Η Καινή Διαθήκη ΑΠΟΚΑΛΥΨΙΣ 12

1 Καὶ σημεῖον μέγα ὤφθη ἐν τῷ οὐρανῷ, γυνὴ περιβεβλημένη τὸν ἥλιον, καὶ ἡ σελήνη ὑποκάτω τῶν ποδῶν αὐτῆς, καὶ ἐπὶ τῆς κεφαλῆς αὐτῆς στέφανος ἀστέρων δώδεκα· 2 καὶ ἐν γαστρὶ ἔχουσα, *⸆ *⸂ἔκραζεν⸃ ὠδίνουσα, καὶ βασανιζομένη τεκεῖν. 3 Καὶ ὤφθη ἄλλο σημεῖον ἐν τῷ οὐρανῷ, καὶ ἰδού, δράκων *⸂πυρὸς μέγας,⸃ ἔχων κεφαλὰς ἑπτὰ καὶ κέρατα δέκα, καὶ ἐπὶ τὰς κεφαλὰς αὐτοῦ *⸉ἑπτὰ διαδήματα.⸊ 4 Καὶ ἡ οὐρὰ αὐτοῦ σύρει τὸ τρίτον τῶν ἀστέρων τοῦ οὐρανοῦ, καὶ ἔβαλεν αὐτοὺς εἰς τὴν γῆν· καὶ ὁ δράκων ἕστηκεν ἐνώπιον τῆς γυναικὸς τῆς μελλούσης *⸂τεκεῖν,⸃ ἵνα, ὅταν τέκῃ, τὸ τέκνον αὐτῆς καταφάγῃ. 5 Καὶ ἔτεκεν υἱὸν *⸂ἄρρενα,⸃ ὃς μέλλει ποιμαίνειν πάντα τὰ ἔθνη ἐν ῥάβδῳ σιδηρᾷ· καὶ ἡρπάσθη τὸ τέκνον αὐτῆς *⸂2πρὸς τὸν θεὸν καὶ πρὸς τὸν θρόνον αὐτοῦ.⸃ 6 Καὶ ἡ γυνὴ ἔφυγεν εἰς τὴν ἔρημον, ὅπου ἔχει *⸋ἐκεῖ⸌ τόπον ἡτοιμασμένον *⸂ὑπὸ⸃ τοῦ θεοῦ, ἵνα ἐκεῖ *⸂2ἐκτρέφωσιν⸃ αὐτὴν ἡμέρας χιλίας διακοσίας ἑξήκοντα.

7 Καὶ ἐγένετο πόλεμος ἐν τῷ οὐρανῷ· ὁ Μιχαὴλ καὶ οἱ ἄγγελοι αὐτοῦ *⸂πολεμῆσαι μετὰ⸃ τοῦ δράκοντος· καὶ ὁ δράκων ἐπολέμησεν, καὶ οἱ ἄγγελοι αὐτοῦ, 8 καὶ οὐκ *⸂ἴσχυσεν,⸃ *⸂2οὐδὲ⸃ τόπος εὑρέθη *⸂3αὐτῷ⸃ ἔτι ἐν τῷ οὐρανῷ. 9 Καὶ ἐβλήθη ὁ δράκων ὁ μέγας, ὁ ὄφις ὁ ἀρχαῖος, *⸂ὁ καλούμενος διάβολος καὶ Σατανᾶς,⸃ ὁ πλανῶν τὴν οἰκουμένην ὅλην· ἐβλήθη εἰς τὴν γῆν, καὶ οἱ ἄγγελοι αὐτοῦ μετ᾽ αὐτοῦ ἐβλήθησαν. 10 Καὶ ἤκουσα φωνὴν μεγάλην *⸉ἐν τῷ οὐρανῷ, λέγουσαν,⸊ Ἄρτι ἐγένετο ἡ σωτηρία καὶ ἡ δύναμις καὶ ἡ βασιλεία τοῦ θεοῦ ἡμῶν, καὶ ἡ ἐξουσία τοῦ χριστοῦ αὐτοῦ· ὅτι *⸂ἐβλήθη⸃ ὁ κατήγορος τῶν ἀδελφῶν ἡμῶν, ὁ κατηγορῶν *⸂2αὐτῶν⸃ ἐνώπιον τοῦ θεοῦ ἡμῶν ἡμέρας καὶ νυκτός. 11 Καὶ αὐτοὶ ἐνίκησαν αὐτὸν διὰ τὸ αἷμα τοῦ ἀρνίου, καὶ διὰ τὸν λόγον τῆς μαρτυρίας αὐτῶν, καὶ οὐκ ἠγάπησαν τὴν ψυχὴν αὐτῶν ἄχρι θανάτου. 12 Διὰ τοῦτο εὐφραίνεσθε, *⸂οὐρανοὶ καὶ οἱ ἐν αὐτοῖς σκηνοῦντες·⸃ Οὐαὶ *⸂2τῇ γῇ καὶ τῇ θαλάσσῃ,⸃ ὅτι κατέβη ὁ διάβολος πρὸς ὑμᾶς ἔχων θυμὸν μέγαν, εἰδὼς ὅτι ὀλίγον καιρὸν ἔχει.

13 Καὶ ὅτε εἶδεν ὁ δράκων ὅτι ἐβλήθη εἰς τὴν γῆν, ἐδίωξεν τὴν γυναῖκα ἥτις ἔτεκεν τὸν ἄρρενα. 14 Καὶ ἐδόθησαν τῇ γυναικὶ *⸆ δύο πτέρυγες τοῦ ἀετοῦ τοῦ μεγάλου, ἵνα πέτηται εἰς τὴν ἔρημον εἰς τὸν τόπον αὐτῆς, *⸂ὅπως τρέφηται⸃ ἐκεῖ καιρόν, καὶ καιρούς, καὶ ἥμισυ καιροῦ, ἀπὸ προσώπου τοῦ ὄφεως. 15 Καὶ ἔβαλεν ὁ ὄφις *⸉ἐκ τοῦ στόματος αὐτοῦ ὀπίσω τῆς γυναικὸς⸊ ὕδωρ ὡς ποταμόν, ἵνα *⸂αὐτὴν⸃ ποταμοφόρητον ποιήσῃ. 16 Καὶ ἐβοήθησεν ἡ γῆ τῇ γυναικί, καὶ ἤνοιξεν ἡ γῆ τὸ στόμα αὐτῆς, καὶ κατέπιεν τὸν ποταμὸν ὃν ἔβαλεν ὁ δράκων ἐκ τοῦ στόματος αὐτοῦ. 17 Καὶ ὠργίσθη ὁ δράκων ἐπὶ τῇ γυναικί, καὶ ἀπῆλθεν ποιῆσαι πόλεμον μετὰ τῶν λοιπῶν τοῦ σπέρματος αὐτῆς, τῶν τηρούντων *⸂τὰς ἐντολὰς τοῦ θεοῦ καὶ ἐχόντων τὴν μαρτυρίαν Ἰησοῦ.⸃

*12:2 ⸆ – RP f 35 TR TNT2 ¦ καὶ WH NA NIV SBL

*12:2 ⸂ ἔκραζεν RP f 35 ¦ κράζει TR TNT2 WH NA NIV SBL

*12:3 ⸂ πυρὸς μέγας RP ¦ μέγας πυρρός f 35 TR WH NA NIV SBL ¦ πυρρὸς μέγας TNT2

*12:3 ⸉ ἑπτὰ διαδήματα RP f 35 TNT2 WH NA NIV SBL ¦ διαδήματα ἑπτὰ TR

*12:4 ⸂ τεκεῖν RP TR TNT2 WH NA NIV SBL ¦ τικτεῖν f 35

*12:5 ⸂ ἄρρενα RP f 35 TR ¦ ἄρσεν TNT2 WH NA NIV SBL

*12:5 ⸂2 πρὸς τὸν θεὸν καὶ πρὸς τὸν θρόνον αὐτοῦ RP f 35 TNT2 WH NA NIV SBL ¦ πρὸς τὸν θεὸν καὶ τὸν θρόνον αὐτοῦ TR

*12:6 ⸋ ἐκεῖ RP f 35 TNT2 WH NA NIV SBL ¦ – TR

*12:6 ⸂ ὑπὸ RP ¦ ἀπὸ f 35 TR TNT2 WH NA NIV SBL

*12:6 ⸂2 ἐκτρέφωσιν RP f 35 ¦ τρέφωσιν TR WH NA NIV SBL ¦ τρέφουσιν TNT2

*12:7 ⸂ πολεμῆσαι μετὰ RP ¦ τοῦ πολεμῆσαι μετὰ f 35 TNT2 WH NA NIV SBL ¦ ἐπολέμησαν κατὰ TR

*12:8 ⸂ ἴσχυσεν RP f 35 WH NA NIV SBL ¦ ἴσχυσαν TR TNT2

*12:8 ⸂2 οὐδὲ RP f 35 TNT2 WH NA NIV SBL ¦ οὐτὲ TR

*12:8 ⸂3 αὐτῷ RP f 35 ¦ αὐτῶν TR TNT2 WH NA NIV SBL

*12:9 ⸂ ὁ καλούμενος διάβολος καὶ Σατανᾶς RP f 35 ¦ ὁ καλούμενος διάβολος καὶ ὁ Σατανᾶς TR TNT2 WH NA NIV SBL

*12:10 ⸉ ἐν τῷ οὐρανῷ, λέγουσαν RP f 35 TNT2 WH NA NIV SBL ¦ λέγουσαν ἐν τῷ οὐρανῷ TR

*12:10 ⸂ ἐβλήθη RP TNT2 WH NA NIV SBL ¦ κατεβλήθη f 35 TR

*12:10 ⸂2 αὐτῶν RP f 35 TR TNT2 ¦ αὐτοὺς WH NA NIV SBL

*12:12 ⸂ οὐρανοὶ καὶ οἱ ἐν αὐτοῖς σκηνοῦντες RP TNT2 WH NA25 NIV11 ¦ οἱ οὐρανοὶ καὶ οἱ ἐν αὐτοῖς σκηνοῦντες f 35 TR NA27+28 NIV73 SBL

*12:12 ⸂2 τῇ γῇ καὶ τῇ θαλάσσῃ RP f 35 ¦ τοῖς κατοικοῦσι τὴν γῆν καὶ τὴν θάλασσαν TR ¦ τὴν γῆν καὶ τὴν θάλασσαν TNT2 WH NA NIV SBL

*12:14 ⸆ – RP f 35 TR ¦ αἱ TNT2 WH NA NIV SBL

*12:14 ⸂ ὅπως τρέφηται RP f 35 ¦ ὅπου τρέφεται TR TNT2 WH NA NIV SBL

*12:15 ⸉ ἐκ τοῦ στόματος αὐτοῦ ὀπίσω τῆς γυναικὸς RP f 35 TNT2 WH NA NIV SBL ¦ ὀπίσω τῆς γυναικὸς ἐκ τοῦ στόματος αὐτοῦ TR

*12:15 ⸂ αὐτὴν RP f 35 TNT2 WH NA NIV SBL ¦ ταὐτὴν TR

*12:17 ⸂ τὰς ἐντολὰς τοῦ θεοῦ … τὴν μαρτυρίαν Ἰησοῦ RP f 35 TNT2 WH NA NIV SBL ¦ τὰς ἐντολὰς τοῦ θεοῦ … τὴν μαρτυρίαν τοῦ Ἰησοῦ χριστοῦ TR

Public Domain