Η Καινή Διαθήκη ΚΑΤΑ ΛΟΥΚΑΝ 9

Jesus Sends Out the Twelve Apostles

1 *Συγκαλεσάμενος δὲ τοὺς †δώδεκα, ἔδωκεν αὐτοῖς δύναμιν καὶ ἐξουσίαν ἐπὶ πάντα τὰ δαιμόνια, καὶ νόσους θεραπεύειν. 2 Καὶ ἀπέστειλεν αὐτοὺς κηρύσσειν τὴν βασιλείαν τοῦ Θεοῦ, καὶ ἰᾶσθαι ‡τοὺς ἀσθενοῦντας. 3 Καὶ εἶπε πρὸς αὐτούς, Μηδὲν αἴρετε εἰς τὴν ὁδόν· μήτε §ῥάβδους, μήτε πήραν, μήτε ἄρτον, μήτε ἀργύριον, μήτε *ἀνὰ δύο χιτῶνας ἔχειν. 4 Καὶ εἰς ἣν †ἂν οἰκίαν εἰσέλθητε, ἐκεῖ μένετε, καὶ ἐκεῖθεν ἐξέρχεσθε. 5 Καὶ ὅσοι ‡ἐὰν μὴ §δέξωνται ὑμᾶς, ἐξερχόμενοι ἀπὸ τῆς πόλεως ἐκείνης *καὶ τὸν κονιορτὸν ἀπὸ τῶν ποδῶν ὑμῶν †ἀποτινάξατε εἰς μαρτύριον ἐπ᾽ αὐτούς. 6 Ἐξερχόμενοι δὲ διήρχοντο κατὰ τὰς κώμας, εὐαγγελιζόμενοι καὶ θεραπεύοντες πανταχοῦ.

Herod is Perplexed About Jesus

7 Ἤκουσε δὲ Ἡρῴδης ὁ ‡τετράρχης τὰ §γινόμενα *ὑπ᾽ αὐτοῦ πάντα· καὶ διηπόρει, διὰ τὸ λέγεσθαι ὑπό τινων ὅτι †Ἰωάννης ‡ἐγήγερται ἐκ §νεκρῶν· 8 ὑπό τινων δὲ ὅτι *Ἠλίας ἐφάνη· ἄλλων δὲ ὅτι Προφήτης †εἷς τῶν ἀρχαίων ἀνέστη. 9 ‡Καὶ εἶπεν §Ἡρῴδης, *Ἰωάννην ἐγὼ ἀπεκεφάλισα· τίς δέ ἐστιν οὗτος, περὶ οὗ †ἐγὼ ἀκούω τοιαῦτα; Καὶ ἐζήτει ἰδεῖν αὐτόν.

The Feeding of the Five Thousand

10 Καὶ ὑποστρέψαντες οἱ ἀπόστολοι διηγήσαντο αὐτῷ ὅσα ἐποίησαν. Καὶ παραλαβὼν αὐτούς, ὑπεχώρησε κατ᾽ ἰδίαν εἰς ‡τόπον ἔρημον πόλεως καλουμένης §Βηθσαϊδάν. 11 Οἱ δὲ ὄχλοι γνόντες ἠκολούθησαν αὐτῷ· καὶ *δεξάμενος αὐτούς, ἐλάλει αὐτοῖς περὶ τῆς βασιλείας τοῦ Θεοῦ, καὶ τοὺς χρείαν ἔχοντας θεραπείας †ἰᾶτο.

12 Ἡ δὲ ἡμέρα ἤρξατο ‡κλίνειν· προσελθόντες δὲ οἱ δώδεκα §εἶπον αὐτῷ, Ἀπόλυσον τὸν ὄχλον, ἵνα *ἀπελθόντες εἰς τὰς κύκλῳ κώμας καὶ †τοὺς ἀγροὺς καταλύσωσι, καὶ εὕρωσιν ἐπισιτισμόν· ὅτι ὧδε ἐν ἐρήμῳ τόπῳ ἐσμέν. 13 Εἶπε δὲ πρὸς αὐτούς, Δότε αὐτοῖς ‡ὑμεῖς φαγεῖν. Οἱ δὲ §εἶπον, Οὐκ εἰσὶν ἡμῖν πλεῖον ἢ *πέντε ἄρτοι καὶ †ἰχθύες δύο, εἰ μήτι πορευθέντες ἡμεῖς ‡ἀγοράσωμεν εἰς πάντα τὸν λαὸν τοῦτον βρώματα. 14 Ἦσαν γὰρ ὡσεὶ ἄνδρες §πεντακισχίλιοι. Εἶπε δὲ πρὸς τοὺς μαθητὰς αὐτοῦ, Κατακλίνατε αὐτοὺς κλισίας *ἀνὰ πεντήκοντα. 15 Καὶ ἐποίησαν οὕτω, καὶ †ἀνέκλιναν ἅπαντας. 16 Λαβὼν δὲ τοὺς πέντε ἄρτους καὶ τοὺς δύο ἰχθύας, ἀναβλέψας εἰς τὸν οὐρανόν, εὐλόγησεν αὐτούς, καὶ κατέκλασε, καὶ ἐδίδου τοῖς μαθηταῖς ‡παρατιθέναι τῷ ὄχλῳ. 17 Καὶ ἔφαγον καὶ ἐχορτάσθησαν πάντες· καὶ ἤρθη τὸ περισσεῦσαν αὐτοῖς κλασμάτων, κόφινοι δώδεκα.

Peter Declares That Jesus Is the Christ

18 Καὶ ἐγένετο ἐν τῷ εἶναι αὐτὸν προσευχόμενον καταμόνας, συνῆσαν αὐτῷ οἱ μαθηταί· καὶ ἐπηρώτησεν αὐτούς, λέγων, Τίνα με §λέγουσιν οἱ ὄχλοι εἶναι; 19 Οἱ δὲ ἀποκριθέντες *εἶπον, †Ἰωάννην τὸν βαπτιστήν· ἄλλοι δὲ ‡Ἠλίαν· ἄλλοι δὲ ὅτι Προφήτης τις τῶν ἀρχαίων ἀνέστη. 20 Εἶπε δὲ αὐτοῖς, Ὑμεῖς δὲ τίνα με λέγετε εἶναι; §Ἀποκριθεὶς δὲ ὁ Πέτρος εἶπε, Τὸν Χριστὸν τοῦ Θεοῦ.

Jesus Predicts His Death and Resurrection

21 Ὁ δὲ ἐπιτιμήσας αὐτοῖς παρήγγειλε μηδενὶ *εἰπεῖν τοῦτο, 22 εἰπὼν ὅτι Δεῖ τὸν υἱὸν τοῦ ἀνθρώπου πολλὰ παθεῖν, καὶ ἀποδοκιμασθῆναι ἀπὸ τῶν πρεσβυτέρων καὶ ἀρχιερέων καὶ γραμματέων, καὶ ἀποκτανθῆναι, καὶ τῇ τρίτῃ ἡμέρᾳ †ἀναστῆναι.

23 Ἔλεγε δὲ πρὸς πάντας, Εἴ τις θέλει ὀπίσω μου ‡ἐλθεῖν, §ἀπαρνησάσθω ἑαυτόν, καὶ ἀράτω τὸν σταυρὸν *αὐτοῦ, καὶ ἀκολουθείτω μοι. 24 Ὃς γὰρ †ἐὰν θέλῃ τὴν ψυχὴν αὐτοῦ σῶσαι, ἀπολέσει αὐτήν· ὃς δ᾽ ἂν ἀπολέσῃ τὴν ψυχὴν αὐτοῦ ἕνεκεν ἐμοῦ, οὗτος σώσει αὐτήν. 25 Τί γὰρ ὠφελεῖται ἄνθρωπος, κερδήσας τὸν κόσμον ὅλον, ἑαυτὸν δὲ ἀπολέσας ἢ ζημιωθείς; 26 Ὃς γὰρ ‡ἂν ἐπαισχυνθῇ με καὶ τοὺς ἐμοὺς λόγους, τοῦτον ὁ υἱὸς τοῦ ἀνθρώπου ἐπαισχυνθήσεται, ὅταν ἔλθῃ ἐν τῇ δόξῃ αὐτοῦ καὶ τοῦ πατρὸς καὶ τῶν ἁγίων ἀγγέλων. 27 Λέγω δὲ ὑμῖν ἀληθῶς, εἰσί τινες τῶν §ὧδε *ἑστώτων, οἳ οὐ μὴ †γεύσωνται θανάτου, ἕως ἂν ἴδωσι τὴν βασιλείαν τοῦ Θεοῦ.

The Transfiguration

28 Ἐγένετο δὲ μετὰ τοὺς λόγους τούτους ὡσεὶ ἡμέραι ὀκτώ, ‡καὶ παραλαβὼν §Πέτρον καὶ *Ἰωάννην καὶ Ἰάκωβον, ἀνέβη εἰς τὸ ὄρος προσεύξασθαι. 29 Καὶ ἐγένετο, ἐν τῷ προσεύχεσθαι αὐτόν, τὸ εἶδος τοῦ προσώπου αὐτοῦ ἕτερον, καὶ ὁ ἱματισμὸς αὐτοῦ λευκὸς ἐξαστράπτων. 30 Καὶ ἰδού, ἄνδρες δύο συνελάλουν αὐτῷ, οἵτινες ἦσαν †Μωσῆς καὶ ‡Ἠλίας, 31 οἳ ὀφθέντες ἐν δόξῃ ἔλεγον τὴν ἔξοδον αὐτοῦ ἣν §ἔμελλε πληροῦν ἐν Ἱερουσαλήμ. 32 Ὁ δὲ Πέτρος καὶ οἱ σὺν αὐτῷ ἦσαν βεβαρημένοι ὕπνῳ· διαγρηγορήσαντες δὲ *εἶδον τὴν δόξαν αὐτοῦ, καὶ τοὺς δύο ἄνδρας τοὺς συνεστῶτας αὐτῷ. 33 Καὶ ἐγένετο, ἐν τῷ διαχωρίζεσθαι αὐτοὺς ἀπ᾽ αὐτοῦ, εἶπε †Πέτρος πρὸς τὸν Ἰησοῦν, Ἐπιστάτα, καλόν ἐστιν ἡμᾶς ὧδε εἶναι· καὶ ποιήσωμεν σκηνὰς τρεῖς, μίαν σοί, καὶ ‡μίαν Μωσῇ, καὶ μίαν §Ἠλίᾳ· μὴ εἰδὼς ὃ λέγει. 34 Ταῦτα δὲ αὐτοῦ λέγοντος, ἐγένετο νεφέλη καὶ *ἐπεσκίασεν αὐτούς· ἐφοβήθησαν δὲ ἐν τῷ †ἐκείνους εἰσελθεῖν εἰς τὴν νεφέλην. 35 Καὶ φωνὴ ἐγένετο ἐκ τῆς νεφέλης, λέγουσα, Οὗτός ἐστιν ὁ υἱός μου ὁ ‡ἀγαπητός· αὐτοῦ ἀκούετε. 36 Καὶ ἐν τῷ γενέσθαι τὴν φωνήν, εὑρέθη §ὁ Ἰησοῦς μόνος. Καὶ αὐτοὶ ἐσίγησαν, καὶ οὐδενὶ ἀπήγγειλαν ἐν ἐκείναις ταῖς ἡμέραις οὐδὲν ὧν *ἑωράκασιν.

Jesus Heals a Boy with an Unclean Spirit

37 Ἐγένετο δὲ †ἐν τῇ ἑξῆς ἡμέρᾳ, κατελθόντων αὐτῶν ἀπὸ τοῦ ὄρους, συνήντησεν αὐτῷ ὄχλος πολύς. 38 Καὶ ἰδού, ἀνὴρ ἀπὸ τοῦ ὄχλου ‡ἀνεβόησε, λέγων, Διδάσκαλε, δέομαί σου, §ἐπίβλεψαι ἐπὶ τὸν υἱόν μου, ὅτι μονογενής *ἐστί μοι· 39 καὶ ἰδού, πνεῦμα λαμβάνει αὐτόν, καὶ †ἐξαίφνης κράζει, καὶ σπαράσσει αὐτὸν μετὰ ἀφροῦ, καὶ ‡μόγις ἀποχωρεῖ ἀπ᾽ αὐτοῦ, συντρῖβον αὐτόν. 40 Καὶ ἐδεήθην τῶν μαθητῶν σου ἵνα §ἐκβάλωσιν αὐτό, καὶ οὐκ ἠδυνήθησαν. 41 Ἀποκριθεὶς δὲ ὁ Ἰησοῦς εἶπεν, Ὦ γενεὰ ἄπιστος καὶ διεστραμμένη, ἕως πότε ἔσομαι πρὸς ὑμᾶς, καὶ ἀνέξομαι ὑμῶν; Προσάγαγε *τὸν υἱόν σου ὧδε. 42 Ἔτι δὲ προσερχομένου αὐτοῦ, ἔρρηξεν αὐτὸν τὸ δαιμόνιον καὶ συνεσπάραξεν· ἐπετίμησε δὲ ὁ Ἰησοῦς τῷ πνεύματι τῷ ἀκαθάρτῳ, καὶ ἰάσατο τὸν παῖδα, καὶ ἀπέδωκεν αὐτὸν τῷ πατρὶ αὐτοῦ. 43 Ἐξεπλήσσοντο δὲ πάντες ἐπὶ τῇ μεγαλειότητι τοῦ Θεοῦ.

Jesus Predicts His Death a Second Time

Πάντων δὲ θαυμαζόντων ἐπὶ πᾶσιν οἷς †ἐποίησεν ὁ Ἰησοῦς, εἶπε πρὸς τοὺς μαθητὰς αὐτοῦ, 44 Θέσθε ὑμεῖς εἰς τὰ ὦτα ὑμῶν τοὺς λόγους τούτους· ὁ γὰρ υἱὸς τοῦ ἀνθρώπου μέλλει παραδίδοσθαι εἰς χεῖρας ἀνθρώπων. 45 Οἱ δὲ ἠγνόουν τὸ ῥῆμα τοῦτο, καὶ ἦν παρακεκαλυμμένον ἀπ᾽ αὐτῶν, ἵνα μὴ αἴσθωνται αὐτό· καὶ ἐφοβοῦντο ἐρωτῆσαι αὐτὸν περὶ τοῦ ῥήματος τούτου.

True Greatness

46 Εἰσῆλθε δὲ διαλογισμὸς ἐν αὐτοῖς, τὸ τίς ἂν εἴη μείζων αὐτῶν. 47 Ὁ δὲ Ἰησοῦς ‡ἰδὼν τὸν διαλογισμὸν τῆς καρδίας αὐτῶν, ἐπιλαβόμενος §παιδίου, ἔστησεν αὐτὸ παρ᾽ ἑαυτῷ, 48 καὶ εἶπεν αὐτοῖς, Ὃς *ἐὰν δέξηται τοῦτο τὸ παιδίον ἐπὶ τῷ ὀνόματί μου ἐμὲ δέχεται· καὶ ὃς †ἐὰν ἐμὲ δέξηται δέχεται τὸν ἀποστείλαντά με· ὁ γὰρ ‡μικρότερος ἐν πᾶσιν §ὑμῖν ὑπάρχων οὗτος *ἔσται μέγας.

Whoever Is Not Against Us Is for Us

49 Ἀποκριθεὶς δὲ †ὁ ‡Ἰωάννης εἶπεν, Ἐπιστάτα, §εἴδομέν τινα *ἐπὶ τῷ ὀνόματί σου ἐκβάλλοντα †δαιμόνια· καὶ ‡ἐκωλύσαμεν αὐτόν, ὅτι οὐκ ἀκολουθεῖ μεθ᾽ ἡμῶν. 50 §Καὶ εἶπε πρὸς αὐτὸν *ὁ Ἰησοῦς, Μὴ †κωλύετε· ὃς γὰρ οὐκ ἔστι καθ᾽ ‡ἡμῶν ὑπὲρ ἡμῶν ἐστιν.

A Samaritan Village Refuses to Receive Jesus

51 Ἐγένετο δὲ ἐν τῷ συμπληροῦσθαι τὰς ἡμέρας τῆς §ἀναλήψεως αὐτοῦ, καὶ αὐτὸς *τὸ πρόσωπον αὐτοῦ ἐστήριξε τοῦ πορεύεσθαι εἰς Ἱερουσαλήμ, 52 καὶ ἀπέστειλεν ἀγγέλους πρὸ προσώπου †αὐτοῦ· καὶ πορευθέντες εἰσῆλθον εἰς κώμην ‡Σαμαρειτῶν, §ὥστε ἑτοιμάσαι αὐτῷ. 53 Καὶ οὐκ ἐδέξαντο αὐτόν, ὅτι τὸ πρόσωπον αὐτοῦ ἦν πορευόμενον εἰς Ἱερουσαλήμ. 54 Ἰδόντες δὲ οἱ μαθηταὶ *αὐτοῦ Ἰάκωβος καὶ †Ἰωάννης ‡εἶπον, Κύριε, θέλεις εἴπωμεν πῦρ καταβῆναι ἀπὸ §τοῦ οὐρανοῦ, καὶ ἀναλῶσαι αὐτούς, *ὡς καὶ Ἠλίας ἐποίησε; 55 Στραφεὶς δὲ ἐπετίμησεν αὐτοῖς, †καὶ εἶπεν, Οὐκ οἴδατε οἵου πνεύματός ἐστε ὑμεῖς· 56 ‡ὁ γὰρ υἱὸς τοῦ ἀνθρώπου οὐκ ἦλθε ψυχὰς ἀνθρώπων ἀπολέσαι, ἀλλὰ σῶσαι. Καὶ ἐπορεύθησαν εἰς ἑτέραν κώμην.

Would-Be Followers of Jesus

57 §Ἐγένετο δὲ πορευομένων αὐτῶν ἐν τῇ ὁδῷ, εἶπέ τις πρὸς αὐτόν, Ἀκολουθήσω σοι ὅπου *ἂν ἀπέρχῃ, †Κύριε. 58 Καὶ εἶπεν αὐτῷ ὁ Ἰησοῦς, Αἱ ἀλώπεκες φωλεοὺς ἔχουσι, καὶ τὰ πετεινὰ τοῦ οὐρανοῦ κατασκηνώσεις· ὁ δὲ υἱὸς τοῦ ἀνθρώπου οὐκ ἔχει ποῦ τὴν κεφαλὴν ‡κλίνῃ. 59 Εἶπε δὲ πρὸς ἕτερον, Ἀκολούθει μοι. Ὁ δὲ εἶπε, §Κύριε, ἐπίτρεψόν μοι *ἀπελθόντι πρῶτον θάψαι τὸν πατέρα μου. 60 Εἶπε δὲ αὐτῷ †ὁ Ἰησοῦς, Ἄφες τοὺς νεκροὺς θάψαι τοὺς ἑαυτῶν νεκρούς· σὺ δὲ ἀπελθὼν διάγγελλε τὴν βασιλείαν τοῦ Θεοῦ. 61 Εἶπε δὲ καὶ ἕτερος, Ἀκολουθήσω σοι, Κύριε· πρῶτον δὲ ἐπίτρεψόν μοι ἀποτάξασθαι τοῖς εἰς τὸν οἶκόν μου. 62 Εἶπε δὲ ‡ὁ Ἰησοῦς πρὸς αὐτόν, Οὐδείς, ἐπιβαλὼν τὴν χεῖρα §αὐτοῦ ἐπ᾽ ἄροτρον, καὶ βλέπων εἰς τὰ ὀπίσω, εὔθετός ἐστιν *εἰς τὴν βασιλείαν τοῦ Θεοῦ.

*9:1 συγκαλεσαμενος ¦ συνκαλεσαμενος WH

†9:1 δωδεκα ¦ δωδεκα μαθητας αυτου ANT TR

‡9:2 τους ασθενουντας 97.3% ¦ τους ασθενεις NA SBL TH 1.3% ¦ — WH 0.1%

§9:3 ραβδους ¦ ραβδον CT

*9:3 ανα 98.9% ¦ — TH WH 1%

†9:4 αν ¦ — PCK

‡9:5 εαν ¦ αν CT TR

§9:5 δεξωνται ¦ δεχωνται CT

*9:5 και ¦ — CT

†9:5 αποτιναξατε ¦ αποτινασσετε NA SBL WH ¦ αποτινασσατε TH

‡9:7 τετραρχης ¦ τετρααρχης NA SBL WH

§9:7 γινομενα ¦ γεινομενα TH

*9:7 υπ αυτου ¦ — CT

†9:7 ιωαννης ¦ ιωανης WH

‡9:7 εγηγερται ¦ ηγερθη CT

§9:7 νεκρων ¦ των νεκρων ANT

*9:8 ηλιας ¦ ηλειας TH WH

†9:8 εις ¦ τις ANT CT

‡9:9 και ειπεν ¦ ειπε δε CT

§9:9 ηρωδης ¦ ο ηρωδης ANT SBL TR WH

*9:9 ιωαννην ¦ ιωανην WH

†9:9 εγω ¦ — CT

‡9:10 τοπον ερημον πολεως καλουμενης ¦ πολιν καλουμενην CT

§9:10 βηθσαιδαν ¦ βηθσαιδα ANT CT PCK TR

*9:11 δεξαμενος ¦ αποδεξαμενος CT

†9:11 ιατο ¦ ιασατο ANT

‡9:12 κλινειν ¦ κλεινειν TH

§9:12 ειπον ¦ ειπαν NA SBL WH

*9:12 απελθοντες ¦ πορευθεντες ANT CT

†9:12 τους ¦ — CT

‡9:13 υμεις φαγειν ¦ φαγειν υμεις WH

§9:13 ειπον ¦ ειπαν CT

*9:13 πεντε αρτοι ¦ αρτοι πεντε CT

†9:13 ιχθυες δυο ¦ δυο ιχθυες TR

‡9:13 αγορασωμεν ¦ αγορασομεν ANT PCK

§9:14 πεντακισχιλιοι ¦ πεντακισχειλιοι TH

*9:14 ανα ¦ ωσει ανα CT

†9:15 ανεκλιναν ¦ κατεκλιναν CT

‡9:16 παρατιθεναι ¦ παραθειναι ANT CT

§9:18 λεγουσιν οι οχλοι ¦ οι οχλοι λεγουσιν SBL TH WH

*9:19 ειπον ¦ ειπαν CT

†9:19 ιωαννην ¦ ιωανην WH

‡9:19 ηλιαν ¦ ηλειαν TH WH

§9:20 αποκριθεις δε ο πετρος ¦ αποκριθεις δε πετρος PCK ¦ πετρος δε αποκριθεις CT

*9:21 ειπειν ¦ λεγειν ANT CT

†9:22 αναστηναι ¦ εγερθηναι ANT CT HF RPmg PCK TR

‡9:23 ελθειν ¦ ερχεσθαι ANT CT

§9:23 απαρνησασθω ¦ αρνησασθω CT

*9:23 αυτου ¦ αυτου καθ ημεραν ANT CT TR

†9:24 εαν ¦ αν ANT CT TR

‡9:26 αν ¦ εαν ANT

§9:27 ωδε ¦ αυτου CT

*9:27 εστωτων ¦ εστηκοτων ANT CT TR

†9:27 γευσωνται ¦ γευσονται TR

‡9:28 και ¦ — TH WH

§9:28 πετρον ¦ τον πετρον ANT TR

*9:28 ιωαννην ¦ ιωανην WH

†9:30 μωσης ¦ μωυσης ANT CT

‡9:30 ηλιας ¦ ηλειας TH WH

§9:31 εμελλε ¦ ημελλε NA SBL WH

*9:32 ειδον ¦ ειδαν WH

†9:33 πετρος ¦ ο πετρος ANT CT PCK TR

‡9:33 μιαν μωση ¦ μιαν μωσει PCK RPmg ¦ μωσει μιαν TR ¦ μιαν μωυσει ANT CT

§9:33 ηλια ¦ ηλεια TH WH

*9:34 επεσκιασεν ¦ επεσκιαζεν CT

†9:34 εκεινους εισελθειν ¦ εισελθειν εκεινους ANT ¦ εισελθειν αυτους CT

‡9:35 αγαπητος ¦ εκλελεγμενος CT

§9:36 ο ¦ — CT

*9:36 εωρακασιν ¦ εωρακαν CT

†9:37 εν ¦ — CT

‡9:38 ανεβοησε ¦ εβοησε CT

§9:38 επιβλεψαι ¦ επιβλεψον ANT PCK RPmg TR

*9:38 εστι μοι ¦ μοι εστι ANT CT

†9:39 εξαιφνης ¦ εξεφνης WH

‡9:39 μογις ¦ μολις WH

§9:40 εκβαλωσιν ¦ εκβαλλωσιν TR

*9:41 τον υιον σου ωδε ¦ ωδε τον υιον σου CT TR

†9:43 εποιησεν ο ιησους ¦ εποιει CT

‡9:47 ιδων ¦ ειδως CT

§9:47 παιδιου ¦ παιδιον CT

*9:48 εαν ¦ αν SBL TH WH

†9:48 εαν ¦ αν CT

‡9:48 μικροτερος ¦ μεικροτερος TH

§9:48 υμιν ¦ υμων PCK

*9:48 εσται ¦ εστι ANT CT

†9:49 ο ¦ — CT

‡9:49 ιωαννης ¦ ιωανης WH

§9:49 ειδομεν ¦ ειδαμεν WH

*9:49 επι ¦ εν CT

†9:49 δαιμονια ¦ τα δαιμονια TR

‡9:49 εκωλυσαμεν ¦ εκωλυομεν CT

§9:50 και ειπε ¦ ειπε δε CT

*9:50 ο ¦ — WH

†9:50 κωλυετε ¦ κωλυετε ου γαρ εστι καθ υμων ANT

‡9:50 ημων υπερ ημων ¦ υμων υπερ υμων ANT CT

§9:51 αναληψεως ¦ αναλημψεως CT

*9:51 το προσωπον αυτου εστηριξε ¦ εστηριξε το προσωπον αυτου ANT ¦ το προσωπον εστηρισε CT

†9:52 αυτου ¦ εαυτου PCK

‡9:52 σαμαρειτων ¦ σαμαριτων NA SBL

§9:52 ωστε ¦ ως CT

*9:54 αυτου ¦ — CT

†9:54 ιωαννης ¦ ιωανης WH

‡9:54 ειπον ¦ ειπαν CT

§9:54 του ¦ — ANT

*9:54 ως και ηλιας εποιησε 96.8% ¦ — CT 1%

†9:55 και ειπεν ουκ οιδατε οιου πνευματος εστε υμεις 43.8% ¦ και ειπεν ουκ οιδατε οιου πνευματος εστε MSS 10.7% ¦ και ειπεν ουκ οιδατε ποιου πνευματος εστε υμεις ANT 9.6% ¦ και ειπεν ουκ οιδατε ποιου πνευματος εστε υμεις MSS 9.6% ¦ — CT RPmg 24.8%

‡9:56 ο γαρ υιος του ανθρωπου ουκ ηλθε ψυχας ανθρωπων απολεσαι αλλα σωσαι 50.7% ¦ ο υιος του ανθρωπου ουκ ηλθε ψυχας ανθρωπων απολεσαι αλλα σωσαι ANT 10.4% ¦ ο υιος του ανθρωπου ουκ ηλθε ψυχας ανθρωπων αποκτεναι αλλα σωσαι MSS 7.2% ¦ — CT RPmg 25.9%

§9:57 εγενετο δε ¦ και CT

*9:57 αν ¦ εαν ANT CT RPmg

†9:57 κυριε ¦ — CT

‡9:58 κλινη ¦ κλεινη TH

§9:59 κυριε ¦ — WH

*9:59 απελθοντι πρωτον ¦ πρωτον απελθοντι TH WH

†9:60 ο ιησους ¦ — CT

‡9:62 ο ιησους προς αυτον ¦ προς αυτον ο ιησους NA TH TR WH ¦ ο ιησους SBL

§9:62 αυτου ¦ — NA SBL WH

*9:62 εις την βασιλειαν ¦ τη βασιλεια CT

Public Domain