Η Καινή Διαθήκη ΚΑΤΑ ΙΩΑΝΝΗΝ 7

The Unbelief of Jesus' Brothers

1 Καὶ *περιεπάτει ὁ Ἰησοῦς μετὰ ταῦτα ἐν τῇ Γαλιλαίᾳ· οὐ γὰρ ἤθελεν ἐν τῇ Ἰουδαίᾳ περιπατεῖν, ὅτι ἐζήτουν αὐτὸν οἱ Ἰουδαῖοι ἀποκτεῖναι. 2 Ἦν δὲ ἐγγὺς ἡ ἑορτὴ τῶν Ἰουδαίων ἡ Σκηνοπηγία. 3 Εἶπον οὖν πρὸς αὐτὸν οἱ ἀδελφοὶ αὐτοῦ, Μετάβηθι ἐντεῦθεν, καὶ ὕπαγε εἰς τὴν Ἰουδαίαν, ἵνα καὶ οἱ μαθηταί σου †θεωρήσωσι τὰ ἔργα σου ἃ ποιεῖς. 4 Οὐδεὶς γὰρ ‡ἐν κρυπτῷ τι ποιεῖ, καὶ ζητεῖ αὐτὸς ἐν παρρησίᾳ εἶναι. Εἰ ταῦτα ποιεῖς, φανέρωσον σεαυτὸν τῷ κόσμῳ. 5 Οὐδὲ γὰρ οἱ ἀδελφοὶ αὐτοῦ ἐπίστευον εἰς αὐτόν. 6 Λέγει οὖν αὐτοῖς ὁ Ἰησοῦς, Ὁ καιρὸς ὁ ἐμὸς οὔπω πάρεστιν, ὁ δὲ καιρὸς ὁ ὑμέτερος πάντοτέ ἐστιν ἕτοιμος. 7 Οὐ δύναται ὁ κόσμος μισεῖν ὑμᾶς· ἐμὲ δὲ μισεῖ, ὅτι ἐγὼ μαρτυρῶ περὶ αὐτοῦ, ὅτι τὰ ἔργα αὐτοῦ πονηρά ἐστιν. 8 Ὑμεῖς ἀνάβητε εἰς τὴν ἑορτὴν §ταύτην· ἐγὼ *οὔπω ἀναβαίνω εἰς τὴν ἑορτὴν ταύτην, ὅτι ὁ †καιρὸς ὁ ἐμὸς οὔπω πεπλήρωται. 9 Ταῦτα ‡δὲ εἰπὼν §αὐτοῖς, ἔμεινεν ἐν τῇ Γαλιλαίᾳ.

Jesus at the Festival of Booths

10 Ὡς δὲ ἀνέβησαν οἱ ἀδελφοὶ αὐτοῦ, *τότε καὶ αὐτὸς ἀνέβη εἰς τὴν ἑορτήν, οὐ φανερῶς, †ἀλλ᾽ ὡς ἐν κρυπτῷ. 11 Οἱ οὖν Ἰουδαῖοι ἐζήτουν αὐτὸν ἐν τῇ ἑορτῇ, καὶ ἔλεγον, Ποῦ ἐστιν ἐκεῖνος; 12 Καὶ γογγυσμὸς ‡πολὺς περὶ αὐτοῦ ἦν ἐν τοῖς ὄχλοις· οἱ μὲν ἔλεγον ὅτι Ἀγαθός ἐστιν· §ἄλλοι ἔλεγον, Οὔ, ἀλλὰ πλανᾷ τὸν ὄχλον. 13 Οὐδεὶς μέντοι παρρησίᾳ ἐλάλει περὶ αὐτοῦ διὰ τὸν φόβον τῶν Ἰουδαίων.

14 Ἤδη δὲ τῆς ἑορτῆς μεσούσης, ἀνέβη *ὁ Ἰησοῦς εἰς τὸ ἱερόν, καὶ ἐδίδασκε. 15 †Καὶ ἐθαύμαζον οἱ Ἰουδαῖοι λέγοντες, Πῶς οὗτος γράμματα οἶδε, μὴ μεμαθηκώς; 16 Ἀπεκρίθη ‡οὖν αὐτοῖς §ὁ Ἰησοῦς καὶ εἶπεν, Ἡ ἐμὴ διδαχὴ οὐκ ἔστιν ἐμή, ἀλλὰ τοῦ πέμψαντός με. 17 Ἐάν τις θέλῃ τὸ θέλημα αὐτοῦ ποιεῖν, γνώσεται περὶ τῆς διδαχῆς, πότερον ἐκ τοῦ Θεοῦ ἐστιν, ἢ ἐγὼ ἀπ᾽ ἐμαυτοῦ λαλῶ. 18 Ὁ ἀφ᾽ ἑαυτοῦ λαλῶν, τὴν δόξαν τὴν ἰδίαν ζητεῖ· ὁ δὲ ζητῶν τὴν δόξαν τοῦ πέμψαντος αὐτόν, οὗτος ἀληθής ἐστι, καὶ ἀδικία ἐν αὐτῷ οὐκ ἔστιν. 19 Οὐ *Μωσῆς †δέδωκεν ὑμῖν τὸν νόμον, καὶ οὐδεὶς ἐξ ὑμῶν ποιεῖ τὸν νόμον; Τί με ζητεῖτε ἀποκτεῖναι; 20 Ἀπεκρίθη ὁ ὄχλος ‡καὶ εἶπε, Δαιμόνιον ἔχεις· τίς σε ζητεῖ ἀποκτεῖναι; 21 Ἀπεκρίθη §Ἰησοῦς καὶ εἶπεν αὐτοῖς, Ἓν ἔργον ἐποίησα, καὶ πάντες θαυμάζετε. 22 Διὰ τοῦτο *Μωσῆς δέδωκεν ὑμῖν τὴν περιτομήν—οὐχ ὅτι ἐκ τοῦ †Μωσέως ἐστίν, ἀλλ᾽ ἐκ τῶν πατέρων—καὶ ἐν σαββάτῳ περιτέμνετε ἄνθρωπον. 23 Εἰ περιτομὴν λαμβάνει ‡ἄνθρωπος ἐν σαββάτῳ, ἵνα μὴ λυθῇ ὁ νόμος §Μωσέως, ἐμοὶ χολᾶτε ὅτι ὅλον ἄνθρωπον ὑγιῆ ἐποίησα ἐν σαββάτῳ; 24 Μὴ κρίνετε κατ᾽ ὄψιν, ἀλλὰ τὴν δικαίαν κρίσιν *κρίνατε.

Is Jesus the Christ?

25 Ἔλεγον οὖν τινες ἐκ τῶν †Ἱεροσολυμιτῶν, Οὐχ οὗτός ἐστιν ὃν ζητοῦσιν ἀποκτεῖναι; 26 Καὶ ἴδε παρρησίᾳ λαλεῖ, καὶ οὐδὲν αὐτῷ λέγουσι. Μήποτε ἀληθῶς ἔγνωσαν οἱ ἄρχοντες ὅτι οὗτός ἐστιν ‡ἀληθῶς ὁ Χριστός; 27 Ἀλλὰ τοῦτον οἴδαμεν πόθεν ἐστίν· ὁ δὲ Χριστὸς ὅταν ἔρχηται, οὐδεὶς γινώσκει πόθεν ἐστίν. 28 Ἔκραξεν οὖν ἐν τῷ ἱερῷ διδάσκων ὁ Ἰησοῦς καὶ λέγων, Κἀμὲ οἴδατε, καὶ οἴδατε πόθεν εἰμί· καὶ ἀπ᾽ ἐμαυτοῦ οὐκ ἐλήλυθα, ἀλλ᾽ ἔστιν ἀληθινὸς ὁ πέμψας με, ὃν ὑμεῖς οὐκ οἴδατε. 29 §Ἐγὼ οἶδα αὐτόν, ὅτι παρ᾽ αὐτοῦ εἰμι, κἀκεῖνός με ἀπέστειλεν. 30 Ἐζήτουν οὖν αὐτὸν πιάσαι. Καὶ οὐδεὶς ἐπέβαλεν ἐπ᾽ αὐτὸν τὴν χεῖρα, ὅτι οὔπω ἐληλύθει ἡ ὥρα αὐτοῦ. 31 *Πολλοὶ δὲ ἐκ τοῦ ὄχλου ἐπίστευσαν εἰς αὐτόν, καὶ ἔλεγον †ὅτι Ὁ Χριστὸς ὅταν ἔλθῃ, ‡μήτι πλείονα σημεῖα §τούτων ποιήσει ὧν οὗτος ἐποίησεν;

You Will Seek Me But Not Find Me

32 Ἤκουσαν οἱ Φαρισαῖοι τοῦ ὄχλου γογγύζοντος περὶ αὐτοῦ ταῦτα· καὶ ἀπέστειλαν *ὑπηρέτας οἱ Φαρισαῖοι καὶ οἱ ἀρχιερεῖς ἵνα πιάσωσιν αὐτόν. 33 Εἶπεν †οὖν ὁ Ἰησοῦς, Ἔτι ‡μικρὸν χρόνον μεθ᾽ ὑμῶν εἰμι, καὶ ὑπάγω πρὸς τὸν πέμψαντά με. 34 Ζητήσετέ με, καὶ οὐχ §εὑρήσετε· καὶ ὅπου εἰμὶ ἐγώ, ὑμεῖς οὐ δύνασθε ἐλθεῖν. 35 Εἶπον οὖν οἱ Ἰουδαῖοι πρὸς ἑαυτούς, Ποῦ οὗτος μέλλει πορεύεσθαι ὅτι ἡμεῖς οὐχ εὑρήσομεν αὐτόν; Μὴ εἰς τὴν διασπορὰν τῶν Ἑλλήνων μέλλει πορεύεσθαι, καὶ διδάσκειν τοὺς Ἕλληνας; 36 Τίς ἐστιν *οὗτος ὁ λόγος ὃν εἶπε, Ζητήσετέ με, καὶ οὐχ †εὑρήσετε· καὶ ὅπου εἰμὶ ἐγώ, ὑμεῖς οὐ δύνασθε ἐλθεῖν;

Rivers of Living Water

37 Ἐν δὲ τῇ ἐσχάτῃ ἡμέρᾳ τῇ μεγάλῃ τῆς ἑορτῆς ‡εἱστήκει ὁ Ἰησοῦς καὶ ἔκραξε, λέγων, Ἐάν τις διψᾷ, ἐρχέσθω πρός με καὶ πινέτω. 38 Ὁ πιστεύων εἰς ἐμέ, καθὼς εἶπεν ἡ γραφή, ποταμοὶ ἐκ τῆς κοιλίας αὐτοῦ ῥεύσουσιν ὕδατος ζῶντος. 39 Τοῦτο δὲ εἶπε περὶ τοῦ πνεύματος §οὗ *ἔμελλον λαμβάνειν οἱ †πιστεύοντες εἰς αὐτόν· οὔπω γὰρ ἦν Πνεῦμα ‡Ἅγιον, ὅτι §Ἰησοῦς *οὐδέπω ἐδοξάσθη.

The People Are Divided over Jesus

40 †Πολλοὶ οὖν ἐκ τοῦ ὄχλου ἀκούσαντες ‡τὸν λόγον §ἔλεγον, Οὗτός ἐστιν ἀληθῶς ὁ προφήτης. 41 Ἄλλοι ἔλεγον, Οὗτός ἐστιν ὁ Χριστός. *Ἄλλοι ἔλεγον, Μὴ γὰρ ἐκ τῆς Γαλιλαίας ὁ Χριστὸς ἔρχεται; 42 †Οὐχὶ ἡ γραφὴ εἶπεν ὅτι ἐκ τοῦ σπέρματος ‡Δαυίδ, καὶ ἀπὸ Βηθλεέμ, τῆς κώμης ὅπου ἦν §Δαυίδ, *ὁ Χριστὸς ἔρχεται; 43 Σχίσμα οὖν †ἐν τῷ ὄχλῳ ἐγένετο δι᾽ αὐτόν. 44 Τινὲς δὲ ἤθελον ἐξ αὐτῶν πιάσαι αὐτόν, ἀλλ᾽ οὐδεὶς ‡ἐπέβαλεν ἐπ᾽ αὐτὸν τὰς χεῖρας.

The Unbelief of the Jewish Leaders

45 Ἦλθον οὖν οἱ ὑπηρέται πρὸς τοὺς ἀρχιερεῖς καὶ Φαρισαίους· καὶ εἶπον αὐτοῖς ἐκεῖνοι, Διὰ τί οὐκ ἠγάγετε αὐτόν; 46 Ἀπεκρίθησαν οἱ ὑπηρέται, Οὐδέποτε §οὕτως ἐλάλησεν ἄνθρωπος, *ὡς οὗτος ὁ ἄνθρωπος. 47 Ἀπεκρίθησαν οὖν αὐτοῖς οἱ Φαρισαῖοι, Μὴ καὶ ὑμεῖς πεπλάνησθε; 48 Μή τις ἐκ τῶν ἀρχόντων ἐπίστευσεν εἰς αὐτόν, ἢ ἐκ τῶν Φαρισαίων; 49 †Ἀλλ᾽ ὁ ὄχλος οὗτος ὁ μὴ γινώσκων τὸν νόμον ‡ἐπικατάρατοί εἰσι. 50 Λέγει Νικόδημος πρὸς αὐτούς—ὁ ἐλθὼν §νυκτὸς πρὸς αὐτόν, *εἷς ὢν ἐξ αὐτῶν— 51 Μὴ ὁ νόμος ἡμῶν κρίνει τὸν ἄνθρωπον, ἐὰν μὴ ἀκούσῃ †παρ᾽ αὐτοῦ πρότερον καὶ γνῷ τί ποιεῖ; 52 Ἀπεκρίθησαν καὶ ‡εἶπον αὐτῷ, Μὴ καὶ σὺ ἐκ τῆς Γαλιλαίας εἶ; §Ἐρεύνησον καὶ ἴδε ὅτι *προφήτης ἐκ τῆς Γαλιλαίας οὐκ †ἐγήγερται.

The Woman Caught in Adultery

53 ‡Καὶ §ἐπορεύθη ἕκαστος εἰς τὸν οἶκον αὐτοῦ·

*7:1 περιεπατει ο ιησους μετα ταυτα ¦ μετα ταυτα περιεπατει ο ιησους CT

†7:3 θεωρησωσι τα εργα σου ¦ θεωρησωσι τα εργα PCK ¦ θεωρησουσι σου τα εργα CT

‡7:4 εν κρυπτω τι ¦ τι εν κρυπτω CT

§7:8 ταυτην ¦ — CT

*7:8 ουπω ¦ ουκ NA SBL

†7:8 καιρος ο εμος ¦ εμος καιρος CT

‡7:9 δε ¦ — TH

§7:9 αυτοις 87.6% ¦ αυτος NA SBL TH 8.4%

*7:10 τοτε και αυτος ανεβη εις την εορτην ¦ εις την εορτην τοτε και αυτος ανεβη CT

†7:10 αλλ ¦ αλλα NA27 SBL TH WH

‡7:12 πολυς περι αυτου ην 89.1% ¦ πολυς ην περι αυτου MSS 6.3% ¦ περι αυτου ην πολυς CT 1.4%

§7:12 αλλοι ¦ αλλοι δε CT TR

*7:14 ο ¦ — CT

†7:15 και εθαυμαζον ¦ εθαυμαζον ουν CT

‡7:16 ουν ¦ — TR

§7:16 ο ¦ — WH

*7:19 μωσης ¦ μωυσης ANT CT

†7:19 δεδωκεν ¦ εδωκεν WH

‡7:20 και ειπε ¦ — CT

§7:21 ιησους ¦ ο ιησους TR

*7:22 μωσης ¦ μωυσης ANT CT

†7:22 μωσεως ¦ μωυσεως ANT CT

‡7:23 ανθρωπος ¦ ο ανθρωπος WH

§7:23 μωσεως ¦ μωυσεως ANT CT

*7:24 κρινατε ¦ κρινετε CT

†7:25 ιεροσολυμιτων ¦ ιεροσολυμειτων TH WH

‡7:26 αληθως ¦ — CT

§7:29 εγω ¦ εγω δε TR

*7:31 πολλοι δε εκ του οχλου ¦ εκ του οχλου δε πολλοι CT

†7:31 οτι ¦ — CT

‡7:31 μητι ¦ μη CT

§7:31 τουτων ¦ — CT PCK

*7:32 υπηρετας οι φαρισαιοι και οι αρχιερεις ¦ οι φαρισαιοι και οι αρχιερεις υπηρετας TR ¦ οι αρχιερεις και οι φαρισαιοι υπηρετας CT

†7:33 ουν ¦ ουν αυτοις TR

‡7:33 μικρον χρονον ¦ χρονον μικρον CT

§7:34 ευρησετε ¦ ευρησετε με NA WH

*7:36 ουτος ο λογος ¦ ο λογος ουτος CT

†7:36 ευρησετε ¦ ευρησετε με NA WH

‡7:37 ειστηκει ¦ ιστηκει TH WH

§7:39 ου ¦ ο NA PCK RPmg TH

*7:39 εμελλον ¦ ημελλον PCK

†7:39 πιστευοντες ¦ πιστευσαντες CT

‡7:39 αγιον 96.9% ¦ — NA SBL WH 2%

§7:39 ιησους ¦ ο ιησους TR

*7:39 ουδεπω ¦ ουπω WH

†7:40 πολλοι ουν εκ του οχλου ¦ εκ του οχλου ουν CT

‡7:40 τον λογον 53.2% ¦ των λογων MSS 18.3% ¦ τον λογον αυτου MSS 8.4% ¦ τον λογον τουτον MSS 7.7% ¦ των λογων τουτων CT 5%

§7:40 ελεγον 98.2% ¦ ελεγον οτι WH 1.5%

*7:41 αλλοι ¦ αλλοι δε TR ¦ οι δε CT

†7:42 ουχι ¦ ουχ CT

‡7:42 δαυιδ ¦ δαβιδ HF TR ¦ δαυειδ TH WH

§7:42 δαυιδ ¦ δαβιδ HF TR ¦ δαυειδ TH WH

*7:42 ο χριστος ερχεται 97.1% ¦ ερχεται ο χριστος CT 0.8%

†7:43 εν τω οχλω εγενετο ¦ εγενετο εν τω οχλω CT

‡7:44 επεβαλεν ¦ εβαλεν WH

§7:46 ουτως ελαλησεν ¦ ελαλησεν ουτως CT

*7:46 ως ουτος ο ανθρωπος 96.9% ¦ — CT 1.1%

†7:49 αλλ ¦ αλλα NA27 SBL TH WH

‡7:49 επικαταρατοι ¦ επαρατοι CT

§7:50 νυκτος προς αυτον 88.3% ¦ προς αυτον νυκτος MSS 8% ¦ προς αυτον CT 0.7%

*7:50 εις 95.7% ¦ το προτερον εις NA 2.8% ¦ προτερον εις SBL TH WH 0.7%

†7:51 παρ αυτου προτερον ¦ πρωτον παρ αυτου CT

‡7:52 ειπον ¦ ειπαν CT

§7:52 ερευνησον ¦ εραυνησον CT

*7:52 προφητης εκ της γαλιλαιας 96.8% ¦ εκ της γαλιλαιας προφητης CT 2.2%

†7:52 εγηγερται ¦ εγειρεται CT

‡7:53 {include 7:53–8:11} 78.7% ¦ {omit 7:53–8:11} SBL TH 16.8% {Note: ANT, NA, and WH enclose this text with double brackets. WH places it in a separate section after chapter 21.}

§7:53 επορευθη μ3,5 35.7% ¦ απηλθεν μ6,7 ANT HF RPmg PCK 45.2% ¦ επορευθησαν μ1,2 NA WH 10.7% ¦ απηλθον μ4 7.6%

Public Domain