2:22 ⸂ μετανοήσωσιν RP f 35 TR TNT2 NA27+28 NIV SBL ¦ μετανοήσουσιν WH NA25

*2:22 ⸂2 αὐτῆς RP f 35 TNT2 WH NA NIV SBL ¦ αὐτῶν TR

*2:24 ⸂ Ὑμῖν … τοῖς λοιποῖς … οἵτινες RP f 35 TNT2 WH NA NIV SBL ¦ Ὑμῖν … καὶ λοιποῖς … καὶ οἵτινες TR

*2:24 ⸂2 βάλλω RP TNT2 WH NA NIV SBL ¦ βάλω f 35 TR

*2:27 ⸂ συντριβήσεται RP f 35 ¦ συντρίβεται TR TNT2 WH NA NIV SBL

Public Domain